Քավոր-սանիկ լինելու փաստը շատ է շահարկվում, բայց մոռանում են՝ որպես թիմ ինչ հալածանքներ ենք կրել. Տավուշի մարզպետ

Տավուշի մարզպետ Հայկ Ղալումյանը համոզված է՝ իշխանության թեւը հաղթելու է խորհրդարանական արտահերթ ընտրություններին:

«Հայկական ժամանակ»-ը Տավուշի մարզպետի հետ խոսել է իր մարզպետ նշանակվելու, այդ առաջարկի մասին երկար մտածելու, քաղաքապետի ընտրություններում առաջադրվել-չառաջադրվելու, ու սահմանին տիրող խնդիրների շուրջ:

- Պարոն Ղալումյան, ապրիլի 8-ին նշանակվեցիք Տավուշի մարզպետ, հասցրե՞լ եք արդեն ծանոթանալ մարզի խնդիրներին:

- Ժամանակահատվածը կարճ է իհարկե, սակայն այս ընթացքում փորձել եմ ավելի շատ ծանոթանալ այն խնդիրներին, որոնք առաջնահերթ լուծում պահանջող են: Դրանցից են համայնքներում իրականացվող սուբվենցիոն ծրագրերը, քանի որ  ծրագրերի ներկայացման վերջնաժամկետը հունիսի 6-ն է, եւ որոշակի թերի ծրագրեր կան, որոնք աշխատում ենք շուտ ավարտել եւ ներկայացնել կառավարություն: Ընդհանուր առմամբ, ներկայացվել է 33 ծրագիր: Լուրջ ծրագրեր ենք նախատեսում նաեւ «Հովնանյան» բարեգործական հիմնադրամի հետ, որով կիրականացվեն խմելու եւ ոռոգման ջրագծերի ցանցերի վերակառուցում: Սա տնտեսապես լուրջ փոփոխություններ կբերի: Եթե մենք Տավուշի մարզում շեշտը դնում ենք գյուղատնտեսության ու զբոսաշրջության զարգացման վրա, ապա միանշանակ կարեւոր է մարզի ճանապարհների կառուցումը, գյուղատնտեսական խնդիրների լուծումը: Եթե չլիներ կորոնավիրուսն ու դրան հաջորդած պատերազմը, ապա մարզում լուրջ առաջընթաց կգրանցեինք: Մենք մի բան պետք է հաշվի առնենք, որ 90-ական թվականներին պատերազմը նաեւ Տավուշում է տեղի ունեցել, ու մեր բնակչությունը նորից վերապրեց պատերազմը, այսօր նաեւ  ներդրողներն են խուսափում, բայց համոզված եմ` որոշկի ժամանակահատված հետո կանցնի այդ ամենը: Նախնական բանավոր զրույցներից պարզ է դառնում, որ այո՛, մարդիկ ուզում են ներդրումներ անեն, բայց որոշակի ժամանակ է պետք:

- Պարոն Ղալումյան, սահմանամերձ համայնքների պաշտպանվածությունն ու սահմանամերձ համայնքների ներկայիս վիճակը շատ է քննարկվում: Ի՞նչ գնահատական կտաք:

- Մեր մարզի ու տարածաշրջանի ամրության համար ինչ անհրաժեշտ է, արվել է: Հատկապես հուլիսյան դեպքերից հետո մեծ գործեր են արվել ոչ միայն պետական միջոցներով, այլ նաեւ բարերարների ջանքերով: Ես չգիտեմ մի դեպք, երբ ինչ-որ բան է անհրաժեշտ եղել սահմանին ու չի արվել: Ես վստահեցնում եմ, սահմանամերձ համայնքների խնդիրները գտնվում են այսօրվա իշխանության ուշադրության կենտրոնում: Գուցե մի քիչ -քիչ է արվում, բայց դա էլ կախված է մեր այսօրվա հնարավորություններից:

- Խոսվում է Տավուշի մարզից որոշ գյուղերր կամ տարածքներ հակառակորդին տալու մասին: Որքանո՞վ են հավաստի այս խոսակցությունները:

- Բազմիցս հերքվել են այդ լուրերը, ես համոզված եմ,  համենայնդեպս այս պահին չի քննարկվում նման բան: Այո, այդ խոսկացություններն էլ են ազդել ներդրողների հոգեբանության վրա: Այստեղ նաեւ այդ հարցը տարբեր քաղաքական կուսակցություններ սկսեցին շահարկել, քննարկել, դիվիդենտներ շահել, բայց պաշտոնապես քանիցս հերքվել է:

- Ձեզ հետ երբեւէ նման հարց քննարկվե՞լ է:

- Ոչ, չի եղել նման բան, չի քննարկվել ոչ մի բան:

- Դուք որպես մարզի ղեկավար, ու նաեւ որպես տավուշցի, ի՞նչ կարծիք ունեք` տարածքներ կփոխանցվե՞ն հակառակորդին, մտավախություն չունե՞ք:

-Համենայնդեպս չեմ ուզում հավատալ դրան, չեմ պատկերացնում, որ նման բան կլինի:

-Ավելի քան 2 տարի Իջեւանի քաղաքապետի պաշտոնակատար էիք: Ձեր պաշտոնավարման ընթացքում ի՞նչ հասցրեցիք անել համայնքի համար:

-Ես իմ տեսակով արդարամիտ մարդ եմ, ու աշխատել եմ բոլոր խնդիրներին արդար մոտենալ: Աշխատել եմ մեր լեզվով ասած մարդկանց մատից փուշ հանել, սուտ չեմ խոսել, ոչ էլ սուտ խոստումներ եմ տվել: Օգտագործել եմ իմ բոլոր հնարավորությունները` անձնական կապերը, արտերկրի իմ ընկերների հնարավորությունները` համայնքի համար ամեն ինչ անելու  համար, գնահատականը թող իջեւանցիները տան:

- Ո՞րն էր ձեզ համար ավելի նախընտրելի՝ քաղաքապետի՞, թե՞ մարզպետի պաշտոնը:

- Դե իհարկե ծանրաբեռնվածության աստիճանը այստեղ մի քանի անգամ ավելի է, չնայած ես դրանից չեմ խուսափում: Համոզված եմ` կկարողանամ նույն ձեւ պիտանի լինել արդեն նաեւ մարզին: Աշխատելով նախկինում տարբեր տեղերում, հասցրել եմ շփվել գրեթե բոլոր համայնքապետերի հետ, բազմաթիվ մարդկանց հետ, ծանոթ եմ նրանց խնդիրներին:

- Այս տարի ՏԻՄ ընտրություններ կլինեն նաեւ Իջեւանում: Կմասնակցե՞ք որպես համայքի ղեկավար:

- Չեմ կարող հիմա պատասխանել, բայց դժվար:

- Ինչո՞ւ:

- Նախ ես ինքս ինձ թույլ չեմ տա մեկ քայլ հետ դառնալ՝ մարզպետից նորից քաղաքապետ, ու դա ոչ թե որ ես ինչ-որ ամբիցիաներ ունեմ, այլ ուղղակի որպես մարդ հետքայլ կհամարեմ: Համենայնդեպս, ժամանակը ցույց կտա, այս պահին բացասական պատասխան կտամ:

- Մինչ Ձեր`մարզպետ նշանակվելը, կարծես հստակ էր, որ մասնակցելու եք քաղաքապետի ընտրություններին:

- Այո, ամբողջ իմ աշխատանքի տրամաբանական ավարտը եղել է դրան հասնելը, ու ես համոզված էի, որ կմասնակցեմ:

- Այսինքն վարչապետի` Ձեզ մարզպետ նշանակելը խառնեց Ձեր պլանները:

- Գլոբալ առումով` այո:

- Իսկ ինչո՞վ էր պայմանավորված ներկայիս պաշտոնում կոնկրետ ձեր թեկնածությունը:

-Չգիտեմ,  քաղաքական որոշում էր:

-Երբ Ձեզ առաջարկեցին մարզպետի պաշտոնը, կարծիք չհարցրի՞ն: Այդ ժամանակ չասացի՞ք, որ այլ պլաններ ունեք:

-Առաջարկը որ եղավ, ես երկար եմ մտածել, եւ հետո, քանի որ լրատվամիջոցներով շատ է շահարկվում իմ ու վարչապետի` քավոր-սանիկական հարաբերությունները, ես ունեմ մի հստակ դիրքորոշում, որ ընտանիքը սրբություն է, եւ այդ դաշտ մտնելը` անթույլատրելի, բայց իմ այստեղ նշանակվելը քավոր-սանիկ լինելու հետ կապ չունի, բոլորը պետք է հասկանան, որ կա քաղաքական թիմ, ու այս երկար տարիների պայքարը ոչ մեկ չի հիշում, չեն հիշում նաեւ, թե տարիներ շարունակ ինչ զրկանքներ ենք կրել մենք մեր քաղաքական հայացքների համար: Ես պաշտոնից կառչող մարդ չեմ, ոչ նախին պաշտոնից եմ կառչել, ոչ էլ ներկա պաշտոնից: Ես կարող եմ աշխատել ամեն տեղ ու նաեւ այլ բնագավառներում:

-Հունիսի 20-ին կայանալիք ԱԺ արտահերթ ընտրություններին ի՞նչ արդյունքներ եք ակնկալում:

-Տոկոսային չեմ ցանկանա ասել, բայց համոզված եմ, որ իշխանության թեւը հաղթելու է: Իմ անձնական վերլուծությամբ` չենք պարտվի:

-«Քաղաքացիական պայմանագիր կուսակցության» համամասնական ցուցակում որպես պատգամավորի թեկնածու ձեր անունը տեղ չի գտել. ինչու՞.

-Ոչ, չեմ առաջադրվել,  նման քննարկում ու առաջարկ էլ չի եղել: Եթե լիներ էլ` ես կխուսափեի, ճիշտ չեմ համարում, որ եղբայրս լինի ԱԺ պատգամավոր, ես էլ լինեմ ԱԺ-ում, իսկ եղբայրս, ցուցակում կա: 

Տպել
681 դիտում

ԱՊՀ երկրներում գրանցված կազմակերպություններին վճարված եկամուտների վերաբերյալ պետք տեղեկություններ ներկայացնեն․ ՊԵԿ

Կորյունը շատ քաջ էր. այս գիշեր հակառակորդի կրակոցից զոհված 18-ամյա զինվորը 6 ամսվա ծառայող էր

Գյումրիում 2 շենք է կառուցվում սոցիալապես անապահով 36 ընտանիքի համար. տեսադաշտում են նաև 44-օրյա պատերազմի մասնակիցները

ՀՀ տարածքային ամբողջականությունը խախտելուն և զավթելուն ուղղված Ադրբեջանի գործողությունների առթիվ հարուցվել է քրգործ

Տոկիո-2020. Վարսենիկ Մանուչարյանը հանդես եկավ 100 մ ազատ ոճ մրցաձևում (տեսանյութ)

Պատվիրել է իրագործել 6 անձանց սպանություններ․ ԱԱԾ-ն ավարտել է հարուցված քրեական գործի նախաքննությունը

Հայաստանը ստանձնելու է ՀԱՊԿ նախագահությունը․ Ռուբեն Ռուբինյան

Երևան-Գյումրի-Վրաստանի սահման միջպետական ավտոճանապարհի՝ Շիրակի մարզով անցնող 4,1 կմ հատվածը հիմնանորոգվում է

Պոլիէթիլենային տոպրակները փոխարինվելու են վերամշակված, հատուկ շտրիխ կոդով բազմակի օգտագործման Հավատարմության տոպրակներով

Սեպտեմբերի 15-ից եռամսյա վարժական հավաքներ կհայտարարվեն. կներգրավվի 869 քաղաքացի

Լայնամասշտաբ գործողությունները չեմ բացառում, բայց տարվա այս եղանակին դա քիչ հավանական է. ռազմագետ

Արցախյան 44-օրյա պատերազմից հետո մեկնարկել է հոգեբանական անվճար ծրագիր. մինչ օրս օգտվել են 700-ից ավելի անձինք

Ռուսաստանը վերախմբավորել է զորքերը Աֆղանստանի հետ սահմանին

Պայթյուններ են նախատեսվում Արցախի բոլոր շրջաններում

31-ամյա կինը ոսկյա մատանի և փող է հափշտակել (տեսանյութ)

Ժամը 13։00-ի դրությամբ իրադրությունը հայ-ադրբեջանական սահմանի Գեղարքունիքի հատվածում կայուն է, ունենք 4 վիրավոր. ՊՆ

Աճյունների որոնողական աշխատանքներն այսօր իրականացվում են Վարանդայի շրջանում

Հարձակում Էջմիածնի «Համակցված կերերի» աշխատակցուհու վրա. հարվածել են գլխին, հափշտակել գումար (տեսանյութ, լուսանկարներ)

Արգիշտի Քյարամյանը Սերգեյ Կոպիրկինի հետ երկկողմ համագործակցության հարցեր է քննարկել

ՀՀ-ում հավատարմագրված օտարերկրյա դեսպանությունների ռազմական կցորդները տեղեկացվել են Ադրբեջանի գործողությունների մասին

Ադրբեջանը պատասխանատվություն է կրում ՀՀ 3 զոհված զինծառայողի սպանության, նրանց կյանքի իրավունքը խախտելու համար. ՄԻՊ

Այսօր զոհված Դավիթը 44-օրյա պատերազմի մասնակից էր, Չինչին գյուղի 2020 թվականի միակ շրջանավարտը

ՀՀ նախագահն իր աջակցությունն է հայտնում մեր բանակին. Արմեն Սարգսյանի հայտարարությունը

Ֆրանսիան կդիտարկի Հայաստանի կողմից պաշտպանության ոլորտում աջակցության վերաբերյալ դիմումները. Ժոնաթան Լաքոտ

Նախագահ Սարգսյանը Տոկիոյից վերադառնում է Հայաստան

Ձեռնարկվել է հակագրոհ, մեր դիրքը հետ է վերցվել. Արծրուն Հովհաննիսյան (տեսանյութ)

ՊՆ-ն հայտնել է զոհված 3 զինծառայողների անունները

Կրակոցների պատճառով Սոթքի ոսկու հանքավայրից հրատապ տարհանվել է 150 աշխատակից. ՄԻՊ

Ձեռք է բերվել պայմանավորվածություն հայ-ադրբեջանական զորքերի շփման գծում հրադադարի ռեժիմը վերականգնելու վերաբերյալ. ՊՆ

Ադրբեջանի ՊՆ-ն հայտնում է սահմանին կրակը դադարեցնելու վերաբերյալ ռուսական կողմի առաջարկն ընդունելու մասին. «Արմենպրես»

Կնոջ ծխելու պատճառով առաջացած վիճաբանությունն ավարտվել է սպանությամբ

Հաստատվել է կորոնավիրուսային հիվանդության 280 նոր դեպք. մահ չի արձանագրվել

Կրակոցների անմիջական թիրախում են Կութ, Վերին Շորժա գյուղերը. ահազանգեր ՄԻՊ-ին Ժամը 10:30-ի դրությամբ

1 օրում բացահայտվել է հանցագործության 84 դեպք

Պայթյուն Լուսաձորի գազալցակայանում. կա տուժած

Ոսկե մեդալակիր շրջանավարտների թվով Շիրակի մարզն առաջատար է Հայաստանի Հանրապետությունում

Խիստ անհրաժեշտ է նախ փոփոխել պետական համակարգի, այդ թվում՝ քաղաքապետարանի հաստիքացուցակը. Մեսրոպ Առաքելյան

Ժամը 09։20-ի դրությամբ ադրբեջանական ստորաբաժանումները ետ են շպրտվել իրենց ելման դիրքեր. ՊՆ

Առնվազն 3 անհերքելի փաստ Գեղարքունիքում ադրբեջանական հանցավոր կրակոցների մասին. ՄԻՊ

Հայկական կողմն ունի երեք զոհ, ևս երկու զինծառայող վիրավոր է. ՊՆ