ԱԳՆ-ն եւ իր եփած բորշչը

05/06/2015 schedule15:00

Բրազիլիայի սենատի կողմից Հայոց ցեղասպանությունը ճանաչել-չճանաչելու շուրջ ծագած սկանդալը սպառնում է մտնել Դաշնակցություն-արտգործնախարարություն հակասությունների դաշտ:

Լատինական Ամերիկայի Հայ դատի գրասենյակը շարունակում է պնդել, որ Հայոց ցեղասպանությունը ճանաչելու բանաձեւ չի ընդունվել, իսկ ԱԳՆ-ն պնդում է, թե ընդունվել է: Դիվանագիտական շրջանակներում սկսել են խոսել, թե ՀՅԴ-ի պահվածքը պայմանավորված է նրանով, որ իրենք անմասն են մնացած եղել այդ գործընթացից: Իրականում՝ ի՞նչ է տեղի ունեցել եւ արդյո՞ք Բրազիլիայի խորհրդարանը Հայոց ցեղասպանությունը ճանաչելու մասին բանաձեւ ընդունել է: Նախ՝ ՀՀ ԱԳՆ խոսնակ Տիգրան Բալայանը երեկ մեզ օգնեց նախարարության կայքում գտնել Բրազիլիայի սենատի կողմից Հայոց ցեղասպանությունը ճանաչելու վերաբերյալ նախարար Նալբանդյանի հայտարարությունը, որը նախօրեին անգամ որոնող համակարգով չէր հայտնաբերվում: Հետո բացատրեց այն ընթացակարգը, որով անցել է սկանդալի առարկա դարձած փաստաթուղթը. «Հանձնաժողովը ընդունում է որոշում կամ բանաձեւ, որը ներկայացնում է սենատ՝ լիագումար նիստին: Լիագումար նիստում ելույթ են ունենում՝ եթե առարկություն չի լինում, ապա բանաձեւը համարվում է ընդունված, ինչը եւ տեղի է ունեցել»: Դիտարկմանը, որ ՀՅԴ տեղի Հայ դատի գրասենյակը պնդում է, որ հավաքվել է 46 սենատորի ստորագրություն եւ նախագիծը նոր պետք է ներկայացվի քվեարկության, Բալայանը արձագանքեց. «Ո՛չ, դա արդեն անցած ընթացակարգ է, եւ սենատի պաշտոնական կայքում զետեղված հաղորդագրության համաձայն, սենատը արդեն ընդունել է բանաձեւը՝ առանց որեւիցե առարկության»: Բալայանը պնդում էր, որ քվեարկություն տեղի չի ունենալու, քանի որ նրանց ընթացակարգերով՝ եթե ներկայացված նախագծի դեմ առարկություն չի լինում որեւէ սենատորի կամ խմբակցության կողմից, այն համարվում է կոնսենսուսով ընդունված բանաձեւ: «Մեր տեղեկություններով, 55 սենատոր է ստորագրել, որեւէ առարկություն չի եղել եւ որոշումն արդեն ընդունված է»,- ասաց Բալայանը: Հարցին՝ ինչո՞վ կբացատրեք այն հակասությունը, որ ՀՀ ԱԳՆ-ն մայիսի 29-ին հայտարարություն տարածեց Բրազիլիայի սենատի կողմից Հայոց ցեղասպանությունը ճանաչելու մասին ընդունված բանաձեւի մասին, իսկ բրազիլական կողմն ընդամենը հունիսի 2-ին պաշտոնապես տեղեկացրեց, որ 46 սենատորների ստորագրություն է հավաքվել, Բալայանը պատասխանեց. «Դա արդեն Բրազիլիայի սենատից պիտի հարցնեք, ես չեմ կարող պատասխանել: Միգուցե ընթացակարգը վերջնական ավարտվել է հունիսի 2-ին»:

ՀՀ փոխարտգործնախարար Շավարշ Քոչարյանն էլ երեկ խորհրդարանում լրագրողների հարցերին պատասխանելիս հայտարարեց. «Բրազիլիայի սենատը արդեն ընդունել է, բայց դեռ գործընթաց կա, մնում է ներկայացուցիչների պալատը ընդունի, որից հետո՝ նախագահի հաստատում: Դա կլինի արդեն լրիվ ավարտուն գործընթաց: Սենատի մասով ավարտված է»: Նկատենք, սակայն, որ Սերժ Սարգսյանի աշխատակազմի ղեկավար Վիգեն Սարգսյանը մայիսի 29-ին ֆեյսբուքյան իր էջում բառացի գրել էր. «Հայոց ցեղասպանության ոգեկոչումը շարունակվում է: Բրազիլիայի դաշնային խորհրդարանն ընդունել է Հայոց ցեղասպանությունը դատապարտող բանաձեւ: Բրազիլիան դարձավ Ցեղասպանությունը պաշտոնապես ճանաչած 24-րդ երկիրը: Հիշում եմ եւ պահանջում»: Իսկ ԱԳՆ-ն հայտարարել էր. «Բրազիլիայի Դաշնային սենատը մայիսի 27-ին միաձայն ընդունել է սենատի արտաքին հարաբերությունների եւ ազգային պաշտպանության հանձնաժողովի նախագահ, դաշնային սենատոր Ալոիզիո Նունես Ֆերեյրա Ֆիլյոյի եւ դաշնային սենատոր Ժոզե Սերայի հեղինակած No 550/2015 բանաձեւը, որով պաշտոնապես ճանաչվում է Հայոց ցեղասպանությունը»:

Երեկ, երբ Շավարշ Քոչարյանին հարցրեցինք՝ Բրազիլիայում ՀՀ դեսպան Աշոտ Գալոյանը կհեռացվի՞ այս սկանդալի պատճառով, նա, անպատասխան թողնելով հարցը, հեռացավ:

ԱԺ արտաքին հարաբերությունների հանձնաժողովի նախագահ Արտակ Զաքարյանն իր հերթին էր ասում, թե իր տեղեկություններով, բանաձեւն ընդունվել է: «ՀՀ ԱԳՆ-ն ողջունել է այդ ամբողջ գործընթացը այն համոզմունքով, որ այն իր դրական ազդեցությունն է բերելու միջազգային ճանաչման գործընթացում»,- ասաց Զաքարյանը: Լրագրողի հարցին՝ այսինքն, անփութություն չի՞ եղել ու որեւէ մեկը պատասխանատվության չի՞ ենթարկվի, Զաքարյանը պատասխանեց. «Որեւէ նման խնդիր չկա, ամեն ինչ իր հունով ընթանում է առաջ: Ինչի՞ համար պիտի պատասխանատվության ենթարկեն: Պետք է միայն ողջունել այդ ամբողջական գործընթացը, որ այսօր աշխարհում տեղի է ունենում Հայոց ցեղասպանության եւ դատապարտման գործընթացի վերաբերյալ»: Մեր դիտարկմանը, որ ՀՅԴ-ն հակառակն է պնդում, որ բանաձեւ չի ընդունվել, Զաքարյանն արձագանքեց. «Սենատը ունի որոշում»: Ի՞նչ որոշում է դա, բանաձեւի նախագի՞ծ՝ մեր հարցին նա պատասխանեց. «Այո՛: Որոշում բանաձեւ ընդունելու մասին, որը օրակարգ է մտել արտաքին հարաբերությունների հանձնաժողովի նախագահի եւ եւս երկու պատգամավորի նախաձեռնությամբ: Մնացածը արդեն գործընթացի մեջ է»: 

Իրականում, սակայն, խոսքն ընդամենը Բրազիլիայի սենատի կողմից ներկայացված փաստաթղթի մասին է: Բրազիլիայի խորհրդարանը երկպալատ է՝ վերին՝ սենատ եւ ստորին՝ ներկայացուցիչների: Մինչեւ ստորին պալատը այդ նախագիծը չընդունի, այնուհետեւ խորհրդարանը չներկայացնի նախագահի վավերացմանը, Բրազիլիան չի կարող համարվել Հայոց ցեղասպանությունը ճանաչած 24-րդ երկիրը: Ահա այստեղից էլ առաջացել է այս ամբողջ աջաբսանդալը:

Տպել
2652 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում