Երևան
23 °C
Քաղաքական ուժերի հետ խորհրդակցությունների շրջանակներում վարչապետի պաշտոնակատար Նիկոլ Փաշինյանի հետ այս շաբաթվա ընթացքում հանդիպած գրեթե բոլոր կուսակցությունների ղեկավարները վարչապետից ստացել են առաջարկ՝ միավորվել արտախորհրդարանական ուժերից ձեւավորված մարմնում:
Թե ինչպիսին է լինելու այդ մարմինը, ինչ ուժեր են ներգրավված լինելու, դեռեւս հայտնի չէ: Կուսակցությունների ղեկավարների տպավորությամբ՝ Կառավարության պատկերացումը այդ հարցում դեռ սաղմնային վիճակում է, ուստի կոնկրետ ոչինչ չի ասվել: Ինչ վերաբերում է արձագանքներին, ապա գրեթե բոլոր ուժերի կողմից դրանք հիմնականում դրական են՝ որոշ վերապահումներով:
Այս առաջարկի եւ հունիսի 20-ի ընտրություններից հետո ստեղծված իրողության շուրջ զրուցել ենք ընտրություններին «Շիրինյան-Բաբաջանյան» դաշինքով մասնակցած եւ մոտ 20 հազար քվե ստացած «Քրիստոնեա-ժողովրդավարական կուսակցության» ղեկավար, քաղաքագետ Լեւոն Շիրինյանի հետ:
- Պարոն Շիրինյան, Փաշինյանի հետ հանդիպմանը ձեզ ե՞ւս առաջարկվել է ներգրավվել արտախորհրդարանական ուժերից կազմված մարմնում: Ո՞րն է ձեր կարծիքը:
- Առաջարկը եղել է, համաձայնությունս ասել եմ, մնացածը «մտածենք, տեսնենք» սկզբունքով է: Կանեն՝ կանեն, չեն անի, մենք մեր համագործակցության ձեւն ու չափը կպահենք:
- Կա կարծիք, որ դա Հանրային խորհրդի կրկնություն է լինելու:
- Չէ, դա վարչապետին կից է լինելու, հետեւապես Հանրային խորհրդի կրկնություն չի լինի: Հանրային խորհուրդը սահմանադրորեն նախատեսված է, սա Սահմանադրությունով նախատեսված չի:
- Եվ ի՞նչ է անելու այդ մարմինը:
- Ենթադրենք դուք շատ լավ առաջարկ ունեք Հայաստանի Հանրապետության փրկության վերաբերյալ, մյուսների հետ քննարկում եք, ներկայացնում Կառավարությանը: Սա է նպատակը, ինչքան հասկանում եմ. առաջարկներ, տեսակետներ պետք է գեներացվեն, եւ փոխանցվեն վարչապետին:
- Առանց այսպիսի մարմնի դա հնարավոր չէ՞ր անել:
- Ես միշտ համագործակցել եմ ուղիղ, առանց բյուրոկրատիայի, պետք է եղել՝ ասել եմ, հարց է եղել՝ քննարկել եմ վարչապետի հետ, նույնը պատրաստվում եմ անել: Բայց իմ դեպքում հեշտ է, ես եթերով միշտ խոսում եմ, դժվարություն չեմ ունեցել խոսքս տեղ հասցնելու: Միգուցե մյուսները ունեցել են: Չնայած ասեմ՝ հայերը երբ որ մեծ թվով մի տեղ հավաքվում են, ես այդտեղից հույս չեմ ունենում, որ մի բան կստացվի:
- Ձեզ հետ դաշինքով ընտրություններին մասնակցած «Հանուն Հանրապետություն» կուսակցության ղեկավար Արման Բաբաջանյանն, օրինակ, իր հարցազրույցներից մեկում ասել է, որ ինքը չի պատկերացնում, թե ինչ պետք է քննարկի, ասենք, Տիգրան Ուրիխանյանի կամ Էդմոն Մարուքյանի հետ, իրենց պատկերացումները տարբեր են: Դուք այդպիսի խնդիր չունե՞ք:
- Քանի դեռ դա ընդամենը առաջարկ է՝ դժվար է ասել, հստակ որոշում կլինի, կքննարկենք, կտեսնենք:
- Պարոն Շիրինյան, ի տարբերություն ձեզ, մի շարք ուժերի ղեկավարներ հրաժարվեցին սեղմել Փաշինյանի «համերաշխության ձեռքը», հայտարարեցին, որ չեն հանդիպելու նրան, խոսելիք չունեն: Դա նշանակո՞ւմ է, որ չի ստացվում այդ համերաշխության օրակարգը:
- Հայաստանում համերաշխություն կարող է լինել հեղափոխություն կատարածների, հեղափոխության փաստը ընդունածների եւ աջակիցների միջեւ: Եթե ասենք «17 +»-ը կամ «2+1»-ը իշխանության բռնազավթման կոչ է անում, այդտեղ համերաշխություն իմ ու իրենց մեջ կարո՞ղ է լինել: Վարչապետը առաջարկ է արել, որ համերաշխություն ստեղծվի երկրում, որովհետեւ ինքը վարչապետ է, մտահոգ է դրանով: Բայց բոլորն են հասկանում, որ համերաշխությունը կարող է ստացվել նրանց միջեւ, ովքեր մասնակից են հեղափոխությանը, ովքեր համակիր են եւ ժողովրդավարական զարգացման կողմ են: Նոր խորհրդարանում հայտնված այն 2-ի հետ ի՞նչ համերաշխություն, եթե իրենք չեն ուզում իրենց կողոպտած փողերը վերադարձնեն:
- Բայց ժողովուրդը իրենց ձայն է տվել, այնքան ձայն, որ խորհրդարան են մտել:
- Ձայնի մի մասը գնել են, ձայն չի տվել, մաքուր չի եղել: Երկրորդն էլ՝ ով տվել է, թող նա էլ մտածի, ես ինչո՞ւ մտածեմ:
- Պարոն Շիրինյան, բայց կարեւոր փոփոխություն կա նախկինների մոտ. Սերժ Սարգսյանն օրերս իր հարցազրույցում ասել է, որ ընդունում է իշխանության հաղթանակը:
- Ես Սերժ Սարգսյանին ինչքան հիշում եմ՝ նա երբեք ճիշտ խոսել չունի: Ուշադիր որ նայեք՝ նա երբեք ճիշտ չի խոսում: Ես չեմ հիշում դեպք, որ նա մի բան ասի, անի: Նա ասում էր, որ ինքը երրորդ անգամ չի առաջադրվելու, երդվում էր ամենասուրբ բաներով, հետո հանկարծ որոշեց մասնակցել, 3-րդ անգամ դառնալ նախագահ, հեղափոխության փոսն ընկավ: Դրանից ցցուն դե՞պք եք ուզում, որ համոզվեք: Եթե ճիշտ է խոսում, թող փեսային պադվալից հանի:
- Բայց կարեւոր փոփոխություն չի՞, որ խոստովանում են իշխանության հաղթանակը:
- Սուտ խոսելը կարեւոր փոփոխությո՞ւն է: 30 տարի է սուտ են խոսում. ասում ես՝ էդ դղյակդ որտեղի՞ց, ասում է Հովնանյանն է ինձ նվիրել: Մեզ չպատահեց մի Հովնանյան՝ մի ասեղ նվիրեր:
- Սերժ Սարգսյանի ու Քոչարյանի Ազգային ժողով անցնելով ի՞նչ փոփոխություն է լինելու այնտեղ:
- Ոչինչ, բացի նրանից, որ Ռուսաստանի ազդեցությունը եւ գողապետության ազդեցությունը խիստ բյուրեղացավ: Այն, ինչ փողոցում էին անում, հիմա կանեն ԱԺ-ում:
- Բայց ասում են՝ գնում ենք Ազգային ժողով՝ մանդատն օգտագործելով իշխանություն վերցնելու:
- Դե գնում են՝ գնան, ո՞վ է տալիս:
- Որպես ընտրությունների արդյունքում բավական մեծ թվով ձայներ ստացած դաշինքի ներկայացուցիչ ի՞նչն է ձեզ համար կարեւոր այս պահին:
