Երևան
23 °C
Նոր տեսակի կորոնավիրուսի առանձնահատկությունները դեռ լիովին չբացահայտված և չուսումնասիրված, բժիշկները սկսեցին առնչվել նաև վիրուսի մուտացիաներին։ Վերջին շրջանում մասնագետները խոսում են հիվանդության բրիտանական, հարավաֆրիկյան և այլ շտամների մասին։ Բրիտանական շտամն, օրինակ, բացահայտվել է, որ ավելի շատ է տարածվում մարդկանց շրջանում։ Այն հայտնաբերվել է գրեթե 120 երկրներում։
Ապրիլի 1-ին Հայաստանի առողջապահության նախարարությունը հայտնեց՝ բրիտանական շտամը շրջանառվում է նաև Հայաստանում։ Մարտի 18-ին 12 անձանցից վերցված նմուշից 10-ի դեպքում հետազոտությունը հաստատել էր բրիտանական շտամի առկայությունը։
Իսկ արդյոք նոր շտամը վարակում է նաև երեխաներին և լինելով շրջանառության մեջ կարող է նկատվել նրանց մոտ․ այս հարցի վերաբերյալ հանդիպում ենք տարբեր հետազոտությունների: Մի դեպքում ասվում է, որ սա ավելի հաճախ հենց երեխաներին է վարակում եւ առավել վտանգավոր է նրանց համար, մյուս դեպքում նշվում է, որ բրիտանական շտամով երեխաները գրեթե չեն վարակվում:
ՀՀ առողջապահության նախարարության մանկաբուժության հարցերով խորհրդատու Սերգեյ Սարգսյանի խոսքով՝ երեխաներն, իհարկե, հնարավոր է վարակվեն նոր շտամով:
«Կան եզակի հաղորդագրություններ միջազգային մամուլում, որ նոր շտամը ավելի վտանգավոր է երեխաների համար, բայց նաև կան հրապարակումներ ճանաչված գիտական հանդեսներում, ըստ որոնց նոր շտամի դրսևորումները երեխաների շրջանում չեն տարբերվում նախորդ շտամների դրսևորումներից: Դրա մասին է մասնավորապես հայտարարել նաև Բրիտանիայի մանկաբուժության և երեխաների առողջության Թագավորական քոլեջի նախագահը»,- ասաց Սերգեյ Սարգսյանը:
Առողջապահության համաշխարհային կազմակերպության ևս, ըստ նրա, հետևում է իրավիճակին, բայց այսօրվա դրությամբ դեռ չունի հավաստի տեղեկատվություն երեխաների համար շտամն ավելի վտանգավոր լինելու մասին:
«Մենք ևս վերլուծում ենք հայաստանյան վիճակագրությունը և փորձում ենք հասկանալ՝ արդյոք նոր շտամի շրջանառության պայմաններում երեխաները ավելի հաճախ են հիվանդանում: Սակայն երեխաների տեսակարար կշիռը բոլոր ՊՇՌ եղանակով հաստատված դրական դեպքերի նկատմամբ չի մեծանում: Այսպես, երեխաների ՊՇՌ հաստատված դեպքերի քանակը անցած տարվա մարտից մինչ այսօր կազմել է 8468, ինչը ընդհանուր վարակվածների 4,2%-ն է: Եթե համեմատենք մարտի տվյալները (երբ արդեն առանձնացվել էր Հայաստանում բրիտանական շտամը), ապա երեխաների շրջանում մարտին գրանցված դեպքերի թիվը կազմել է 919, ինչը մարտի ընդհանուր դեպքերի նկատմամբ կազմել է նույն 4.2%, այսինքն հիվանդացածների շրջանում երեխաների մոտ հիվանդությունը ախտորոշվում է նույն հաճախականությամբ, ինչ և ամբողջ 2020 թվականին, ու մենք չենք տեսնում միտում, որ նոր շտամը կամ շտամները հարաբերականորեն ավելի շատ են վարակում հատկապես երեխաների»,- ընդգծեց մասնագետը։
Հաշվի առնելով, որ երեխաների մոտ հիվանդությունների մեծ մասը ոչ ծանր է ընթանում և առանձնահատուկ բուժում չի պահանջվում, երեխաները հիմնականում բուժվում են տանը: Բուժհաստատություններում ներկայումս գտնվում է կորոնավիրուսով վարակված մոտ 30 երեխա, հիմնականում «Արաբկիր», «Սուրբ Գրիգոր Լուսավորիչ» բժշկական կենտրոններում։ «Մուրացան» հիվանդանոցում բուժում են ստանում մինչեւ մեկ տարեկան երեխաները։ Այլ կովիդ-կենտրոններում երբեմն բուժում են ստանում նաև դեռահասներ։
Կովիդի հետ կապված մանկական մահճակալների խնդիր դեռևս չկա, սակայն մասնագետը շեշտում է՝ կորոնավիվիրուսի հետ համեմատած, հիմա, հատկապես աճ է նկատվում այլ տարբեր վիրուսային հիվանդությունների առումով, համապատասխանաբար ավելացել է նաև դրանցով պայմանավորված հիվանդանոցային դիմելիությունը: Եղել են նաև երեխաներ, որոնց մոտ քովիդը զուգակցվել է տարբեր շնչառական, աղիքային վարակներով:
«Շուրջ 110 երեխայի մոտ և զարգացել է կովիդի հետ համակցված բազմահամակարգային բորբոքային հիվանդություն կամ Կավասակի-նման հիվանդություն: Աշխարհում չկան տվյալներ այն մասին, որ նոր շտամը ավելի հաճախ է առաջացնում Կավասակի-նման հիվանդություն: Մեր տվյալները ևս թույլ չեն տալիս պնդելու, որ նոր շտամը ավելի հաճախ է առաջացնում այն: Մենք ուշի ուշով հետևում ենք միջազգային հետազոտություններին այդ առումով ևս»,- ասաց մասնագետը: Ինչ վերաբերվում է երեխաների շրջանում նոր բրիտանական շտամի առկայությանը, ապա մինչ այսօր ուսումնասիրվել են միայն մեծերից վերցված շտամները, սակայն Սարգսյանը տեղեկացրեց, որ հետազոտությունների հաջորդ փուլում կուսումնասիրվեն նաև երեխաների նմուշները:
«Առ այսօր երեխաների շրջանում քովիդը ավելի հազվադեպ է հանդիպում և ընդհանուր առմամբ ավելի թեթև է ընթանում, իրենք ինֆեկցիայի հիմնական տարածողներ չեն լինում, ի տարբերության այլ վիրուսների, օրինակ՝ գրիպի և քովիդի հետ համեմատ, երեխաները գրիպը ավելի բարդ են տանում և հանդիսանում են վարակի տարածման հիմնական աղբյուր»,- հավելեց նա։
ՀՀ առողջապահության նախարարության մանկաբուժության հարցերով խորհրդատուն ևս մեկ անգամ կարևորում է՝ որպեսզի երեխաները խուսափեն վիրուսով վարակվելուց պետք է հետևեն անվտանգության պարզ և հանրահայտ կանոններին։ Կարևոր է դրան հետևել նաև դպրոցում։
Մերի Խաչատրյան
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
© 2024 Հայկական ժամանակ