Երեւանի մի քանի փողոցներում նոր փոստարկղեր են տեղադրվել. հարցազրույց «Հայփոստ» ՓԲԸ գլխավոր տնօրենի հետ

«Հայփոստ» ՓԲԸ-ում վերջին շրջանում կատարված աշխատանքի, իրականացված փոփոխությունների եւ առաջկա նոր ծրագրերի մասին «Հայկական ժամանակ»-ը զրուցել է «Հայփոստ»-ի գլխավոր տնօրեն Հայկ Կարապետյանի հետ:

- Պարոն Կարապետյան, Երեւանի մի քանի փողոցներում նոր փոստարկղեր են տեղադրվել: Սա շարունակակա՞ն է լինելու, եւ միայն Երեւանո՞ւմ եք նախատեսել, թե՞ մարզերում նույնպես կտեղադրվեն այդ փոտարկղերից:

- Ծրագրել ենք փոստարկղեր տեղադրել Երեւանի եւ Հայաստանի բոլոր տուրիստական վայրերում, որովհետեւ սա հիմնականում ուղղված է զբոսաշրջության զարգացմանը: Եվ նման մի ավանդույթ կա. երբ զբոսաշրջիկը գալիս է Հայաստան, ուզում է բացիկ ուղարկել իր երկիր, մենք էլ խթանելու ենք դրան: Այդ փոստարկղերը տեղադրելը բավականին թանկ հաճույք է, եւ մենք առաջնահերթություններով ենք առաջնորդվելու. որտեղ կա մեծ տուրիստական հոսք, անպայման լինելու են:

227531.jpg (93 KB)

Իսկ ի՞նչ պարբերականությամբ եք թարմացնելու, նամակները, քանի՞ օրը մեկ են վերցվելու:

- Առաջին շաբաթն ամեն երկրորդ օրը մեկ էինք փոխում: Մյուս շաբաթվանից սկսած՝ ամեն օր նամակները վերցվելու են այդտեղից:

Այս տարվա սկզբից «Հայփոստ» ՓԲԸ-ն եռակի թանկացրել էր միջազգային առաքման սակագները․ «Հայփոստ»-ը նպատակադրվել էր 2021 թվականին դառնալ ոչ վնասով աշխատող կազմակերպություն։ Ընկերությունըսահմանելով առաքման նոր սակագներ, հույս ուներ, որ այն բավարար կլինի՝ իրավիճակը բարելավելու համար: Գրեթե մեկ տարի արդեն անցել է այդ փոփոխություններից, ի՞նչ արդյունք կամ ակնհայտ փոփոխություն է գրանցել ՓԲԸ-ն:

- Մենք այս տարի երկու անգամ ավելի լավ ենք աշխատում, քանի 2020 թվականին: 2017 թվականից ի վեր ՓԲԸ-ն ունեցել է նեգատիվ տրենդ, այսինքն՝ ամեն տարի վիճակը վատացել է՝ եկամուտի տեսանկյունից: 2021 թվականին երկու անգամ ավելի քիչ վնասով ենք աշխատել 2020 թվականի համեմատ: Մյուս տարի ունենալու ենք դրական դինամիկա, ավելի քան 300 միլիոն դրամի եկամտաբերություն: 2020 թվականին, երբ անցանք պետական կառավարման տակ, ֆինանսական առումով ամենացածր կետում էինք գտնվում: Կառավարության վերցնելուն պես մենք սկսել ենք վերականգնվել:

- «Հայփոստ» ՓԲԸ-ի տարբեր մարզերի փոտային բաժանմունքների շենքերի վիճակն այնքան էլ բարվոք չէ: Դուք Ձեր հարցազրույցներից մեկում ասել էիք, որ գրեթե 200 բնակավայր կա, որոնց փոստային բաժանմունքներն անհնար է վերանորոգել, պիտի հիմնովին նորը կառուցվի: Կա՞ հնարավորություն այդ աշխատանքներն առաջիկայում իրականացնելու համար եւ ի՞նչ եք նախատեսել այդ ուղղությամբ:

- Այդ աշխատանքները բավականին մեծ ֆինանսական միջոցներ են պահանջում, իսկ կազմակերպությունը, ինչպես գիտեք, դեռ եկամտաբերություն չունի, դա նշանակում է, որ եթե մենք ուզում ենք վերանորոգել բաժանմունքները կամ նորը կառուցել, ապա մեր գլխավոր բաժնետերը (Կառավարությունը) պիտի համաձայնեցնի այդ ծրագրերը: Այժմ մենք 2022 թվականի բյուջեի հաստատման գործընթացներն ենք իրականացնում: Եթե բաժնետերը գտնի, որ առաջնահերթությունների սկզբունքով եկող տարի պետք է փող հատկացնի, ապա մենք մեծ ցանկություն ունենք կառուցել ունիվերսալ ծառայությունների կենտրոններ: Դա միայն փոստ չի լինի, կլինեն 5 տարբեր բնագավառներում աշխատող կենտրոններ՝ պետական ծառայությունների միասնական գրասենյակ, փոստային վճարահաշվարկային, ֆինանսական/վարկային, e-сom, դեղեր: Այսպես կոչված՝ Կառավարության դեսպանատները տարբեր համայնքներում:

Կտեղադրենք նաեւ մեր դրոշը՝ որպես պետության խորհրդանիշ: Սա արվում է նաեւ պետության ուսերին դրված բեռը մի փոքր թեթեւացնելու համար: Մենք նման կենտրոն ունենք արդեն Գյումրիում եւ Իջեւանում, շուտով նաեւ Վանաձորում կլինի: Սա շարունակական է լինելու մեր մյուս համայնքներում: Նաեւ ուզում եմ շեշտել, որ «Հայփոստ»-ն անցել է նոր թվային հարթակի. օնլայն են աշխատում բոլոր բաժանմունքները: Ստեղծվել է մեր հավելվածը, օնլայն դեղատունն է գործարկվել, որով ամբողջ Հայաստանում դեղեր ենք կարողանում առաքել:

- Իսկ դեղատների թիվը շատացվելո՞ւ է առաջիկայում:

- Երեւանում մինչեւ տարեվերջ եւս երկու դեղատուն կբացվի: Յուրաքանչյուր մարդ կմտնի փոստային բաժանմունք կամ հեռախոսով կպատվիրի այն դեղը, որը հարկավոր է, հաջորդ օրը մենք այդ դեղը հասցնելու ենք մարզկենտրոն: Շատ տեղերում, հատկապես գյուղերում դեղատներ չկան: Այս պահի դրությամբ էլ հնարավոր է պատվիրել եւ գոնե հաջորդ օրը ստանալ, սակայն մենք նպատակադրվել ենք Երեւանում գոնե ամեն համայնքում ունենալ դեղատուն, որ պատվերն անելուց մեկ ժամվա ընթացքում կարողանանք դեղ հասցնել պատվիրողին: Մյուս տարի էլ նախատեսում ենք եւս 7 դեղատուն բացել: 

Ամիսներ առաջ ատեստավորման փուլը չհաղթահարելու պատճառով հեռացվեցին «Հայփոստ» մեծ թվով աշխատակիցներ: Ըստ բողոքների՝ թեստերում եղել են ոչ մասնագիտական հարցեր, որոնց մասին աշխատակիցներին նախապես տեղյակ չի պահվել: Խնդրում ենք մեկնաբանել կատարվածը և ասել՝ արդյո՞ք սա քայլ էր աշխատակազմը թարմացնելու եւ մասնագիտական բարձր ներուժ ունեցողներով համալրելու: Ի վերջո, ինչի՞ համար էին այդ բողոքները:

- Տեսեք, երբ հիմնարկը վերցվեց պետական կառավարման, մենք կարճ հետազոտություն արեցինք՝ հասկանալու՝ ինչից է ամենաշատը բողոքում հաճախորդը: Նա բողոքում էր երկու բանից՝ ծառայության որակ, «Հայփոստ»-ի աշխատակիցների սպասարկման որակ: Մենք այդ ուղղությամբ բազմաթիվ քայլեր ենք իրականացրել: Հիմա ներդրել ենք մի ծրագիր, որով չափվում է հաճախորդների գոհունակությունը: Այդ գնահատականների հիման վրա աշխատակիցներն ստանում են բոնուսներ, եթե այդ գնահատականը բարձր է, աշխատողներն իրենց աշխատավարձից ավելին են ստանում, իսկ եթե ցածր է, ստանում են ավելի քիչ բոնուս:

Ուզում եմ շեշտել, որ «Հայփոստ»-ում ոչ մի կրճատում չի եղել: Ատեստավորումները պարբերական բնույթ են կրելու, եւ դա նորություն չէ: Սա քայլ է, որով ստուգվում են աշխատակիցների կարողություններն ու գիտելիքներն իրենց ամենօրյա գործի հետ կապված: Իսկ ինչ վերաբերում է ատեստավորում չանցած անձանց բողոքներին, ապա այդ հարցը մեզ համար փակված է. այդ անձինք դիմել են աշխատանքի տեսչություն, տեսչությունը որեւէ խախտում չի հայտնաբերել «Հայփոստ»-ի կողմից: Մենք երազում ենք պահել մեր աշխատակիցներին, եթե նրանք համապատասխանում են այն մինիմալ չափորոշիչներին, որը մեզ պետք է: Ասեմ ավելին՝ «Հայփոստ»-ի բաժանմունքներում կադրերի կարիք կա, մանավանդ գյուղական համայնքներում մենք աշխատողների լուրջ պակաս ունենք: Աշխատավարձի խնդիր չէ դա, որովհետեւ պետության հոգածության տակ հայտնվելու օրվանից սկսած՝ առաջին գծի աշխատակիցների աշխատավարձը 44 տոկոսով բարձրացել է:

Տպել
5531 դիտում

Գործարկվել են ծնողների համար նախատեսված նոր հարթակ ու բջջային հավելված  

Ինչ առավելություններ է ընձեռում Մոսկվայի բորսայի արժութային շուկայում դրամով առքուվաճառքը. մանրամասնում է տնտեսագետը

Մեկնարկել է «Քայլ դեպի տուն» ուսումնաճանաչողական ծրագրի առաջին փուլը

«Արմավիր» ՔԿՀ-ի խցերից մեկի պատուհանից և լվացարանից ասեղով ներարկիչներ են հայտնաբերվել

Աննա Հակոբյանը Մոնակոյում հանդիպել է «Երեխաներ և ապագա» հիմնադրամի ղեկավարի հետ

Իղձերդ կկատարվեն, երբ առանց հանգստանալու աշխատես. Մինասյանը՝ ՀՀ-ում օր օրի տեղադրվող՝ տարբեր բարձրության խաչերի մասին

«Ղարաբաղ տելեկոմի» ցանցում ռոումինգի սակագները վերականգնվում են

Շիրակի մարզպետը Կառավարության պատվիրակության կազմում Լիոնում մասնակցում է հայ-ֆրանսիական համագործակցության համաժողովին

Ինչ ունեցվածք է հայտարարագրել ՔՊ նախկին պատգամավոր Արթուր Դավթյանը

ԱԽ քարտուղարը Իզաբել Դյումոնին է ներկայացրել հայկական կողմի տարածաշրջանային խաղաղության հաստատման օրակարգը

«Քաղաքացիական պայմանագիր»-ը որոշում է կայացրել պաշտոնազրկման գործընթաց սկսել Իշխան Սաղաթելյանի և Վահե Հակոբյանի նկատմամբ

Բողոքներ կային, որ շտապօգնությունում զանգերին չեն պատասխանում․ ծառայությունը հետադարձ կապ է հաստատում քաղաքացիների հետ

Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել. Վահան Քերոբյան

ԱԻ նախարարն այցելել է Շիրակի մարզային փրկարարական վարչություն և ենթակա ստորաբաժանումներ

Փարիզում Արմեն Գրիգորյանը հանդիպել է Ֆրեդերիկ Մոնդոլոնիի հետ

Քրեական ոստիկանության ծառայողները թմրամիջոցների իրացման դեպքեր են բացահայտել․ մեկ անձ կալանավորվել է

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

ՇՄ նախարարությունը պարզաբանում է ներկայացրել բեզոարյան այծի որսի վերաբերյալ տարածվող տեսանյութի մասին

Գագիկ Բեգլարյանից և մյուս անձանցից 16.8 մլրդ դրամի ապօրինի ծագման գույքը բռնագանձելու հայցադիմումը վարույթ է ընդունվել

Արսեն Թորոսյանը հանդիպել է Հայաստանում Լիտվայի արտակարգ եւ լիազոր դեսպանին

Ռուսաստանը պատժամիջոցներ է սահմանել ԱՄՆ 25 քաղաքացու, այդ թվում՝ Բայդենի ընտանիքի անդամների նկատմամբ

Դոլարն ու եվրոն կրկին արժեզրկվել են. ՀՀ կենտրոնական բանկը հրապարակել է նոր փոխարժեքներ

Արարատ Միրզոյանը հեռախոսազրույց է ունեցել Կանադայի ԱԳ նախարար Մելանի Ժոլիի հետ

«Յանդեքսի» որոշ վարորդներ ակցիա են իրականացրել, որոշել՝ կաթվածահար անել ոլորտը. ընկերությունը թանկացրել է միջնորդավճարը

Ռուբեն Ռուբինյանը հանդիպել է Լեհաստանի ԱԳ նախարարի տեղակալի գլխավորած պատվիրակության հետ

Փրկարարները մարել են ասֆալտի գործարանում բռնկված հրդեհը

Արամ Մանուկյանի անվան վարժարանում մեկնարկել է մարզառազմական ճամբարը

Լարսի ճանապարհը ռուսական կողմից փակ է բեռնատարների համար

Արմեն Գրիգորյանը և Բրիս Ռոքվոյն ընդգծել են ԵԱՀԿ ՄԽ հովանու ներքո ԼՂ հիմնախնդրի համապարփակ կարգավորման անհրաժեշտությունը

Արդարադատության փոխնախարար Երանուհի Թումանյանցը ներկայացրել է ՏԻՄ ոլորտում հակակոռուպցիոն միջոցառումները

Ծնվել է 44-օրյա պատերազմում զոհված ոստիկանության զորքերի սպաներ Գևորգ և Կարեն Գևորգյանների եղբայրը

Ժամկետային զինծառայողներն աստիճանաբար կազատվեն մարտական հերթափոխերում ընդգրկվելուց. Սահակ Սահակյան

Ծանրորդները կմասնակցեն Լաս Վեգասի միջազգային մրցաշարին

Տեխնիկական աշխատանքներով պայմանավորված՝ որոշ ժամանակով Արցախում կդադարեցվի գազամատակարարումը

Հովունի գյուղում հայտնաբերվել է կոռոզիայի ենթարկված արկանման առարկա

Վարչապետն ընդունել է ՀՀ-ում Եգիպտոսի դեսպանին. հանդիպմանը մտքեր են փոխանակվել ավիահաղորդակցության, զբոսաշրջության շուրջ

Արարատի մարզի դատախազության կողմից հայտնաբերվել է հանցավոր ծագում ունեցող գույքի օրինականացման՝ փողերի լվացման դեպք

Հրաչյա Սարգսյանն այցելել է Մարսելի տրանսպորտի կառավարման կենտրոն, հանդիպել գործարարների հետ

Լեհաստանի ԱԳ փոխնախարար Մարչին Փշիդաչն այցելել է Հայոց ցեղասպանության հուշահամալիր

Էկոնոմիկայի փոխնախարարը հանդիպել է ՄԱԿ-ի Տիեզերքի գործերով Պեկինի գրասենյակի ղեկավարի հետ