Ճգնաժամային կառավարման արդյունավետության հիմնաքարը ճշգրիտ լրատվությունն է. ամփոփվել է ԱԻՆ-ՃՄՀԳ համագործակցությունը

06/12/2022 schedule19:50

Այսօր՝ դեկտեմբերի 6-ին, Արտակարգ իրավիճակների նախարարությունում տեղի է ունեցել Ճապոնիայի միջազգային համագործակցության գործակալության (ՃՄՀԳ/JICA) «Աղետների ռիսկերի նվազեցման նպատակով ճգնաժամային հաղորդակցության և հանրային իրազեկման բարելավման» ծրագրի միասնական համակարգող հանձնաժողովի 6-րդ ամփոփիչ նիստը:

Այս մասին տեղեկացնում է ՀՀ ԱԻ նախարարությունը։

Մասնակցել են ԱԻ նախարարի տեղակալ, ծրագրի տնօրեն Դավիթ Համբարյանը, Հայաստանում Ճապոնիայի արտակարգ և լիազոր դեսպան Մասանորի Ֆուկուշիման և ՃՄՀԳ Ուզբեկստանի գրասենյակի գլխավոր ներկայացուցիչ Սուգուրու Միյազակին, նախարարության տարբեր ստորաբաժանումների ղեկավարներն ու աշխատակիցները:

Ծրագրի մեկնարկն ազդարարվել էր 2019 թվականին: Նպատակն էր ստեղծել արդյունավետ համագործակցության խողովակներ և ճիշտ հաղորդակցություն ԱԻՆ-ի և ԶԼՄ-ների, ինչպես նաև ԱԻՆ-ի և պետական/ՏԻՄ գործընկերների միջև՝ աղետներին դիմակայուն Հայաստան կառուցելու համար:

Ծրագրի շրջանակում Արտակարգ իրավիճակների նախարարությունը՝ ՃՄՀԳ փորձագիտական խմբի աջակցությամբ անցկացրել է սեմինար/դասախոսություններ՝ ուսանողների և ԶԼՄ ներկայացուցիչների համար, առցանց քննարկումներ, վերապատրաստումներ, այդ թվում Ճապոնիայում: Մշակվել է «ԶԼՄ գիտելիքներ աղետի լուսաբանման համար» ուղեցույց, այնուհետև` գրքույկ-ուղեցույց և ճգնաժամային հաղորդակցության գործողությունների ստանդարտ ընթացակարգ: Մշակվել է նաև նոր կայք, որը ներառում է ծրագրի ընթացքում մշակված նյութերը՝ տեսա-աուդիո, ուսուցողական-մեթոդական, անիմացիաներ, լուսանկարներ: Նոր կայքում նախատեսվում է տեղադրել սեյսմիկ քարտեզ, որը հնարավորություն կտա սեյսմիկ իրադարձություները ներկայացնել ինտերակտիվ ձևաչափով:

ԱԻ նախարարի տեղակալ Դավիթ Համբարյանը նշել է, որ այս ծրագիրն իր գրանցած հաջողություններով միակ հպարտության առարկան չէ հայ-ճապոնական համագործակցության երկարամյա պատմության մեջ. Հայաստանն ու Ճապոնիան ավանդաբար հանդիսանում են անվտանգության և կանխարգելման մշակույթի կրողը, միասին հանդես գալիս դիմակայության, պատրաստվածության և անվտանգության դրոշի ներքո:

«Այսօր աշխարհի ոչ մի երկիր ապահովագրված չէ բնական, տեխնածին, համաճարակային, բնապահպանական աղետներից ու պատահարներից: Պետության կայուն զարգացման հենքը դիտարկվում է բոլոր ռիսկերը գիտակցող, իրազեկ և հմտություններ ունեցող քաղաքացին, իսկ ճգնաժամային կառավարման արդյունավետության հիմնաքարը՝ ճշգրիտ լրատվությունը»,- նշել է Դ. Համբարյանը:

«Ճապոնիայի միջազգային համագործակցության գործակալության աջակցությամբ իրականացված ծրագիրը նպատակ ունի ստեղծելու արդյունավետ համագործակցության խողովակներ»,- ասել է ԱԻ նախարարի տեղակալը:

«Եվ հենց այս տրամաբանության շրջանակներում, որպես ծրագրի հիմնարար արդյունք ուզում եմ շեշտել ԶԼՄ գիտելիքներ աղետի լուսաբանման համար գրքույկ-ուղեցույցի և ճգնաժամային հաղորդակցության գործողությունների ստանդարտ ընթացակարգի մշակումը, տեղեկատվական նոր կայքի գործարկումը»,- հավելել է նա:

Իր հերթին դեսպան Մասանորի Ֆուկուշիման հայտարարել է, որ ծրագիրն արդյունավետ էր, և կարևոր է, թե հետայսու ինչ գործողություններ է իրականացնելու Արտակարգ իրավիճակների նախարարությունը և ՀՀ կառավարությունը:

«Լսելով այսօրվա զեկույցները՝ հավաստիացա, որ ԱԻՆ-ն ունի գերազանց թիմ, որը ծրագրով ձեռք բերված արդյունքները կշարունակի կիրառել հետագայում: Իհարկե, այս ծրագիրը համագործակցության ավարտը չէ. Հայաստանն ու Ճապոնիան պատմական ամուր կապեր ունեն: Երկու երկրներում էլ բնական աղետները հազվագյուտ հանդիպող երևույթներ չեն, և երկու երկրներն էլ պայքարում են դրանց դեմ: Այդ աղետների դեմ պայքարելու շուրջ համագործակցությունն էլ ավելի կնպաստի հայ-ճապոնական կապերի ամրապնդմանն ու խորացմանը: Հուսով եմ, որ աղետների կանխարգելմանն ուղղված համագործակցությունը մեր երկրների միջև շարունակական կլինի, և որպես դեսպան, պատրաստ եմ իմ ներդրումն ունենալ այդ հարցում»,- ընդգծել է Մ. Ֆուկուշիման:

Նիստի ավարտին ՃՄՀԳ-ի և ԱԻՆ-ի միջև ստորագրվել է «Աղետների ռիսկերի նվազեցման նպատակով ճգնաժամային հաղորդակցության և հանրային իրազեկման բարելավման» ծրագրի միասնական համակարգող հանձնաժողովի 6-րդ նիստի արձանագրությունը:

Տպել
469 դիտում

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն