Երևան
15 °C
ՀՀԿ ԳՄ վերջին նիստում Սերժ Սարգսյանը վերջին հանձնարարականներն է տվել իր կուսակիցներին՝ կապած սահմանադրական փոփոխությունների հանրաքվեի հետ:
Այլեւս որոշված է, որ հանրաքվեի շտաբի պետը լինելու է վարչապետ Հովիկ Աբրահամյանը, իսկ մարզերում աշխատանքները համակարգելու են մարզպետները: Սահմանադրական փոփոխությունների մասնագիտական հանձնաժողովը ուրբաթ օրը փոփոխությունների վերջնական տեքստը ուղարկեց Բաղրամյան 26՝ առաջարկելով ԱԺ-ում զեկուցող նշանակել հանձնաժողովի անդամ Վարդան Պողոսյանին, իսկ հաջորդ շաբաթ նախագիծը կհայտնվի արդեն Ազգային ժողովում:
Այսօրվանից Սերժ Սարգսյանը վերսկսելու է կոնսուլտացիաները քաղաքական ուժերի ներկայացուցիչների հետ, եւ սպասվում է, որ մասնագիտական հանձնաժողովի կազմած տեքստում որոշակի փոփոխություններ, այդուամենայնիվ, կլինեն:
Մեզ հայտնի դարձավ, որ այս օրերին ՕԵԿ նախագահ Արթուր Բաղդասարյանը «դեսպաններ» է ուղարկում Սերժ Սարգսյանի մոտ, որպեսզի վերջիններս բարեխոսեն իր համար: Բանն այն է, որ Բաղդասարյանը ցանկանում է սահմանադրական փոփոխություններից հետո դառնալ երկրի նախագահ եւ նշում, որ նման համաձայնություն ձեռք բերելուց հետո ՕԵԿ-ը կհրաժարվի իր կոշտ դիրքորոշումից: Մեր տեղեկություններով, այդ թեմայով Սերժ Սարգսյանի հետ արդեն զրույց են ունեցել Ռուսաստանի հայերի միության նախագահ Արա Աբրահամյանն ու ՀԱՊԿ գլխավոր քարտուղար Նիկոլայ Բորդյուժան, որը նախօրեին ՀՀ-ում էր: Եթե նման պայմանավորվածություն ձեռք չբերվի, ՕԵԿ-ը, որ Սահմանադրության նախագծի հրապարակումից հետո հայտարարեց, թե դեմ է այդ փոփոխություններին, պատրաստ է հրաժարվել իր դիրքորոշումից միայն մի դեպքում, եթե վերացվի ընտրիչների ժողովը եւ ԱԺ կայուն մեծամասնության ձեւավորման առաջարկվող տարբերակը: Մեր տեղեկություններով, ամեն դեպքում՝ ՕԵԿ-ը «Ոչ»-ի ճակատին մաս չի կազմի: Ի դեպ, ՕԵԿ-ականները երեկ համառորեն չէին պատասխանում հեռախոսազանգերին եւ նրանցից մեկնաբանություն ստանալ չհաջողվեց:
ԲՀԿ-ն ակնհայտորեն մեղմացրել է իր երբեմնի կոշտագույն դիրքորոշումը սահմանադրական փոփոխությունների վերաբերյալ: Կուսակցության նախագահ Նաիրա Զոհրաբյանը նախօրեին մեզ հետ զրույցում հայտնել էր, որ կմասնակցեն բովանդակային քննարկումներին, իսկ վերջնական դիրքորոշում կհայտնեն եկող շաբաթ՝ Վենետիկի հանձնաժողովի հետ հանդիպումից հետո: Խոսվում է, ԲՀԿ-ն «Ոչ»-ի ճակատին միանշանակ մաս չի կազմելու:
Սահմանադրական փոփոխությունների հարցում ՀՀԿ-ի գաղափարակից ՀՅԴ-ի հետ ամեն ինչ թերեւս պարզ է: Նրանք լինելու են «Այո»-ի ճակատում: Պարզապես ՀՅԴ-ն մի փոքր ավելի շատ մասնաբաժին է ուզում: Ի դեպ, մեր աղբյուրները փոխանցում են, որ աշնանը մի շարք դաշնակցականներ էլի պաշտոններ կստանան: Իրականում, կձեւավորվի կոալիցիա, բայց անունը կոալիցիա չի լինի:
«Ժառանգության» առաջնորդ Րաֆֆի Հովհաննիսյանը ՀՀ-ում չէ, եւ նրա կուսակիցները անորոշ վիճակում են: Մի մասը մասնավոր զրույցներում նշում են, թե կողմ են փոփոխություններին, մի մասը՝ դեմ: Եւ դատելով ամեն ինչից, այդպես անորոշ էլ մինչեւ վերջ կմնան ու այնպիսի կոշտ դիրքորոշում, ինչպես ՀԱԿ-ն է դրսեւորում, չեն ցուցաբերի:
Ըստ էության, ստացվում է, որ խորհրդարանական ուժերից միայն ՀԱԿ-ն է միանշանակ «Ոչ»-ի ճակատում լինելու եւ նրան չի հաջողվելու մեծ ճակատ ձեւավորել ու հանրահավաքներ անել նաեւ այն պարզ պատճառով, որ զրկված է Ծառուկյանի երբեմնի աջակցությունից:
Ի՞նչ է փոխվելու նախագծում
ԱԺ ՀՀԿ խմբակցության ղեկավար Վահրամ Բաղդասարյանը երեկ մեզ հետ զրույցում որոշ մանրամասներ ներկայացրեց ՀՀԿ ԳՄ նախօրեի նիստից:
- Պարոն Բաղդասարյան, ԳՄ-ի քննարկման հիմնական թեման կարծես սահմանադրական փոփոխություններն են եղել: Ու մեր տեղեկություններով, նախագծում որոշակի փոփոխություններ են սպասվում, մասնավորապես ընտրիչների ինստիտուտի հետ կապված եւ ԱԺ կայուն մեծամասնության ու 2-րդ փուլի:
- Այո:
- Կմանրամասնե՞ք:
- Բնականաբար, բազմաթիվ առաջարկություններ են եղել ու նաեւ քաղաքական ուժերի հետ հանդիպումների արդյունքում, բայց այժմ վերջնական որոշումները կայացված չեն ձեր նշած տարբերակների հետ կապված: Ընդհանուր քննարկումների արդյունքում վերջնական տարբերակը կունենանք մինչեւ քառօրյա նիստը: Վերջնական, վերջակետով որոշումներ դեռ կայացված չեն:
- Երկրի նախագահին ընտրող Ընտրիչների ինստիտուտը եթե վերանա, մոտավորապես հասկանալի՞ է, այդ դեպքում ինչպես է լինելու, ի՞նչ է առաջարկվում փոխարենը:
- ՀՀԿ-ն առաջարկել է 131 պատգամավոր եւ 131 ընտրիչ: Եթե առաջարկվում է, որ 131 ընտրիչներն ընդհանրապես չլինեն, մնում է, որ ԱԺ 131 պատգամավորը ընտրեն, կամ որքան որ կլինի ԱԺ պատգամավորների քանակը:
- ԱԺ կայուն մեծամասնության ձեւավորման համար երկրորդ փուլն առաջարկվում է հանե՞լ:
- Կա մի քանի տարբերակ` տարբերակներից մեկը հետեւյալն է, որ առաջին փուլից հետո հնարավորություն ստեղծվի, ձեւավորվեն կոալիցիաներ 1-ին եւ 2-րդ տեղը գրավածների շուրջ եւ գնան 2-րդ փուլ, 2-րդ տարբերակն այն է, որ եթե մեծամասնություն առաջին փուլից հետո ձեւավորվում է, լինում է պարզ մեծամասնություն, 2-րդ փուլի անհրաժեշտություն չլինի: Բայց սրանք դեռ առաջարկություններ են: Ամենայն հավանականությամբ օգոստոսի 24-ին հանձնաժողովների քննարկումները կլինեն, նաեւ քաղաքական ուժերի հետ հանդիպումներ, քննարկումներ, որ մինչեւ քառօրյա կարողանանք վերջնական տարբերակը մտցնել: Իհարկե, դա էլի վերջնական տարբերակ չի կարող լինել, որովհետեւ դեռ ԱԺ-ն պիտի վավերացնի:
-«Ոչ»-ի ճակատ կարծես թե չի ձեւավորվում, ինչպես հասկանում ենք, ոչ ԲՀԿ-ն, ոչ ՕԵԿ-ը, ոչ ոք, բացի ՀԱԿ-ից, «Ոչ»-ի ճակատ չի գնում:
- Այդ հարցերը ճշտեք նրանց հետ, իրենք են որոշողը: Ինձ թվում է, որ եթե նրանք զուտ քաղաքական մոտեցում ցուցաբերեն եւ մանրամասն ուսումնասիրեն նախագիծը, նրանք կհրաժարվեն «Ոչ»-ի գաղափարից: Եթե այլ նպատակներ, այլ միտումներ, անձնական շահեր չունենան, մտածեն պետական շահերի մասին, ուրեմն, պիտի հրաժարվեն «ոչ»-ից:
- Տեղեկություն կա, որ ՕԵԿ-ն ասում է՝ եթե ընտրիչների ժողովն ու 2-րդ փուլը վերանա, իրենք պատրաստ են «այո»-յի ճակատին մաս կազմել, բայց իրենք ուզում են, որ Արթուր Բաղդասարյանը դառնա նախագահ:
- Նախօրոք նման հարցեր չեն քննարկվում, կարող է մի քաղաքական ուժ էլ այլ անուն-ազգանուն տա, դրանք ցանկություններ են պարզապես, մենք խոսում ենք Սահմանադրության մասին, ոչ թե անձերի մասին: Մենք անձեր չենք քննարկում, երբ ուժերը իրենց առաջարկները կբերեն, կքննարկենք, կլինի վերջնական որոշում, եթե դա կբավարարի նրանց, կմիանան «այո»-ին, իսկ եթե չի բավարարի, կարող են «ոչ»-ին միանալ, բայց պիտի հիմնավորեն, թե ինչու՝ ոչ: Այսինքն, իրենց թեկնածուն չի կարող լինել, դրա համար «ո՞չ» են ասում: Մենք ապագայի Սահմանադրությունն ենք աշխատում ձեւավորել, որը ոչ թե պահի, անձերի խնդիր է, այլ երկրի ապագայի: Երկուշաբթի օրվանից նախագահական նստավայրում երեւի կմեկնարկեն հանդիպումներն ու կոնսուլտացիաները քաղաքական ուժերի հետ:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