- Ինձ հետաքրքրում է՝ ինչքան արագ ՔՊ-ն եւ վարչապետը կարող են իրենց խոստումները սկսեն կատարել, դա շատ կարեւոր է երկրի համար: Իրենց քվե է տրված, եթե ձգձգեցին՝ նախ իրենք վատթարագույն վիճակում կհայտնվեն, իսկ հետո՝ երկիրը: Սա է կարեւորը. թե չէ, Սերժ, Ռոբերտ...Երկիրը պետք է փոփոխությունների ենթարկվի, միջազգային հարաբերությունները կարգավորվեն, լավագույն կառավարություն ձեւավորվի, որ ժողովուրդն էս անգամ գոհ մնա, կադրերը պիտի նշանակվեն այնպես, որ ժողովրդի համար ընդունելի լինեն, իշխանության իմիջը փոխվի: Եթե դրանք չեղան՝ մենք կատաստրոֆայի առաջ կկանգնենք:
- Դուք եւ պարոն Բաբաջանյանը շարունակելո՞ւ եք համագործակցել, թե՞ բաժանվել եք:
- Լավ միացել ենք, լավ աշխատել ենք եւ լավ հարաբերություններով դադարեցրել ենք մեր համագործակցությունը, որովհետեւ այդ դաշինքը ձեւավորվել էր ընտրության համար: Ընտրություններն անցան, եւ ինձ թվում է, մենք մնացինք բարեկամներ, եւ ոչ միայն ես ու Արման Բաբաջանյանը, այլ մեր երկու կուսակցությունները: Ընկերներ ենք դարձել բոլորս:
- Ձեզ պարտված համարո՞ւմ եք ընտրություններում:
- Ո՛չ, ո՛չ, մեր դաշինքը կրծքով պաշտպանեց գողապետության վերադարձը, ձախողեց: Թե չէ գրոհում էին:
- Հետընտրական զարգացումներ դեռ սպասվո՞ւմ են, ըստ ձեզ, թե՞ ոչ:
- Մենք ընտրությունների արդյունքում ձեւավորել ենք դեստրուկտիվ, առճակատման խորհրդարան: Փողոցի զարգացումները տեղափոխվեցին խորհրդարան: Եվ չեղավ միջին քաղաքական օղակը, ինչպիսին մենք էինք, որ խորհրդարանն ունենար հավասարակշռություն: Մեր խորհրադարանում ճակատ ճակատի իրար դեմ պայքարող երկու ուժ հայտնվեց, որոնցից մեկն ուզում է ռեֆորմներ եւ դեմոկրատիա, մյուսը՝ իր հարստության պահպանում, իշխանություն: Դրանք իրար հետ հակոտնյաներ են:
- Այսինքն մենք առաջիկա 5 տարում կրկին տեսնելու ենք նախկին-ներկա մեղադրանքնե՞ր:
- 5 տարի՞: Էս խորհրդարանը կարծում եմ 5 տարի չի ձգի: Ինչ վերաբերում է նախկին-ներկա բանավեճին. սուբյեկտներն իրենց շահերով մնացել են: Գողացածները չեն ուզում վերադարձնել, իշխանությունը ուզում է վերադարձնել տա, այդ հարցը մնացել է, չէ՞: Ուրեմն բանավեճն էլ կա:
- Ինչո՞ւ եք կարծում, որ 5 տարի չի մնա այս Ազգային ժողովը: Այսինքն նորից արտահե՞րթ եք կանխատեսում:
- Ասեմ ինչու, որովհետեւ մեր դաշինքը չանցավ: Ահռելի ընտրազանգված ունեինք եւ վստահ անցնում էինք խորհրդարան: Բայց քանի որ Քոչարյանն իր հանրահավաքում այդքան մարդ բերեց, բոլորը վախեցան, թե նրանք գալու են իշխանության, գնացին վարչապետի կողքը կանգնեցին: Դրա համար մեզ պարտված չեմ համարում, մեր պետության եւ ազգի առջեւ դաշինքը կատարեց իր առաքելությունը, այդ թվում իրեն զոհաբերելով: Որովհետեւ դուք պատկերացնո՞ւմ եք՝ ես այնպես քննադատեի իշխանությանը, ինչպես իրենք՝ ինչ կլիներ իմ համակիրների քանակը, բայց ես չքննադատեցի, հաշվի առնելով, որ մեր պետության համար դա ավելի վատ զարգացման էր բերելու: Կապրենք, կտեսնենք: Չեմ ուզում բացել:
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
© 2024 Հայկական ժամանակ