«Գրիբոյեդովը» արձակուրդ է գնացել, բայց կվերադառնա. վստահեցնում է քաղաքագետը

14/07/2015 schedule13:55

Ռուսական քարոզչության ռահվիրա, «Ռուսաստանն այսօր» հաղորդման հեղինակ Դիմիտրի Կիսելյովը, ում բանկային հաշիվները ՌԴ-ի դեմ կիրառվող պատժամիջոցների շրջանակներում Մեծ Բրիտանիան երեկ, ի դեպ, սառեցրել է, Հայաստանում կարծես թե պասիվացել է:

Ավելին՝ ըստ որոշ տեղեկությունների, Հայաստանում հիմնադրած նրա «Գրիբոյեդով» ակումբը հնարավոր է այլեւս չգործի: «Գրիբոյեդով» ակումբի անդամ, Հայաստանի քաղաքագետների միության նախագահ Հմայակ Հովհաննիսյանը երեկ մեզ հետ զրույցում պնդում էր, թե ակումբը պարզապես ամառային արձակուրդ է գնացել եւ սեպտեմբերից կվերադառնա: ՀԷՑ-ի շուրջ Երեւանում ծավալվող իրադարձությունների ֆոնին, սակայն, երբ, ըստ ռուսական մեդիայի, Հայաստանում հակառուսական տրամադրությունների խորացման միտում է նկատվում, Կիսելյովի անտարբերությունը անհասկանալի է: Հմայակ Հովհաննիսյանը մեզ հետ զրույցում մի շարք պարզաբանումներ տվեց:

- Պարոն Հովհաննիսյան, վերջին շրջանում «Գրիբոյեդով» ակումբի հանդիպումները Հայաստանում կարծես թե նվազել են, ավելին՝ դժվար է հիշել, թե վերջին նման հանդիպումը երբ է տեղի ունեցել: Շշուկներ կան, որ սույն ակումբն այլեւս անիմաստ է համարում շարունակել աշխատանքը Հայաստանում եւ այստեղ այլեւս չի գործելու: Ճի՞շտ է դա: Եթե այո՝ ո՞րն է պատճառը, եթե ոչ՝ ե՞րբ է վերջին հանդիպումը եղել եւ ինչ հարցեր են քննարկվել:

- Տարածված ասեկոսեներն այն մասին, որ ակումբը չի գործելու այլեւս, անհիմն են: Ամառային արձակուրդային ամիսներին հանդիպումներ նախատեսված չեն, սակայն սեպտեմբերից դրանք կվերսկսվեն նույն՝ ամիսը մեկ հանդիպում հաճախականությամբ: Հետաքրքիր է, որ վերջին 4 հանդիպումներից 3-ի հյուրերը մեր մոսկվաբնակ հայրենակիցներն էին. փետրվարին՝ Արթուր Չիլինգարովը, մարտին՝ Կարեն Շախնազարովը, ապրիլին՝ ակադեմիկոս Չուբարյանը: «Գրիբոյեդով» ակումբը հարմարավետ հարթակ է հայ եւ ռուսաստանցի ազդեցիկ պետական եւ հասարակական գործիչների, վերլուծաբանների միջեւ երկխոսության, հայ-ռուսական հարաբերությունների քննարկման համար: Այլ հարց է, որ ԵՏՄ-ին Հայաստանի անդամագրվելուց հետո մի տեսակ պասիվություն է նկատվում քաղաքական եւ քաղաքագիտական լուրջ քննարկումների կազմակերպման առումով: Դա ընդհանուր պատկեր է եւ չի վերաբերում ինչ-որ մեկ առանձին վերցված ձեւաչափի: Այսօր այնպիսի տպավորություն է, որ ԵՏՄ-ին Հայաստանի անդամագրվելուց հետո հետաքրքրությունը մեր ինքնուրույն մոտեցումների ու նպատակների նկատմամբ մարել է, եւ դա, իհարկե, լուրջ մտահոգությունների տեղիք է տալիս: Բայց մեր վերջին հանդիպումները ցույց են տալիս, որ Ռուսաստանում գնալով ավելի ու ավելի են գիտակցում հայազգի ռուսաստանյան գործիչների կարեւորությունը հայ-ռուսական հարաբերությունների ամրապնդման գործում:

- Եթե գիտակցեին, անցած թեժ օրերին Կիսելյովը կնստեր ինքնաթիռ ու կգար Հայաստան՝ մոտիկից հասկանալու, թե ինչ է այստեղ իրականում կատարվում, այլ ոչ թե ռուսական մեդիայով ամեն օր «Հայաստանում մայդան է մոտիվներով» ռեպորտաժներ կսարքեին: Չե՞ք կարծում: Ձեր վերջին հանդիպումը ե՞րբ է եղել եւ արդյո՞ք այդ հանդիպման ընթացքում անդրադարձ եղել է ՀԷՑ-ում տիրող իրավիճակին, ի՞նչ դիրքորոշում ունի ակումբը Հայաստանում հասունացող հակառուսական տրամադրությունների վերաբերյալ, այն կարծես թե ի սկզբանե բացվել էր՝ նման տրամադրությունները բացառելու եւ ռուսական ազդեցությունը ՀՀ-ում մեծացնելու նպատակով:

- Վերջին հանդիպումը մայիսի սկզբին էր: Այդ հանդիպմանը պետք է մասնակցեր ՌԴ կոմկուսի առաջնորդ Գենադի Զյուգանովը, սակայն կնոջը շտապ վիրահատելու պատճառով չէր կարողացել, եւ նրա փոխարեն Երեւան էին ժամանել ՌԴ պետդումայի պատգամավորներ Կալաշնիկովը եւ Տասաեւը: Քննարկումը նվիրված էր ձախակողմյան քաղաքական շարժումների հեռանկարներին ժամանակակից աշխարհում: Ինչպես գիտեք, ՀԷՑ-ում տիրող իրավիճակի վերաբերյալ փաստերը ջրի երես ելան ավելի ուշ՝ մայիսի երկրորդ կեսին եւ հունիսին, սակայն սոցիալական ծանր իրավիճակը Հայաստանում իմ առաջարկությամբ քննարկվել է: Մասնավորապես՝ ես իմ ելույթում նշել եմ, որ Հայաստանում ձախակողմյան քաղաքական շարժումների անկումը, որին սկիզբ դրեցին 1999 թվականի հոկտեմբերի 27-ին «Միասնություն» դաշինքի ղեկավարների գնդակահարությունը ԱԺ-ում եւ դրանից մի քանի ամիս անց Հայկոմկուսի առաջնորդ Սերգեյ Բադալյանի անժամանակ մահը, զուգորդվեց Հայաստանի հասարակական-քաղաքական կյանքում քրեածին օլիգարխիայի մենաշնորհի հաստատմամբ եւ սոցիալական պետությանը բնորոշ բոլոր հատկանիշների ոչնչացմամբ: Ես նաեւ ընդգծեցի, որ ՀՀ-ում բավականին աշխույժ քաղաքացիական շարժումները չեն կարող լրացնել ուժեղ ձախակողմյան քաղաքական կազմակերպությունների բացակայությունը, քանզի քաղաքացիական շարժումները հետապնդում են լոկալ նպատակներ եւ ձգտում են հեռու մնալ քաղաքական հարցադրումներից: Հունիսյան իրադարձությունները Հայաստանում ցույց տվեցին իմ այս գնահատականների հիմնավորվածությունը: Ինչ վերաբերում է ռուսական լրատվամիջոցների մեկնաբանություններին, ապա դրանք արտացոլում էին այն գնահատականները, որոնք պաշտոնական խողովակներով նրանք ստանում էին Հայաստանից: Հասկանալի է, որ դրանք հիմնվում էին ոչ թե իմ եւ ձեր, այլ Ռուսաստանում իշխող «Եդինայա Ռոսիա» կուսակցության գործընկեր ՀՀԿ-ի եւ վերջինիս գործիքը հանդիսացող ՀՀ ոստիկանության գնահատականների վրա: Եթե ՀՀ ոստիկանությունը հայտարարում էր, որ ցուցարարների մոտ սառը զենքեր կան եւ նրանք պատրաստվում են անվադողներ բերել ու դրանք «մայդանավարի» այրել, ուրեմն Ռուսաստանի լրատվամիջոցները պետք է երկրորդեին հենց այդ պնդումները եւ մեզ մոտ մայդանի սկիզբ տեսնեին: Զարմանալին դա չպետք է համարել, այլ այն, որ մեզ հաջողվեց ի վերջո չեզոքացնել այդ սեւ քարոզչությունը եւ ոչ պաշտոնական խողովակներով, ինտերնետի եւ առաջին հերթին՝ Ֆեյսբուքի միջոցով հասցնել ռուսաստանյան հասարակությանը եւ ազդեցիկ շրջանակներին հայաստանյան իրադարձությունների իրական բովանդակությունը: Ինչ վերաբերում է ՀՀ-ում հակառուսական տրամադրությունների հնարավոր աճին, ապա «Գրիբոյեդով» ակումբը, մեծ հաշվով, դրանք չեզոքացնելու լծակներ չունի: Այդ լծակներն ունեն Հայաստանի եւ Ռուսաստանի իշխանությունները ու կարող են հասնել դրական արդյունքի, եթե հարգեն հայաստանյան հասարակության արդար պահանջները եւ իրենց որոշումները բխեցնեն ոչ թե քրեածին օլիգարխիայի, ատկատներ լափող կաշառակեր չինովնիկների եւ թոփմենեջերների ախորժակով դրդված, այլ առաջնորդվելով սոցիալական արդարության եւ քաղաքացիների իրավահավասարության հաստատման՝ հայ ժողովրդի ակնկալիքներով:

 

Տպել
3243 դիտում

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան