Ֆուտբոլի Աշխարհի առաջնություն 2018. հերթական վեցօրյակն ավարտվեց

Ֆուտբոլի Աշխարհի 2018 թվականի ընտրական հանդիպումներով լեցուն վեցօրյակն ավարտվեց. տարբեր մայրցամաքներում կայացած ընտրական խաղերում արձանագրվեցին դրամատիկ իրադարձություններ, ուշագրավ արդյունքներ: Եվրոպայում կայացան ընտրական մրցաշարի 2-րդ եւ 3-րդ տուրերի հանդիպումները, Հարավային Ամերիկայում ընտրական մրցաշարը հատեց հասարակածը, Ասիայում եւ Աֆրիկայում մեկնարկեցին ընտրական եզրափակիչ մրցաշարերը: Գրանցված առավել կարեւոր իրադարձությունները ներկայացնեմ համառոտ:

Հայաստան

Մեր ազգային հավաքականն Աշխարհի 2018 թվականի առաջնության ընտրական մրցաշարում կրեց 2 պարտություն. 2-րդ տուրում՝ Երեւանում, նախ զիջեց Ռումինիային 0-5 հաշվով, ապա հոկտեմբերի 11-ին՝ 3-րդ տուրի շրջանակներում, Վարշավայում 1-2 հաշվով զիջեց Լեհաստանի հավաքականին: Ռումինիայից կրած ջախջախից պարտությունից հետո դժվար էր որեւէ դրական արդյունք, լավ խաղ ակնկալել մեր թիմից: Բայց Հայաստանի ազգային հավաքականը Լեհաստանի հետ խաղում ցուցադրեց, որ նվիրվածությունը, կարգապահությունը կարող են լուծելի դարձնել ցանկացած խնդիր: Լեհաստանին էլ պարտվեցինք, ինչպես նախորդ խաղերում Դանիային եւ Ռումինիային, բայց այս անգամ դաշտում տեսանք թիմ, հոգով եւ սրտով խաղացող ֆուտբոլիստներ, խաղային կարգապահություն, ճիշտ փոփոխություններ: Նման պարտությունները շատ ավելի ափսոսանք են առաջացնում, քան ամոթ:

Լեհաստանի հետ խաղի արդեն 30-րդ րոպեին մեր թիմը մնաց 10 ֆուտբոլիստներով՝ 2-րդ դեղին քարտը ստանալով դաշտից հեռացվեց մեր թիմի պաշտպան Գաել Անդոնյանը: Հանդիպման հաշիվը բացվեց 48-րդ րոպեին. լեհերի հարձակման առաջատար եւ ավագ Ռոբերտ Լեւանդովսկու հետ պայքարում ինքնագոլի հեղինակ դարձավ Հրայր Մկոյանը: Ընդամենը 2 րոպե անց Մարկոս Պիզելիի տուգանային հարվածից հետո Վարազդատ Հարոյանը գլխի հարվածով հավասարեցրեց հաշիվը: Խաղավերջում հաղթանակին ավելի մոտ էին մեր ֆուտբոլիստները. փոխարինման մտած Արաս Օզբիլիսը 2 անգամ մեն մենակ դուրս եկավ, բայց չկարողացավ գոլ խփել: Ընդ որում, 2-րդ գոլային պահը Արասն ունեցավ մրցավարի կողմից հիմնական ժամանակին ավելացրած 4-րդ րոպեին: Իսկ լեհերը հաղթանակի հասան Ռոբերտ Լեւանդովսկու՝ գլխով կատարած հարվածի շնորհիվ. այդ պահին լուսատախտակի վրա վառվում էր 94:47 ժամանակը:

Խաղից հետո կայացած ասուլիսում մեր թիմի գլխավոր մարզիչ Վարուժան Սուքիասյանը իր գնահատականներն է տվել խաղին: «Բոլոր թիմերն էլ ունենում են վատ եւ լավ խաղեր: Տղաները իրենց մեջ ուժ գտան ծանր պարտությունից հետո հավաքվել: Շնորհավորում եմ Լեհաստանի հավաքականին, շնորհակալություն եմ հայտնում տղաներին, այսօր տակտիկապես շատ գրագետ խաղացին եւ կարծում եմ, որ եթե Օզբիլիսը 2 անգամ մնալով դարպասապահի առջեւ մեն-մենակ, գոնե 1 գոլ խփեր, ապա մենք կհաղթեինք», - ասել է գլխավոր մարզիչը: Լեհաստանի հավաքականի ավագ Ռոբերտ Լեւանդովսկին էլ հայտարարել է. «Ծանր խաղ ստացվեց: Խաղավերջում կարող էինք 2-րդ, 3-րդ գոլերը բաց թողնել: Մրցակիցը թեեւ խաղում էր 10 ֆուտբոլիստներով, բայց կարողանում էր օգտագործել գրոհելու առիթները: Մտածում էինք, որ խաղը կավարտվի ոչ-ոքի: Ուրախ եմ, որ կարողացա հաղթական գոլը խփել: Այս խաղը կրկին ապացուցեց, որ ցանկացած խաղում, յուրաքանչյուր մրցակցի դեմ պետք է խաղալ 100 տոկոսանոց նվիրվածությամբ»:

Մեր խմբում կայացած մյուս խաղերում գրանցվել են հետեւյալ հաշիվները. Դանիա - Մոնտենեգրո՝ 0-1, Ղազախստան - Ռումինիա՝ 0-0: 3 տուրերից հետո առաջատարներն են Մոնտենեգրոն եւ Լեհաստանը՝ 7-ական միավոր, Հայաստանը 0 միավորով եզրափակում է մրցաշարային աղյուսակը: Նոյեմբերի 11-ին կայանալիք 4-րդ տուրում Հայաստանը հյուրընկալելու է Մոնտենեգրոյին: 

Իտալիա

Ընտրական մրցաշարի 2-րդ եւ 3-րդ տուրերում Իտալիայի հավաքականը կարողացավ խաղավերջում խուսափել պարտություններից եւ ուշագրավ ռեկորդի հեղինակ դարձավ: Նախ Իսպանիայի հետ խաղում իտալացիները մրցակցի դարպասը գրավեցին 82-րդ րոպեին եւ հավասարեցրին հաշիվը՝ 1-1, իսկ 3-րդ տուրում մինչեւ 75-րդ րոպեն պարտվում էին Մակեդոնիային 1-2 հաշվով: Իտալիան հավասարեցրեց հաշիվը 75-րդ րոպեին, իսկ ավելացրած ժամանակում էլ խփեց հաղթանակ գոլը՝ 3-2: Կայացած 3 տուրերից հետո Իտալիան եւ Իսպանիան 7-ական միավորով գլխավորում են աղյուսակը, 6-ական միավոր են հավաքել Ալբանիան եւ Իսրայելը: Հետաքրքիր է, որ Իտալիան արդեն 10 տարի շարունակ չի պարտվում ընտրական մրցաշարերում: Վերջին անգամ Իտալիան պարտվել է 2008 թվականի Եվրոպայի առաջնության ընտրական մրցաշարում՝ 2006 թվականի սեպտեմբերի 6-ին Ֆրանսիայի հետ խաղում՝ 1-3: Հետագայում Իտալիան ընտրական մրցաշարերում անցկացրած 53 հանդիպումներով չի պարտվել՝ 39 խաղում հաղթել է, 14-ն ավարտել ոչ-ոքի:

Գերմանիա

Աշխարհի գործող չեմպիոն Գերմանիան ընտրական մրցաշարում տոնեց 3-րդ անընդմեջ հաղթանակը: Եվրոպական ընտրական մրցաշարին մասնակցող 55 հավաքականներից միայն 3-ը՝ Շվեյցարիան, Բելգիան եւ Հունաստանը կարողացան կրկնել Գերմանիայի ցուցանիշը: Գերմանիայի հավաքականի գլխավոր մարզիչ Յոահիմ Լյովը գլխավոր մարզիչի պաշտոնում հաղթանակների քանակով կրկնեց 1949-1964 թվականներին հավաքականը ղեկավարած Յոզեֆ Հերբերգերի ռեկորդը: 56-ամյա Լյովը 141 խաղում Գերմանիայի հետ տարել է 94 հաղթանակ, Հերբերգերը նույնքան հաղթանակ տարել է 162 խաղում: Լյովն արդեն հաջորդ՝ նոյեմբերի 11-ին Սան Մարինոյի հետ խաղում կարող է դառնալ միանձնյա ռեկորդակիր:

