Նախընտրական Իջեւան եւ Մարալիկ. գործընթացներն առայժմ միայն «տակից» են ընթանում

11/07/2015 schedule14:30

Սեպտեմբերի 13-ին Իջեւանում եւ Մարալիկում քաղաքապետի ընտրություններ են նշանակված: Ու թեեւ ընտրություններին երկու ամիս է մնացել, գործընթացներն առայժմ միայն «տակից» են ընթանում, ու չի բացառվում, որ վերջին պահին մեծ անակնկալներ լինեն:

Իջեւանի գործող քաղաքապետ Վարդան Ղալումյանը, ով փետրվարյան սկանդալային իրադարձություններից հետո, այդուամենայնիվ, լքեց ԲՀԿ-ն, երեկ մեզ հետ զրույցում հաստատեց, որ առաջադրվելու է: Հիշեցնենք, Իջեւանի քաղաքապետի նախորդ ընտրություններն այնքան թեժ էին, որ հայտնվել էին ողջ հանրապետության ուշադրության կենտրոնում: Առաջին անգամ իշխանությանը մաս չկազմող ուժի ներկայացուցիչը հաղթեց գործող ՀՀԿ-ական թեկնածուին, ինչը խիստ ոգեւորել էր դրանից հետո ձեւավորված ոչ իշխանական քառյակի ներկայացուցիչներին: Մեր տեղեկություններով, այս ընթացքում Իջեւանի քաղաքապետ առաջադրվելու ցանկություն են ունեցել Տավուշի նախկին մարզպետ Արմեն Ղուլարյանը, ով, հիշեցնենք, մարզը թողնելուց հետո նշանակվեց քաղաքաշինության փոխնախարար, Տավուշի մարզի էլցանցի պետի որդին՝ երիտասարդ գործարար, ՀՀԿ-ական Նիկոլ Ղալթախչյանը, ինչպես նաեւ Իջեւանի ՀՀԿ-ական նախկին քաղաքապետ Վարուժան Ներսիսյանի եղբորորդին: Նշված անձանցից որեւէ մեկին, սակայն, մեր տեղեկություններով, չի հաջողվել ստանալ իշխանությունների «դաբռոն»: Այս պահին Իջեւանի գործող քաղաքապետը դեռեւս միակ անձն է, ում առաջադրման հետ կապված ամեն ինչ հստակ է, թեեւ չի բացառվում, որ վերջին պահին այլ թեկնածուներ հայտնվեն: Իջեւանի անկուսակցական քաղաքապետը երեկ պատասխանեց մեր հարցերին:

- Պարոն Ղալումյան, առաջադրվելո՞ւ եք նորից:

- Այո՛:

- Եւ վերընտրվելու ձեր շանսերը ինչպե՞ս եք գնահատում:

- Լա՜վ էլի՝ եթե կասկածեմ, որ չեմ ընտրվի, նախ՝ թեկնածությունս չեմ առաջադրի, հետո՝ ցանկացած մարդ երբ առաջադրվում է, մտածում է, որ կընտրվի:

- Տարօրինակ է, բայց այլ թեկնածուների անուններ մինչեւ հիմա չեն շրջանառվում, այնինչ՝ Իջեւանում քաղաքապետի ընտրությունները միշտ լարված են անցնում, հիմա ինչի՞ց է, որ այսպես է:

- Դա էլ դուք մտածեք կամ վերլուծեք, թե ինչից կլինի: Չգիտեմ:

- Կարո՞ղ է վերջին պահին, այդուամենայնիվ, լուրջ մրցակից հայտնվի:

- Չեմ կարող ասել ոչ մի բան: Ես միայն կարող եմ ասել, որ իմ թեկնածությունը առաջադրելու եմ, մնացածը չեմ կարող ասել:

- Ինքնաառաջադրվելո՞ւ եք:

- Ես ԲՀԿ-ից դուրս եմ եկել:

