Ռուսաստանից արտաքսված քաղաքացիներից 4-ը գիշերել են «Զվարթնոցում»․ ավիաընկերությունը խոստանում է հայտարարություն տարածել

Երեկ Ռուսաստանից Հայաստան ուղարկված յոթ քաղաքացիներից չորսը գիշերել են «Զվարթնոց» օդանավակայանում: Նրանք շարունակում են պնդել, որ այստեղ կմնան այնքան՝ մինչև հարցին որևէ լուծում տրվի:

Հիշեցնենք, որ փետրվարի 1-ին՝ դեպի Ռուսաստան չվերթները վերականգնելուց հետո, Հայաստանից մեկնած մի խումբ քաղաքացիներ երեք օր անց հետ էին ուղարկվել։ Հասնելով «Շերեմետեւո» օդանավակայան՝ նրանց թույլ չէին տվել դուրս գալ օդանավակայանի տարածքից՝ պատճառաբանելով, որ չունեն կորոնավիրուսային հիվանդության բացակայությունը հավաստող թեստի անհրաժեշտ պատասխանը, իսկ այն թղթային տարբերակը, որը ներկայացվում է, ընդունելի տարբերակը չէ։

Հայաստան վերադարձած քաղաքացիները մեզ հետ զրույցում պատմեցին, որ իրենք  հունվարի 31-ին՝ մեկնելուց առաջ, թեստավորվել են «Զվարթնոց» օդանավակայանում գտնվող «Աստղիկ» լաբորատորիայում: Թռիչքից առաջ անցակետում ստուգելով իրենց կորոնավիրուսային թեստի պատասխանի QR կոդը՝ թույլատրել են մեկնել: Հասնելով  «Շերեմետեւվո» օդանավակայան, սակայն, քաղաքացիները անակնկալի են եկել:

««Զվարթնոց» օդանավակայանի ռեգիստրում վերցրին մեր թղթերը, հեռախոսները, իբր անցկացրին, էլի, կոդը, հետո ասացին՝ անցեք: Բայց հասանք «Շերեմետեւո» օդանավակայան, ստուգեցին թուղթը, մեր անունները գրեցին համակարգչում, էդ կոդն էլ իրենք անցկացրին, շրջվեցին մեզ ասացին՝ вас лоханули, սա կեղծ թուղթ է, ռեգիստրացիան դուք ո՞նց եք անցել, որ հասել եք էստեղ: Մենք էլ մնացինք սառած կանգնած: Չեմ հասկանում, եթե թուղթը սխալ էր, մեզ էստեղ ոնց անցակացրին, որ գնանք»,- ասաց Իջևան քաղաքի բնակիչ Արտուշ Ղուկասյանը:

Մանրամասնեց, որ երեք օր քաղցած մնացել են «Շերեմետեւոյում», մի կերպ ազատվել են ձերբակալությունից: Հետո ոստիկաններ են մոտեցել եւ ասել՝ ձեզ արտաքսում ենք Հայաստան: 

«Երեք օր մնացինք էնտեղ, հաց չէին տալիս, միայն ջուր: Լավ էր հայ աղջիկ կար. խանութի աշխատողն էր, նրան թույլ էին տալիս մտնել մեզ մոտ, ինքն էլ մեզ հաց էր բերում: Հետո ոստիկանապետը եկավ, ուզում էին մեզ դատի տային, որ կեղծ փաստաթղթով փորձում ենք ՌԴ-ի տարածքը հատենք: Մի կերպ բացատրեցինք, որ մենք մեղավոր չենք, համոզեցինք, իրենք էլ մտան մեր դրության մեջ, ասացին՝ ամսի երեքին՝ առավոտը, թռիչք ունենք, ձեզ հետ կուղարկենք, բայց դեպորտ ենք անում»,- հավելեց Արտուշ Ղուկասյանը:

Վերադառնալով Հայաստան՝ քաղաքացիները հենց օդանավակայանում իրենց խնդրի մասին տեղեկացրել են այն լաբորատորիայում, որտեղ թեստավորվել են։ Այնտեղից պատասխանել են՝ եթե լաբորատորիայի թուղթը կեղծ է եղել, ինչպես են թույլատրել նրանց մեկնել:

«Ասացին՝ խնդիրը մեզ հետ չի, ռեգիստրացիան եթե այդ թղթով անցել եք, իրենց խնդիրն է։ Մեր գումարները հետ վերադարձրին, հիմա մնացել է ավիաընկերությունը, բայց էնտեղից էլ ասում են՝ մենք մեղավոր չենք, որտեղ ուզում եք դիմեք»,- պարզաբանեց վերադարձած քաղաքացիներից Եգորը:

Իսկ այս դեպքում ինչպե՞ս են քաղաքացիները «Զվարթնոց» օդանավակայանից մեկնել ՌԴ։ Օդանավակայանի մամուլի խոսնակ Սաթենիկ Հովհաննիսյանը մեզ հետ զրույցում նշեց՝ քաղաքացիները մեկնել են, քանի որ ավիաընկերությունը գրավոր ներկայացրել է, որ նրանք ունեն իրավունք մեկնելու։ «Սա արդեն ավիաընկերության խնդիրն է, ես երեկ փորձել եմ իրենց հետ անձամբ կապ հաստատել, բայց հնարավոր չեղավ»,- ասաց նա:

«Հայկական Ժամանակին» հաջողվեց կապ հաստատել տվյալ չվերթն իրականացրած «Նորդվինդ» ավիաընկերության հետ։ Այստեղից մեզ պատասխանեցին՝ դեպքի մանրամասները  ճշտվում են, այսօրվա ընթացքում ավիաընկերությունը հայտարարություն կտարածի:

Ինչ վերաբերում է «Աստղիկ» լաբորատորիային, այստեղից հրաժարվեցին մեկնաբանություն տալ։ Նկատենք, որ Ռուսաստանից արտաքսված եւ «Զվարթնոցում» գիշերող քաղաքացիները մեզ հետ զրույցում վստահեցնում էին, որ հունվարի 31-ին թեստը հանձնելիս իրենք տեղեկացրել են, որ դա Ռուսաստան մեկնելու նպատակով է։  

Հավելվածի մասին առողջապահության նախարարությունը հայտարարել էր հունվարի 27-ին՝ տեղեկացնելով, որ ծրագիրը գործարկվելու է փետրվարի մեկին: Այդ ժամանակ ծրագրում ու հետեւաբար նաեւ հավելվածում ներառված էին միայն «Ցիտո» և «Նորմեդ» բժշկական կենտրոնների ՊՇՌ լաբորատորիաները: «Աստղիկ» լաբորատորիան ծրագրում ընդգրկվել էր ավելի ուշ՝ փետրվարի 1-ին՝ ժամը 17:00-ի դրությամբ: Այսինքն՝ հունվարի 31-ին նրանք դեռ իրավունք չէին ստացել Ռուսաստան մեկնել պատրաստվող ուղեւորների թեստավորում իրականացնել։

Անդրադառնալով Ռուսաստանից արտաքսված քաղաքացիներին՝ նրանք նշում էին, որ մեկնում էին արտագնա աշխատանքի։ Մասնակցել են Արցախյան երկրորդ պատերազմին: 2020 թվականի դեկտեմբերի 15-ին զորացրվել են: Վերադարձել տուն և վարկ վերցրել՝ տոմս գնելու համար: Շեշտում էին՝ «մենք գնում ենք աշխատանքի, չենք գնում վերջնական մնանք Ռուսաստանում: Էս հողի համար կռվել ենք, պետք լինի՝ էլի կկռվենք, հիմա ուզում ենք գնանք աշխատենք»:

«Իմ տղան Մարտունիում հիմա ծառայում է, ես ոնց կարող եմ թողնեմ իրեն Արցախում, փախչեմ Հայաստանից: Էս խնդիրները վերջանան, ամեն ինչ կարգավորվի, տեսնենք՝ մեր հարցով ո՞վ կզբաղվի, գնամ աշխատեմ հետ վերադառնամ»,- եզրափակեց Արտուշ Ղուկասյանը:  

Հիշեցնենք, որ փետրվարի մեկից մինչև մարտի մեկն իրականացվում է պիլոտային ծրագիր․ Հայաստանից դեպի Ռուսաստան իրականացվում են չվերթներ, որից կարող են օգտվել միայն այն քաղաքացիները, որոնք սմարթֆոնների միջոցով կներբեռնեն «Ճամփորդի՛ր առանց Covid-19-ի» հավելվածը և սահմանված կարգով կհանձնեն կորոնավիրուսի թեստ և կունենան հետազոտության բացասական պատասխան։

Մերի Խաչատրյան

Տպել
1909 դիտում

Վանո Սիրադեղյանի հուղարկավորության կազմակերպման նպատակով ստեղծվելու է կառավարական հանձնաժողով

Հայաստանում սպասվում է բացասական ջերմաստիճան. որոշ տեղերում կլինի մինչև -3-ից -4 աստիճան ցուրտ

Այս հանգստյան օրերին Հայաստանում առաջին անգամ կանցկացվի «Դդմի տոն»

Ամենակարևորը աշխարհի վրա հետք թողնելն է. Ստամբուլում ոգեկոչել են պոլսահայ լուսանկարիչ Արա Գյուլերի մահվան 3-րդ տարելիցը

Աղասի Մարգարյանը նշանակվել է Ազգային ժողովի նախագահի օգնական

ԱՄՆ կոնգրեսականները նախատեսում են քրեական պատասխանատվության ենթարկել Թրամփի նախկին օգնականին

Սիերա Լեոնեի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

Բժշկական գենետիկայի և առողջության պահպանման կենտրոնում արցախցիների համար անվճար հետազոտություններ կլինեն

2022 թվականի հունվարի 1-ից ջրի սակագինը հնարավոր է բարձրանա. ՀԾԿՀ նախագահ

Տաթևում վերահաշվարկից հետո ՔՊ-ի քվեներն ավելացել են 9-ով, «Շանթ» դաշինքինը՝ 4-ով, «Ապրելու երկիր» կուսակցությանը՝ 1-ով

Ծովինար համայնքում առաջին անգամ կանցկացվի «Թոնրատոն» փառատոնը

Վաղը 10 ժամ գազ չի լինի Արագածոտնի մարզի մի շարք հասցեներում

ՀԱՊԿ քաղաքական եւ միջազգային համագործակցության հարցերի հանձնաժողովի նիստը կանցկացվի Երեւանում

Այսօրվա վթարի հետեւանքով «Արմենիա» ՀԲԿ տեղափոխված 10 տուժածներից 3-ի վիճակը ծայրահեղ ծանր է՝ վիրահատում են

Հաճախորդները կարող են ապառիկ գնումներ կատարել ՎՏԲ բանկի ավելի քան 600 գործընկեր կազմակերպությունների վաճառակետերում

Կորոնավիրուսի վարակակիրների թիվը կտրուկ աճել է. հաստատվել է 2066 դեպք 1 օրում

Տիգրան Բարսեղյանը կարող է փոխել ակումբային գրանցումը. «Աստանան» փոխարինող է փնտրում

Արցախում կորոնավիրուսի 35 նոր դեպք է գրանցվել. 14 հիվանդի վիճակը գնահատում է ծայրահեղ ծանր

Ահաբեկչություն Դամասկոսի կենտրոնում. զոհվել է առնվազն 14 սիրիացի զինվորական (լուսանկարներ, տեսանյութ)

Պտղունք համայնքին 11 միլիոն դրամ վնասի պատճառման մասին գործը դատարանում է. մեղադրվում է համայնքի ղեկավարը

ԱԻՆ-ը հաստատում է Երևան-Գյումրի ավտոճանապարհին «Գազել»-ի կողաշրջվելու հետևանքով 5 զոհի, 13 տուժածի մասին

Հարկային և մաքսային վարչարարության ոլորտներին առնչվող հարցեր են քննարկել Ռուստամ Բադասյանն ու Լին Թրեյսին

Ինչ կոալիցիաներ կկազմվեն Գյումրիում. ինչպես են տրամադրված ընտրություններում անցողիկ շեմը հաղթահարած կուսակցությունները

ՀՀ կենտրոնական բանկը սահմանել է նոր փոխարժեքներ

ՍԱՏՄ տեսուչները լայնածավալ ստուգայցեր են իրականացրել մայրաքաղաքի խոշոր խանութներում

Երազանքը ոչինչ է առանց աշխատանքի ու պայքարի. ՔՊ-ի Կապանի թեկնածուն առաջիկայում կներկայացնի ծրագիրը

Երևանի, Արագածոտնի ու Կոտայքի որոշ հասցեներում 3-6 ժամով հոսանքազրկումներ կլինեն

Երևան-Գյումրի ճանապարհին «Գազել» է շրջվել. կա 5 զոհ, 12 վիրավոր

Նոր Խարբերդ գյուղի 6-րդ փողոցի տներից մեկում կրակ է նկատվել. մեկնել է փրկարարական երեք մարտական հաշվարկ

Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Թմրանյութ է հայտնաբերվել անչափահասի գրպանում (տեսանյութ)

Մալիշկայի համայնքապետարանը հրավիրում է համայնքային սեփականություն հանդիսացող հողամասի աճուրդ վաճառքի

Գառնիում ասֆալտապատվել են ներհամայնքային ճանապարհներ և արդիականացվել է լուսավորության համակարգը

Քովիդի դեմ պատվաստումային ցուցանիշով Հայաստանը զիջում է իր հարևաններին. վիճակագրություն

Բաքվից վերադարձած բոլոր տղաները Շիրակի մարզից են․ Նազելի Բաղդասարյանը «Մուրացան» բժշկական կենտրոնում է

«Հայաստան» համահայկական հիմնադրամը Լիբանանի հայ համայնքի կարիքների համար 1 մլն դոլար է փոխանցել

Հրդեհ է բռնկվել հեռուստաաշտարակի մոտակայքում․ հայտարարվել է հրդեհի բարդության «1 Բիս» կանչ

Հայաստան են վերադարձել 5 ռազմագերիներ, որոնք դատապարտվել էին 6 տարվա ազատազրկման. նրանց տեղափոխել են բուժզննության

Դուք ինձ համար կուռք եք եղել․ Կարեն Գիլոյանն ընդունել է Օլիմպիական չեմպիոններ Ալեքսանդր Կարելինին և Մնացական Իսկանդարյան

Արմեն Սարգսյանին հավատարմագրերն է հանձնել Հայաստանում Իռլանդիայի նորանշանակ դեսպան Մարտինա Ֆինեյը