Վերապատրաստող կազմակերպությունները դպրոցներում ուսուցիչներին կներկայացնեն իրենց մոդուլները. Արտաշես Թորոսյան

Հերթական ատեստավորման ենթակա ուսուցիչները օգոստոսի երկրորդ կեսից մինչև նոյեմբերի 30-ը պետք է անցնեն պարտադիր վերապատրաստում, որի ավարտից մեկ ամիս անց կիրականացվի պարտադիր ատեստավորումը: Վերապատրաստումների նպատակով երաշխավորվել է 48 կազմակերպություն: Վերապատրաստումներից առաջ, սակայն, վերապատրաստող կազմակերպությունները պետք է գրեն իրենց մոդուլները, այսինքն՝ թեմաներն ու վերջնարդյունքները եւ ներկայացնեն կրթության նախարարություն՝ հաստատման:

Կրթության զարգացման և նորարարության ազգային կենտրոնի (ԿԶՆԱԿ) տնօրեն Արտաշես Թորոսյանը «Հայկական ժամանակի» հետ զրույցում նշեց, որ 48 կազմակերպություններից դեռեւս 11 կազմակերպություններն են ներկայացրել իրենց մոդուլները՝ քննելու, որոնցից ընդամենը երկուսի մոդուլներն են հաստատման փուլում, իսկ մյուսներինը՝ վերանայման, վերամշակման: Հարցրինք՝ դա նշանակու՞մ է, որ մյուս կազմակերպությունների մոդուլները գուցե չհաստատվե՞ն, նման վտանգ կա՞, Արտաշես Թորոսյանը պատասխանեց, որ չհաստատվելու խնդիր չկա, պարզապես մյուս երաշխավորող կազմակերպություններն ունեն որոշակի թերություններ, որոնք պետք է վերանայեն, ապա վերադարձնեն նախարարությանը, ինչից հետո նոր մոդուլները կհաստատվեն:

ԿԶՆԱԿ-ի տնօրենից հետաքրքրվեցինք՝ չի՞ կարծում արդյոք, որ այսքան շատ վերապատրաստող կազմակերպություններ ունենալը ավելի է խճճում ուսուցչին. այս դեպքում ինչպե՞ս կողմնորոշվի ուսուցիչը:

Հարցին ի պատասխան՝ Արտաշես Թորոսյանը նշեց՝ վերապատրաստող կազմակերպությունների մոդուլների հաստատումից հետո կազմակերպությունները հաստատված մոդուլները հրապարակելու են իրենց էջերում, բացի դրանից՝ դրանք ներկայացնելու են նաեւ դպրոցներին. ուսուցիչները հնարավորություն են ունենալու ծանոթանալու, թե որ կազմակերպությունը վերապատրաստումից հետո իրեն, ի վերջո, ինչ է տալու եւ կատարելու է ճիշտ ընտրություն:

«Այս նպատակով վերապատրաստող կազմակերպությունների ներկայացուցիչները պետք է գնան դպրոցներ, ներկայացնեն, պատմեն վերապատրաստվողներին, թե, օրինակ, ինչ պայմաններ են առաջարկում, որպեսզի ուսուցիչները կողմնորոշվեն ընտրության մեջ, որովհետեւ բավականին պարամետրեր կան՝ կազմակերպությունը երբ է անելու վերապատրաստումը, ինչպես է անելու, կրեդիտներն ինչ հիմունքներով են տալու, ինչ ժամանակացույցով են անելու եւ այլն: Ուսուցիչը, իրեն բոլոր հարմարությունները նայելով, արդեն պետք է կողմնորոշվի, թե որ կազմակերպությունը ընտրի: Իհարկե, իներցիան շատ մեծ է. նախկինում վերապատրաստում արած կազմակերպությունները համեմատաբար շահեկան վիճակում են հայտնվում, եւ ուսուցիչներն աչքերը փակ, միանգամից ընտրում են այն կազմակերպություններին, որոնց մոտ գոնե մեկ անգամ վերապատրաստում անցել են: Նույնիսկ շատ դեպքում չեն էլ նայում՝ մյուս կազմակերպություններն ինչեր են առաջարկում, մինչդեռ մյուսները հնարավոր է՝ ավելի լավ հնարավորություններ են տալիս: Հնարավոր է նաեւ, որ ուսուցիչների նախնական ընտրությունները փոխվեն կազմակերպությունների կողից մոդուլները ներկայացվելուց հետո»,- ասաց նա:

