ՀՊՏՀ-ից հիմնականում դուրս են մնում ակադեմիական անբավարար առաջադիմություն ունեցող ուսանողները. Դիանա Գալոյան

Հայաստանի պետական տնտեսագիտական համալսարանի ռեկտոր Դիանա Գալոյանի հավաստմամբ՝ ՀՊՏՀ-ն տարածաշրջանի լավագույն բուհը դառնալու ձգտում ունի, և այն կրթական բարեփոխումներով, նոր մոտեցմամբ պատրաստ է դիմավորել ապագա ուսանողներին:

Դիանա Գալոյանի հետ «Հայկական ժամանակ»-ի ամբողջական զրույցը՝ ստորև.

- Տիկին Գալոյան, ՀՊՏՀ-ի ռեկտորի պաշտոնում Ձեր ընտրությունը որոշ ուսանողների և դասախոսների կողմից ոչ միանշանակ ընդունվեց: Սակայն, այնուամենայնիվ, Դուք չթողեցիք այն և շուրջ 2 տարի պաշտոնավարում եք: Այժմ ի՞նչ մթնոլորտ է ձևավորված համալսարանում:

- Ի սկզբանե այդ աղմուկը դրսից է եղել: Ներսում երբեք որևէ աղմուկ չի եղել, մասնավորապես՝ իմ անձի հետ կապված: Իսկ այժմ դրսի աղմուկն էլ է խլացել: Մենք մշտապես նույն եռանդով շարունակում ենք աշխատել:

- Ձեր պաշտոնավարման այս կարճ ժամանակահատվածում ինչպիսի՞ փոփոխություններ են իրականացվել բուհում, և այն դիմորդները, որոնք ցանկանում են կրթություն ստանալ ՀՊՏՀ-ում, նրանց համար ինչպիսի՞ հնարավորություններ կան:

- Փոփոխությունները բավականին շատ են: Կցանկանայի առանձնացնել նրանք, որոնք վերաբերում են դիմորդներին. ապրիլի 15-ից մեկնարկում է ընդունելության գործընթացը բուհ: Այս առումով մեր մասնագիտական կրթական ծրագրերի փոփոխումն ու վերանայումն է կարևոր: Նախորդ տարի մենք ՀՀ կենտրոնական բանկի, Որակի ազգային կենտրոնի և ՀՊՏՀ փորձագետների հետ ամբողջությամբ վերանայեցինք տնտեսագիտություն և ֆինանսներ մասնագիտությունների բակալավրական և մագիստրոսական կրթական ծրագրերը՝ դրանք համապատասխանեցնելով միջազգային չափանիշներին: Ամբողջությամբ վերանայել ենք նաև առարկայական ծրագրերը, ձեռք բերել նոր գրականություն: Այս առումով գործընթացը լինելու է շարունակական: Շուտով կսկսենք իրականացնել նաև կրկնակի դիպլոմ շնորհող միջազգային կրթական ծրագրերը:

Մագիստրոսական կրթական ծրագրերի առումով հարկ է նշել, որ դրանք իրականցվում են ոլորտի առաջատար գործատուների հետ համատեղ: Այս կրթական ծրագրերը տևում են մեկուկես տարի, իսկ դասերը երեկոյան ժամերին են, ինչը շատ գրավիչ է աշխատող ուսանողների համար: Գործատուները մագիստրոսներին հրավիրում են իրենց մոտ փորձաշրջան անցնելու, հետագայում՝ նաև աշխատանքի հնարավորություն են ընձեռում:

Արդեն մեկնարկել են նաև բուհի ակադեմիական կազմի վերապատրաստման, որակավորման բարձրացման դասընթացները: Դրանք իրականացնում ենք թե՛ տեղեկատվական տեխնոլոգիաների, թե՛ լեզուների, թե՛ մասնագիտական ու հետազոտական հմտությունների բարելավման նպատակով: Նոր դիմորդները կարող են վստահ լինել՝ Տնտեսագիտական համալսարանն առաջարկում է միջազգային չափանիշներին համապատասխան կրթական ծրագրեր, որտեղ դասավանդում են առաջատար մասնագետներ: Արդյունքում մեր շրջանավարտները մրցունակ են լինում ոչ միայն Հայաստանի, այլ նաև միջազգային աշխատաշուկայում:

- Այս պահին քանի՞ ուսանող ունի բուհը, և արդյոք եղե՞լ են ուսանողներ, որոնք դուրս են մնացել համալսարանից: Եթե եղել են, ապա ի՞նչ պատճառներով:

- Այս պահին սովորողների ընդհանուր թիվը 7500 սահմանում է: Վերջին երկու տարիներին էապես ավելացել է ՀՊՏՀ և ՀՊՏՀ քոլեջ ընդունվողների թիվը: Այս տարի էլ ակնկալում ենք, որ ընդունելությունը պատշաճ մակարդակի վրա կլինի:

Բուհից դուրս մնալու դեպքերը բազմաթիվ են. ամեն կիսամյակում՝ շուրջ 100-150 ուսանող: Պատճառը հիմնականում ակադեմիական անբավարար առաջադիմությունն է. կա՛մ լուծարքների հետևանքով են դուրս մնում, կա՛մ չեն ներկայանում դասընթացներին: Երբեք որևէ ուսանող Տնտեսագիտական համալսարանից դուրս չի մնացել վարձավճարը չվճարելու պատճառով: Մենք միշտ ընդառաջում ենք մեր ուսանողներին: Հատկապես եթե լավ սովորող ուսանողներ են, ապա զեղչեր և ֆինանսական օգնություններ են գործում նրանց դեպքում:

- Վերջերս համալսարանը անդամակցեց ԱՊՀ ցանցային համալսարանական կոնսորցիումին: Ի՞նչ է նշանակում սա, և ի՞նչ ձեռքբերումներ են սպասվում: Առհասարակ, ի՞նչ հնարավորություններ են ստեղծվում նման համագործակցությունների արդյունքում:

- Այս անդամակցությունը հնարավորություն է տալիս մեր ուսանողներին ԱՊՀ տարածաշրջանի բուհերում սովորել մեկ կիսամյակ կամ ուսումը շարունակել այդ համալսարաններում՝ ցանցի կողմից տրամադրված կրթաթոշակներով: Միևնույն ժամանակ, միջազգային տարբեր կառույցներին ՀՊՏՀ անդամակցությունը մեծացնում է բուհի տեսանելիությունը միջազգային հարթակներում: Մասնավորապես՝ վերջին երկու տարվա ընթացքում մեր համալսարանը ներառվել և վարկանշանավորվել է համաշխարհային ճանաչում ունեցող «QS World University Rankings-ում», իսկ 2021թ. բարելավվել է իր դիրքերն այս վարկանիշում՝ ՀՀ վարկանշանավորված բուհերի ցանկում գրավելով 3-րդ տեղը: ՀՊՏՀ-ն նաև միակ բուհն է, որ վարկանշանավորված է «Times Impact Ranking»-ում: Այս վարակնիշում բոլոր համալսարանները գնահատվում են՝ ըստ ՄԱԿ-ի կայուն զարգացման նպատակների համապատասխանության: Վերջերս Եվրոպական հանձնաժողովի կողմից ՀՊՏՀ-ն ստացել է նաև «Գիտահետազոտական ոլորտի կառավարման գերազանցության աստիճան» (HR Excellence in Research award): Վստահ կարող եմ ասել, որ միջազգայնացումը ՀՊՏՀ հիմնական առաջնահերթություններից է:

- Բարձրագույն ուսումնական հաստատություններում հատկապես կարևոր է հետևել կարգուկանոնի պահմանը, քանի որ պատասխանատու ուսանող կրթելն ու դաստիարակելը առանցքային նշանակություն ունի ուսումական գործընթացում: ՀՊՏՀ-ում ինչպիսի՞ պահանջներ են ներկայացված, որոնց պարտադիր պետք է հետևեն ուսանողները և դասախոսները:

- Մեր կողմից վերջերս մշակվել և հաստատվել են բուհի ներքին կարգապահական կանոնները, որոնք անհրաժեշտ է պահպանել: Ես նույնպես կարծում եմ, որ որակը սկիզբ է առնում կարգապահությունից: Եվ այդ կարգապահությունը ենթադրում է և՛ ժամանակին աշխատանքին ներկայանալը, և՛ ժամանակից շուտ չհեռանալը: Այս առումով համալսարանում վերահսկողությունը շատ խիստ է դրված: Մեզ հաջողվում է պատշաճ կերպով իրականացնել այդ ամենը և անել ամեն ինչ, որպեսզի կարգապահական նորմերը չխախտվեն:

- Իսկ արդյոք եղե՞լ են դասախոսներ, որոնք հեռացվել են բուհից սահմանված կանոնները խախտելու կամ պարտականությունները ոչ բավարար կատարելու պատճառով:

- Ուսանողների բողոքների հիման վրա եղել է, որ դասախոսների հետ լուծարվել են աշխատանքային պայմանագրերը: Կարծում եմ՝ դասախոսական կազմն աշխատում է ողջ եռանդով և ներուժով, սակայն դասախոսի աշխատանքի իրական գնահատականը կարող է տալ միայն ուսանողը: Այդ նպատակով մենք իրականացնում ենք ուսանողական հարցումներ, որոնք անանուն են ու վերբեռնված ՀՊՏՀ Moodle համակարգում: Դասընթացի ավարտից հետո ուսանողները գնահատում են դասախոսին: Այդ հարցումներից ստացված արդյունքների հիման վրա փորձում ենք շտկումներ իրականացնել ամբիոների վարիչների հետ: Որոշակի աշխատանքային պլան ենք մշակում, որով միտում ունենք բարելավել դասախոսի աշխատանքի որակը:

Դասախոսական կազմը բավականին մեծ է. մեր հիմնական աշխատողները 545-ն են, որից 245-ը վարչական են, համատեղությամբ աշխատում են մոտ 135 դասախոս, որոնք հիմնականում գործնական ոլորտից են: Պետք է նշել, որ դժգոհությունների կողքին ուսանողները նաև բավականին գոհ են դասախոսական կազմից: Հարցման արդյունքներով՝ ՀՊՏՀ դասախոսների վարկանիշը միջինում 3.64 միավոր է 4 բալային սանդղակով:  

- Ո՞րն է այն ցանկալի կետը, որին Դուք ուզում եք հասցնել ՀՊՏՀ-ն, և Ձեզ դա կբավարարի:

- Իմ երազած համալսարանը ուսանողակենտրոն այն բուհն է, որը ուսանողին տալիս է որակյալ կրթություն և դարձնում մրցունակ՝ թե՛ ներքին, թե՛ միջազգային աշխատաշուկաներում: Ես երազում եմ Տնտեսագիտական մայր բուհը տեսնել որպես տարածաշրջանի լավագույն բուհ:  

 

Տպել
7271 դիտում

Երևանում և 4 այլ քաղաքներում 4 օրում հրդեհի մասին 5 ահազանգ է եղել

ԱՄՆ-ում քննարկում են Հայաստանին պաշտպանողական զենք վաճառելու հարցը. Հայ դատի հանձնախումբ

Գտնվում ենք այնպիսի ճակատագրական վիճակում, որ պահանջում է երկխոսություն և համատեղ որոշման կայացում. Լևոն Տեր-Պետրոսյան

Լևոն Տեր-Պետրոսյանը հանրայնացրել է տեքստը, որը պետք է ընթերցվեր Էջմիածնի հանդիպումից հետո

Կառավարության անդամները վաղը Եռաբլուր չեն այցելի

Նախնական արդյունքներով՝ որ ուժերն են հաղթանակ տարել երեկվա ՏԻՄ ընտրություններում, և ովքեր կլինեն նոր համայնքապետները

Ազգությամբ քուրդ Աթիլլա Չիչեքի և Հուսեին Յըլդըրըմի նկատմամբ դեռ օգոստոսից ՀՀ-ում հետախուզում է հայտարարված եղել

ժամը 22:00-ի դրությամբ իրավիճակը հայ-ադրբեջանական սահմանին հարաբերականորեն կայուն է

Ֆրանսիան պահանջել է, որպեսզի Ադրբեջանի ուժերը վերադառնան ելման դիրքեր. Փարիզում կայացել է Փաշինյանի և Մակրոնի հանդիպումը

ՀՀ-ի ՄԱԿ Թմրամիջոցների և հանցավորության դեմ պայքարի գրասենյակի միջև ստորագրվել է համագործակցության ճանապարհային քարտեզ

«Մա՛մ, էն տղեն, որ նկարում էի, պատերազմում է զոհվել». Արեն Մալաքյանը դիմանկարիչ էր, հաճախ էր նկարում հերոսներին

Հերյուրանքի հեղինակին դատական կարգով պարտավորեցնելու եմ հրապարակային ներողություն խնդրել․ Շիրակի մարզպետ

Խոր ցավով տեղեկացա Իժևսկ քաղաքի դպրոցներից մեկում տեղի ունեցած ողբերգական միջադեպի մասին․ Նիկոլ Փաշինյանը հեռագիր է հղել

Կրակային պատրաստություն, մարտավարություն ռազմամարզական ճամբարում․ 11-րդ դասարանցիները 10 օր իրենց կզգան բանակում

Գազի ներքին ցանցի կառուցում, ասֆալտապատում, կենտրոնների նորոգում․ Աշոցքում ընթացքի մեջ են սուբվենցիոն ծրագրերը

ՔՊ-ն Բարձրագույն դատական խորհրդի անդամի թեկնածուներ է առաջադրել

Ինչ էլ ստորագրի, պիտի ասեն՝ դավաճան, թուրք, ով էլ գա, գուցե և ավելի վատ փաստաթուղթ է ստորագրելու․ Լևոն Տեր-Պետրոսյան

ՀՀ ԱԳՆ-ի դիմաց մի շարք քաղաքական և հասարակական ուժեր հավաք են իրականացրել՝ պահանջելով դուրս գալ ՀԱՊԿ-ից

ՀՀ ժողովրդական նկարիչ Արամ Իսաբեկյանը պարգևատրվել է ԿԳՄՍ նախարարության ոսկե մեդալով

Ադրբեջանը քննարկել է Երևանում կայանալիք «Մանկական Եվրատեսիլ-2022»-ին իր մասնակցության հարցը

Սևանի բազմագործառութային պետական քոլեջում կստեղծվի տեխնոլոգիական ուսուցման կենտրոն

Բերդ համայնքում ՏԻՄ ընտրություններին քարոզչություն կատարելուն հարկադրելու մեղադրանքով երկու անձ կալանավորվել է. ՔԿ

Կդադարեցվի Արտաշատ համայնքի Քաղցրաշեն, Այգեզարդ և Այգեպատ բնակավայրերի գազամատակարարումը

Մեկնարկել է Հայ-ռուսական երիտասարդական 8-րդ համաժողովը

Առցանց անմաքս առևտրի շեմը կգործի մինչև 2023 թվականի ապրիլի 1-ը

Դեսպան Սարգսյանը Կատարի կապի նախարարի հետ անդրադարձել է ադրբեջանական վերջին ագրեսիայի հետևանքով ստեղծված իրադրությանը

Զորքերը պետք է վերադառնան սկզբնական դիրքեր. Մեծ Բրիտանիայի դիրքորոշումն Ադրբեջանի ագրեսիայի վերաբերյալ

Հունաստանի ԱԳ նախարարը կժամանի Հայաստան

Դոլարն ու եվրոն էժանանում են. ՀՀ կենտրոնական բանկը հրապարակել է նոր փոխարժեքներ

Կարեն Անդրեասյանը միջազգային գործընկերներին է ներկայացրել մեկ տարում իրականացված բարեփոխումային ծրագրերի արդյունքը

ՀՀ ԱԳ նախարարի տեղակալը Միրոսլավ Հացեկին է ներկայացրել ՀՀ տարածքի նկատմամբ Ադրբեջանի կողմից սանձազերծված վերջին ագրեսիան

Թատրոնի վարագույրը պետք է բացվի, մենք էլ՝ լինենք մեր «խրամատում». Գյումրու դրամատիկականն ազդարարեց 157-րդ թատերաշրջանը

Լևոն Տեր-Պետրոսյանը Հանրայինի եթերում հարցազրույց կունենա

Հայաստանում առաջին անգամ կանցկացվի «Թատերական պաստառներ» միջազգային փառատոն-մրցույթը

Ֆինանսների նախարարը և ԱՄՀ հայաստանյան առաքելության ղեկավարը քննարկել են մակրոտնտեսական զարգացումներին առնչվող հարցեր

Մահացել է օլիմպիական չեմպիոն Ռաֆայել Չիմիշկյանը

ՌԴ Պետդումայի նախագահ Վոլոդինը հանդիպել է Ադրբեջանի նախագահ Ալիևի հետ

Թող հրեական համայնքը շարունակի իր դարավոր և անխափան ընթացքը. ՀՀ վարչապետի շնորհավորական ուղերձը Ռոշ Հաշանայի առթիվ

Վատ և անտեղի. Զոհրաբ Մնացականյանը անդրադարձել է Բելառուսի արտգործնախարարի՝ Փելոսիի այցի քննադատությանը

Քրիստիննե Գրիգորյանն աշխատանքային այցով կմեկնի Ստրասբուրգ