Հրել է մեքենան, որի մեջ 18 մարդ է եղել. 9-ամյա տղան պատրաստվում է նոր ռեկորդ սահմանել Հայաստանում

9-ամյա Մուկուչ Հախվերդյանը, որն իր տարեկիցների շրջանում աչքի է ընկնում արտասովոր ուժեղությամբ, մի քանի օրից Հայաստանում պատրաստվում է սահմանել ուժային նոր ռեկորդ։ Տղան գրանցված է «Դյուցազնագիրք» կոչվող Հայաստանի ռեկորդների, արտասովոր ունակություններով օժտված ռեկորդակիրների մասին տեղեկատու գրքում:

Մոտ երկու տարի առաջ Մուկուչը միայնակ հրել է «Ֆորդ տրանզիտ» մեքենա, որի մեջ 18 մարդ է եղել, սակայն, 9-ամյա տղայի խոսքով, քաշի առումով մարդկանց 17 հոգի է հաշվում: «17 եմ հաշվում, որովհետեւ մեքենայի մեջ շա՜տ նիհար, թեթեւ աղջիկ կար»,- «Հայկական ժամանակ»-ի հետ զրույցում ասում է նա:

Նոր ռեկորդ սահմանելու վերջնական որոշումն այսօր է կայացրել: Սպորտդահլիճում փորձել է, հայրը ժամ է պահել, հաջողվել է:

«3 կիլոգրամ գիրով ձգումներ եմ անելու ու նոր ռեկորդ սահմանեմ»,- ասում է տղան:

Օգնության գալով որդուն՝ Մուկուչի հայրը բացատրում է՝ տղայի յուրաքանչյուր ձեռքում լինելու է 3 կիլոգրամանոց գիր, արմունկից ծալելու է դեպի վերեւ եւ իջեցնի: Յուրաքանչյուր ձեռքով՝ 750 հատ: «Աշխարհի ռեկորդը եղել է 1333 հատ 18 րոպե 43 վայրկյանում: Ինքն էլ 19 րոպե 30 վայրկյանում անում է 1500 հատ»,- ասում է հայրը՝ Մայիս Հախվերդյանը:

Հարցին՝ ե՞րբ ու ինչպե՞ս են նկատել տղայի ուժը, Մայիս Հախվերդյանը հիշում է՝ մի անգամ «Յութուբ»-ով տեսանյութ են դիտել որդու հետ, նկատել, թե ինչպես է չինացի երեխան, փոքր չափի մեքենան հրելով, առաջ տանում: Որդին հորն ասել է, որ ինքն էլ կարող է մեքենա հրել:

«Ասացի՝ տղե՛ս, դու չես կարող, պնդեց, որ կարող է, 5 տարեկան էլ չկար. դուրս եկանք, ձեռքերը դրեց եղբորս մեքենային՝ «Քեմրի» մակնիշի, սկսեց վազել: Տարանք, նկարեցին, «Դյուցազնագրքում» էլ գրանցվեց հենց այդ ժամանակ: Հետո արդեն՝ 2 տարի առաջ, մեծ մեքենան՝ «Ֆորդ Տրանզիտ»-ը՝ 3 տոննա 750 քաշով՝ մարդկանց հետ՝ 12 մետր հրելով՝ տարավ»:

Հարցին՝ պատրա՞ստ է մի քանի օրից էլ նույնը կրկնել, Մուկուչն ասում է՝ իհարկե, պատրաստ է, բայց միեւնույն ժամանակ անկեղծանում է, որ տեսախցիկներից լարվում է. «Երբ կամերաները գան, չգիտեմ, թե ինչ կլինի: Երկու տարի առաջ փոքր էի դեռ, այդ ժամանակ 2,5 կիլոգրամով էի նույն բանն անում, ինչ անելու եմ ուրբաթ օրը: Ամեն ձեռքով 2600 հատ ձգում արեցի: Այդ ժամանակ հայրիկը նկարում էր՝ ես դրանից լարվում էի, ինձնից անկախ՝ մարմինս քոր էր գալիս, չէի կարողանում քորել ու քրոջս օգնությանն էի դիմում»,- պատմում է 9-ամյա տղան:

Մուկուչը նաեւ ասում է՝ փորձելու է այնպես անել, որ աշխարհում ոչ ոք իր տարիքայիններից չանցնի ռեկորդով: Մուկուչ Հախվերդյանը նաեւ ըմբշամարտով է զբաղվում: Տեսնելով եւ լսելով Մուկուչի ուժային ռեկորդները՝ տղայի տարեկիցներից ոչ ոք չի ցանկանում մենամարտել նրա հետ:

Հետաքրքրվում ենք, թե ազատ ժամանակ ինչո՞վ է զբաղվում, ունի՞ ընկերներ, որոնց հետ բակային խաղեր է խաղում, տղան պատասխանում է. «Նախկինում շատ ընկերներ ունեի, այժմ շատերը այստեղ չեն: Հիմա մենք 8 ընկեր ենք ու միասին շատ ենք սիրում ֆուտբոլ խաղալ»:

9-ամյա տղայի խոսքով՝ ըմբշամարտն իր զբաղմունքներից ամենաշատն է սիրում, իսկ խելացի լինելու համար որոշել է ծրագրավորող դառնալ:

Մուկուչը 5-րդ դասարան է փոխադրվել, հարցին՝ լա՞վ է սովորում, պատասխանում է՝ գերազանցիկ չէ եւ շտապում պատմել վատ սովորելու, դրա պատճառով իր կրած պատժի մասին. «Դասերիս քիչ էի ուշադրություն դարձնում, հայրիկը ջղայնացել է ու թույլ չի տալիս, որ ըմբշամարտով զբաղվեմ, բայց ես խոստացել եմ, որ սեպտեմբերից լավ եմ սովորելու, որպեսզի կարողանամ կրկին իմ սիրած սպորտով զբաղվել»:

Տղայի ցանկությունն է ամբողջ աշխարհում ամենաուժեղը լինել այս սպորտաձեւում. «Ես ավելի շատ հայրիկի հետ եմ այդ մասին խոսում, բայց երբեմն մայրիկի հետ էլ եմ խոսում: Մայրիկը միշտ ասում էր, որ շատ ծանր քաշ չբարձրացնեմ՝ ինձ վնաս կտամ, բայց հայրիկը նրան ասում էր, որ ես կարող եմ»:

Խոսելով նպատակների ու ցանկությունների մասին՝ նշում է՝ ուզում է բանակում ծառայել. «Իմ հայրիկը 17 տարի ծառայել է, եղել է սպա: Ես էլ եմ ուզում զինվորական լինել»:

Հարցին՝ մտածե՞լ է՝ ինչպես է ստացվել, որ ինքը ուժեղ է իր տարեկից ընկերներից, Մուկուչը, նախ, շտապում է ուղղել, որ ընկերներն էլ են ուժեղ, ապա հավելում. «Իմ հորեղբոր որդին Հայաստանի կրկնակի չեմպիոն է ըմբշամարտի, պապիկիս եղբայրն էլ է ըմբշամարտի չեմպիոն եղել»:

Տպել
1438 դիտում

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին