5 մարդ ցմահ ազատազրկման դատապարտվեց, 15 մարդ՝ այլ պատիժների. Թուրքիայում ՌԴ դեսպանի սպանության գործը փակվում է

Թուրքիայի մայրաքաղաք Անկարայի դատարանն այսօր լրատվամիջոցների ուշադրության կենտրոնում էր հայտնվել: Դատարանը տարբեր պատժաժամկետներ  է սահմանել 2016 թվականին Թուրքիայում ՌԴ դեսպան Անդրեյ Կարլովի սպանության հետ առնչություն ունեցող շուրջ 20 մեղադրյալի համար:

Գործով անցնում էր  28 մեղադրյալ, որոնց թվում դեսպանի վրա հենց կրակոցներ արձակած երիտասարդը չկա: Նա դիվանագետին սպանելուց հետո ապրել է ընդամենը 37 րոպե, որից հետո գնդակահարվել է Թուրքիայի ոստիկանության աշխատակիցների կողմից:

Մեղադրյալների թվում էին երկրի գործող նախագահ Ռեջեփ Թայիփ Էրդողանի քաղաքական հակառակորդները, ինչպես նաև լրագրողը և լուսանկարիչը, որոնց աշխատանքների ցուցահանդեսում էր սպանվել դեսպան Կարլովը:

Դատարանը Ռուսաստանի դեսպանի սպանության մեջ մեղադրվող 6 անձանց դատապարտեց 5-9-ը  տարի ժամկետով: Գործով հինգ մեղադրյալներ ցմահ դատապարտվեցին , ըն որում՝ նրանցից երկուսը դատապարտվեցին 2  ցմահ ազատազրկման, 28 մեղադրյալներից վեցն էլ  արդարացվեցին:

Կարլովայի այրին `Մարինան, ավելի վաղ BBC- ին տված հարցազրույցում ասել էր, որ ինքը չի հավատում, որ հետաքննությունը պարզել է, թե ում հրամանով և ինչ պատճառով է սպանվել իր ամուսինը:

«Համոզված եմ, որ այս գործը երբեք չի բացվի: Սկզբում ես հույս ունեի, բայց հիմա կարծում եմ՝ իզուր է հուսալը: Վաղ թե ուշ նրանք պարզապես կգտնեն ինչ-որ մահապարտի կամ կասեն, որ դա միայնակ ահաբեկիչ է եղել», - ասել է Մարինա Կարլովան:

2016-ի դեկտեմբերի 19-ին Անկարայում, Ժամանակակից արվեստի կենտրոնում լուսանկարների ցուցահանդեսի բացման ժամանակ գնդակահարվեց Թուրքիայում Ռուսաստանի դեսպան Անդրեյ Կարլովը: Ոստիկանության հատուկ բաժնի աշխատակից 22-ամյա Մեվլութ Ալթինթաշը, որն այդ օրը ծառայության մեջ չէր և արձակուրդում էր գտնվում, մի քանի անգամ կրակել է դիվանագետի մեջքին:

Մարինա Կարլովան BBC- ին պատմել է, որ իր ամուսինը սպառնալիքներ է ստացել հարձակումից առնվազն չորս ամիս առաջ: Բայց նրան լրացուցիչ պաշտպանություն չի ցուցաբերվել:

Դատախազության տվյալներով ՝ հանցագործության կազմակերպման հետեւում կանգնած են թուրք քարոզիչ Ֆեթուլլահ Գյուլենը եւ նրա FETO կազմակերպության անդամները: Գյուլենը, որը համարվում է Թուրքիայի ներկայիս իշխանությունների և անձամբ նախագահ Էրդողանի գլխավոր ու ոխերիմ քաղաքական հակառակորդը, հերքում է Կարլովի սպանությանը իր մասնակցության մասին մեղադրանքները:

Ընդհանուր առմամբ,  գործով ներգրավված 28 կասկածյալներից իննը դատվել են հեռակա կարգով. նրանք գտնվում են Թուրքիայի սահմաններից դուրս: Արդյունքում, նրանց գործերը, ներառյալ Ֆեթուլլահ Գյուլենի գործը, բաժանվել են  առանձին վարույթների: Նրանց վերաբերյալ վարույթները կքննվեն  ավելի ուշ:

Ամենաերկար ժամկետները ստացվել են ՝

Ծրագրավորող Շահին Սեգութը ստացել է երկու ցմահ ազատազրկում: Հետաքննության համաձայն, նա եղել է ոստիկանության սպա Ալթինթաշի  գործողությունների կազմակերպպիչն ու համակարգողը, ով սպանել է Կարլովին: Նրա կինը ՝ Այշեն, ստացել է ինը տարվա ազատազրկում:

 Սալիհ Յըլմազը ՝ ոստիկանության սպա, Ալթինթաշի գործընկերը, ցմահ ազատազրկման է դատապարտվել:

Թուրքիայի հետախուզության նախկին սպա Վեհբի Քուրշադ Աքալինը ստացել է 15 տարվա ազատազրկում: Դատարանը համաձայնել է մեղադրող կողմի այն փաստարկների հետ, որ հենց Ակալինն է գյուլենականներին տեղեկություններ տրամադրել Ալթինթաշի մասին, որպեսզի նրանք կարողանան հավաքագրել դրանք և պատրաստվել սպանության:

 Հուսեյն Կոտուչեն ՝ ռազմական հետախուզության մեկ այլ նախկին սպա, ստացել է 15 տարվա ազատազրկում: Ըստ հետաքննության, նա տեղեկություններ է հավաքել այն մասին, թե արդյո՞ք Կարլովը թիկնապահ ունի, որտեղ է նա գտնվում, ինչ հեռավորությամբ է աշխատում, և այդ տեղեկությունները փոխանցել է գյուլենականներին:

Ոստիկանության սպա  Սերժան Բաշարը՝ Ալթինթաշի, գործընկերը և ընկերը, դատապարտվել է ինը տարվա ազատազրկման:

Լուսանկարիչ Մուստաֆա Թիմուր Օզքան. հենց նրա աշխատանքներն էին ներկայացված «Ռուսաստանը՝ Կալինինգրադից Կամչատկա, ճանապարհորդի աչքերով» ցուցահանդեսին, որի բացման ժամանակ դեսպան Կարլովը գնդակահարվել է: Օզքան 3 տարի 9 ամիս ազատազրկում է ստացել

Լուսանկարիչ Օզկանի հետ մի քանի լուսանկարչական ցուցահանդեսներ կազմակերպած լրագրող Հայրեդին Այդինբաշը ստացել է 10 տարվա ազատազրկում:

Բոլոր դատապարտյալները հերքում են իրենց մեղքը: Աքալինը դատավարության ժամանակ հայտարարել է, որ ինքը և մյուս կասկածյալները ցուցմունքներ են տվել խոշտանգումների ներքո:

Դատախազությունը կարծում է, որ դեսպանի սպանությունն իրականացրած Ալթինթաշը «գյուլենական» էր և շարքային քաղաքացու դիմակի տակ այլ խմբավորումներ (ներառյալ արմատական իսլամիստների շրջանակներ) ներթափանցելու խնդիր էր ստացել:

Դեսպան Կառլովի սպանության գործով դատավարությունը տևեց երկու տարի: Արդյունքում, դատավորները եկան նույն եզրակացության, որին ողբերգությունից հետո 48 ժամվա ընթացքում եկել էր Թուրքիայի նախագահ Ռեջեփ Էրդողանը. Այն է՝ Գյուլենի կողմնակիցները ցանկանում էին սպանել Կարլովին ՝ խաչընդոտելու համար Ռուսաստանի և Թուրքիայի հարաբերությունների զարգացմանը:

Միևնույն ժամանակ, Ալթինթաշից դեպի արմատական իսլամիստներ տանող այս բոլոր թելերը կամ ընդհանրապես չեն ուսումնասիրվել, կամ քննիչների կողմից շատ ավելի քիչ ուշադրություն են գրավել, քան Ալթինթաշի շփումները Գյուլենի կողմնակիցների հետ կապված մարդկանց հետ:

Ռուսաստանի արտգործնախարարությունը գոհունակություն է հայտնել թուրքական դատարանի վճռի կապակցությամբ: «Մենք գնահատում ենք այն  փաստը, որ թուրքական արդարադատությունը վճռականորեն դատապարտել է այս ահաբեկչական գործողությունը, որի զոհը հանդիսացավ ռուս կարկառուն դիվանագետը: Մենք հայտարարում ենք, որ վերջին տարիներին երկկողմ կապերի զարգացումը հիմք է տալիս ենթադրելու, որ դրանք անցել են այսքան բարդ, բառի ամբողջական իմաստով ՝ աննախադեպ փորձություն », - նախարարության հայտարարությունը մեջբերում է Interfax-ը: