Ռուսաստանի իշխանությունները տեղեկություններ ունեն պետության դեմ նախապատրաստվող սադրանքների մասին. Պուտին

 Ռուսաստանի իշխանությունները տեղեկություններ ունեն կորոնավիրուսի դեմ պայքարի վերաբերյալ պետության դեմ նախապատրաստվող տեղեկատվական սադրանքների մասին: Այս մասին հայտարարել է ՌԴ նախագահ Վլադիմիր Պուտինը ՝ չորեքշաբթի օրը բացելով Անվտանգության դաշնային ծառայության  կոլեգիայի նիստը:

«Գիտեք, շատ փորձեր են արվել նախկինում և արվում են հիմա: Ես շնորհակալություն եմ հայտնում այն տեղեկատվության համար, որը դուք փոխանցում եք երկրի քաղաքական ղեկավարությանը այն մասին, որ այս ոլորտում ծրագրվում են որոշ սադրանքներ», - ասել է պետության ղեկավարը՝  վկայակոչելով կորոնավիրուսի դեմ պայքարում Ռուսաստանի ձեռքբերումները կասկածի տակ դնելու փորձերը:

Պուտինը շեշտել է, որ մի շարք հարցերի վերաբերյալ սանձարձակ ու չհիմնավորված մեղադրանքներով ռուսական պետության դեմ իրականացվում է նպատակային տեղեկատվական արշավ: «Նույնիսկ աբսուրդի ժանրից է այս ամենը, ես կասեի, որ բոլոր տեսակի զավեշտային դավադրության տեսություններն օգտագործվում են կասկածի տակ դնելու համար, օրինակ, բժշկության ոլորտում վերջերս ունեցած ՌԴ ձեռքբերումները և կորոնավիրուսի դեմ պայքարը», - նշել է նա:

Այնուամենայնիվ, ՌԴ նախագահն ընդգծել է, որ Ռուսաստանի գործընկերներից շատերը շատ լավ են վերաբերվում այս ոլորտում Ռուսաստանի հաջողություններին և պատրաստ են համագործակցել: «Ի դեպ, մենք ողջունում ենք նման վերաբերմունքը: Մենք հասկանում ենք, որ գլոբալ խնդիրների լուծումը հնարավոր է միայն ջանքերի  համատեղման միջոցով», - ասել է Պուտինը:

Ռուսաստանի ղեկավարը, նկատի ունենալով նաև Ռուսաստանի դեմ սահմանվող միջազգային պատժամիջովները, նշել է, որ Ռուսաստանի Դաշնությունն արդեն սովոր է ու պատրաստ է բոլոր տեսակի սադրանքների. «Նրանք փորձում են կապկպել մեզ տնտեսական և այլ պատժամիջոցներով, արգելափակել միջազգային խոշոր նախագծեր, որոնցում, ի դեպ, ոչ միայն մենք, այլև մեր գործընկերներն ենք հետաքրքրված, ուղղակիորեն միջամտել հասարակական-քաղաքական կյանքին, մեր երկրի ժողովրդավարական ընթացակարգերին  և, իհարկե, ակտիվորեն օգտագործվում են գործիքներ հատուկ ծառայությունների զինանոցներից », - մեկնաբանել է նա ՝ շեշտելով, որ Ռուսաստանի նկատմամբ նման գործելաոճը բացարձակապես ապարդյուն է:

«Մենք պատրաստ ենք բաց երկխոսություն վարել, գտնել ամենադժվարին խնդիրների փոխզիջումային լուծումներ` փոխվստահության և հարգանքի հիման վրա: Բայց մեզ համար գլխավորը անվերապահորեն մնում է Ռուսաստանի ինքնիշխանությունը, նրա ազգային շահերը, մեր ազգային անվտանգությունը, քաղաքացիների ու մեր ժողովրդի`իրենց ապագան որոշելու իրավունքը: Մեր զարգացման հիմքերը պետք է հուսալիորեն պաշտպանվեն», - ամփոփել է պետության ղեկավարը:

Այս համատեքստում Պուտինը կոչ է արել՝ հիմնվելով արդեն ստեղծված բազայի, ծառայության աճող կարողությունների և ներուժի վրա, ապահովել աշխատանքի նոր որակ բոլոր կարևոր ոլորտներում: «Դրա արդյունավետությունը պետք է համապատասխանի մեր առջև ծառացած սպառնալիքների բնույթին և դինամիկային», - եզրափակել է Պուտինը:

Ռդ նախագահը խոսել է նաև բոլոր ոլորտներում կոռուպցիայի դեմ պայքարի մասին՝ այդ թվում, կորոնավիրուսի դեմ պայքարի համար նախատեսված  միջոցների հափշտակման: Ըստ Պուտինի, կոռուպցիայի դեմ պայքարը տնտեսական ոլորտում և կառավարման բոլոր մակարդակներում նույնպես պետք է լինի հետևողական:

 «Ես հատուկ ուշադրություն եմ հրավիրում յուրացման ճնշման և բյուջեի միջոցների չարաշահման վրա, որոնք հիմնականում հատկացված են  հատկապես ռազմավարական օբյեկտների կառուցման,  պետական ծրագրերի, պետական պաշտպանության միջոցների ու կորոնավիրուսային վարակի դեմ պայքարելու համար:

Այս բոլոր միջոցները պետք է օգտագործվեն ռացիոնալ, խստորեն համապատասխանեն այն նպատակներին, որոնց համար դրանք հատկացվում են, և պետք է օգտագործվեն ի շահ Ռուսաստանի քաղաքացիների»,-հավելել է նա:

Պուտինի խոսքով ՝ 2020 թվականին տնտեսական ոլորտում 87 հանցավոր խմբերի գործունեություն է կանխվել: «Ես խնդրում եմ ձեզ շարունակել նույնքան արագ, որքան մինչ այժմ, այլ մասնագիտացված կառույցների հետ միասին նպաստել երկրի տնտեսության և ֆինանսական համակարգի կայունության ապահովմանը, ձեր լիազորությունների շրջանակներում  շարունակեք աջակցել և պաշտպանել ռուսական բիզնեսը  հանցավոր ոտնձգություններից  ու համաշխարհային շուկաներում անբարեխիղճ մրցակցությունից », - ասել է  պետության ղեկավարը ՝ դիմելով Անվտանգության դաշնային ծառայության աշխատակիցներին: