Համաներման համար քաղաքական պահը չի հասունացել. Սերժ Սարգսյանը դատարկ փամփուշտ կրակող չի

Մեկ ամսից ավելի է՝ խոսվում է Անկախության 25-ամյակի առիթով համաներում հայտարարելու հավանականության մասին: Այս համաներմանը, սակայն, հասարակությունը սպասում է մեկ տարուց ավելի: Ակնկալվում էր, որ 2015-ի ապրիլ-մայիսին Ցեղասպանության 100-րդ տարելիցի եւ Հայրենական մեծ պատերազմում տարած հաղթանակի 70-ամյակի հետ կապված շատ մեծ համաներում է լինելու: Անցյալ տարվա սպասելիքները չարդարացան:

Անկախության 25-ամյակի առիթով համաներման համար դեռ ժամանակ կա` առնվազն մինչեւ այս տարվա վերջ: Դատելով մամուլի բազմաթիվ հրապարակումներից եւ պատասխանատու պաշտոնյաների հրապարակային հայտարարություններից` ներկայում համաներման մասին օրենքի նախագիծ իսկապես մշակվում է: Թե դեռ որքան ժամանակ պետք կլինի այն ավարտելու եւ ԱԺ ուղարկելու համար, դժվար է ասել:

Ընդհանրապես համաներումը իրավական ակտ է, եւ նորմալ երկրներում դրանով հետաքրքրվում են միայն հասարակության շատ կոնկրետ շերտերը: Հայաստանում էլ է այդպես եղել, բայց՝  մինչեւ 2009 թվականը: Դրանցից հետո համաներումները  վերածվել են քաղաքական միջոցառումների: Իրավական սույն եզրույթը ավելի շուտ դարձել է գործիք, որը Սերժ Սարգսյանն ուզած ժամանակ օգտագործում է՝ երկրում քաղաքական մթնոլորտ փոխելու համար: Հենց այդպիսի ազդեցություն ունեցան 2009, 2011 թվականների համաներումները, երբ բանտերից ազատ արձակվեցին Մարտի 1-ի գործով քաղբանտարկյալները:

Ասում են, որ 2015 թվականին էլ համաներում չհայտարարվեց, որովհետեւ այն տարածվելու էր Ցեղասպանության 100-րդ տարելիցը  հարամ չանելու պատճառով այդ ընթացքում բանտում գտնվող Ժիրայր Սեֆիլյանի եւ ընկերների վրա: Այսինքն, համաներումները նաեւ հետաձգվում են քաղաքական նկատառումներից ելնելով:

Եթե 2015 թվականի համաներումն, այնուամենայնիվ, հայտարարվեր, այն գուցե ավելի պակաս քաղաքական ֆոն կունենար, որովհետեւ արդյունքում ազատ կարձակվեին մեկ տասնյակի հասնող քաղբանտարկյալներ` Շանթ Հարությունյանը, ընկերները, ազատամարտիկ Վոլոդյա Ավետիսյանը: Դրանից հետո քաղաքական ընդվզման եղանակներն էլ ավելի սրվեցին, եղավ հուլիսի 17-ը եւ հիմա, մեկուկես տարի անց հանրության քաղաքական ակնկալիքները համաներումից զգալիորեն մեծացել են:

Ժիրայր Սեֆիլյանն ու ընկերները, «Սասնա ծռերի» անդամները, նրանց օժանդակողները, Խորենացի փողոցից  ձերբակալվածները, Շանթ Հարությունյանն ու ընկերները, «Նոր Հայաստանից» Գեւորգ Սաֆարյանը, ազատամարտիկ Վոլոդյա Ավետիսյանը, Շանթենց գործի անարդարությունից ըմբոստացած Հայկ Կյուրեղյանը..., քաղաքական ենթատեքստով բանտարկվածների թիվը ներկայում ձգտում է 100-ի: Հնարավոր չէ համաներման մասին օրենք ընդունել առանց վերը նշված խմբերին անդրադառնալու:

Իհարկե, միշտ էլ կարելի է իրավական դաշտ մտնել եւ հիմնավորումներ բերել, թե ինչու համաներումը չի կարող նրանց վրա տարածվել: Բայց իշխանություններն էլ կարծես այս ճանապարհով չեն գնում: ԱԺ-ում պատասխանելով «Սասնա ծռերի» անդամների վրա հնարավոր համաներման տարածման մասին լրագրողների հարցերին, այն ժամանակ գլխավոր դատախազի թեկնածու Արթուր Դավթյանը չբացառեց նման հնարավորությունն՝ ասելով, որ «այն հոդվածները, որոնցով հարուցվել են քրեական գործեր եւ առաջադրվել են մեղադրանքներ, ունեն նաեւ խրախուսական նորմեր»: Իրավաբաններն էլ հուշում են, որ նոր համաներման տեքստում «Սասնա ծռերի» գործը կարող է առանձին նշվել, ինչպես Մարտի 1-ի գործի դեպքում եղավ: Եվ ընդհանրապես, որպեսզի համաներումը մնա իրավական դաշտում, բանտերում քաղաքական եւ գաղափարական դաշտերից ներկայացուցիչներ չպետք է լինեն` երբեմն անհիմն մեղադրանքներով, երբեմն անհամարժեք պատիժներով եւ այլն:

Օրեր առաջ արդարադատության նախարար Արփինե Հովհաննիսյանը հայտարարեց, որ համաներման հարցով հստակություն դեռ չկա: Ամսվա սկզբին Հանրային խորհուրդը, ըստ պաշտոնական հաղորդագրության,  քննարկել էր «Անկախության 25-ամյակին ընդառաջ համաներում հայտարարելու հարցը, որը կտարածվի նաեւ հուլիսյան դեպքերի հետեւանքով անազատության մեջ հայտնված անձանց որոշակի խմբի վրա»: Հարցը պետք է լրացուցիչ քննարկվեր նաեւ հաջորդ շաբաթվա ՀԽ նիստում, ինչը այդպես էլ մինչ օրս տեղի չի ունեցել: Այսինքն՝ եթե հավատանք, որ Վազգեն Մանուկյանն ու նրա ղեկավարած կառույցը հենց այնպես հայտարարություններ չեն անում, ստացվում է, որ պլանավորվում էր համաներման մասին օրինագիծը ԱԺ տանել  մինչեւ սեպտեմբերի 21-ը, այսինքն`այս նստաշրջանի առաջին քառօրյայի ժամանակ:

Որն է հետքայլի պատճառը եւ արդյոք անորոշ ժամանակո՞վ է հետաձգված գործընթացը: Այս հարցերի պատասխանը թերեւս խիստ սահմանափակ թվով մարդկանց է հասանելի: Մյուսներիս մնում է միայն վերլուծություններ անել: Նախկին օմբուդսմեն Լարիսա Ալավերդյանի կարծիքով, օրինակ Սերժ Սարգսյանը չի ցանկանա, որ 2017 թվականի ընտրությունների ժամանակ «Սասնա Ծռերի» տղաները ազատության մեջ լինեն, այդ պատճառով կամ համարերում չի լինի, կամ կլինի, բայց նրանց վրա չի տարածվի: Այս տեսակետը 2015 թվականին համաներում չհայտարարելու տրամաբանության մեջ է: Մյուս կողմից, գուցե Սերժ Սարգսյանը ընտրություններին ավելի մոտ ժամանակահատվածում գնա այդ քայլին, ցույց տալու համար, թե որքան հանդուրժող եւ ժողովրդավար է իր իշխանությունը: Տվյալ հարցում վերլուծություններ անելը, իսկապես, բարդ եւ անշնորհակալ գործ է:

Տպել
18486 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին