Թխվածքով սուրճ եմ խմել ու երազանք պահել. մուրացկանություն անող տղամարդը, ի նշան շնորհակալության, նաեւ մաքրում է տարածքը

16/03/2021 schedule10:59

37-ամյա Տիգրանը, ապրուստի բավարար միջոց չունենալով, մուրացկանություն է անում Երեւանի Արշակունյաց պողոտայի վերգետնյա անցման տարածքում: Վերնանցումի աստիճանները, որտեղ օրվա մեծ մասը անցկացնում է Տիգրանը, ամեն օր պարտադիր մաքրվում են հենց նրա կողմից: Սա, իր խոսքով, կարծես այն փոքր ներդրումն է հաշմանդամության երկրորդ կարգ ունեցող մարդու կողմից, որը շնորհակալ է լինում այն մարդկանց, որոնք անտարբեր չեն անցնում իր կողքով՝ դրսեւորելով կարեկցանք եւ օգնություն ցուցաբերելով:

Տիգրանն ունի մանկական ուղեղային կաթված, քայլում է հենակներով, ամսական ստանում է 26.500 դրամ նպաստ, սակայն գումարը բավարար չէ ապրելու համար: Նա ավելի շատ սիրում է խոսել անցյալի մասին, քան ներկայի: Անցյալում բարեկեցիկ կյանքով ապրող Տիգրանը մի առանձին ջերմությամբ է հիշում մորը, որին կորցրել է երկու տարի առաջ, բայց նրա մասին  հիշողություններն ավելի պայծառ են ու լուսավոր: Հայրը վաղուց է մահացել, նույնիսկ չի հիշում նրան: Դառնացած պատմում է, որ «Օպերայում» գտնվող իրենց տունը կորցնելուց հետո մոր հետ որոշ ժամանակ ապրել են վարձով. անցել են շատ դժվարությունների ու փորձությունների միջով: Մայրիկի մասին խոսելիս էլ անկեղծ հուզվում է, կոշտ ձեռնոցներով՝ փորձում մաքրել արցունքները: 

«Մայրս իմ ընկերն էր, իմ միակ հարազատը, ում հետ անգամ դժվարություններով ապրելը իսկական երջանկություն էր: Հիմա ապրելու իմաստն էլ այն չէ. ապրում եմ՝ մինչեւ որ…»,- չի շարունակում: Ու մի քանի րոպե լռելուց հետո լրացնում է մայրիկի մասին ջերմ հիշողություններն ու պատմությունները այն մասին, որ մայրը՝ Կարինե Վարդանյանը, մանկավարժական համալսարանում դասախոս է եղել (թեեւ մի կարճ ժամանակահատված), ու ինքը հպարտանում է իր մայրիկով: Մոր մահից հետո կյանքի նկատմամբ մի տեսակ անտարբերություն ու սառնություն զգացող Տիգրանը ցավով է նշում, որ ազգականների մեծ մասի հետ շփումը կորցրել է, բայց հեռավոր ազգականներից մեկը իրեն ապաստան է տվել Նոր Նորքի հանրակացարանի՝ իրենց բնակարանում, հիմա այնտեղ է ապրում 65 տարեկան կնոջ ու նրա երկու երեխաների հետ: Թեպետ խոստովանում է, որ մուրացկանություն սկսել է անել դեռ 16 տարեկանից, բայց այսօր էլ ստիպված է շարունակել, քանի որ առողջական խնդիրների պատճառով այլ բան չի կարող անել: Դիմել է մի քանի տեղ՝ պահակ աշխատելու խնդրանքով, բայց մերժել են՝ ասելով, որ չի կարողանա:

«Այստեղ համեմատաբար մարդկանց հոսքը շատ է, ու արդեն շատերն էլ ինձ ճանաչում են եւ օգնում, դրա համար եմ այստեղ գալիս, ու այդպես ամեն օր՝ անկախ եղանակից՝ առավոտյան ժամը տասից մինչեւ յոթը»,- ասում է Տիգրանը: Մեր հանդիպման ժամին էլ առատ անձրեւ էր տեղում, եւ Տիգրանը պատսպարվել էր մի անկյունում:

Չնայած Տիգրանը շատ չի սիրում խոսել հիվանդության մասին, բայց անընդհատ ծունկն է բռնում ու նշում, որ միակ խնդիրը ոտքերի ցավն է, որն անընդհատ հիշեցնել է տալիս դեղ առնելու անհրաժեշտության ու վիրահատության մասին, որի համար անհրաժեշտ միջոցներ չունի:   

«Ամսական 26.500 դրամ թոշակ եմ ստանում, ամեն օր մոտավոր 3 հազարի չափ գումար եմ հավաքում: Ճիշտ է, թաղապետարանից էլ եմ երբեմն օգնություն ստանում՝ սնունդ, բայց ինձ տեղ տվող ընտանիքին ես էլ իմ աշխատանքով ուզում եմ ինչ-որ ձեւով օգնած լինել: Նույնիսկ այս տարածքում էլ մի լավ բան եմ ուզում անել ոչ թե այն պատճառով, որ ինչ-որ մեկն է ինձ ասում կամ ստիպում, այլ զուտ իմ խղճի համար՝ որպես ինձ լավություն անող մարդկանց ի պատասխան եւ ի նշան շնորհակալության»,- ասում է նա:

Տիգրանը բարի եւ կարեկից մարդկանց հոգատար վերաբերմունքից առանձնակի ջերմություն է ստանում, բայց երբեմն թարս աչքով նայողներից էլ չի նեղանում.

«Ձեռքիս ձեռնոցներս էլ մի կին է տվել, հետն էլ մեկ ամսվա համար Բ-12 վիտամին է տվել: Հիմնականում հագուստներ եմ օգնություն ստանում»,- հուզմունքով ասում է նա: Բայց նաեւ նշում է, որ այսօր մարդկանց մեջ սերն է պակասել: Ինքը չի նեղանում ոչ մեկից ու ոչ մի բանից: Նա հասկանում է, որ հազար ու մի խնդիր ունեն բոլորն էլ, հոգսեր ու նյարդային ապրումներ, այն էլ՝ հատկապես հիմա:

«Կարեւորը՝ բեռ չլինես ուրիշների համար: Ես այսպես եմ մտածում, ու թեկուզ աննշան, բայց  քո ուժերի չափով փորձես օգտակար լինել: Ա՛յ օրինակ, որ ինձ օգնող լիներ, մյուս կողմի  աստիճաններն էլ հաստատ կմաքրեի, թե չէ էդ ինչ վիճակ է, կեղտոտ աստիճաններով ամեն օր քայլում են մարդիկ՝ կարծես ոչինչ չնկատելով,- ցրտից կծկված՝ ասում է ու վերջում թույլ շշնջում,- երեկ ծննդյանս օրն էր, 37 տարեկան եմ դարձել. թխվածքով սուրճ եմ խմել ու առողջանալու երազանք պահել»:

Մարիամ Գևորգյան

Տպել
2793 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում