Թուրք-ռուս-հայկական լարվածություն. Թուրքիան Ղարաբաղով է պատասխանում Պուտինին

05/12/2015 schedule18:59

Թուրքիայի վարչապետ Ահմեդ Դավութօղլուն երեկ դիմել է Հայաստանին:

«Ուզում եմ դիմել Հայաստանին՝ եթե խաղաղ ճանապարհով վերադարձնեք ձեզ չպատկանող տարածքները, ապա կկարողանաք միանալ Թուրքիա-Վրաստան-Ադրբեջան դաշինքին։ Մենք ոչ մեկի նկատմամբ ոխ չենք պահում, բայց Ադրբեջանի յուրաքանչյուր թիզ հողը մեզ համար թանկ է, եւ այդ հողերը անպայման պետք է ազատագրվեն»,-  հայտարարել է Դավութօղլուն Բաքվից, որտեղ գտնվում է պաշտոնական այցով: Ադրբեջանի դիվանագիտական ակադեմիայում ունեցած ելույթի ժամանակ Թուրքիայի վարչապետն ասել է, թե եւս մեկ անգամ ընդգծում է, որ Թուրքիան կլինի Ադրբեջանի կողքին այնքան, որքան պետք է, մինչեւ «ադրբեջանական տարածքների ամբողջական վերադարձը»: Ադրբեջանական APA  գործակալության փոխանցմամբ` Ալիեւի հետ հանդիպման ժամանակ Դավութօղլուն վերահաստատել է Թուրքիայի անվերապահ աջակցությունը Ադրբեջանին ԼՂ խնդրում: Նա ասել է, թե Ադրբեջանի տառապանքների պատճառը սեփական տարածքների կորստի հետեւանքն է եւ հայտարարել, որ աշխարհում բազմաթիվ խնդիրների լուծման հիմնական սկզբունքը տարածքային ամբողջականության նկատմամբ հարգանքն է: «Մենք մեկ մոր երկու զավակներ ենք»,- հայր Ալիեւի խոսքերն է մեջբերել Թուրքիայի վարչապետը կրտսեր Ալիեւի հետ հանդիպման ժամանակ:

Հիշեցնենք, օրեր առաջ ռուսական հեղինակավոր պարբերականներից մեկը՝ «Կոմերսանտը», գրել էր, թե Դավութօղլուն իր հայտարարությամբ բացահայտել է Ադրբեջան կատարելիք այցի բուն նպատակը: Թուրքիայի վարչապետը Թուրքիայի կառավարության ծրագիրը ներկայացնելիս հայտարարել էր. «Թուրքիան ամեն հնարավորը կանի, որպեսզի Հայաստանի կողմից Ադրբեջանի գրավյալ տարածքները, այդ թվում՝ ԼՂ-ն, ազատագրվեն»: «Կոմերսանտը» սույն հայտարարությունից եզրակացրել էր. «Թուրքիան պատրաստվում է մտնել ղարաբաղյան ճակատից. Անկարայում միջոցներ են փնտրում՝ Ռուսաստանի տնտեսական եւ քաղաքական պատժամիջոցներին պատասխանելու համար»: Ռուսական պարբերականը պնդել էր, որ իր հայտարարությամբ Թուրքիայի վարչապետը Ռուսաստանի դեմ պայքարի նոր ուղղություն բացահայտեց, դրանով նա հայտարարեց, որ Թուրքիան մտադիր է միջամտել ղարաբաղյան հակամարտության կարգավորմանը եւ օգտագործելով ղարաբաղյան խնդիրը՝ մեկ այլ ուղղությունից Ռուսաստանի դեմ դուրս գալ եւ փորձել ՌԴ-ին ԼՂ խնդրի միջոցով հարվածել:

Ու թերեւս պատահական չէ, որ երեկ Բաքվում հողերը խաղաղ ճանապարհով հանձնելու հայտարարություններից հետո Դավութօղլուն անմիջապես անցել է ռուս-թուրքական հարաբերություններին, որոնք արդեն մի քանի շաբաթ է, ծայրահեղ սրված են՝ Սիրիայի տարածքում ռուսական Սու-24 օդանավը Թուրքիայի օդուժի կողմից կործանելու պատճառով: «Եվս մեկ անգամ ուզում եմ Ռուսաստանին, պարոն Պուտինին դիմել: Եկեք մեղմենք հայտարարությունների տոնը եւ փոխադարձ մեղադրանքներ հնչեցնելու փոխարեն հանդիպենք եւ քննարկենք խնդիրները։ Մենք եւս մեկ անգամ պատրաստ ենք պարզաբանել տեղի ունեցած միջադեպը, թեեւ նախկինում արդեն խոսել ենք այդ մասին: Անկարան միշտ պատրաստ է քննարկել ցանկացած թեմա։ Միակ թեման, որը քննարկման ենթակա չէ, դա մեր սահմանների անվտանգությունն է»,- ասել է Դավութօղլուն։ Նա կոչ է արել՝ չօգտագործել սառը պատերազմի ժամանակ միմյանց դեմ կիրառված արշավը: ՌԴ-ն Սու-24-ի կործանումից հետո հայտարարել էր, որ Թուրքիան աջակցում է «Իսլամական պետությանը», պատասխան է տալու իր արածի համար եւ սկսեց պատժամիջոցներ կիրառել Թուրքիայի նկատմամբ։ «Եթե ենթադրենք, որ դա այդպես է, ապա ինչու դուք դրանից (ինքնաթիռի կործանումից) 15 օր առաջ չէիք հայտարարում ԻՊ-ի հետ Թուրքիայի կապերի մասին։ Մենք օգտագործել ենք ինքնապաշտպանվելու մեր իրավունքը, երբ կործանել ենք մեր օդային տարածք մուտք գործած անհայտ ինքնաթիռը։ Դրա համար ոչ ոք չի կարող մեղադրել Թուրքիային։ Մենք չենք կարող ներողություն խնդրել այն բանի համար, որ պաշտպանում ենք մեր սահմանները»,- ասել է Դավութօղլուն՝ հայտարարելով , թե յուրաքանչյուրը պետք է իմանա, որ թուրքերը նույնպես հպարտ ժողովուրդ են եւ հարգանք են ակնկալում մյուս ժողովուրդներից, որոնց իրենք հարգում են։ Նա նաեւ հիշեցրել է, որ անցյալ տարի, ի տարբերություն տասնյակ երկրների, Թուրքիան չմիացավ Ռուսաստանի դեմ պատժամիջոցների սահմանման գործընթացին, մինչդեռ Մոսկվան Թուրքիայի դեմ այսօր պատժամիջոցներ է սահմանում՝ չհասկանալով, որ պատժամիջոցները հավասարապես վնասելու են նաեւ Ռուսաստանին։

Երեկ Միջազգային եւ անվտանգության հարցերի հայկական ինստիտուտի ղեկավար, քաղաքագետ Ստյոպա Սաֆարյանին հարցրինք՝ կհաջողվի՞ Թուրքիային հաշտվել ՌԴ-ի հետ: Նա պատասխանեց. «Բաքվում արված հայտարարությունները վկայում են, որ Թուրքիան ոչ թե ուզում է հաշտվել, այլ ճիշտ հակառակը, պատասխանում է Ռուսաստանին, որովհետեւ Ղարաբաղի հարցով նրա ասածը նախ համարենք Ադրբեջանի համար պայքար, քանի որ Ռուսաստանը ինքն էլ անթաքույց փորձում է ուժեղացնել Թուրքիայի նկատմամբ գոնե ոչ ՆԱՏՕ-ական երկրների օղակը, եւ սպասվում էր ու հայտարարվել էր, որ Թուրքիան պատասխան է տալու, հետեւաբար, Թուրքիան էլ ձեռքերը ծալած չի նստում եւ փորձում է առաջինը հետ պահել Ադրբեջանին ռուսական ուղեծրում իր դեմ գործելուց: Եվ երկրորդը, ցանկանում է Ադրբեջանին դրդել գործողությունների ղարաբաղյան գոտում, որը այս իրավիճակում, անշուշտ, ոչ միայն Հայաստանի դեմ է լինելու, այլ նաեւ հենց Ռուսաստանի: Հետեւաբար, այս կտրվածքով տեղի ունեցողը ամենեւին հարաբերությունների լարվածության մեղմացման մասին չի վկայում»: Հարցին՝ Ադրբեջանի կողմից գիշերը ԼՂՀ-ում կատարած դիվերսիոն փորձը արդյոք Դավութօղլուի հայտարարությունների հետեւա՞նքն էր, թե՞ Ալիեւ-Սարգսյան հանդիպումից առաջ սահմանային լարվածության ավանդական սրում է, կամ՝ ԵԱՀԿ ՄԽ երկրների արտգործնախարարների՝ երեկ արած հայտարարության պատասխանն էր, քաղաքագետը պատասխանեց. «Գործոնները շատ են. ե՛ւ դա էր, որ ըստ էության, Ղարաբաղի նկատմամբ, այսպես ասած, դիվերսիոն հետախուզական մի փորձ կատարվեց զոնդաժի համար, եւ նորություն չէ, որ Ալիեւ-Սարգսյան ամեն մի հանդիպումից առաջ Ադրբեջանը փորձում է մեծացնել անվստահությունը կողմերի միջեւ՝ դրանով ցույց տալով, որ չի ճանաչում Մինսկի խմբի լեգիտիմությունը, եւ վերջապես չմոռանանք, որ օրեր առաջ էլ նրանք էին կորուստներ ունեցել, եւ սա կարող ենք նույնիսկ համարել վրիժառության գործողություն»:

Տպել
3732 դիտում

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել