Պոլիտեխնիկի շուրջ հանգուցալուծումը երևում է. ԿԳՄՍՆ-ն ռեկտորի ընտրության արդյունքները ներկայացրել է հաստատման

27/04/2021 schedule11:57

Երկար ուսումնասիրություններից հետո Կրթության, գիտության, մշակույթի եւ սպորտի նախարարությունը Պոլիտեխնիկական համալսարանի ռեկտորի ընտրության արդյունքները ներկայացրել է հաստատման: Այս մասին մեզ հետ զրույցում նշեց Բարձրագույն եւ հետբուհական մասնագիտական կրթության վարչության պետի տեղակալ Լուսինե Գրիգորյանը:

Նշենք, որ ավելի վաղ արդեն տեղեկացրել էինք, որ ԿԳՄՍ նախարարը որոշել է հաստատման ուղարկել Պոլիտեխնիկական համալսարանի ռեկտորի ընտրության արդյունքները:

Լուսինե Գրիգորյանի խոսքով՝ մանրամասն ուսումնասիրվել են Հոգաբարձուների խորհրդի նախագահի կողմից ուղարկված փաստաթղթերը. ընթացակարգերը պահպանված էին:

«Որոշակի տարընկալումներ կային Հաշվիչ հանձնաժողովի անդամների մեջ եւ իրենց աշխատակարգում, բայց դա չէր կարող էական ազդեցություն ունենալ արդյունքների վրա: Փաստաթղթերի ուսումնասիրությունը ցույց է տալիս, որ սահմանված կարգով հաշվիչ հանձնաժողովի արձանագրություն եղել է, եւ 5 անդամներից 3-ը իրենց ստորագրությունը դրել են արձանագրության տակ: Այսինքն՝ Հաշվիչ հանձնաժողովի որոշումը համարվում է ընդունված: Հստակ սահմանված արձանագրության տարբերակ էլ կար, բայց անդամները տեղում կազմել էին արձանագրություն եւ ստորագրել»,- նշեց նա:

Նախարարության պաշտոնյան հավելեց նաեւ, որ, ըստ ընթացակարգի, Պոլիտեխնիկի ռեկտորի թափուր պաշտոնի մրցույթի արդյունքները հաստատելու մասին որոշման նախագիծը մինչեւ Կառավարության հաստատմանը ներկայացվելը՝ ուղարկվել է արդարադատության նախարարություն՝ կարծիքի:

««Բարձրագույն եւ հետբուհական մասնագիտական կրթության մասին» օրենքի համաձայն՝ ռեկտորի ընտրության արդյունքները հաստատում է հիմնադիրը: Հաշվի առնելով, որ Հայաստանի ազգային պոլիտեխնիկական համալսարանի հիմնադիրը Հայաստանի Հանրապետությունն է՝ ի դեմս Կառավարության, նախագիծը շրջանառել ենք, որպեսզի Հայաստանի հիմնադրի անունից Կառավարությունը հաստատի ռեկտորի արդյունքները՝ Գոռ Պատվականի Վարդանյանին՝ որպես ընտրված ռեկտոր նշանակելով»,- ասաց Լուսինե Գրիգորյանը:

Պոլիտեխնիկական համալսարանի ռեկտորի ընտրության կարգում նշված է, սակայն, որ արձանագրությունը ստորագրում են հաշվիչ հանձնաժողովի նախագահն ու անդամները: Ավելի վաղ, ի դեպ, նաեւ այդ հանգամանքն էր վկայակոչվում՝ ցույց տալու համար ընթացակարգի խախտումները: Հարցին, թե այս դեպքում, երբ արձանագրությունը չի ստորագրվել հաշվիչ հանձնաժողովի բոլոր անդամների, այդ թվում՝ նախագահի կողմից, որոշումը կարո՞ղ է իրավաչափ համարվել, Լուսինե Գրիգորյանը նշեց, որ այդտեղ որեւէ խնդիր չկա, ապա հավելեց.

«Փոքր հանձնաժողովի ընթացակարգային թերությունը չի կարող ազդել ամբողջ մրցույթի արդյունքի վրա: 5 անդամից բաղկացած հանձնաժողովից 3-ը ստորագրել են եւ արձանագրել են այն, ինչ կատարվել է, հետեւաբար որոշումն իրավաչափ է»:

Հիշեցնենք, որ մարտի 15-ին Պոլիտեխնիկական համալսարանի հոգաբարձուների խորհրդի նիստում հայտարարվեց, թե 17 կողմ, 5 դեմ ձայնով ռեկտոր է ընտրվել պրոռեկտոր Գոռ Վարդանյանը, իսկ արձանագրությունը ստորագրվել է հաշվիչ հանձնաժողովի 5 անդամներից 3-ի կողմից:

Նիստի ժամանակ հաշվիչ հանձնաժողովի 5 անդամներից երկուսը, այդ թվում՝ հաշվիչ հանձնաժողովի նախագահ Գոհար Մամիկոնյանը, հրաժարվեցին այդ հանձնաժողովի անդամ լինելուց: Մամիկոնյանն իր լիազորությունները վայր դնելը պատճառաբանեց նրանով, որ հաշվիչ հանձնաժողովի անդամները սահմանված նմուշից շեղված նշումներով երկու քվեաթերթիկները վավեր էին համարել: Հայտնվելով բավականին անորոշ իրավիճակում՝ մյուս անդամները, այնուամենայնիվ, հաստատեցին քվեարկության արդյունքները: Ընտրությունից հետո, սակայն, հայտարարվեց, որ քվեարկության արդյունքների արձանագրությունը ստորագրել է ոչ թե 3, այլ ընդամենը 2 անդամ: Բավականին երկար ժամանակ Կրթության նախարարությունն ուսումնասիրում էր հոգաբարձուների խորհրդի նախագահի կողմից ուղարկված պաշտոնական գրությունը՝ պաշտոնական որեւէ դիրքորոշում այդպես էլ չհայտնելով:

Նշենք նաեւ, որ Պոլիտեխնիկի ռեկտորի մյուս 5 թեկնածուները միասին դեմ էին արտահայտվում ընտրապայքարում մնացած միակ թեկնածու Գոռ Վարդանյանի դեմ՝ հոգաբարձուների խորհրդի անդամներին կոչ անելով չվերարտադրել բուհի անփառունակ շարունակական կառավարումը:

Պոլիտեխնիկական համալսարանի ռեկտորի թափուր պաշտոնի մրցույթում հաղթող ճանաչված Գոռ Վարդանյանը 2012-2017 թթ․ եղել է նշված համալսարանի ուսանողական խորհրդի նախագահը, 2017-2018 թթ․՝ Երևանի ավագանու անդամ ՀՀԿ ընտրական ցուցակով, դրա նախորդող տարիներին՝ 2011-2017 թթ.՝ Ազգային ժողովի երիտասարդական խորհրդարանի պատգամավոր: Ըստ շրջանառվող խոսակցությունների՝ նա նաեւ Արմեն Աշոտյանի սանիկն է:

Հայաստանի ազգային պոլիտեխնիկական համալսարանի նախկին ռեկտոր Ոստանիկ Մարուխյանը պաշտոնից ազատվել էր պաշտոնավարման ժամկետը լրանալու պատճառով: Այժմ ռեկտորի լիազորությունները կատարում է նույն համալսարանի ՀԱՊՀ Միջազգային համագործակցության եւ կրթական բարեփոխումների գծով պրոռեկտոր Ռուբեն Ազգաշյանը:

Տպել
1987 դիտում

Բաքվում շարունակվում է հայ գերիների նկատմամբ շինծու գործով դատավարությունը

Սխալներ ունեցել ենք թե մենք, թե մնացած ուժերը, որ այսօր ունենք նման արդյունքներ. Վանեցյան

«Հայաստան» դաշինքի նշած ընտրատեղամասում կեղծիք չի եղել, խնդիրը պարզվել է առանց վերահաշվարկի. Իոաննիսյան

Եթե որոշում կայացվի մանդատները վերցնելու, ապա գնալու եմ խորհրդարան. Արթուր Վանեցյան

Ռուսաստանը Լեռնային Ղարաբաղում կանգնեցրել է հակամարտությունը. Պուտին

ՍԴՀԿ-ն հայտարարություն է տարածել ՀՀ-ում կայացած արտահերթ ընտրությունների վերաբերյալ

Հայաստանում հաստատվել է կորոնավիրուսի 100 նոր դեպք, առողջացել է 48 մարդ

ԵՄ անդամ երկրների ԱԳ նախարարները կայցելեն Հայաստան

Ձայների պակաս հաշվարկի խնդիրներ արձանագրվել են նաև մեր դեպքում՝ առնվազն 3 տեղամասում. Ա. Հարությունյան

Գերությունից վերադարձած Էրիկն ու Ալբերտը եղբայրներ են, լռում էինք՝ Էրիկի անվտանգությունից ելնելով․ Արտակ Հովհաննիսյան

Խորհուրդ է տրվում ժամը 11:00-ից մինչև 17:00-ն խուսափել արևի ուղիղ ճառագայթներից. Սուրենյանը զգուշացնում է

Նիկոլ Փաշինյանը շնորհավորական ուղերձ է հղել Լյուքսեմբուրգի վարչապետին

Ուկրաինայի խորհրդարանի ՀՀ-ի հետ բարեկամական խմբի նախագահը շնորհավորել է Փաշինյանին ընտրություններում հաղթելու առթիվ

Նիկոլ Փաշինյանի որոշումներով Արարատի մարզպետը 2 նոր տեղակալ ունի

Ով ում է ասել «դավաճան». Արտակ Բեգլարյանը պարզաբանել է՝ ինչ է տեղի ունեցել իր ու հանրահավաքի մասնակիցների միջև

Որքան գումար են ծախսել քաղաքական ուժերն այս ընտրություններին. ամենաշատ ծախսածներն անցել են խորհրդարան

Լևոն Արոնյանն աշխարհի Գավաթում կներկայացնի Հայաստանը

Գիշերը մի շարք հասցեներում ապամոնտաժվել են ապօրինի շինություններ (տեսանյութ)

Վթարի պատճառով 7 ժամ ջուր չի լինելու Սյունիքի մի մասում

Առաջին հնարավորության դեպքում հրաժարական կտամ ու չեմ առաջադրվի ընտրություններում, եթե զգամ՝ երկիրը պատրաստ է. ԱՀ նախագահ

Լոռու մարզպետի կողմից Օձունի համայնքապետին ազատման պահանջ ներկայացնելու և ծեծի դեպքով գրություն կուղարկվի դատախազություն

Ես ունեմ կյանքի ու նախագահական երդում, որը չեմ կարող դրժել. Արայիկ Հարությունյան

Մոսկվայում այսուհետ ռեստորաններ կայցելեն միայն պատվաստված կամ ՊՇՌ թեստ ունեցող մարդիկ. ռեստորանային բիզնեսը վտանգվա՞ծ է

Ամենայն պատասխանատվությամբ հայտարարում եմ, միայն ՔՊ գրասենյակում չէ, որ եղել եմ, այլ հանդիպումներ էլ կային. ԱՀ նախագահ

Ֆրանսիան վերահաստատում է աջակցությունը ՀՀ սուվերենությանը և տարածքային ամբողջականությանը. ԱԳՆ

Օձունի համայնքապետը հաղորդում է տվել իր նկատմամբ կատարված հանցագործության վերաբերյալ

Վեդի-Արարատ ճանապարհին «KIA» մակնիշի ավտոմեքենան կողաշրջվել է․ 16-ամյա վարորդը տեղում մահացել է

Համեմատվել են ԱԺ անցած 3 ուժերի ձայները բոլոր հոսանքազրկված ընտրատեղամասերում․ Իոանիսյան

Բաց պահել ԲՀԿ գրասենյակները, լինել ժողովրդի կողքին. Ծառուկյանը հանդիպել է համակիրների հետ

5165 շարժումը մերժել է Նիկոլ Փաշինյանի հետ հանդիպման առաջարկը․ ընդդիմադիր որոշ ուժերի ՍԴ դիմելու առաջարկը ևս մերժվել է

«Բանալի բառը՝ բոլորի վարչապետ». Նիկոլ Փաշինյանի մեկնած «համախմբման ձեռքը» օդում չմնաց

Բուսաբանական այգում լինելու է Արցախյան պատերազմներում զոհվածների հիշատակը հավերժացնող մեծ անտառ-պուրակ

«Շոկային սելֆիներ արջի հետ»․ միջազգային հանրությունը մերժում է այս երևույթը (տեսանյութ, լուսանկարներ)

Մեկնարկել է «Քայլ դեպի տուն» 2021 ուսումնաճանաչողական ծրագիրը․ շուրջ 400 սփյուռքահայեր կհյուրընկալվեն հայրենիքում

Երբ Այվազյանը հեռացավ, գերիների հարցը լուծվեց, նա ստել էր ականապատման քարտեզների մասին. Արմեն Գրիգորյան. «Ազատություն»

Իսպանիայի իշխանությունները ներում են շնորհել կատալոնցի ձերբակալված քաղաքական գործիչներին

70-ից ավելի ընտրական տեղամասերի վերահաշվարկի աշխատանք կիրականացվի. ԿԸՀ

Ես փախչող տեսակ չեմ, պատրաստ եմ բոլորի հետ երկխոսության. Արցախի նախագահը իր հրաժարականը պահանջողներին

Նորք-Մարաշ վարչական շրջանում այրվել է մոտ 5 հա խոտածածկույթ․ հայտարարվել է հրդեհի բարդության «1 ԲԻՍ» կանչ

Զախարովան նշել է Ռուսաստանի բարեկամ լինելու պայմանը