Հարցին՝ իսկ հնարավո՞ր չէ արդյոք՝ գրված լինի շատ լավ, իդեալական մոդուլ, այս առումով՝ շատ ուսուցիչների համար գրավիչ դառնա, բայց արդյունքում իրականացվի ստանդարտ ծրագիրը, այն, ինչը որ բոլորի մոտ է, ԿԶՆԱԿ տնօրենը պատասխանեց հետեւյալը.

 

«Մոդուլը նաեւ հայտարարություն է կատարվելիք աշխատանքի մասին, մենք էլ վերահսկելու ենք այդ աշխատանքի որակը: Մոդուլի մեջ բոլոր դասերի համար նշված են վերջնարդյունքներ, այսինքն՝ վերապատրաստումների վերջում մասնակիցները պետք է իմանան այս կամ այն գիտելիքը եւ ունենան այս կամ այն կարողությունը, այնպես որ ուղղակի հայտարարելը դեռեւս գործի կեսն է: Հետագայում դպրոցներն իրենք են գնահատելու իրենց ուսուցիչների աշխատանքը, ու պարզ է դառնալու՝ կազմակերպությունը իր սահմանած վերջնարդյունքն ապահովե՞ց, թե՞ ոչ»:

Նշենք, որ ԿԶՆԱԿ-ը եւս վերահսկելու է վերապատրաստված ուսուցչի աշխատանքը: Մեր նախկին զրույցի ժամանակ Արտաշես Թորոսյանը նշել էր, որ գնահատման մի քանի մեխանիզմներ կան, օրինակ՝ ուսումնական պրոցեսի մոնիթորինգի հատուկ մեթոդիկան, երբ աշխատանքների որոշակի հատվածներ 10-15 վրկ տևողությամբ տեսանկարահանվում են, հետո վերլուծվում են, բացի դրանից՝ օրվա ընթացքում զանգելու են ուսուցիչներին և հարցեր են տալու այդ օրվա թեմայի վերաբերյալ՝ հասկանալու համար՝ մասնակցե՞լ են, թե՞ ոչ, ի՞նչ են սովորել և այլն:

Հարցրինք՝ իսկ ԿԶՆԱԿ-ի աշխատակիցը ինչպես կարող է իմանալ՝ վերջնարդյունքում ուսուցչի մոտ մեթոդական, մասնագիտական աճ կա կամ չկա, եթե նախկինում այդ ուսուցչի դասը չի լսել: Հարցին ի պատասխան՝ ԿԶՆԱԿ-ի տնօրենը նշեց, որ ԿԶՆԱԿ-ը չի ստուգելու՝ ինչ աճ ապահովվեց ուսուցչի մոտ, այլ ստուգելու է՝ ուսուցիչը վերապատրաստման ընթացքում ձեռք բերած գիտելիքներն ու հմտությունները դասի մեջ կիրառե՞ց, թե՞ ոչ, դա ինչպես ազդեց աշակերտների հաջողությունների վրա: Նա նշեց, որ այդ տեսակ գնահատումները պարբերաբար են լինելու, եւ այդ աշխատանքներին մասնակցելու են նաեւ դպրոցների տնօրենները:

Իսկ կամավոր ատեստավորմանը մասնակցող ուսուցիչը կարո՞ղ է պարտադիր վերապատրաստումներից հրաժարվել,  Թորոսյանը նշեց, որ եթե ուսուցիչը այս տարի գրանցվել է կամավոր ատեստավորման համար, դա նրան ոչնչով չի խանգարի մասնակցելու վերապատրաստումներին, որը ուսուցչի համար պարտադիր է,  իսկ կամավոր ատեստավորումը մեկ օրվա քննություն է:

ԿԶՆԱԿ տնօրենի խոսքով՝ եթե վերապատրաստվող ուսուցիչը գրանցված է նաեւ որպես վերապատրաստող ուսուցիչ, այս դեպքում եւս ոչ մի խոչընդոտող հանգամանք չկա. ուսուցիչն ազատ է ընտրելու իրեն վերապատրաստող կազմակերպությունը, ինչպես մյուս ուսուցիչները, սակայն եթե նա չի նախընտրում վերապատրաստումն անցնել այն կազմակերպությունում, որտեղ ինքը որպես վերապատրաստող է ներգրավված, ապա ԿԶՆԱԿ-ի տնօրենի խոսքով՝ դա նշանակում է, որ ինքը դժգոհ է այն վերապատրաստումներից, որն անում է այդ կազմակերպությունը:

Արտաշես Թորոսյանը նշեց նաեւ, որ մրցակցության մեջ կլինեն այնպիսի վերապատրաստող կազմակերպություններ, որոնք խմբեր չեն կարողանա հավաքել, կլինեն նրանք, որոնք շատ խմբեր կձեւավորեն:

«Եթե որոշ վերապատրաստող կազմակերպություններ որոշել են զուտ բիզնես տեսանկյունից դիտարկել վերապատրաստումները, ուրեմն իրենց համար ձեռնտու չի լինի մեկ-երկու խմբի համար կազմակերպել վերապատրաստումը, բայց կան կազմակերպություններ, որոնք որոշել են հիմնավոր ձեւով աշխատել, դրա համար նրանք բավարարվում են մեկ-երկու խմբով՝ հետագայում ավելի լավ այդ աշխատանքը կազմակերպելու հեռանկարներով»,- նշեց նա:

Մարիամ Գևորգյան

Տպել
10795 դիտում

Վրաերթ-վթար Երևանում. բժիշկները պայքարում են տուժողի կյանքի համար. վարորդը դիմել է փախուստի

Արցախում հաստատվել է կորոնավիրուսով վարակվելու 4 նոր դեպք. 6 հիվանդի վիճակը ծայրահեղ ծանր է

Շրջանների զգալի մասում սպասվում է ձյուն. ինչ եղանակ է սպասվում առաջիկա օրերին

Բայդենը քննարկել է Ուկրաինայի շուրջ ստեղծված իրավիճակն ու Ռուսաստանի հետ բանակցություններն իր օգնականների հետ

Հրդեհ «Ապաչի» գործարանի տարածքում, այրվել է վագոն-տնակը

Ժամանակավորապես դադարեցվել է Մալաթիա-Սեբաստիա վարչական շրջանի մի շարք հատվածների գազամատակարարումը

Պեկինը ձմեռային Օլիմպիական խաղերին ընդառաջ կպահպանի կորոնավիրուսով պայմանավորված արտակարգ իրավիճակը

Սև ծովում հրդեհ է բռնկվել 700 տոննա մազութ տեղափոխող լցանավի վրա

Փրկարարները օգնության են հասել Ֆրանսիայի Հանրապետության քաղաքացիներին

Երևանի Տիչինայի փողոցում տեղի է ունեցել պայթյուն՝ հրդեհի բռնկմամբ

Վաղը վարչապետ Նիկոլ Փաշինյանը հանդես կգա առցանց ասուլիսով (պաշտոնական)