Բենտեկե

Ջիբրալթար - Բելգիա խաղում (0-6) բելգիացի Կրիստիան Բենտեկեն գոլի հեղինակ է դարձել մեկնարկից 8,1 վայրկյան անց. սա ընտրական մրցաշարերի պատմության ընթացքում ամենաարագ գոլն է: Իսկ ընդհանուր առմամբ ազգային հավաքականների մակարդակով խաղերի ժամանակ խփված ամենաարագ գոլի հեղինակը գերմանացի Լուկաս Պոդոլսկին է, որը գոլի հեղինակ է դարձել 2013 թվականին կայացած Գերմանիա - Էկվադոր խաղի 6-րդ վայրկյանին:

Հարավային Ամերիկա

Նախատեսված 18 տուրերից կայացած 10-ական հանդիպումներից հետո միանձնյա առաջատարը 21 միավոր հավաքած Բրազիլիան է: Վերջին 2 խաղերում, բրազիլացիները տոնեցին 2 հաղթանակ՝ Բոլիվիայի (5-0) եւ Վենեսուելայի (2-0) ընտրանիների նկատմամբ: 1 միավոր պակաս է հավաքել Ուրուգվայը, 17-ական միավորով 3-4 տեղերն են կիսում Կոլումբիան եւ Էկվադորը: Աշխարհի առաջնության ուղեգրի համար պայքարելու հնարավորություն տվող 5-րդ տեղում է Արգենտինան՝ 16 միավոր: Վերջին 2 խաղերում առանց վնասվածք ստացած Լիոնել Մեսիի հանդես եկած արգենտինացիները կարողացել են վաստակել ընդամենը 1 միավոր. ոչ ոքի՝ 2-2 են խաղացել Պերուի հետ եւ սեփական հարկի տակ 0-1 հաշվով պարտվել են Պարագվային: 

Ընտրական հաջորդ խաղերը կայանալու են նոյեմբերի 11-13-ին:

Տպել
2455 դիտում

Սաստիկ բքի պատճառով Վարդենյաց լեռնանցքը փակ է, դժվարանցանելի է Մաստարա-Լանջիկ-Գյումրի ավտոճանապարհը

Նոր լիցք հայ-բելառուսական հարաբերություններին. ՍԴ նախագահն ընդունել է ՀՀ-ում Բելառուսի դեսպանին

«Արմավիր» քրեակատարողական հիմնարկի ծառայողի մոտ հայտնաբերել են թմրամիջոց և արգելված իրեր

Հայ-հունական հարաբերությունները հիմնված են արյունակցական կապերի վրա և վեր են բոլոր տեսակի այլ շփումներից. Մկրտչյան

Կաշառք ստանալու կասկածանքով պաշտոնատար անձինք են ձերբակալվել

Կասեցվել է Գյումրիում գործող հացաբուլկեղենի արտադրամասի գործունեությունը (լուսանկարներ)

Մոնթեն «այնքան խելացի չի գտնվել, որ ԵՊՀ պատերի տակ ծվարած, կաշառքներ հավաքելով՝ միլիոնատեր դառնա». Փաշինյանը՝ Ղազինյանին

Հայաստանում է Կիպրոսի ազգային գվարդիայի գլխավոր շտաբի պետի գլխավորած պատվիրակությունը (լուսանկարներ)

Կամո Հովհաննիսյանը՝ ղազախական «Աստանայի» ֆուտբոլիստ

Դավիթ Տոնոյանի և ևս 7 անձի գործի քննությունը հետաձգվել է. վիճարկման առարկա է գործը դատավորին մակագրելու հարցը

Զորամասերում անցկացվել են մասնագիտական պարապմունքներ

Ռուբեն Ռուբինյանին ես եմ նշանակել Հայաստանի հատուկ ներկայացուցիչ, նա հաշվետու է ինձ, ԱԽ-ին ու ժողովրդին. Փաշինյան

Հունվարի 25-26-ին կկայանա արագ շախմատի Հայաստանի առաջնությունը

Բարև Ձեզ, մենք տրամադրված ենք կարգավորման. Միրզոյանը՝ Չավուշօղլուի հետ հանդիպման մասին

Հանրապետության գետերը գտնվում են ձմեռային սակավաջուր փուլում

Կոշտ միջոցառումներ՝ ձմեռային օլիմպիական խաղերն անվտանգ անցկացնելու համար

Պարոն Քերոբյանին ես եմ արգելել հրաժարական տալ. Նիկոլ Փաշինյան

ՔԿ-ն թվեր է ներկայացրել վերջին պատերազմում զոհվածների, անհետ կորածների և Ադրբեջանից ՀՀ-ին փոխանցված անձանց վերաբերյալ

Ես հակված եմ վստահ լինել, որ անապահով խավի համար գազի սակագինը չի փոխվելու. Մհեր Գրիգորյան

ՀԾԿՀ-ն ընդունել է ուսումնասիրության գազի սակագների վերանայման վերաբերյալ «Գազպրոմ Արմենիա»-ի հայտը

ՀՀ տարածքում կան փակ և դժվարանցանելի ավտոճանապարհներ

Գնել Սանոսյանը այսօր Աբու Դաբիում հանդիպել է ԱՄԷ էներգետիկայի և ենթակառուցվածքների նախարարին (լուսանկարներ)

Անգելա Մերկելը հրաժարվել է աշխատել ՄԱԿ-ում

Շրջանների զգալի մասում սպասվում է ձյուն. առաջիկա օրերի եղանակային կանխատեսումը

Դոլարի փոխարժեքն աճել է, եվրոն էժանացել. կենտրոնական բանկը սահմանել է նոր փոխարժեքներ

Առողջապահության նախարարությունը քննարկել է «օմիկրոնի» տարածման կանխարգելիչ միջոցառումների հետ կապված հարցեր

Հաշվեքննիչ պալատի նախագահ Լևոն Յոլյանը հրաժարականի դիմում է ներկայացրել

Երևանում թալանել են բանկի վաճառքի վարչության պետի բնակարանը. հափշտակել են խոշոր չափի ոսկյա զարդեր

Թուրքիայի սահմանի բաց լինելն ավելի լավ է, քան՝ փակ. Ռուստամ Բադասյան

Երևանում տեղի կունենա Կրթական հետազոտությունների եվրոպական ասոցիացիայի ամենամյա համաժողովը

«Ողջունում ենք ջանքերը». Պեսկովը՝ Պուտինին և Զելենսկուն Թուրքիա հրավիրելու մասին

Ներքին Չարբախի գերեզմանատան մոտակայքում այրվել է վագոն-տնակ

Կոռուպցիա, հանցավոր խախտումներ գերեզմանոցային ծառայությունների ոլորտում. Երևանի քաղաքապետին միջնորդագիր է ներկայացվել

Գուտերեշն առաջարկել է Մերկելին աշխատանքի անցնել ՄԱԿ-ի կառույցում

Չորս hայ դահուկորդ կմասնակցի Պեկինի ձմեռային օլիմպիական խաղերին

Իրանի նախագահը պաշտոնական այցով Մոսկվայում է

ՀԱՊԿ խաղաղապահ զորախումբն իր առաքելությունը կատարել է մասնագիտական ​​բարձր մակարդակով. Ղազախստանի ԱԳՆ

Վրաց ուղղափառ եկեղեցին նշում է Աստվածահայտնության տոնը

Երևանում ոստիկանները հայտնաբերել են «Գրանդ Քենդի»-ից ավազակությամբ մոտ 15 մլն դրամ հափշտակած կասկածյալներին

Հովհաննես Խաչատրյանն ընտրվեց Կենտրոնական բանկի նախագահի տեղակալ