Երևան
15 °C
Ուղիղ մեկ ամիս առաջ՝ հուլիսի 17-ին, «Սասնա ծռեր» խումբը՝ որպես իշխանությունների վրա ազդման ծայրահեղ միջոց, գրավեց ՀՀ ոստիկանության պարեկապահակային ծառայության գունդը:
Այդ օրվանից ի վեր Հայաստանում սկսվեց ոստիկանական ու քննչական տեռորը, որի թիրախում ոչ թե զինված ապստամբներն էին, այլ իշխանությունների դեմ բողոքի դուրս եկած խաղաղ ցուցարարները: Թեեւ «Սասնա ծռերի» անդամների հանձնվելուց հետո ոստիկանական բռնությունները պակասեցին, սակայն դրանց փոխարեն ի հայտ են եկել քննչական բռնաճնշումները:
Ի վերջո, մեզ հաջողվեց ի մի բերել ոստիկանությունից տուժածների (բերման ենթարկվածների, վնասվածքներ ստացածների ու ազատազրկվածների) քանակի մասին տեղեկությունները:
Բաժին տարվածներ
Համաձայն Հայաստանի ոստիկանությունից «Իրազեկ քաղաքացիների միավորմանը» տրամադրված տասնյակ գրությունների եւ ոստիկանության հրապարակային հայտարարությունների, Երեւանում, Գյումրիում ու Վանաձորում հուլիսի 17-ից օգոստոսի 4-ն ընկած ժամանակահատվածում ոստիկանության բաժիններ են տարվել 775 խաղաղ քաղաքացի:
Այս թիվն ուղիղ 100-ով ավելի է Հելսինկյան քաղաքացիական ասամբլեայի Վանաձորի գրասենյակի հրապարակած 675 թվից:
Բերման ենթարկվածների քանակով առանձնապես աչքի են ընկել հուլիսի 17-ը (135 խաղաղ քաղաքացի), հուլիսի 21-ը (136), հուլիսի 26-ը (82), հուլիսի 27-ը (151) եւ, անշուշտ, հուլիսի 29-ը (207):
Անմեղ 775 քաղաքացուց 198-ը տարվել են ոստիկանության զորքերի զորամասեր: Մասնավորապես, ըստ ոստիկանությունից ստացված գրության, հուլիսի 17-ին 95 մարդ տարվել է ոստիկանության զորքերի 1033 (Իսակովի պողոտա) զորամաս, հուլիսի 18-ին 9 մարդ տարվել է 1032 (Դավթաշեն) զորամաս, իսկ հուլիսի 27-ին 94 հոգի կրկին տարվել է 1033 զորամաս:
Համեմատության համար նշենք, որ ոստիկանության զորքերի զորամասեր ցուցարարները չեն տարվել անգամ 2008-ի մարտի 1-ին ու 2-ին: Ավելին, 2014 թվականին ցույցերից ու բողոքի այլ միջոցառումներից ոստիկանություն են տարվել 52 քաղաքացի: 2015 թվականին այդ թիվը շեշտակի աճեց՝ հասնելով 380-ի (հիմնականում «Էլեկտրիկ Երեւանի» ցույցերի ժամանակ): Այնինչ այժմ մի քանի շաբաթում ոստիկանությունը ցույցերից ավելի շատ մարդ բերման ենթարկեց, քան Սերժ Սարգսյանի նախագահության՝ 2016-ի հուլիսին նախորդող ողջ ընթացքում:
Ընդ որում, եթե հաշվի առնենք, որ 775-ը միմիայն մի քանի շաբաթում ոստիկանության «հերոսությունների» արդյունքն է, եւ դրա մեջ չի մտնում 2016 թվականի այլ ցույցերի ժամանակ բերման ենթարկվածների վիճակագրությունը, ապա կարող ենք արձանագրել, որ այս տարի ոստիկանություն տարված խաղաղ ցուցարարների թիվը արդեն մոտիկ է հազարին:
Թեեւ առ այսօր հստակ հայտնի չէ, թե 2008 թվականի մարտի դեպքերի ժամանակ քանի քաղաքացի է տարվել ոստիկանություն, սակայն մի քանի իրավապաշտպաններ (այդ թվում՝ մարտի 1-ի գործով փաստահավաք խմբի անդամ Սեդա Սաֆարյանը) մեզ հետ զրույցում վստահություն հայտնեցին, որ ողբերգական այն դեպքերի ժամանակ բերման ենթարկվածների թիվն ավելի փոքր էր:
Մարմնական վնասվածքներ
Խաղաղ ցույցերի դեմ ոստիկանության բռնությունների արդյունքում բուժօգնության են դիմել ավելի քան 100 քաղաքացիական անձ եւ 49 ոստիկան: Ոստիկանների զգալի մասը, ինչպես հայտնել ենք նախկինում, տուժել է հենց իրենց իսկ կոլեգաների սխալ գործողություններից (օրինակ՝ 18 ոստիկան թունավորվել է արցունքաբեր գազից):
Քաղաքացիական անձինք մարմնական վնասվածքներ են ստացել թե ցույցերի նկատմամբ ոստիկանության կիրառած ուժից, եւ թե ոստիկանության ստորաբաժանումներում ու ոստիկանական մեքենաներում ծեծի ենթարկվելուց:
Առողջապահության նախարարությունից ստացված տեղեկությունների համաձայն, միմիայն հուլիսի 20-ին ու 29-ին հոսպիտալացված ցուցարարներից 1-ը անչափահաս է, 27-ը՝ իգական սեռի: Այդ քաղաքացիներից 7-ը ստացել են այրվածքներ, 33-ը՝ կոտրվածքներ, մեկը (անչափահասը) կորցրել է ձախ աչքը, 1 քաղաքացիական անձ թունավորվել է արցունքաբեր գազերից, 1 քաղաքացի, երեկվա դրությամբ, դեռեւս շարունակում է բուժումը:
Այստեղ հարկ է նկատել, որ եթե այրվածքներ ստացած քաղաքացիները տուժել են հատուկ միջոցների սխալ կիրառումից, ապա կոտրվածքները, ըստ ամենայնի, քաղաքացիները ստացել են իշխանությունների կողմից ներդրված քաղաքացիական անձանց (ծիտուշկաների) եւ քաղաքացիական հագուստով ոստիկանների կողմից ծեծվելու արդյունքում:
Ազատազրկվածներ
Հասարակական կազմակերպությունների հավաքագրած տվյալների համաձայն, որոնք մենք նաեւ նախորդ շաբաթ էինք ներկայացրել, ոստիկանության ու խաղաղ ցուցարարների միջեւ այս դիմակայության ընթացքում ձերբակալվածների (մինչեւ 72 ժամ պահվածների) թիվը 47 է: Այդ անձանց մեծ մասին մեղադրում էին զանգվածային անկարգությունների եւ իշխանության ներկայացուցչին դիմադրություն ցույց տալու մեջ: Այդ թվին չեն պատկանում 30 «Սասնա ծռերը»:
Սակայն նշենք, որ ձերբակալվածների մոտ կեսը 72 ժամը լրանալուն պես ազատ արձակվեցին, իսկ մոտ կեսին (մոտ 25 հոգի) դատարանի որոշմամբ կալանավորեցին 2 ամսով: Կալանավորվածների թվում են Արմեն Մարտիրոսյանը, Դավիթ Սանասարյանը, Անդրիաս Ղուկասյանը եւ Հովսեփ Խուրշուդյանը:
Ընդ որում, ինչպես ասացինք, կալանավորվածների նշված այս թվի մեջ չեն մտնում «Սասնա ծռերի» մոտ 30 անդամները: Այս թվի մեջ մտնում են բացառապես խաղաղ հավաքների մասնակիցներն ու «Հիմնադիր խորհրդարանի» այլ անդամները, որոնց մեկուսացման չհիմնավորված լինելն արդեն բազմիցս ապացուցվել է:
Դանիել Իոաննիսյան
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