Փրկարարներն արգելափակումից դուրս են բերել 13 բեռնատար ավտոմեքենա

Եվրոպայի 2022 թվականի մշակութային մայրաքաղաք է դարձել Լիտվայի Կաունաս քաղաքը

Այրվել է Երևանի Նանսենի փողոցի շենքերից մեկի տանիքը

Հայաստանում հաստատվել է կորոնավիրուսի 814 նոր դեպք․ առողջացել է 109 մարդ

Համավարակի ազդեցությամբ կրթական աղքատությունը դարձել է աշխարհում նոր տիպի անհավասարության ցայտուն ցուցանիշ․ Անդրեասյան

Սյունիքի մարզի Գորիս-Սիսիան և Տաթև-Շինուհայր ճանապարհահատվածներում բուք է

Էլեկտրաէներգիայի պլանային ընդհատումներ են սպասվում Երևանում և երեք մարզերում

«Սիրում եմ». պաշտպանության նախարարի ու նրա կնոջ պարը՝ սիրո երգիչ Հայկոյի երգի հնչյունների ներքո (տեսանյութ)

Տիկին Դավոյանը տեղյակ է խնդրի վերաբերյալ. նախարարությունն արձագանքել է պատգամավորի հրապարակած լուսանկարին

Ինչու պիտի այսօր այսքան անտեսվի հայ մամուլը. զրույց Պոլսի «Մարմարա» թերթի խմբագրապետ 95-ամյա Ռոպէր Հատտէճյանի հետ

Հետախուզվողները ներկայացել են ոստիկանություն. նրանցից մեկը կալանավորվել է

Տեր Սահակ քահանա Սահակյանն ազատվել է Արագածոտնի թեմի հոգևոր պարտականություններից

Վարչապետն այս պահին խորհրդակցություն է անցկացնում Կառավարությունում, նա դեռ չի ժամանել Պապիկյանի հարսանյաց միջոցառմանը

Շինուհայր-Տաթև ավտոճանապարհը դժվարանցանելի է

Երևանի Շիրազի փողոցում բախվել են ավտոբուսը և «Մերսեդես» մակնիշի մեքենան. մեկ օրում 13 պատահար է գրանցվել

Հայ-հունական դիվանագիտական հարաբերությունների 30 ամյակը նշում ենք քաղաքական ամենաբարձր մակարդակի կապերով. Մկրտչյան

Վերին Խոտանան-Տաթև ավտոճանապարհին ավտոմեքենաներ են արգելափակվել

Սիրուշոն վարակվել է կորոնավիրուսով

Ողբերգական դեպք Երևանում. հայրը ննջասենյակում հայտնաբերել է խոհանոցային դանակով ինքնասպան եղած որդու դին

Ակումբներին են բաշխվել ՈՒԵՖԱ-ի համերաշխության գումարները, հաստատվել է ՀՖՖ բժշկական կոմիտեի կազմը

Սերգեյ Ներսեսյանն ազատվել է Երևանի քաղաքապետի տեղակալի պաշտոնից

ՀՀ պաշտպանության նախարար Սուրեն Պապիկյանը պսակադրվել է Գեղարդի եկեղեցում (լուսանկարներ)

Արցախի պետական բոլոր կառույցներին կցվել են հոգևորականներ

Էրեբունու տարածքում կառուցվող եկեղեցու բակի վագոն-տնակում 48-ամյա տղամարդու դի է հայտնաբերվել

Գողություն է կատարվել Գյումրու պոլիկլինիկաներից մեկում

Վարդենյաց լեռնանցքով պետք է երթևեկել անվաշղթաների կիրառմամբ (տեսանյութ)

Նիկոլ Փաշինյանը և Վլադիմիր Պուտինը քննարկել են եռակողմ հայտարարություններով ձեռք բերված պայմանավորվածությունների ընթացքը

Արտակարգ դեպք ՀՀ բանտերից մեկում. փաստաբանը փորձել է փոխանցել ծխելու համար նախատեսված սարք, որում թմրամիջոց է եղել

Մոսկվա-Երևան չվերթի ինքնաթիռի ժամանումից հետո հետախուզվող է բերման ենթարկվել