Կարգը խախտում ենք և առաջարկում, որ ավագանին էլ իր ընդունած կարգը խախտի. պարգևատրվեցին գյումրեցի մարզիկ-մարզիչները

Օլիմպիական խաղերում, Աշխարհի ու Եվրոպայի առաջնություններում լավագույն արդյունքներ գրանցած մարզիկներն ու նրանց մարզիչները դրամական պարգևներ կստանան: Այսօր Գյումրու ավագանին հավանություն է տվել օրակարգային հարցին:

Մինչ հարցի զեկուցումը՝ փոխքաղաքապետ Ռուբեն Սանոյանը մեկ նկատառում է արել՝ նշելով, որ տարբերակել են մարզիկներին:

«Արթուր Ալեքսանյանին, Բաչկովին ու մեր Չալյանին առանձնացրել ենք: Մենք էդպես ենք գտել: Կուզենանք՝ դուք էլ ձեր կարծիքն ասեիք, որովհետև մենք տեսանք, որ մրցավարությունը բարձր մակարդակի վրա չէր: Մեկ է, իրենք մեր չեմպիոններն են: Չալյանը լավ անձնավորություն է, լավ մարզիկ, չենք ուզում, որ վիրավորված մնա: Դուխից չընկնի»,- ասել է Սանոյանը:

Գլխավոր ֆինանսիստ Լենա Ջիլավյանն էլ մանրամասնել է, թե ինչի մասին է խոսքը:

«Պարոն Սանոյանի ասածն այն է, որ մենք ավագանու կողմից հաստատված կարգ ենք խախտում: Մեր ունեցած որոշմամբ՝ ոսկե մեդալ ստացած մարզիկը կստանա 5 մլն դրամ, հիմա էդ կարգը խախտում ենք և ավագանուն ներկայացնում, որ իրենք էլ խախտեն իրենց հաստատած կարգը: Որովհետև մեր տղերքը ոսկե մեդալի պայքար տարան: Բայց կյանքն անարդար է, մրցումներն էլ՝ հետը: Դրա համար չկոտրենք մեր տղերքին, համարենք, որ մեդալները ոսկի են»:

Կարգը չխախտելու առաջարկ Է արել ավագանու անդամ Լևոն Բարսեղյանը՝ ասելով՝ փստաթղթային մասում պետք է առանձին նշել նախ՝ հաստատված գումարի չափը, այնուհետ՝ ավելացվածը:

Ավագանու անդամ Արմենուհի Վարդանյանի դիտարկմամբ էլ՝ հասել են հարցի քննարկմանը, և ակամա հետհայացք է գցել զինվորների պարգևատրման համար հատկացված 700.000 դրամին: Իհարկե, համեմատելի չեն ոլորտները, սակայն տարբերությունն աչքի զարնող է: Վարդանյանն առաջարկել է զինվորների գումարն ավելացնել:

Փոխքաղաապետն էլ նեշել է, որ զինվորներին ոչ թե գումար են տալու, այլ հուշանվերներ: Բայց եթե ավագանին ցանկություն ունի, կարող են վերադառնալ զինվորներին, հարցը վերանայել:

«Մեր զինվորներին ինչ էլ անենք, քիչ է»,- նշել է Սանոյանը:

Գյումրեցի մարզիկներին ու մարզիչներին տրված գումարը՝ ստորև.

Մարզիկներ՝

Ալեքսանյան Արթուր - հունահռոմեական ըմբշամարտ, Օլիմպիական խաղեր 2-րդ, 5.000.000 (հինգ միլիոն) ՀՀ դրամ:

Բաչկով Հովհաննես - բռնցքամարտ, Օլիմպիական խաղեր 3-րդ, 4.000.000 (չորս միլիոն) ՀՀ դրամ:

Չալյան Կարապետ - հունահռոմեական ըմբշամարտ, Օլիմպիական խաղեր 4-րդ, 2.000.000 (երկու միլիոն) ՀՀ դրամ:

Գևորգյան Լյովա - ազատ ոճի ըմբշամարտ, Եվրոպայի մինչև 21 տար. 1-ին, աշխարհի երիտասարդներ 2-րդ, 800.000 (ութ հարյուր հազար) ՀՀ դրամ:

Խաչատրյան Կարեն - հունահռոմեական ըմբշամարտ, աշխարհի երիտասարդներ 2-րդ, 400.000 (չորս հարյուր հազար) ՀՀ դրամ:

Ավետիսյան Անդրանիկ - ազատ ոճի ըմբշամարտ, Եվրոպայի պատանիների 1-ին, 300.000 (երեք հարյուր հազար) ՀՀ դրամ:

Նահապետյան Սպարտակ - բռնցքամարտ, Եվրոպայի դեռահասների 1-ին, 300.000 (երեք հարյուր հազար) ՀՀ դրամ:

Կիրակոսյան Լյովա - բռնցքամարտ, Եվրոպայի դեռահասների 3-րդ, 100.000 (մեկ հարյուր հազար) ՀՀ դրամ:

Հակոբյան Համբարձում - բռնցքամարտ, Եվրոպայի մինչև 22 տար. 2-րդ, 300.000 (երեք հարյուր հազար) ՀՀ դրամ:

Մկրտչյան Երվանդ - աթլետիկա, Եվրոպայի թիմային 1-ին, Բալկանյան խաղեր 3-րդ, 500.000 (հինգ հարյուր հազար) ՀՀ դրամ:

Մինասյան Ռաֆիկ - ծանրամարտ, Եվրոպայի պատանիների 1-ին, 300.000 (երեք հարյուր հազար) ՀՀ դրամ:

Եղոյան Մերուժան - ծանրամարտ, Եվրոպայի պատանիների 2-րդ, 200.000 (երկու հարյուր հազար) ՀՀ դրամ:

Պողոսյան Էմմա - ծանրամարտ, Եվրոպայի պատանիների 2-րդ, 100.000 (մեկ հարյուր հազար) ՀՀ դրամ:

Մարզիչներ՝

Ալեքսանյան Գևորգ - հունահռոմեական ըմբշամարտ, 2.500.000 (երկու միլիոն հինգ հարյուր հազար) ՀՀ դրամ:

Ղազարյան Կարեն - բռնցքամարտ, 2.000.000 (երկու միլիոն) ՀՀ դրամ:

Պետրոսյան Արթուր - հունահռոմեական ըմբշամարտ, 1.000.000 (մեկ միլիոն) ՀՀ դրամ:

Ավետիսյան Հակոբ - ազատ ոճի ըմբշամարտ, 550.000 (հինգ հարյուր հիսուն հազար) ՀՀ դրամ:

Գևորգյան Տիգրան - հունահռոմեական ըմբշամարտ, 200.000 (երկու հարյուր հազար) ՀՀ դրամ:

Բաղդասարյան Արմեն - բռնցքամարտ, 150.000 (մեկ հարյուր հիսուն հազար) ՀՀ դրամ:

Պողոսյան Գառնիկ - բռնցքամարտ, 50.000 (հիսուն հազար) ՀՀ դրամ:

Գևորգյան Արտավազդ - բռնցքամարտ, 150.000 (մեկ հարյուր հիսուն հազար) ՀՀ դրամ:

Բարսեղյան Գրիգոր - աթլետիկա, 250.000 (երկու հարյուր հիսուն հազար) ՀՀ դրամ:

Շահնազարյան Հովհաննես - ծանրամարտ, 150.000 (մեկ հարյուր հիսուն հազար) ՀՀ դրամ:

Եղոյան Պետրոս - ծանրամարտ, 100.000 (մեկ հարյուր հազար) ՀՀ դրամ:

Ներսիսյան Արտաշես - ծանրամարտ, 50.000 (հիսուն հազար) ՀՀ դրամ:

Սամսոն Մատինյան