Քաղաքապետարանում պարգեւավճարը կգումարվի աշխատավարձին

Երեւանի քաղաքապետ Հայկ Մարությանը երեկ տեղեկացրեց, որ ավագանու մի խումբ անդամների նախաձեռնությամբ այս շաբաթ հրավիրվել է արտահերթ նիստ, որտեղ կքննարկվի քաղաքապետարանի՝ շուրջ 2000 աշխատակիցների աշխատավարձերի ավելացման հարցը։ Նիստի օրը նշանակված է հուլիսի 29-ին: Համապատասխան նախագիծն օրակարգում է:

«Համակարգային առումով սա հնարավորություն կտա որակյալ կադրեր ներգրավել՝ քաղաքն ու քաղաքացիներին սպասարկելու համար: Բայց օրենքը պահանջում է այլ աշխատակիցների աշխատավարձի բարձրացման համար բարձրացնել նաև քաղաքապետի աշխատավարձը: Ես արդեն առիթ ունեցել եմ այս առումով հայտնելու իմ դիրքորոշումը. հեղափոխության արդյունքում հանրային պաշտոն ստանձնած մարդը չպետք է ձգտի սեփական աշխատավարձի բարձրացմանը։ Ուստի ես կտրականապես դեմ եմ, որ իմ աշխատավարձը բարձրանա: Այդ պատճառով չեմ մասնակցելու քվեարկությանը։ Իսկ եթե ավագանու քվեարկությամբ որոշումը ընդունվի, կհրաժարվեմ այդ ավելացած գումարից և կստանամ նույն աշխատավարձը, ինչ ստացել եմ այս 2,5 տարվա ընթացքում, այսինքն՝ 415.000 դրամ: Ավելացած գումարը կուղղվի բարեգործության»,- հայտարարել է քաղաքապետ Մարությանը:

Իսկ ի՞նչ ասել է աշխատավարձերի բարձրացման ճանապարհով ներգրավել որակյալ կադրեր: Դա նշանակո՞ւմ է, օրինակ, որ թափուր հաստիքներ շատ կան, որոնք չեն համալրվում դիմողների չգոհացնող մակարդակի պատճառով, թե՞ արդեն իսկ աշխատողների մասնագիտական որակները թերի են, եւ նրանցից պետք է ազատվել՝ առավել բարձրակարգ մասնագետներ ներգրավելու նպատակով: Քաղաքապետի մամուլի քարտուղար Հակոբ Կարապետյանը, ՀԺ-ին պատասխանելով, ասաց, որ հին կադրերը չեն ազատվելու՝ փոխարինվելու նորերով:

«Բայց ընդհանրապես աշխատանքի ընթացքում կոնկրետ դեպքեր ունենք, երբ այս կամ այն հաստիքում պատասխանատու պաշտոնին (ենթադրենք՝ վարչության պետի կամ խորհրդականի) այս կամ այն որակյալ կադրին ներգրավել հնարավոր չի եղել այն պատճառով, որ այդ կադրն ուղղակի հրաժարվել է գոյություն ունեցող վարձատրությամբ ստանձնել այդ պատասխանատվությունը, որովհետեւ վարչության պետերի կամ խորհրդականի աշխատանքը միլիոն եւ ավելի բնակիչ ունեցող քաղաքում՝ երկրի մայրաքաղաքում, շատ մեծ պատասխանատվության է վերաբերում, մեծ անձնակազմի, երբեմն նաեւ մի քանի ենթակա հիմնարկությունների աշխատանքի համակարգմանն է վերաբերում, տասնյակ, երբեմն՝ հարյուրավոր, իսկ տեղ-տեղ նաեւ հազարավոր ենթակաների աշխատանքի համակարգում ու ղեկավարում է ենթադրում: Եվ ներեցեք, բայց 200 կամ 220 հազար դրամ աշխատավարձը վերցրած պատասխանատվության հետ դժվար է համարժեք համարել»,- ասաց Հակոբ Կարապետյանը: Ընդգծեց, որ քաղաքապետի խոսքերը պետք է հասկանալ ավելի լայն կտրվածքով, որովհետեւ ավագանու «Իմ քայլը» խմբակցության անդամները նշված որոշումը ոչ թե մեկ-երկու օրվա համար են նախաձեռնել, այլ տարիների, գուցե նաեւ՝ տասնամյակների, որպեսզի քաղաքային կառավարման համակարգում աշխատելը գրավիչ լինի որակյալ կադրերի, պրոֆեսիոնալների համար:

Աշխատավարձերի բարձրացման նախագծի համահեղինակ Արմեն Գալջյանն էլ, անդրադառնալով թեմային, նշել է, որ Երևանի քաղաքապետարանի աշխատավարձերի ու հավելավճարների ընդհանուր տարեկան ֆոնդը կազմում է մոտ 7 մլրդ դրամ, ու որ այս նախագծով Երևան քաղաքի բյուջեի վրա հավելյալ ծանրաբեռնվածություն չի ավելանում, քանի որ այն գումարները, որոնք վերջին տարիներին քաղաքապետարանի կողմից տրվել են պարգևավճարի տեսքով փաստացի որպես հավելյալ աշխատավարձ, այսուհետ տրամադրվելու են որպես հիմնական աշխատավարձ։

«Քանի որ գործող աշխատավարձերը չեն համապատասխանում ընթացիկ աշխատանքային շուկայի պայմաններին և հաճախ թույլ չեն տալիս ներգրավել բարձրակարգ մասնագետների, քանի որ սահմանվել են դեռևս 2011 թվականին, այս նախագծով համայնքային աշխատակիցները կստանան ֆիքսված ավելի բարձր աշխատավարձ, իսկ պարգևավճարների վճարման պրակտիկան, որը շատ հաճախ չհիմնավորված էր և հանրության շրջանում այդքան էլ միանշանակ չէր ընդունվում, կվերացվի: Հավելավճարներ կստանան միայն այն աշխատակիցները, որոնք իսկապես հավելյալ աշխատանք կկատարեն։ Այս կապակցությամբ հարկ եմ համարում ընդգծել, որ Երևանի ավագանու «Իմ քայլը» խմբակցությունն այս որոշման ընդունումից հետո բազմապատկելու է իր վերահսկողական լծակները քաղաքապետարանի և վարչական շրջանների աշխատանքի նկատմամբ և հետևողական է լինելու, որ բացառվեն չհիմնավորած պարգևավճարների տրամադրումը»,- նշել է Գալջյանը։

Ավագանու նիստի օրակարգում ընդգրկված նախագծով, օրինակ, քաղաքապետի աշխատավարձը վերը նշված 415.000 դրամի փոխարեն սահմանված է 1.320.000 դրամ: Առաջին տեղակալինը՝ 1.020.000, մյուս տեղակալներինը՝ 952.000:

Խորհրդականներինը՝ 578.000 դրամ, վարչության պետերինը՝ 697.000 եւ այլն:

Տպել
512 դիտում

Ադրբեջանական զինված ծառայողները խախտում են ՀՀ և ՀՀ-ում օրինական հիմունքներով գտնվող Իրանի քաղաքացիների իրավունքները. ՄԻՊ

Երթևեկության կազմակերպման փոփոխություն Երևանի Մյասնիկյան պողոտա-Գայի պողոտա, Ռուբինյանց փողոց-Մալյան փողոց խաչմերուկում

Խիստ նախնական գնահատականով սպիտակ արագիլների աղտոտման հիմնական աղբյուրը հայտնաբերված է. Շրջակա միջավայրի նախարարություն

«ԳեոՊրոՄայնինգ ընկերությունը հայտարարում է Ագարակի ՊՄԿ արդիականացման ծրագրի երկրորդ փուլի ավարտը

Կանցկացվեն խորհրդարանական լսումներ

Քովիդի դեմ բուժում է ստանում 20-ից ավելի երեխա, վիրուսով վարակված 17 տարեկան դեռահասի վիճակը ծանր կայուն է. մասնագետ

Կորոնավիրուսային իրավիճակը գնալով վատթարանում է. մեկ օրում հաստատվել է 759 նոր դեպք, արձանագրվել՝ 26 մահ

ՀՀԿ-ն հրապարակել է Գյումրու ՏԻՄ ընտրությունների իր ընտրացուցակը

Հայրենիքի պաշտպաններից հինգը կաշխատեն մաքսային ծառայությունում

Ես համբերատար սպասելու եմ Փաստաբանների պալատի ընտրված նախագահի քայլերին. Գևորգ Գյոզալյան

ՀՀ-ի հայցի մուտքը Հաագայի դատարան ընդդեմ Ադրբեջանի իրապես պատմական իրողություն է. Գայանե Աբրահամյան

