Հայաստանը կրկին միջազգային մամուլի ու կառույցների ուշադրության կենտրոնում էր

Հայաստանյան  ներքաղաքական իրադարձությունները, երկրում ստեղծված իրավիճակն ու բուռն զարգացումներն ամբողջ օրվա ընթացքում ոչ միայն Հայաստանի ու տարածաշրջանի, այլ ամբողջ աշխարհի ուշադրության կենտրոնում էին: Միջազգային ամենահեղինակավոր ու ամենատարբեր լրատվական կայքերը մանրամասնությամբ լուսաբանում էին տեղի ունեցող իրադարձությունները: Բացի այդ, հայտարարություններով են հանդես եկել միջազգային մի շարք կառույցներ:

Առաջիններից մեկն արձագանքել են Ռուսաստանի Դաշնությունից: Վլադիմիր Պուտինի մամուլի քարտուղար Դմիտրի Մեդվեդևը նախ նշել էր, որ Կրեմլում անհանգստությամբ են հետևում Հայաստանում տիրող իրավիճակին,այնուհետ շարունակել, որ այդուհանդերձ, բայց տեղի ունեցածը համարում են Կովկասում Ռուսաստանի կարևոր և մերձավոր դաշնակից երկրի ներքին գործը:

Պեսկովը նաև նշել էր, որ պաշտոնական Մոսկվան կոչ է արել բոլոր կողմերին հանդարտություն ցուցաբերել, իրավիճակը հանգուցալուծել սահմանադրական դաշտում:

Հայաստանում տեղի ունեցող իրադարձություններին ուշադիր հետևելու մասին է հայտարարել նաև Եվրամիությունը:

«Մենք խնդրում ենք բոլոր գործող անձանց պահպանել հանգստություն և խուսափել ցանկացած հռետորաբանությունից կամ գործողություններից, որոնք կարող են հանգեցնել իրավիճակի հետագա սրմանը։ Քաղաքական տարաձայնությունները պետք է լուծվեն խաղաղ ճանապարհով, ժողովրդավարության սկզբունքներին ու գործընթացներին խիստ համապատասխան։

ՀՀ Սահմանադրությամբ նշվում է, որ զինված ուժերը քաղաքական հարցերում պահպանում են չեզոքություն եւ գտնվում են քաղաքացիական վերահսկողության ներքո: Ժողովրդավարության և սահմանադրական կարգի պահպանումը միակ միջոցն է, որի միջոցով Հայաստանը կարող է արդյունավետորեն լուծել իր առջև դրված խնդիրները»,- նշված է ԵՄ հաղորդագրության մեջ:

ԵԱՀԿ գործող նախագահ, Շվեդիայի արտաքին գործերի նախարար Անն Լինդեն հայտարարել է, որ մտահոգված է Հայաստանում տեղի ունեցող իրադարձություններով։ «Թվիթեր»-ի իր էջում Լինդսեն գրել է.

«Կոչ եմ անում բոլոր կողմերին գործել խաղաղ ճանապարհով՝ ժողովրդավարական գործընթացների եւ իրավունքի գերակայության վերաբերյալ ԵԱՀԿ հանձնառություններին համապատասխան։ Իրավիճակը պետք է հանգուցալուծվի առանց բռնության»:

Հայաստանում  Ամերիկայի Միացյալ Նահանգների դեսպանությունը ևս ուշադրությամբ հետևում է հայաստանյան ներքին զարգացումներին: ՀՀ-ում ԱՄՆ դեսպանությունից հայտնելով այս մասին հավելել են, որ տեղյակ են նաև իրավիճակի շահագրգիռ կողմերի հայտարարություններից:

«Մենք բոլոր կողմերին կոչ ենք անում վուվաբերել հանգստություն, զսպվածություն և խաղաղ ու առանց բռնության նվազեցնել լարվածությունը: Կարևորում ենք ժողովրդավարական գործընթացների նշանակությունը քաղաքական տարաձայնությունները երկխոսությամբ կարգավորելու ճանապարհին»,- ասվում է դեսպանության հայտարարության մեջ։

Հայտարարությամբ է հանդես եկել նաև ՆԱՏՕ-ն՝ դարձյալ կոչ անելով Հայաստանին «քաղաքական տարաձայնությունները խաղաղ եւ ժողովրդավարական ճանապարհով» լուծել:

«Մենք ուշադիր հետեւում ենք մեր գործընկեր-երկրում` Հայաստանում իրադարձությունների զարգացմանը: Կարեւոր է խուսափել այնպիսի բառերից կամ գործողություններից, որոնք կարող են հանգեցնել հետագա սրման: Ցանկացած քաղաքական տարաձայնություն պետք է լուծվի խաղաղ եւ ժողովրդավարական ճանապարհով՝ համաձայն Սահմանադրության կետերի»,- հայտարարել է դաշինքի պաշտոնական ներկայացուցիչ Օհանա Լունգեսկուն:

ՌԴ Դաշնային խորհրդի միջազգային հարցերով հանձնաժողովի ղեկավար Կոնստանտին Կոսաչովը հայտնել է, որ ռուս խորհրդարանականները կապի մեջ են հայ գործընկերների հետ և հույս է հայտնել, որ Հայաստանում իրավիճակը շուտափույթ կկայունանա օրենսդրության շրջանակներում:

«Մենք հետևում ենք իրադարձություններին ու բնականաբար՝ մտահոգությամբ: Մաղթում ենք մեր եղբայրական հայ ժողովրդին իրավիճակի շուտափույթ կայունացում Սահմանադրության և գործող օրենսդրության հիման վրա»,-ասել է Կոսաչովը՝ շեշտելով, որ ստեղծված իրավիճակը ինքնիշխան Հայաստանի ներքին գործն է:  

Փետրվարի 25-ի կեսօրին մոտ հայտնի դարձավ, որ Զինված ուժերի գլխավոր շտաբը պահանջում է ՀՀ վարչապետ Նիկոլ փաշինյանի հրաժարականը: Այս հայտարարությունից հետո վարչապետը ֆեյսբուքյան եթերում այն հեղաշրջման փորձ որակեց ու հորդորեվ աջաիկվներին արագ հավաքվել Հանրապետության հրապարակում: Ամբողջ օրվա ընթացքում տեղի ունեցավ երթ, հանրահավաք, Երեւան էին մեկնել ՀՀ տարբեր մարզերից: Զուգահեռ, Երևանի Ազատության հրապարակում էլ ընթանում էր ընդդիմության 16 ուժերի աջակիցների հանրահավաքը: