Հաշվի առեք մեր մեծ ավանդը. մանկավարժ վետերանները խնդրանքով դիմում են Երևանի քաղաքապետին

Երեւանի «Մանկավարժ վետերաններ» hասարակական կազմակերպության անդամները դիմել են «Հայկական ժամանակ»-ի խմբագրություն եւ հայտնել, որ զրկվել են իրենց ՀԿ-ին ամեն տարի հատկացվող վեց հարյուր հազար դրամ գումարից: Ըստ նրանց՝ ՀԿ-ն մինչեւ անցյալ տարի յուրաքանչյուր ամիս ստացել է 50 հազար դրամ գումար:

Բանն այն է, որ ամեն տարի Երեւանի քաղաքապետարանը «Նվիրատվություններ այլ շահույթ չհետապնդող կազմակերպություններին» հոդվածով նախատեսված գումարներից որպես աջակցություն տալիս էր կազմակերպությանը՝ պահպանման ծախսերի փոխհատուցմանն աջակցելու նպատակով՝ լիազորելով կնքել նվիրատվության պայմանագիր:

Սակայն ՀԿ-ի նախագահի տեղակալ Աշոտ Ղուկասյանի փոխանցմամբ՝ այս տարի պայմանագիր չի կնքվել, իսկ երբ դիմել են քաղաքապետարան՝ պատճառն իմանալու համար, պահանջել են տարածքի հատկացման մասին փաստաթղթային ապացույց: 

Շուրջ 19 տարի է՝ «Մանկավարժ վետերաններ» ՀԿ-ն հանգրվանում է Իսրայելյան 37 հասցեի առաջին հարկում: Եվ ինչպես Ղուկասյանն է հայտնում, այսքան ժամանակ դեռ չի եղել դեպք, որ իրենցից որեւէ փաստաթուղթ կամ ապացույց պահանջեն:

80 հոգանոց մանկավարժ վետերանները, որտեղ 63-99 տարեկան անձինք են, շաբաթական 2-3 անգամ հավաքվում են ՀԿ-ին հատկացված տարածքում, զրուցում, պատմություններ պատմում, միջոցառումներ անում, մանկավարժական թեմաներով զեկուցումներ կարդում՝ փորձելով իրենց ժամանցը կազմակերպել օգտակար:

Աշոտ Ղուկասյանի խոսքով՝ սկզբում, երբ նոր են եղել խոսակցությունները, որ բացի ֆինանսական աջակցությունը կտրելուց, վտանգ կա այդ տարածքից զրկվելու, դիմել են Երեւանի Կենտրոն վարչական շրջան, 2018 թվականին ստացել պատասխան, որում ասվում է՝ Իսրայելյան 37 հասցեի առաջին հարկի մեկ հատվածն օգտագործման նպատակով 2003 թվականին հատկացվել է Երեւանի «Մանկավարժ վետերաններ» ՀԿ-ին:

«Այդ գումարը մեզ շատ է օգնում, հիմնարկի հեռախոսի գումարը (5000 դրամ) ենք տալիս ամեն ամիս, լույսի գումարը, երբեմն մեր անապահովներին ենք օգնություն տրամադրում այդ գումարից, տոներն ենք նշում: Շաբաթական երկու անգամ հավաքվում ենք, ուրախալի պատմություններ պատմում, քննարկումներ անում մանկավարժական թեմաներով, միջոցառումներ ենք կազմակերպում, զեկուցումներ եւ այլն»,- իրենց առօրյայի մասին է պատմում Աշոտ Ղուկասյանը:

2021 թվականի դեկտեմբերից, երբ արդեն ի հայտ են եկել վերոնշյալ խնդիրները, ՀԿ-ի անդամները նամակով դիմել են Երեւանի քաղաքապետ Հրաչյա Սարգսյանին, ընդունելություն խնդրել, սակայն մինչ օրս դեռ չեն կարողացել հանդիպել քաղաքապետի հետ. «Նախկինում ամիսը մեկ անգամ ընդունելություն էին անում, բայց այժմ չեն անում, կուզենայինք, որ այդ պրակտիկան վերականգնվեր»:

Նրանց փոխանցմամբ՝ դրանից հետո նամակով դիմել են քաղաքապետարան, սակայն իրենց նամակը հասցեագրվել է Կենտրոն վարչական շրջանին, եւ, ի զարմանս մանկավարժ վետերանների, պատասխանել են, որ դիմեն քաղաքապետարան:

Այս տարի նրանց հետ պայմանագիր չեն կնքում՝ պահանջելով վերոնշյալ տեղեկանքը: Իսկ տեղեկատվությունը տրամադրելու համար նշվում է, որ կարող են դիմել Հայաստանի ազգային արխիվ: Ղուկասյանի փոխանցմամբ՝ դիմել են Արխիվ, սակայն այնտեղից էլ բանավոր պատասխանել են, որ չեն կարողանում գտնել այդ փաստաթղթերը, քանի որ դրանք թվայնացված չեն:

«Կարողանո՞ւմ են գտնել, թե՞ ոչ, դա մի կողմն է, բայց առանց թույլտվության ու ինքնագլուխ կարո՞ղ էր, ըստ ձեզ, 19 տարի մի կազմակերպություն գործել»,- հարցադրում է անում ՀԿ տնօրենի տեղակալը:

Դեռեւս 2021 թվականի դեկտեմբերի 24-ից ՀԿ-ի նախագահ Լիլիա Պետրոսյանին ուղարկված պատասխան նամակով Երեւանի քաղաքապետարանից հայտնել են, որ ՀԿ-ին ֆինանսական աջակցություն հատկացնելու հարցն այժմ քննարկման փուլում է, արդյունքների մասին լրացուցիչ կտեղեկացնեն: Ավելի ուշ՝ փետրվարին, ՀԿ անդամների նամակին եւս նույն պատասխանն է տրվել: Մի քանի օր առաջ էլ արդեն ասել են, որ մինչեւ չներկայացնեն թույլտվության փաստաթուղթը, նոր պայմանագիր կազմել հնարավոր չի լինի:

«Կարծում ենք՝ դա այնքան էլ մեծ գումար չէ, ուստի խնդրում ենք վերականգնել: Մեր ՀԿ-ի մանկավարժները արժանի են այդ նվազագույն գնահատանքին: Խնդրում ենք հաշվի առնել այն մեծ ավանդը, որ ներդրել ենք մատաղ սերնդի կրթման ու դաստիարակման գործում: Իսկ եթե այս հարցին որեւէ լուծում չտրվի, մենք կհասկանանք, որ պիտանի չենք այլեւս այս երկրում ոչնչով, ու անիմաստ բեռ են երբեմնի ամենակարեւոր աշխատանքն իրականացրած մանկավարժները»,- «Հայկական ժամանակ»-ի հետ զրույցում գանգատվում են մանկավարժ վետերանները: Նրանք խնդրում են, որ քաղաքապետի հետ հանդիպում կազմակերպվի. վստահ են՝ եթե Հրաչյա Սարգսյանն իրենց ընդունի, հարցը լուծում կստանա:

Երեւանի քաղաքապետարանից փորձեցինք վերոնշյալ հարցադրումների վերաբերյալ պատասխան ստանալ: Մեզ հայտնեցին, որ առայժմ այդ հարցը մեկնաբանել չեն կարող:

«Հայկական ժամանակ»-ը նաեւ գրավոր հարցում է ուղարկել Հայաստանի ազգային արխիվ, ի պատասխան՝ հայտնել են, որ Կենտրոն վարչական շրջանի 2002-2003 թվականների որոշումներում «Իսրայելյան 37 հասցեում «Մանկավարժ վետերաններ» ՀԿ-ի վերաբերյալ տեղեկատվություն չի հայտնաբերվել:

Տպել
1575 դիտում

Նոր տրանսֆեր․ «Արարատ-Արմենիա»-ի հերթական համալրումը

ՀՀ նախագահն ու Արտակ Բեգլարյանը քննարկել են Արցախի հումանիտար խնդիրներն ու դրանց լուծման հնարավոր ուղիները

Նախատեսվում է ՀՀ-ում ընտրական գործընթացն իրականացնել միայն ID քարտերով. ինչը կբացառվի սրանով, և որ փուլում է գործընթացը

Շիրակի մարզպետը չինարեն կսովորի․ Նազելի Բաղդասարյանն ընդունել է Հայաստանում ՉԺՀ դեսպան Ֆան Յոնգին

«Դիմադրություն» շարժման հավաքների մասնակիցների թիվը տատանվել է 2000-4000-ի սահմաններում. ԻՔՄ

Տիգրանաշենի ոլորանների սկզբնամասում ավտոմեքենան ընկել է ձորը․ կան տուժածներ

Մշակվող օրենսդրական փոփոխությամբ ոչ սահմանված վայրում աղբ թափելու համար տուգանքները կխստացվեն․ Հրաչյա Սարգսյան

Որքան մարդ է մասնակցել ընդդիմության այսօր հրավիրած հանրահավաքին

Իրականացվել են Վեդի խոշորացված համայնքի դիմումատուների հարցազրույցները․ Արսեն Թորոսյան

Եղեգնաձոր-Հորս ճանապարհին ավտոմեքենան հայտնվել է ձորակում․ տուժածը հոսպիտալացվել է

Անձրևների ժամանակ հեղեղ փողոցներում եւ գետնանցումներում. ինչու են խցանվում անձրևատարերը, և ում տիրույթում է խնդիրը

Աթենքում եռակողմ համագործակցության հուշագիր է ստորագրվել Հայաստանի, Հունաստանի և Կիպրոսի միջև

Մենք աջակցում ենք տրանսպորտային և հաղորդակցության օբյեկտների բացմանը՝ առանց ինքնիշխան միջանցքի տրամաբանության․ Վարդանյան

Արարատ Միրզոյանն ու Արտակ Բեգլարյանը քննարկել են պատերազմի հետևանքով առաջացած հումանիտար հարցերի հաղթահարման ընթացքը

Դիլիջանի միջազգային դպրոցում ամփոփվել են Տավուշում հանրակրթության նոր չափորոշչի առաջին փուլի փորձարկման արդյունքները

Արթուր Դավթյանը պարգևատրվել է «ԱՊՀ երկրների պատվավոր դատախազ» կրծքանշանով

Մոսկվայում կայացել է ԱՊՀ պաշտպանության նախարարների խորհրդի հերթական նիստը

Բազմահամակազմ խմբի ուսուցչին 75 տոկոսի հավելավճար կտրվի, սովորողների թիվը կսահմանվի 25․ ԿԳՄՍՆ նոր նախագիծ է շրջանառում

ՀՀ վարչապետը մասնակցել է Ոստիկանության զորքերի կազմավորման 30-ամյակին նվիրված տոնական միջոցառմանը (տեսանյութ)

Ալեն Սիմոնյանը հանդիպել է Ավստրիայի Ազգային խորհրդի նախագահին․ ԱԺ նախագահը Վոլֆգանգ Սոբոտկային հրավիրել է Հայաստան

Մինսկում կայացել է Հայաստանի, Ռուսաստանի և Ադրբեջանի գլխավոր դատախազների եռակողմ հանդիպումը

Երևանում մեքենայում հրդեհ է բռնկվել. մինչ փրկարարների հասնելը՝ քաղաքացիները իրենց ուժերով մարել են կրակը

Հրամանատարական կետի անձնակազմի հետ անցկացվել են համալիր մարզումներ

Կայացել է համակարգչային միջադեպերի արձագանքման հարցերով ՀԱՊԿ խորհրդատվական համակարգող կենտրոնի խորհրդի նիստը

Քննարկվել են հաշմանդամություն ունեցող կանանց կյանքի որակի բարելավման հարցեր

Դոլարի եւ եվրոյի փոխարժեքները նվազում են. ՀՀ կենտրոնական բանկը հրապարակել է նոր փոխարժեքներ

Բացահայտվել են ՃՈ տեսուչների կողմից պաշտոնեական կեղծիք կատարելու դեպքեր

ՀՀ ՍԴ և ՄԻԵԴ նախագահները կարևորել են գործընկերության զարգացումը Եվրոպայի բարձր դատարանների միասնական ցանցի շրջանակում

Կառավարությունը հետևողականորեն աջակցում է ներառականության գործընթացին. ՀՀ վարչապետ

Նախագահ Վահագն Խաչատուրյանն ընդունել է Ամերիկայի Հայկական համագումարի պատվիրակներին

Ադրբեջանին ՊՆ շարունակում է ապատեղեկատվություն տարածել. ՀՀ ԶՈՒ ստորաբաժանումները կրակ չեն բացել

Հույն պատգամավորներն այցելել են Հայոց ցեղասպանության հուշահամալիր

Սպասվում է կարճատև անձրև. առաջիկա օրերի եղանակային կանխատեսումը

Հայտնաբերվել է 1334 գրամ «մարիխուանա» տեսակի թմրամիջոցի 70 թիթեղյա տարա. ՊԵԿ

Ավտոտեխսպասարկման կետում մեքենայի պայթյունից 5 հոգի տուժել է, մեկի կյանքին վտանգ է սպառնում՝ մարմնի 65 տոկոսը այրվել է

Զորամասի հրամանատարին մեղադրանք է առաջադրվել 2,5 մլն դրամի ավտոբենզինի, դիզելային վառելիքի կտրոնների հափշտակության համար

ՀՀ-ի և Լյուքսեմբուրգի ԱԳ նախարարներն ուղերձներ են փոխանակել դիվանագիտական հարաբերությունների 30-ամյակի կապակցությամբ

Մոսկվայում տեղի կունենա հայ-ադրբեջանական սահմանազատման հանձնաժողովի երկրորդ նիստը. Լավրով

Կենդանաբանական այգում կանաչապատման մեծաթիվ աշխատանքներ են ընթանում (լուսանկարներ)

Երեկվա ուժգին քամին տապալել է Նար-Դոսի դպրոցի մոտակայքի հաստաբուն ծառը (լուսանկարներ)