«Մեր ու ձեր կար», «տարբեր խաղերի մեջ չուզեցի մտնել». ԵՊՀ հոգաբարձուների խորհրդի 11 անդամ հրաժարվել է անդամությունից

«Այսօր անհասկանալի հանգամանքներում ԵՊՀ հոգաբարձուների խորհրդի իշխանական թևի 11 ներկայացուցիչներ, առանց որևէ բացատրության, անդամությունից հրաժարվելու մասին դիմում են գրել»,- այս մասին իր ֆեյսբուքյան էջում գրել է Երեւանի պետական համալսարանի հոգաբարձուների խորհրդի անդամ Խաչիկ Աբաջյանը:

Նա այդ քայլը որակել է արհամարհական վերաբերմունք մայր բուհի նկատմամբ՝ ընդգծելով, որ կատարվածը ԵՊՀ հոգաբարձուների խորհուրդը լուծարելու և համալսարանը առանց խորհրդի թողնելու նպատակ է հետապնդում:

Հիշեցնենք, որ ապրիլի 1-ին հրավիրված ԵՊՀ հոգաբարձուների խորհրդի նիստը քվորում չլինելու պատճառով չէր կայացել, քանի որ խորհրդի 32 անդամից միայն 14-ն էր ներկայացել նիստին։ Բացակայողներից 12-ը Կառավարության և ԿԳՄՍՆ ներկայացուցիչներ էին: Նիստի օրակարգում ընդգրկված էր նաեւ ռեկտորի ընտրության հարցը: Ոմանք, այդ թվում ԵՊՀ մամուլի խոսնակը, կառավարության ու ԿԳՄՍՆ ներկայացուցիչների բացակայությունը որակեցին որպես բոյկոտ, մինչդեռ մեզ հետ զրույցում ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը նշեց, որ բոյկոտ չկա, ինքն անձամբ հարգելի պատճառով չի ներկայացել նիստին:

«Նոր տրագիկոմեդիա ԵՊՀ-ում... ընդ որում՝ առանց ընդմիջման...

Երևի կհիշեք իշխանական թևի ներկայացուցիչների խայտառակ վարքագիծը ԵՊՀ հոգաբարձուների խորհրդի նախորդ նիստում՝ ոչ ոք չեկավ, և նիստը տապալվեց: Այսօր անհասկանալի հանգամանքներում ԵՊՀ հոգաբարձուների խորհրդի իշխանական թևի 11 ներկայացուցիչներ, առանց որևէ բացատրության, անդամությունից հրաժարվելու մասին դիմում են գրել։

Ակնհայտ է, թե ինչ են ուզում անել տիկնայք և պարոնայք: Անել այնպես, որ ԵՊՀ հոգաբարձուների խորհուրդը լուծարվի և համալսարանը նորից մնա առանց խորհուրդ: Եթե խորհրդի անդամների կեսից ավելիի (17 հոգի) լիազորութունները դադարեն, խորհուրդը կլուծարվի: Սա հերթական թքած և արհամարհական վերաբերմունքն է Մայր բուհի նկատմամբ: Մարդիկ ուզում են քանդել, այն, ինչի կերտման համար ոչինչ չեն արել: Լիահույս եմ, որ համալսարանական թևից որևէ մեկը չի միանա այս խայտառակ սաբոտաժին, այլապես հետագայում չի ընկալվելու և ընդունվելու»- իր ֆեյսբուքյան էջում գրել է Խաչիկ Աբաջյանը:

Հիշեցնենք, որ բուհի հոգաբարձուների խորհրդի կազմում ընդգրկված են նաեւ պրոֆեսորադասխոսական եւ ուսանողական կազմի ներկայացուցիչներ: 

Աբաջյանը ներկայացրել է նաեւ հոգաբարձուների խորհրդի անդամությունից հրաժարված անդամների ցանկը, որոնց շարքում են ԿԳՄՍ նախարարի տեղակալներ Ժաննա Անդրեասյանը, Արթուր Մարտիրոսյանը, ԿԳՄՍ նախարարի խորհրդական Գոհար Մամիկոնյանը, Գիտության կոմիտեի նախագահ Սարգիս Հայոցյանը, Հայաստան համահայկական հիմնադրամի գործադիր տնօրեն Հայկակ Արշամյանը. Ա. Շահինյանի անվան ֆիզմաթ հատուկ դպրոցի տնօրեն Հայկազ Նավասարդյանը, ՀՀ փոխվարչապետի գրասենյակի ղեկավար Բագրատ Բադալյանը, ՀՀ բարձր տեխնոլոգիական արդյունաբերության նախարարի տեղակալ Վիկտորիա Պողոսյանը, Կոմիտասի թանգարան-ինստիտուտի տնօրեն Նիկոլայ Կոստանդյանը, Ակադեմիական փոխճանաչման և շարժունության ազգային տեղեկատվական կենտրոն հիմնադրամի տնօրեն Գայանե Հարությունյանը, Հայաստանի հանրային հեռուստաընկերության տնօրեն Հովհաննես Մովսիսյանը:

Ա. Շահինյանի անվան ֆիզմաթ հատուկ դպրոցի տնօրեն Հայկազ Նավասարդյանը մեզ հետ զրույցում ասաց, որ ինքը խորհրդի անդամությունից հրաժարվելու մասին դիմումը վարչապետին է ներկայացրել հոգաբարձուների խորհրդի չկայացած նիստից անմիջապես հետո եւ այսօր է տեղեկացել հոգաբարձուների խորհրդի մյուս 10 անդամների անդամությունից հրաժարվելու մասին: «Ինձ համար Երեւանի պետական համալսարանը շատ կարեւոր է, բայց հասկացա, որ այնտեղ որեւէ բան չեմ կարող փոխել: Տարբեր խոսակցություններ են գնում, ես էլ ընդհանրապես որեւէ խոսակցության մեջ չեմ ուզում խառնվել: Բացարձակ քաղաքականացված չեմ: Մտածեցի, որ իմ գործը ես ավելի լավ եմ անում ֆիզմաթ դպրոցում, իմաստ չունի, որ գնամ այնտեղ, մտնեմ տարբեր խաղերի մեջ»,- ասաց նա:

«Հայաստան համահայկական հիմնադրամի» գործադիր տնօրեն Հայկակ Արշամյանը եւս նշեց, որ հոգաբարձուների խորհրդի անդամությունից դուրս է եկել տիրող մթնոլորտի եւ այնտեղ գտնվելու իր արդյունավետությունը չտեսնելու պատճառով: «Իմ ցանկությամբ եմ դիմումը գրել, եւ նախորդ նիստին էլ չեմ գնացել: Մասնակցածս վերջին նիստին հասկացա, որ ես այնտեղ անելիք չունեմ, դրա համար էլ որոշեցի այլեւս չմասնակցել նիստերին եւ դիմումը գրեցի: Նիստի որոշումների կայացման մեխանիզմները չեն աշխատում, այսինքն՝ նույնիսկ հոգաբարձուների խորհրդի նախագահ չի լինում ընտրել, քանի որ ձայները բաժանվում են երկու մասի, մեծամասնություն չի հավաքվում: Արդյունավետ չէ նման միջավայրում աշխատելը, եւ ես իմ աշխատանքի արդյունավետությունը չեմ տեսնում այնտեղ»:

Հարցին՝ թե որն է առավելապես ձայների երկու մասի բաժանվելու պատճառը, Հայկակ Արշամյանը նշեց, որ առավելապես մոտեցումների տարբերության հարց է, ապա ավելացրեց.

«Համենայնդեպս վերջին նիստին, որին ներկա էի, «մենք ու ձերի» հարց էր բարձրացվում, դա արդեն ինքնին անարդյունավետ է դարձնում խորհրդի աշխատանքը եւ նույնիսկ պրոֆեսիոնալ էլ չէ: Ես կարծում եմ՝ դա էլ ինձ անհագստացրեց, եւ շահարկման տեղ որպեսզի չլինի հատկապես իմ մասով, որոշեցի ուղղակի այլեւս չմասնակցել եւ դուրս գալ: Ես ինքս համալսարանական եմ, համալսարանում մոտ 20 տարի դաս եմ տվել, ցանկանում էի ամեն կերպ օգնել համալսարնին, բայց, ցավոք սրտի, ես այդ հոգաբարձուների խորհրդում իմ աշխատանքը բացարձակ արդյունավետ չեմ տեսնում եւ կարծում եմ՝ այնտեղ ես անելիք չունեմ»:

Հարցերը՝ ավելացե՞լ է հոգաբարձուների խորհրդի անդամությունից հրաժարվող անդամների քանակը, եւ խորհուրդն այժմ իրավազո՞ր է նիստեր գումարել, փորձեցինք ճշտել խորհրդի քարտուղար Միքայել Մինասյանից, ով, սակայն, մեր զանգերն անպատասխան թողեց:

Մարիամ Գեւորգյան

Տպել
638 դիտում

Հաշմանդամություն ունեցող անձանց գործազրկությունը Հայաստանում հասնում է 92%-ի. ինչ կփոխի նոր օրենքը

2021 թվականի ամառային զորակոչը կանցկացվի մայիսի 7-ից մինչեւ հուլիսի 31-ը

Ամերիկյան և վրացական նավերը վարժանքներ են անցկացրել Սև ծովում

Որպես նախկինում նրա թիմի անդամ՝ ինձ մոտ Լեւոն Տեր-Պետրոսյանի հայտարարությունը տարակուսանք առաջացրել է. Մակունց

Շուշիի Մայր տաճարը պետք է մնա Հայ առաքելական եկեղեցու պաշտամունքի վայր. Արա Այվազյան

Վանաձորում COVID-19-ի դեմ պատվաստումներ իրականացնող 2 շարժական կլինիկա կտեղակայվի

Գործարկվել է տեղական հարկերի վճարման առցանց համակարգը

15 դպրոց եւ 10 մանկապարտեզ կառուցելու համար Կառավարությունը 2 մլրդ 942 մլն դրամով ավելացրեց ԿԳՄՍՆ բյուջեն

«Քաղաքացիական պայմանագիրը» ընտրություններին կմասնակցի միայնակ. ցուցակում կլինեն նոր մարդիկ, հայտնի է նաեւ կարգախոսը

Քննարկում են ՀՀ-ում «Սպուտնիկ V»-ի արտադրության հարցը. Սերգեյ Լավրով

Սամվել Գրիգորյանը՝ հունահռոմեական ոճի ըմբշամարտի միջազգային մրցաշարի հաղթող

Հայ գրողները ներկայացված են Եվրոպական միության գրական մրցանակի

Ուզում եմ ավագանու անդամ դառնալ. ակներցի աղջիկը, շահած դրամաշնորհային ծրագիրն ու նպատակները

Կլիմայական փոփոխությունների վտանգավոր հետևանքները. Պեկինի բնակիչները զգուշացվել են

Լատվիան պաշտոնապես ճանաչեց և դատապարտեց Հայոց ցեղասպանությունը

«Լուսավոր Հայաստանը» մշակել է հանրային համաձայնության հայտարարություն

Համաշխարհային բանկը 3 մլն 718 հազար դոլար կտրամադրի ՀՀ կառավարությանը՝ Արցախում իրականացվող 4 միջոցառումների համար

Դաշտում հայտնաբերվել է որպես անհետ կորած որոնվող կնոջ դին

Այն քաղաքացիները, ովքեր կունենան պատշաճ պատվաստման հավաստագիր, ՊՇՌ թեստի հանձնման կարիք չեն ունենա. նոր որոշում

Նալբանդյան գյուղում վիճաբանությունն ավարտվել է դանակահարությամբ

Հնդկաստանը նոր հակառեկորդ է սահմանել COVID-19-ով հիվանդացության դեպքերի քանակով

Ադրբեջանցիների կողմից հայկական ավտոմեքենայի քարկոծման դեպքով բավարար տեղեկություններ ձեռք չեն բերվել

Դատապարտում եմ վիրավորող այնպիսի արտահայտությունների գործածումը, ինչպիսիք են ժեխ, զոմբիներ. Արման Թաթոյան

Քոլեջների և ուսումնարանների տնօրենների ընտրության կարգի փոփոխության համար հանրային քննարկում է կազմակերպվում

Կարևորագույն հարցը Ադրբեջանի կողմից բոլոր ռազմագերիների և պատանդների ազատ արձակումն է. Արա Այվազյան

Ապրիլ ամսվա ցուցանիշները 1 ամսվա ընթացքում հարկային եկամուտների պատմական ռեկորդ են ՀՀ-ի համար. Փաշինյան

Զինծառայությունից խուսափածների նկատմամբ կհայտարարվի համաներում. օրինագիծն ընդունվեց

Հաստատվել է կորոնավիրուսային հիվանդության 425 նոր դեպք. գրանցվել է 17 մահ

Ով է մեղավոր զորահավաքի խնդիրների, գործողությունների ղեկավարման, հանցավոր թերացումների համար. 1580 քրգործ է հարուցվել

Մեկնարկել է ՀՀ կառավարության հերթական նիստը. օրակարգում ներառված է 36 հարց

Մեկնարկել է Արա Այվազյանի և Սերգեյ Լավրովի առանձնազրույցը

Սերգեյ Լավրովն այցելել է Ծիծեռնակաբերդ (լուսանկարներ)

1 շաբաթում Հայաստանում և Արցախում գրանցվել է թույլ ցնցումներով 5 երկրաշարժ

60 մլն դոլարի ներդրում, 1500 աշխատատեղ. մանրամասներ Ապարանում նախատեսված լեռնային համալիրի կառուցումից (լուսանկարներ)

«Բարի լույս, Երևան». Մարիա Զախարովան երևանյան սրճարանից լուսանկար է հրապարակել

Արևիկ համայնքում էլեկտրաշչակ է փորձարկվելու

Դոլարը կրկին աճել է. Կենտրոնական բանկը սահմանել է նոր փոխարժեքներ

Հրշեջ-փրկարարները մարել են 4 մարզերում ընդհանուր 1,5 հա տարածքում բռնկված հրդեհները

Գիտականի ու գեղարվեստականի զուգորդումը դպրոցում. երեք ուսուցիչների նոր նախաձեռնությունը

Խցանվել է Ստեփանակերտին ջուր մատակարարող խողովակաշարը. անջատումներ կլինեն