Պետության դեմ չգործելու համաձայնություն ձեռք կբերվի՞. քաղաքագետը կանխատեսում է, որ ուժը չի ընդունի նախագահի հրավերը

Հանրապետության նախագահ Արմեն Սարգսյանը երեկ հայտարարեց, որ վարչապետին, խորհրդարանական 3 խմբակցությունների ղեկավարներին եւ «Հայրենիքի փրկության շարժման» ղեկավարներին շաբաթ օրը ժամը 12:00-ին հրավիրում է հանդիպման՝ նախագահական նստավայրում:

Ըստ հայտարարության՝ նպատակը առկա իրավիճակը քննարկելն ու ճգնաժամը հաղթահարելուն ուղղված փոխընդունելի լուծումներ գտնելն է:

Աշխատակազմն ընդգծում էր՝ ակնկալում է հրավիրյալներից մինչեւ այսօր ժամը 18:00-ն ստանալ արձագանք՝ հանդիպման մասնակցության վերաբերյալ:

18:00-ին, սակայն, լրատվամիջոցներին հայտնի էր միայն «Իմ քայլը» եւ «Լուսավոր Հայաստան» խմբակցությունների դիրքորոշումը՝ հանդիպման մասնակցության վերաբերյալ:

«Լուսավոր Հայաստան» խմբակցության ղեկավար Էդմոն Մարուքյանը, ընդունելով հրավերն ընդգծում էր. «...պատրաստ ենք մասնակցել ցանկացած քննարկման, որտեղ հնարավոր կլինի վերականգնել քաղաքացիական համերաշխությունն ու ուղիներ գտնել երկիրը խորը ճգնաժամից հանելու համար»:

«Իմ քայլը» խմբակցության ղեկավար Լիլիթ Մակունցն էլ հայտարարեց՝ պատրաստակամություն են հայտնել մասնակցելու հանդիպմանը՝ երկրում ներքաղաքական իրավիճակի վերաբերյալ քննարկման եւ լուծումներ գտնելու համար։ 

Այլ քաղաքական ուժերից արձագանք չեղավ: ԲՀԿ-ից ամբողջ օրվա ընթացքում ասում էին, որ հարցը խմբակցությունում չեն քննարկել, իսկ «Հայրենիքի փրկության» շարժման համակարգող Իշխան Սաղաթելյանը երեկվանից էր հայտարարել, որ հանդիպմանը կմասնակցեն վարչապետի հրաժարականի օրակարգով: Եվ միայն:

Մեզ չհաջողվեց ճշտել նաեւ վարչապետի դիրքորոշումը:

18:00-ից քիչ անց նախագահականը արձանագրեց. Հանրապետության նախագահի աշխատակազմը մարտի 13-ին Հանրապետության նախագահի նստավայրում հանդիպման վերաբերյալ այս պահի դրությամբ պատասխան է ստացել ոչ բոլոր հրավիրյալներից, ուստի հանդիպման ձեւաչափի մասին կհայտարարվի ավելի ուշ: 

Քաղաքագետ Ստյոպա Սաֆարյանին խնդրեցինք մեկնաբանել, թե ինչ սպասել նախագահի նախաձեռնությունից:

- Պարոն Սաֆարյան, ըստ ձեզ Հանրապետության նախագահին կհաջողվի՞ վարչապետի ու քաղաքական ուժերի հետ նույն սեղանի շուրջ երկխոսությունը իրականություն դարձնել, ինչ-որ համաձայնության գալ:

- Եթե գլխավոր նպատակն այն է, որ արտահերթ ընտրության հասնեն՝ ոչ, չի հաջողվի: Մարտի 1-ի հանրահավաքում վարչապետը ակնհայտորեն համոզում էր բոլորին՝ արտահերթ ընտրությունների գնալ: Խնդրեց, որ լայն համաձայնություն լինի այդ ընտրությունների կապակցությամբ: Ենթադրում եմ, որ նախագահը փորձ է կատարում այդ համաձայնությունը ձեռք բերել: Բայց հիշենք, որ օրինակ «Հայրենիքի փրկության շարժման» ղեկավարը երեկ էլ հայտարարեց, որ ինքը ոչ մի դեպքում չի համաձայնի արտահերթ ընտրություններին: Առավել եւս, երբ երեկ հրապարկվեցին Ամերիկայի Հանրապետական ինստիտուտի կողմից Հայաստանում արված հարցման արդյունքները, որից ակնհայտ էր, որ այն, ինչին ձգտում է այդ շարժումը՝ իրացնելի չէ ընտրությունների եղանակով, որովհետեւ իրենք չունեն հանրության վստահությունը, եւ խուսափում են դա թվային արտահայտությամբ տեսնել, հասկանում են, որ եղած քաղաքական ուժերի համեմատության մեջ առաջատարը, այնուամենայնիվ, վարչապետի գլխավորած կուսակցությունն է: Հետեւաբար, նկատի ունենալով այս շահերը, ես դժվար եմ տեսնում արտախորհրդարանական այդ միության համաձայնության ստացումը: Նրանք խնդիր ունեն պարալիզացնել պետական իշխանությունը (ինչի փորձը ժամանակ առ ժամանակ անում են), թունավորել, միմյանց դեմ հանել, ինչպես փորձ արեցին Զինված ուժերը հանել քաղաքական ղեկավարության դեմ:

- Բայց նախագահի հրավիրած քննարկման նպատակների մեջ նաեւ քաղաքական ճգնաժամը հարթելն ու երկիրը ցնցումներից զերծ պահելն է:

- Որպես կանոն քաղաքական ճգնաժամ անվանում են այն իրավիճակը, երբ քաղաքական կամ սահմանադրական մարմինները չեն կարողանում որոշումներ կայացնել: Դասական իմաստով ճգնաժամը դա է, մենք չունենք նման իրավիճակ, այլ ունենք ներքաղաքական լարվածություն, որը լիցքաթափելու ուղիներից մեկը, անշուշտ, կարող են լինել արտահերթ խորհրդարանական ընտրությունները: Բայց այդ ընտրություններն էլ, ցանկալի է, որ տեղի ունենան մի քանի պայմանների առկայության պայմաններում. 1. լայն քաղաքական կոնսենսուս, երբ բոլորը պայմանավորվում են խաղի կանոնների շուրջ, 2. բարենպաստ միջավայր ընտրական գործընթացի, քարոզչության համար, երբ ընտրությունների արդյունքները կասկածի տակ չեն դրվի, 3. դատական այնպիսի իշխանություն, որը հետընտրական վեճերը կլուծի դատարանում, ոչ թե փողոցում:

Այս 3 պայմանների հետ կապված էլ մենք այսօր խնդիր ունենք: Լայն կոնսենսուսը կասկածելի է, որովհետեւ նրանք, ովքեր պահանջում են իշխանության փոփոխություն, նրանք են դեմ արտահերթ ընտրություններին: Երկրորդ պայմանի հետ կապված. «Հայրենիքի փրկության շարժումն» ասել է, որ եթե տեղի ունենան արտահերթ ընտրություններ, ապա իրենք արյունահեղություն կկազմակերպեն տեղամասերում: Վազգեն Մանուկյանի հայտարարությունն է դա: Սա նշանակում է էս գլխից կասկածի տակ դնել ընտրական պրոցեսը: Ինչ վերաբերում է դատական իշխանությանը, որն ակնհայտորեն ռեւանշիստների հետ է, կարող է շատ լուրջ անակնկալներ մատուցել ընտրական վեճերի հետ կապված: Իշխանությունը թերացել է նրանց բացառապես օրենքից կախվածությունը ապահովելու հարցում, ուստի այստեղ նույնպես ռիսկեր կան:

- Այսինքն կարելի՞ է ասել, որ ձեր կարծիքով նախագահի նախաձեռնությունը՝ մի սեղանի շուրջ հավաքել կողմերին եւ գալ համաձայնության՝ ի սկզբանե ձախողված է:

- Համենայնդեպս ռիսկաշատ է, որովհետեւ ե՛ւ «Հայրենիքի փրկության շարժման» եւ խորհրդարանական ուժերի դեպքում այնքան էլ բարձր չէ մոտիվացիան՝ արտահերթ խորհրդարանական ընտրություններ ունենալու: Բոլորն էլ հասկանում են, որ դա ռիսկային է լինելու: 3 ուժերն էլ չեն կարող ունենալ այն, ինչ ունեն այսօր. «Իմ քայլը» բնականաբար չի ունենա այս ներկայացվածությունը, ավելի քիչ կլինի, մյուս երկուսի դեպքում, ըստ որոշ գնահատականների՝ նրանք նույնիսկ կարող են չհավակնել խորհրդարանում լինելուն: Հետեւաբար մենք նկատում ենք, որ խորհրդարանական ուժերն ունեն այս խորհրդարանը պահպանելու շահագրգռություն: Իսկ արտախորհրդարանական ուժերի դեպքում վախերը հենց ընտրություններից են եղել եւ մնում: Նրանք երբեք, նույնիսկ իշխանության եղած ժամանակ չեն կարողացել ապահովել օրինական քվե իրենց համար, ինչ մնաց իշխանություն չունենալու դեպքում ապահովեն: Եվ դա անհնար է հատկապես այսպիսի ինքնավարկաբեկումից հետո, ինչը արեցին պատերազմից հետո: Հետեւաբար էն զրուցակիցները, որոնց նախագահը հրավիրում է մեկ սեղանի շուրջ՝ բնականաբար արտահերթ ընտրությունների հարցում առանձնապես մեծ շահագրգռություններ չունեն: Թերեւս միակը վարչապետն է: Բայց քանի որ ինքը ունի մեծ ազդեցություն «Իմ քայլի» վրա, անկախ խմբակցության ներսում եղած մոտիվացիայից, այդ որոշումը կայացվեց:

Հիմա հարցը այն է, թե ինչու է նախագահը նման քայլ անում, եթե իր զրուցակիցները չունեն շահագրգռվածություն արտահերթ ընտրությունների հետ կապված: Բոլոր դեպքերում խաղի կանոնների շուրջ պայմանանավորվելու եւ գործընթացները սահմանադրականության տիրույթում պահելու խնդիր կա: Պետության դեմ չգործելու, հակապետական գործունեություն չիրականացնելու հարցում կարող է ձեռք բերվել որոշակի նվազագույն համաձայնություն:

- ԲՀԿ-ն մինչ այժմ վարչապետի հետ առանձին հանդիպման առաջարկին էլ չի արձագանքել: Ըստ ձեզ կգնա՞ն նախագահական: Ի՞նչ կարծիք ունեք՝ ո՞ր ուժերը համաձայնություն կտան:

- «Հայրենիքի փրկության շարժումը» չի գնա, իսկ մյուսների մասով դժվարանում եմ ասել: ԲՀԿ-ն «Հայրենիքի փրկության շարժման» մեջ է: Ճիշտ է՝ մի քիչ ինքնուրույն խաղ է խաղում, տեսանելիորեն այնպես չի, որ համակարծիք է ամեն ինչին, բայց բոլոր դեպքերում դժվար է կանխատեսել՝ կգնան, թե ոչ: Պետք է հաշվի առնել, որ պառլամենտում իր տեղերը կորցնելով ԲՀԿ-ն կարող է կորցնել իր քաղաքական քաշն ու գինը: Ստատուս քվոն եւ ձեռնտու է եւ ոչ: Այն օգուտ է բերում պառլամենտում եղած տեղերը պահելու առումով, բայց քաղաքական առումով չեմ կարծում բերում է, որովհետեւ նրանք կրում են այսպես ասած ընդդիմադիրների պարտության դափնեպսակը՝ Վազգեն Մանուկյանի հետ հավասարապես:

Տպել
2287 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված