Թույլ օղակներ իշխող վերնախավում. ովքե՞ր կարող են լքել հանրապետականի Գործադիր մարմինը

ՀՀԿ Գործադիր մարմնի վերջին նիստից հետո կուսակցության մամուլի խոսնակ Էդուարդ Շարմազանովը հայտարարեց, որ նոյեմբերի 26-ի ՀՀԿ համագումարը կուսակցության համար լինելու է առանցքային եւ ակնարկեց, որ փոփոխություն կլինի կուսակցության ղեկավար կազմում` Գործադիր մարմնում:  ՀՀԿ վերնախավը այս տարիներին հասցրել է ահագին  կարծրանալ, եւ կուսակցության ներքին անցուդարձին տիրապետողները մեծ փոփոխություններ չեն սպասում: Ավելի հավանական է համարվում, որ ԳՄ-ում համալրումներ կլինեն:

Նշվում է վարչապետ Կարեն Կարապետյանի անունը, որովհետեւ նրա թեկնածությունն առաջադրելով, ՀՀԿ խորհրդի նիստում Սերժ Սարգսյանն ասաց. «Անցած ժամանակահատվածում ես պարոն Կարապետյանի հետ երկար եմ զրուցել: Մենք քննարկել ենք շատ ու շատ հարցեր՝ տնտեսության զարգացմանը նոր թափ հաղորդելուց մինչև Հայաստանի հանրապետական կուսակցությանը նոր ոգի հաղորդելը»: Կուսակցությանը նոր ոգի հաղորդելու համար, թերեւս, հարկավոր է լինել այդ կուսակցությունում որոշումներ կայացնողների մեջ, հակառակը մի քիչ դժվար է պատկերացնել: Այսինքն, Շարմազանովի ասած փոփոխությունը հիմնականում ասոցացվում է Կարեն Կարապետյանի հետ:

ՀՀԿ ԳՄ-ում, սակայն, այս պահին թույլ օղակներ կան, եւ չի կարելի բացառել, որ կազմում լուրջ փոփոխություններ լինեն. մի քանի հնաբնակներ հեռանան՝ իրենց տեղը զիջելով նոր եւ թարմ դեմքերի: Սա լիովին տեղավորվում է Սերժ Սարգսյանի հայտարարած փոփոխությունների տրամաբանության մեջ: Բացի այդ, առաջիկա խորհրդարանական ընտրություններին Սարգսյանը առանձնահատուկ է պատրաստվում, ու չի խանգարի կուսակցությանը թափ տալ` թեկուզ պրոֆիլակտիկայի համար: Ովքեր են թույլ օղակներն ըստ մեր դիտարկումների:

Ակնհայտ է, որ բավական խոցելի են նախկին վարչապետ Հովիկ Աբրահամյանի դիրքերը: Վարչապետի պաշտոնից հեռանալուց հետո Աբրահամյանին կարող էր սփոփել միայն 2017 թ. ընտրություններում ՀՀԿ շտաբի պետի պատասխանատու կարգավիճակը: Սակայն մամուլում արդեն գրվել է, որ նման հեռանկար նրան այս անգամ չի սպառնում: Նույնիսկ խոսակցություն կա, որ Սերժ Սարգսյանն անձամբ է պատրաստվում ղեկավարել նախընտրական շտաբը:  Հ. Աբրահամյանն անփոխարինելի էր թվում որպես ՀՀԿ շտաբի պետ (վերջին երկու նախագահական, խորհրդարանական ընտրություններում եւ Սահմանադրական հանրաքվեում հենց նա էր ղեկավարում ՀՀԿ շտաբը), բայց բավական անփառունակ ավարտեց իր այս պրակտիկան:

Վերջին հանրաքվեում նա «Այո»-ի շտաբի պետը լինելով, միաժամանակ համակարգում էր նաեւ «Ոչ»-ի շտաբը, ինչի մասին նույնիսկ խորհրդարանում խիստ թափանցիկ ակնարկ հնչեց: 2012-ի խորհրդարանական ընտրություններում էլ Աբրահամյանը միաժամանակ մի քանի գործ էր դասավորում: Կարծիքներ կան, որ Սերժ Սարգսյանը Հովիկ Աբրահամյանին իրենից (նաեւ` ՀՀԿ ԳՄ-ից) չի հեռացնի, որպեսզի վերահսկողությունը չկորցնի նրա նկատմամբ: Դրա համար, սակայն, Աբրահամյանը պետք է կոնկրետ կարգավիճակ եւ անելիք ստանա, հակառակ դեպքում ինքը կարող է հեռանալ Սարգսյանից:

ՀՀԿ ԳՄ-ում բավական թույլ օղակ է նաեւ Գագիկ Բեգլարյանը: Ինչպես արդեն գրել ենք, վերջին պաշտոնանկությունից հետո նա նույնիսկ ԳՄ նիստերին չի մասնակցում: Բեգլարյանի կերպարը ոչ մի կերպ չի համապատասխանում վերջին փոփոխությունների հիմքում դրված տրամաբանությանը: Եվ նա ընտրություններից առաջ ՀՀԿ վերնախավը լքելու համար արդեն բավարար չափով հեղինակազրկված է:

«Էլեկտրիկ Երեւանի» ակցիաներից հետո լրջորեն տուժել է նաեւ ՀՀԿ ԳՄ մեկ այլ ներկայացուցչի` Արմեն Աշոտյանի հեղինակությունը: Նրա հասցեին հայտնի վանկարկումները չէին կարող անհետեւանք մնալ: Իշխանություններին միշտ էլ հայհոյում են, իհարկե, բայց մի բան են առանձին հայհոյանքները մեջքի ետեւից կամ՝ քաղաքական հայհոյանքները երթերի ու միտինգների ժամանակ, եւ բոլորովին այլ բան՝ ուղիղ դեմքին արվող խմբակային վանկարկումները:

Դրանից հետո մինչ օրս տհաճ իրավիճակները հետապնդում են Արմեն Աշոտյանին: Նա բավական նվաստացուցիչ հանգամանքներում պաշտոնանկ արվեց, Բելգիայում հարձակման ենթարկվեց եւ ոչ մի կերպ չի կարողանում գլուխ բերել ՀՀԿ քաղաքական դպրոցի պրոյեկտը:

Տարիքի եւ առողջական խնդիրների պատճառով ՀՀԿ ղեկավար մարմնում թույլ օղակ են նաեւ Ռազմիկ Զոհրաբյանն ու Գալուստ Սահակյանը: Քաղաքական եւ ներկուսակցական ազդեցության տեսակետից խեղճ են Գագիկ Մինասյանն ու Սամվել Նիկոյանը:Արդեն մի քաի տարի չի հասկացվում Դերենիկ Դումանյանի դերն ու նշանակությունը իշխող կուսակցության գործադիրում:

Վերը նշվածը, սակայն, դեռ ոչինչ չի նշանակում: ՀՀԿ-ում սպասվող բոլոր փոփոխությունները կախված են նրանից, թե Սերժ Սարգսյանն ու Կարեն Կարապետյանը նոր ոգի ասելով՝ ինչ են պատկերացնում:

2012 թվականի խորհրդարանական ընտրություններում, օրինակ, այդ նույն նպատակով ՀՀԿ ցուցակներում ընդգրկվեցին Թոխմախի Մհերը, Մանվել Գրիգորյանը, Սեյրան Սարոյանը եւ բազմաթիվ այլ կարկառուն դեմքեր: Այնպես որ, անակնկալները դեռ առջեւում են:

Տպել
6568 դիտում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը