Դիպուկահարներ, հրաձգություն, զոհեր ու տասնյակ վիրավորներ Բեյրութում բողոքի ցույցի ժամանակ (լուսանկարներ)

Առնվազն հինգ մարդ է զոհվել, մի քանիսը վիրավորվել Բեյրութում ցույցերի ժամանակ տեղի ունեցած կրակոցների հետևանքով: Ցուցարարները բողոքել են անցած տարի քաղաքի նավահանգստում տեղի ունեցած պայթյունի հետաքննության առնչությամբ: Թե ո՞վ է կրակ բացել, հստակ չի հաղորդվում:

Ըստ բժիշկների՝ մոտ 30 մարդ վիրավորվել է, ոմանք ծայրահեղ ծանր վիճակում են, ուշ երեկոյան դեռ վիրավորների հոսքը շարունակվել է:

BBC-ն հայտնում է, որ Բեյրութում իրավիճակը լարված է եղել դեռ առավոտից: Երբ ցուցարարները հատել են կենտրոնական Տայունե Բադարո շրջանի շրջանաձև խաչմերուկը, սկսվել է ուժեղ ու շարունակական կրակահերթ:

175.jpg (50 KB)

Agence France-Presse-ի թղթակիցներն ուժեղ կրակոցներ են լսել Բեյրութի քրիստոնեական և շիա մահմեդական թաղամասերի միջև սահմանի մոտ, որտեղ տեղի է ունեցել բողոքի ցույցը: Հենց այս վայրն էր 1975-ին սկսված Լիբանանի քաղաքացիական պատերազմի առաջնագիծը: Լիբանանյան հեռուստատեսությունը ցուցադրել է ավտոմատներով և ծանր զենքերով մարդկանց կադրեր:

Ռազմական ներկայացուցիչները հայտնել են, որ ի պատասխան կրակոցների՝ բանակը շրջափակել է տարածքը և սկսել ուշադրության կենտրոնում պահել այն՝ հրաձիգներին փնտրելու համար:

Վերջին հայտարարության մեջ զինվորականները նախազգուշացրել են, որ պատասխան կրակ են բացելու այն մարդկանց վրա, որոնք կիրառում են կենդանի զինամթերք: Նրանք կոչ են արել խաղաղ բնակիչներին լքել տարածքը:

«Հզբոլլահ»-ն ու «Ամալ»-ը համատեղ հայտարարության մեջ նշել են, որ «տանիքին տեղակայված դիպուկահարները» կրակել են ցուցարարների ուղղությամբ:

176.jpg (209 KB)

«Զինված և կազմակերպված խմբերի այս հարձակումը նպատակ ունի երկիրը ներքաշել կանխամտածված անկարգությունների մեջ: Քաղաքական շահի հասնելու համար պետք է պատասխանատվության ենթարկվեն սադրիչներն ու նավահանգստի զոհերի և նահատակների արյան հետևում կանգնածները»,- ասված է հայտարարության մեջ:

Լիբանանի բանակը հինգ հոգու է ձերբակալել հինգշաբթի օրը Բեյրութում ցուցարարների վրա կրակելու կասկածանքով: Զինվորականները հայտնել են, որ հետաքննությունը կատարվում է դատական խիստ վերահսկողության ներքո: Ձերբակալվածների թվում կա Սիրիայի մեկ քաղաքացի:

Լիբանանի նախագահ Միշել Աունը ցավակցություն է հայտնել զոհվածների ընտանիքներին և խոստացել պատժել մեղավորներին: Պետության ղեկավարը վստահեցրել է, որ Լիբանանը կրկին չի ներքաշվի քաղաքացիական պատերազմի մեջ:

«Մեր ժողովուրդը շրջեց այս սև էջը, և բոլոր լիբանանցիները դեմ են զենքի միջոցով հարաբերությունների կարգավորմանը»,- ասել է նախագահը:

Հոկտեմբերի 15-ին Լիբանանում սգո օր է հայտարարվել:

177.jpg (116 KB)

Իսկ ինչ էին պահանջում ցուցարարները.

«Հզբոլլահ» և «Ամալ» շիական շարժումների կողմնակիցները, որոնք էլ հենց դուրս էին եկել ցույցի, պահանջել են պաշտոնանկ անել դատավոր Տարեկ Բիթարին, որը ղեկավարում է Բեյրութի նավահանգստում քիմիական պայթյունի հետաքննությունը: Նրանք դատավորին մեղադրում են կողմնակալության և երկու խմբակցությունների աջակցությամբ նախարարների կաբինետի վրա պայթյունը բարդելու մտադրության համար:

Ավելի վաղ դատարանը մերժել էր դատավոր Բիթարի դեմ ներկայացված բողոքը: Զոհերի ընտանիքները դատապարտել են այս որոշումը, և հետաքննությունը երեք շաբաթվա ընթացքում երկրորդ անգամ դադարեցվել է:

219 մարդու մահվան պատճառ դարձած աղետի համար դեռ ոչ ոք պատասխանատվության չի ենթարկվել, իսկ նավահանգստին հարակից տարածքների զգալի մասը պայթյունի հետևանքով ոչնչացվել է, մյուս մասը՝ զգալի վնասներ կրել:

Նավահանգստի հրդեհի հետևանքով պայթել է 2750 տոննա ամոնիումի նիտրատ՝ քիմիական նյութ, որը լայնորեն օգտագործվում էր որպես գյուղատնտեսական պարարտանյութ: Նյութը պահվում էր նավահանգստի պահեստում գրեթե վեց տարի՝ առանց անվտանգության պահպանման տարրական կանոնների:

178.jpg (70 KB)

Ըստ հեղինակավոր լրամիջոցների հրապարակումների՝ պարզվել է՝ բարձրաստիճան պաշտոնյաները տեղյակ են եղել նյութի գոյության և դրա առաջացրած վտանգի մասին, բայց ոչինչ չեն արել այն ապահով կերպով պահելու կամ տնօրինելու համար:

Բողոքի ցույցի դուրս եկած հարազատներն ու ակտիվիստները պնդում են, որ լիբանանյան քաղաքական ղեկավարությունը մշտապես փորձում է պաշտպանել քաղաքական գործիչներին և պաշտոնյաներին հետաքննությունից:

Լիբանանի վճռաբեկ դատարանը (Գերագույն դատարանի համարժեքը) այս տարվա սկզբին աշխատանքից ազատեց առաջատար դատավորներից մեկին այն բանից հետո, երբ նա բարձրաստիճան պաշտոնյաներին մեղադրեց անփութության համար: Մեղադրյալների թվում էին այն ժամանակվա վարչապետ Հասան Դիաբը, ֆինանսների նախկին նախարար Ալի Հասան Խալիլը և հանրային աշխատանքների նախկին նախարարներ Յուսեֆ Ֆինանուսը և Գազի Սեյթերը:

Չորսն էլ դատավորին մեղադրեցին իր լիազորությունները գերազանցելու համար և հրաժարվեցին հարցաքննվել:

Ներքին գործերի նախկին նախարար Նոհադ Մախնուկը, որը կասկածվում է անփութության համար, պահանջել է գործով նոր դատավոր Բիթարի հրաժարականը: Մախնուկը նաև հերքում է իրեն առաջադրված բոլոր մեղադրանքները:

Մի քանի օր անց Խալիլն ու Սեյթերը բողոքներ են ներկայացրել դատավորի դեմ: Սակայն երեկ Վճռաբեկ դատարանը մերժել է բոլոր հայցերը՝ բացատրելով, որ այդ հարցերի քննարկումը իր իրավասության տիրույթում չէ: 

Այժմ դատավոր Բիթարը կարող է անհապաղ վերսկսել հետաքննությունը: Այնուամենայնիվ, նա պետք է հասցնի նախկին նախարարներին հարցաքննելու համար ժամանակ գտնել մինչև հոկտեմբերի 19-ը:

179.jpg (211 KB)

Տպել
963 դիտում

Երևանում քննարկվել են տիեզերական տեղեկատվության կառավարման խնդիրները

Արարատի բնակարաններից մեկում կասեցվել է ապօրինի շինարարությունն ու ապամոնտաժվել ինքնակամ կցակառույցը

Օդի ջերմաստիճանը կնվազի. ինչ եղանակ սպասել առաջիկա օրերին

Հենրիխ Մխիթարյանը պաշտոնապես դարձել է Միլանի «Ինտեր»-ի ֆուտբոլիստ

Երևանը դարձել է ռուսաստանցիների համար ամենազանգվածային արտասահմանյան զբոսաշրջային ուղղությունը

Հիմնանորոգվում է Նորաբաց գյուղի քայքայված, առանց շինարարական նորմերի պահպանման կառուցված ջրագիծը

«Սփյուռքի երիտասարդ դեսպան» վերապատրաստման ծրագրին դիմելու վերջնաժամկետը հուլիսի 10-ն է

ՀՀ փրկարարները բացել են փակ դռները

«Հայաստա՜ն, հո՛ւպ տուր». մանրամասներ 50-Cent-ի երեկվա համերգից (լուսանկարներ)

«Մոսմետրոստրոյ»-ի տնօրենը ցանկություն ունի ծանոթանալ Հայաստանի տրանսպորտային ենթակառուցվածքներին

Հունիսի 14-ի ավտովթարի հետևանքով հիվանդանոց տեղափոխված վարորդը մահացել է

Ներքին Շենգավիթի մոտակայքում ավտոմեքենան բախվել է էլեկտրասյանը, շրջել այն

Ես կվերադառնամ. 50 Cent-ը Երեւանի կենտրոնից լուսանկար է հրապարակել (լուսանկար)

2022 թվականը հոբելյանական է մեր օրերի անվանի կոմպոզիտորներից 3-ի և երգիչներից 2-ի համար

Գնել Սանոսյանը հետևել է Երեւան-Երասխ-Գորիս-Մեղրի-Իրանի սահման միջպետական ավտոճանապարհի շինարարությանը

9 բալ ուժգնությամբ երկրաշարժ է տեղի ունեցել Իրանում. կան զոհեր

«Կալաշնիկովի» ինքնաձիգների կամավոր հանձնման դեպքեր Արմավիրի մարզային վարչության բաժիններում

Շիրակի մարզի բոլոր համայնքներում 2022 թվականի սուբվենցիոն ծրագրերով կիրականացվեն բնակավայրի փողոցաշինական աշխատանքներ

Այս Սահմանադրությունը չի ապահովում դատարանների անկախությունը, այն փոխելով՝ կվերանան նաև կլանային համակարգերը. Սաքունց

Հունիսի 25-ից ՀՀ քաղաքացիություն ստանալու դիմումները կքննարկվեն 90 աշխատանքային օրում՝ նախկին 6 ամսյա ժամկետի փոխարեն

Մոսկվայում սպանվել է Վանաձորում հայտնի 44-ամյա Վարդան Փ-ն. տեսախցիկն արձանագրել է սպանության պահը (տեսանյութ)

Որքան մարդ է մասնակցել ընդդիմության այսօր հրավիրած հանրահավաքին և երթին

Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Լենա Նանուշյանը և ՀՀ-ում ԵՄ դեսպան Անդրեա Վիկտորինը «Քովիդ-19»-ի դեմ խթանիչ դեղաչափ են ստացել

100 պատանի հնարավորություն է ստացել մասնակցելու «Տիեզերական ճամբար 2022»-ին

Բարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. Նիկոլ Փաշինյան

Հայ 3 ըմբիշ ազատ ոճի ըմբշամարտի Եվրոպայի երիտասարդական առաջնության եզրափակչում է

Նիկոլ Փաշինյանը Սամվել Կարապետյանի հետ քննարկել է «Տաշիր» ընկերությունների խմբի ներդրումային ծրագրերի ընթացքը

Ընդմիշտ կհրաժարվենք «պոլիկլինիկա» նեգատիվ բառից․ առաջնային օղակում նոր բարեփոխումներ են սպասվում

Արտակ Ջումայանը հանդիպել է Վիենի քաղաքապետի հետ, եղել Լիոնի հիվանդանոցում

Վիեննայում կողմերը կրկին ընդգծել են պայմանավորվածությունը՝ շարունակելու կարգավորման գործընթացն առանց նախապայմանների

Դեսպան Տիգրան Մկրտչյանն ու Հունաստանի ՄԻՊ-ը անդրադարձել են Հունաստանում բնակվող ՀՀ քաղաքացիների իրավունքներին

ՄԱԿ-ում ՏԿԵ փոխնախարարը ներկայացրել է Հայաստանի ճանապարհային անվտանգության ոլորտում առկա մարտահրավերները

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ

Տնտեսվարողներին տրամադրվող օժանդակության ժամկետը կերկարաձգվի

Վարչապետն ընդունել է Գերմանիայի տնտեսական համագործակցության և զարգացման դաշնային նախարարին

Շիրակի մարզում փրկարարները մարել են պատշգամբում բռնկված հրդեհը

Պետք է բոլորս Արթուր Վանեցյանից հետո հրաժարվեինք պատգամավորական մանդատից. Թագուհի Թովմասյանը պաշտոնից հրաժարական չի տա

Ազգային ժողովը պարզաբանել է, թե ինչու է հանվել ԱԺ շենքի ՀՀ պետական զինանշանը

Սյունիքում ազատել են ցանկապատի մեջ արգելափակված արջի քոթոթին