Նույն օրը Մարալիկում նշանակված քաղաքապետի ընտրությունները, չի բացառվում, ավելի հետաքրքիր անցնեն: Տեղեկություններ կան, որ Մարալիկում կարող է առաջադրվել Հարություն Ուռուտյանի որդին՝ Հայ ազգային կոնգրեսի անդամ Բաբկեն Ուռուտյանը: Վերջինս, սակայն,  մեզ հետ զրույցում հայտնեց, որ Մոսկվա է տեղափոխվել, որոշել է իր մասնագիտությամբ աշխատել (ատամնաբույժ) ու թերեւս՝ դեռ երկար այնտեղ կմնա: Այնպես որ՝ չի առաջադրվելու: Չի բացառվում, սակայն, որ ՀԱԿ-ն այստեղ այլ թեկնածու առաջադրի: Համենայնդեպս, տեղեկություններ կան, որ այդ հարցը քննարկվում է, թեեւ՝ քիչ հավանական է համարվում: Մարալիկի գործող քաղաքապետը երիտասարդ ՀՀԿ-ական է՝ Արտակ Գեւորգյանը, ով արդեն 4-րդ անգամ է առաջադրվելու այդ պաշտոնում: Երեկ նա պատասխանեց մեր հարցերին:

- Պարոն Գեւորգյան, մեր տեղեկություններով, սեպտեմբերին սպասվող ընտրություններում առաջադրվելու եք, այդպե՞ս է:

- Այո՛, իհարկե:

- ՀՀԿ-ի կողմի՞ց եք առաջադրվելու, թե՞ ինքնաառաջադրում է լինելու:

- Ես ՀՀԿ-ական եմ, ՀՀԿ խորհրդի անդամ, բնականաբար՝ նաեւ ներկայացնելու եմ կուսակցությունը:

- Արդեն ճշտվա՞ծ է այդ հարցը իրենց հետ, թե՞ դեռ չի եղել խոսակցություն:

- Քննարկվել են հարցերը:

- Այսինքն՝ պաշտոնապես ՀՀԿ-ն կհայտարարի, որ ձեզ է սատարելու:

- Պաշտոնապես կհայտարարի:

- Իսկ էլ ի՞նչ թեկնածուներ կան, ի՞նչ մթնոլորտ է հիմա Մարալիկում:

- Միասնական մթնոլորտ է, բարոյահոգեբանական վիճակը նորմալ է, բոլոր ազգաբնակիչների հետ մենք ունենք մշտական շփում, մեր քաղաքը մեր բոլորի տունն է:

- Այլ թեկնածուներ չկա՞ն: Ո՞ւմ անուններն են շրջանառվում:

- Չկան: Տեղեկություններ այլ թեկնածուների մասին չունենք:

- Այսինքն՝ չի բացառվում, որ դուք միակ թեկնածո՞ւն լինեք:

- Այո՛, հնարավոր է:

- Իսկ եթե վերջին պահին անակնկալ լինի՞:

- Դե, թող լինի, մենք չենք վախենում մրցակցությունից, մենք մշտապես աշխատում ենք ժողովրդի հետ, քաղաքի համար:

- Բաբկեն Ուռուտյանի անունն էր շրջանառվում:

- Ես առողջ եմ վերաբերվում բոլոր կարգի թեկնածուներին, բայց վերը նշված անձը բացակայում է հանրապետությունից եւ դա կողքից ընդամենը խոսակցություններ են: Մենք քաղաքում մշտապես ապրում ենք, շփում ունենք բոլոր կարգավիճակի մարդկանց հետ եւ մենք չունենք նման ինֆորմացիա: Նա վաղուց Հայաստանում չէ:

- Դուք 4-րդ անգամ եք առաջադրվելու, այսինքն՝ ձեզ մոտ մշտական է կարծես դարձել:

- Եկեք հարց չտանք: Ուզում եք մշտապես լինի խառնակ, ճղճիմ, տարբեր կարգի երեւույթնե՞ր: Ինչքան հանրապետությունում լինի ճիշտ, կառուցողական մթնոլորտ, հավատացեք, մեր վաղվա օրը ավելի լավն է լինելու: Մենք պետք է կարողանանք ավելի հզոր եւ ներկայանալի դառնալ ոչ միայն Հայաստանում, այլեւ ներկայանանք աշխարհին: 

- Նորմա՞լ եք համարում, որ ոչ մի մրցակից չկա, ստացվում է՝ ոչ մի արժանի մարդ չկա՞ այլեւս, որ առաջադրվի:

- Չէ, չեմ կարծում, որ չկա: Ուղղակի՝ մենք աշխատում ենք համայնքի հետ բոլոր օրերին, ոչ թե տվյալ պահին:

Թեկնածուների առաջադրումները Մարալիկում եւ Իջեւանում օգոստոսի 9-14-ին են, գրանցումը՝ 14-19-ին, քարոզարշավը՝ օգոստոսի 26-ից սեպտեմբերի 11-ին:

Տպել
3654 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում