Երևան
14 °C
Ազգային ժողովի նախկին նախագահ, ԱԺ ՀՀԿ-ական պատգամավոր Սամվել Նիկոյանը երեկ մեզ հետ զրույցում ասում էր, թե ամեն ինչ անելու են, որ հասարակությունը ճիշտ ընկալի սահմանադրական փոփոխությունների նպատակը եւ քվեարկի դրանց օգտին:
- Պարոն Նիկոյան, Սերժ Սարգսյանը հայտարարեց, որ ինքը չի հավակնի երկրի նախագահի, վարչապետի եւ ԱԺ նախագահի պաշտոններին, եթե սահմանադրական հանրաքվեն կայանա, փաստորեն՝ նա շանտա՞ժ է անում, որ եթե հանրաքվեն չանցնի, ինքը, այդուամենայնիվ, վարչապետի պաշտոնին հավակնելու է:
- Ցավում եմ, որ այդպես եք մեկնաբանում, որովհետեւ, այն, ինչ ասվել է, որեւէ կապ չունի ձեր ասածի հետ: Խոսքն այն մասին է, որ ընդդիմությունը վերջին ամիսներին անընդհատ քննադատում էր, թե սահմանադրական բարեփոխումներն ուղղված են Սերժ Սարգսյանի վերարտադրությանը: Նա հայտարարեց, որ որեւէ պաշտոնի չի հավակնում, որպեսզի բոլորի համար հասկանալի դառնա, որ փոփոխությունների նպատակը իր վերարտադրությունը չէ:
- Բայց նա չբացառեց մյուս տարբերակը, նա չասաց, որ եթե հանրաքվեն տապալվի, վարչապետ չի դառնալու: Եւ սա, ըստ էության, դառնում է շանտաժ:
- Մեծ ֆանտազիա պետք է ունենալ նման բան ասելու համար: Նա հստակ բոլորին վստահեցրեց, որ ովքեր կասկածներ ունեն, որ ինքն ուզում է վերարտադրվի եւ հավերժ իշխի, այդպես չէ, հանգիստ եղեք: Էլ ձեզ ի՞նչ է պետք: Իսկ եթե հասարակությունը ասաց՝ ոչ, դե, ուրեմն՝ ոչ: Իհարկե, մենք ամեն ինչ կանենք, որ հասարակությունը ճիշտ ընկալի այս բարեփոխումների նպատակը, գա հանրաքվեի եւ քվեարկի փոփոխության օգտին: Հիմա դուք ուզում եք, որ դրանից հետո էլ հայտարարի, որ ինքը չի լինելու ինչ, ինչ, ինչ պաշտոններում: Իսկ եթե փոփոխությունները չեն անցնում, էլ խոսքն ինչի՞ մասին կարող է լինել: Արդեն կմնա գործող Սահմանադրությունը, դրանով ինքը չի կարող 3-րդ անգամ նախագահ առաջադրվել, մնացած բոլոր պաշտոնները ինքը սահմանադրորեն ազատ է զբաղեցնելու՝ ե՛ւ վարչապետ, ե՛ւ ԱԺ, ե՛ւ ցանկացած պաշտոն:
- Իսկ նա ասո՞ւմ է՝ հանրաքվեն տապալվելու դեպքում ինչով է զբաղվելու:
- Ես չգիտեմ՝ ինչով է զբաղվելու: Եթե ժողովուրդը հանրաքվեին կասի «Այո», եւ կանցնի խորհրդարանական կառավարման, մինչեւ 18 թվականը, ամեն դեպքում, ինքը շարունակում է մնալ ՀՀ նախագահ: 18-ից հետո ինչո՞վ կզբաղվի՝ կյանքը ցույց կտա:
- Դրանից հետո մնալու է ՀՀԿ նախագա՞հ:
- Ինքը ՀՀԿ նախագահն է, բնականաբար՝ կշարունակի ՀՀԿ նախագահ լինել:
- Հավե՞րժ:
- Իսկ դուք ուզում եք մեր կուսակցության ընտրական պրոցեսների մեջ է՞լ խառնվել: Դուք ուզում եք՝ ձեր ուզածո՞վ լինեն մեր կուսակցության ղեկավարի ընտրությունները:
- Պնդումներ կան, որ այս կերպ ներդրվում է ստալինյան, բրեժնեւյան համակարգը, Սերժ Սարգսյանը դառնում է ՀՀԿ հավերժ նախագահը եւ այդ կերպ է շարունակում կառավարել:
- Իսկ ո՞ր կուսակցությունում է ամեն օր նախագահ փոխվում: Ցույց տվեք: Ես ցավում եմ, որ մարդիկ կարող են նման ոչ իրատեսական դատողություններ անել: Հստակ իմացե՛ք, որտեղ իշխանությունն է, որտեղ լծակներն են, ռեալ, իրական ղեկավարությունը այնտեղ է: Չի կարող որեւէ մեկը չլինել կոնկրետ այդ գործող լծակների ղեկին ու կարողանալ պետությունը ղեկավարել: Ես կածում եմ, որ ինչ էլ լինի, եթե նույնիսկ հիմա Սերժ Սարգսյանը հայտարարի, որ 18թ.-ից հետո կուսակցության նախագահ էլ չի լինի, եթե նույնիսկ ՀՀ քաղաքացիությունից էլ հրաժարվի, միեւնույն է՝ մի բան գտնելու եք, ասելու եք, որ ինքը երկիրը ղեկավարելու է արտասահմանից:
- Որովհետեւ ՀՀԿ-ի վարկանիշն այնքան է ընկել, հանրությունը այնքան է վստահությունը կորցրել իշխանության նկատմամբ, որ որեւէ բանի չի հավատում եւ չի վստահում:
- Ես այդ կարծիքին չեմ, դա դուք եք անում՝ լրատվամիջոցներով: Ամեն ինչ, վերջիվերջո, համեմատության մեջ է, ասեք՝ ո՞ր կուսակցության վարկանիշն է ավելի բարձր եւ ես կհամաձայնվեմ ձեզ հետ:
- Անգամ նորաստեղծ «Քաղաքացիական պայմանագրի» վարկանիշն ավելի բարձր է:
- Եթե հաղթի ընտրություններում, կասեմ՝ այո: Բայց մինչեւ հիմա ես չեմ տեսնում այն կուսակցությունը, որն ավելի բարձր վարկանիշ ունի հասարակության մեջ, քան մենք: Դուք ասում եք՝ կորցրել եք ձեր վարկանիշը, ես էլ ասում եմ՝ ամեն ինչ համեմատության մեջ է: Այո՛, իշխող կուսակցությունը բոլոր երկրներում էլ խնդիրներ ունի վարկանիշի առումով, որովհետեւ բոլոր սոցիալական խնդիրները, բոլոր անարդարությունները՝ օբյեկտիվ, սուբյեկտիվ, փաթաթվում են իշխող կուսակցության գլխին:
- Ոչ իշխանական ուժերը մտադիր են «Ո՛չ»-ի ճակատ ձեւավորել, փոփոխությունների նախագիծը առաջին իսկ օրվանից խիստ բացասական արձագանքի արժանացավ, դուք՝ ձեր այդ վարկանիշով, ինչպե՞ս եք մարդկանց համոզելու, որ «Այո» ասեն փոփոխություններին:
- Նրանք, ովքեր միանալու են, բա՞րձր է նրանց վարկանիշը: Մենք հասարակության համար կանխատեսելի ենք, իսկ դուք գիտե՞ք՝ ով է «Ոչ»-ի թիկունքում կանգնած լինելու: Հասարակությունն այդ հարցը տալու է՝ ովքե՞ր են, ինչ են, ինչի՞ համար են ուզում եւ վերջիվերջո՝ մենք հասարակությանը «Այո» ենք առաջարկում, «Այո»-ն միշտ հաղթում է «Ոչ»-ին: Իրենց «Ոչ»-ը ավելի կասկածելի եւ մութ է, ու չեմ կարծում, որ հասարակությունը իր համար կասկածելի ուժերին վստահի՝ դժգոհ լինելով նաեւ մեզանից:
- Հասարակությունը իշխանափոխություն է ուզում:
- Հասարակությունը իշխանափոխություն կարող է անել ընտրությունների ժամանակ, ընտրությունների միջոցով:
- Ուզում եք ասել, թողնելու եք՝ ազատ, արդար, թափանցիկ ընտրություննե՞ր լինեն:
- Այո՛:
- Այսինքն՝ ՀՀԿ-ն պատրաստ է՝ այդպես հեշտ հանձնի իշխանությունն ու գնա՞: Ազատ արդար ընտրությունների արդյունքում հնարավոր չէ, որ ՀՀԿ-ն մեծամասնություն կազմի:
- Վստա՞հ եք: Ցո՛ւյց տվեք այն քաղաքական ուժը, որին հասարակությունը կարող է ավելի շատ վստահել եւ նա ավելի բարձր վարկանիշ ունի: Ու հավելեմ՝ ինձ համար սահմանադրական փոփոխությունները կարեւորվում են առաջին հերթին նրանով, որ նախագահը առաջնային մանդատ չի ունենալու եւ մենք չենք ունենալու այն իրավիճակը, որին ականատես ենք եղել 96-ից սկսած բոլոր նախագահական ընտրությունների ժամանակ, որովհետեւ նախագահական պայքարը ամեն դեպքում դառնում է անձերի պայքար: Այդ պայքարի արդյունքում 50+1 տոկոս տարածը դառնում է հաղթող, իսկ 49.9 տոկոս տարածը դառնում է 0, եւ այստեղ հասարակության մեջ ու քաղաքական դաշտում ճեղքվածք է առաջանում, բաժանվում են 2 մասի, բոլորս գիտենք, թե ինչ է լինում, որքան էլ դերակատարները փոխվում են: Պառլամենտական համակարգում բոլորն են հաղթում, եթե անցնում են շեմը, մասնակից են դառնում պետության կառավարմանը:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