Նիկոլ Փաշինյանը Տաջիկստանում հանդիպել է Իրանի Իսլամական Հանրապետության նախագահի հետ (լուսանկարներ)

«Արևիկ» ազգային պարկի տարածքում հրդեհաշիջման աշխատանքները վերսկսվել են

Երևանի տարբեր հասցեներում և 8 մարզի որոշ համայնքներում լույս չի լինի

Երևան-Սևան ավտոճանապարհին մեքենաներ են բախվել. կա զոհ

Միրզոյանը վերահաստատել է Ջամմուի ու Քաշմիրի հարցում Հնդկաստանին սատարելու Հայաստանի դիրքորոշումը

«Նոյան» գործարանում բռնկված հրդեհը մարվել է

Հայաստանը դիմել է ՄԱԿ-ի Արդարադատության միջազգային դատարան՝ խնդրելով միջոցներ կիրառել Ադրբեջանի նկատմամբ

Գեղարքունիքի մարզի մի շարք համայնքների տրամադրվել է ազդարարման 7 շչակ

Օրենքով կարգավորվելու և խստացվելու է վերահսկողությունը վայրի կենդանիների անազատ և կիսաազատ պայմաններում պահման նկատմամբ

Մհեր Գրիգորյանը Միացյալ Թագավորության դեսպանին ներկայացրել է Կառավարության ծրագրի հիմնական ուղենիշները

«Արևիկ» ազգային պարկի տարածքում բռնկված կրակի շիջման աշխատանքները դադարացվել են․ սահմանվել է հերթապահություն

Մհեր Գրիգորյանն ընդունել է Անդրեա Վիկտորինին

Ռուստամ Բադասյանը հանդիպել է ՌԴ դաշնային հարկային ծառայության ղեկավարի հետ

Իրանը պետք է շարունակի դիտարկել Հայաստանը որպես տարանցիկ երկիր, բեռների փոխադրումը կանգ չի առնելու. Սուրեն Պապիկյան

Ակնալիճ գյուղում հայտնաբերվել է 2 ականանետի ական

Գյումրու թիվ 4 արհեստագործական պետական ուսումնարանում բացվել է բարեգործական խոհանոցային սրահ

Աշխատանքային քննարկում է անցկացվել աուդիտորական կազմակերպությունների ներկայացուցիչների մասնակցությամբ

Հայաստանը և Եվրապոլը համաձայնագիր են ստորագրել. Եվրապոլ կգործուղվի կապի սպա (տեսանյութ)

«Աշխարհն առանց թափոնների». Երևանի 50 դպրոց սկսում է տեսակավորել թափոնները (տեսանյութ)

Մեր նպատակը որակյալ կրթություն տրամադրելն է, այլ ոչ թե ապահովել, որ բոլորը դառնան բուհի ուսանող․ Կարեն Թռչունյան

ԱՀԿ-ն կասեցրել է «Սպուտնիկ Վի» պատվաստանյութի գրանցման գործընթացը

Հայտնի են Golden Boy մրցանակի հավակնորդները. նրանք 40-ն են

Վերանորոգված «Շիրակ» օդանավակայանն այսօր կընդունի առաջին չվերթը. դեպի Եվրոպա ևս չվերթներ կիրականացվեն (լուսանկարներ)

ԵՄ աջակցությունը շարունակական կլինի․ Վահագն Խաչատուրյանն ընդունել է Անդրեա Վիկտորինին

Օրերս կշրջեմ համայնքի բնակավայրերում, մանրամասն կծանոթանամ խնդիրներին. Գեղարքունիքի մարզպետը՝ բնակիչների ակցիայի մասին

Սամբոյի և ձյուդոյի օլիմպիական մանկապատանեկան մարզադպրոցն այսուհետ կրում է Լևոն Հայրապետյանի անունը

Ովքեր են 2021 թվականի 100 ամենաազդեցիկ մարդիկ. Time-ը ցանկ է հրապարակել

ԱՄՆ վարչակազմը շարունակելու է սերտ համագործակցությունը Հայաստանի իշխանությունների հետ․ ԱԺ նախագահն ընդունել է դեսպանին

Քաղաքական ուժերը հրավիրվել են վիճակահանության. թիվ 31 ՏԸՀ-ն ավարտել է գրանցման գործընթացը