Նախարարը որոշել է, թե ով պետք է լինի Աբովյանի N1 դպրոցի տնօրենը․ աշխատակազմը դեմ է եւ նորից բողոքի ցույց է սկսել

Կոտայքի մարզի Աբովյան քաղաքի Խաչատուր Աբովյանի անվան թիվ 1 ավագ դպրոցի անձնակազմն այսօր նորից բողոքի ցույց է անում՝ հավաքվելով դպրոցի բակում:

Ինչպես մեզ հետ զրուցում փոխանցեց դպրոցի պատմության ուսուցիչ Հայկ Փայտյանը, բողոքը այս անգամ գործադուլի ձեւով է՝ ընդդեմ տնօրենի նոր թեկնածուի: Ուսուցիչները, ծնողները և աշակերտները մտադրված են չթողնել նոր տնօրենին մուտք գործել դպրոց:

Օրեր առաջ էլ այս դպրոցի ուսուցիչները բողոքի ցույց էին անում կրթության, գիտության, մշակույթի եւ սպորտի նախարարության շենքի մոտ։ Նրանց ընդունել էր փոխնախարար Ժաննա Անդրեասյանը: Ցույցի մասնակիցների պահանջն էր, որ պաշտոնավարումը շարունակի գործող տնօրեն Մետաքսյա Բաբայանը: Փոխնախարարը լսել և ընդունել էր բոլոր կողմերի առաջարկ-դժգոհությունները, սակայն գործող կարգը սահմանում է, որ վերջնական ընտրությունը պետք է կատարի ԿԳՄՍ նախարարը:

Երեկ արդեն նախարարը կայացրել է իր որոշումը՝ դպրոցի տնօրեն է նշանակվել Աբովյան քաղաքի 10-րդ հիմնական դպրոցի Հայոց լեզվի ուսուցչուհի Քարմիլե Առաքելյանը, որն, ի դեպ, համարվում է Կոտայքի նախկին մարզպետ, այժմ շրջակա միջավայրի նախարար Ռոմանոս Պետրոսյանի հովանավորյալը։  Աբովյանի համար 1 դպրոցի աշխատակազմը համաձայն չէ ԿԳՄՍ նախարարի ընտրության հետ, որն, ինչպես նրանց ներկայացվել է, կայացվել է երկու թեկնածուների ծրագրերի ուսումնասիրության արդյունքում։

«Մենք փոխնախարարի հետ հանդիպմանը ներկայացրել էինք մեր պահանջը, խնդրել էինք և հույս ունեինք, որ մեզ նորից սթրեսի չեն ենթարկի, որովհետև կոլեգա ունենք, որ հայր է կորցրել, դպրոցն էլ ունեցել է իր սաների կորուստը, սպասում էինք, որ արդար ընտրություն կլինի: Բայց երեկ դպրոցի էլեկտրոնային փոստով նամակ եկավ, որ ընտրվել է նոր տնօրենը, չենք հասկանում՝ ի՞նչ սկզբունքով, ի՞նչ տրամաբանությամբ: Դրա համար էլ հիմա գործադուլ ենք սկսում: Թող նոր տնօրենը գա, տեսնեմ՝ ում հետ է աշխատելու»,- ասաց Հայկ Փայտյանը։

Նրա խոսքով, մինչ դպրոց ուղարկված նամակը կտեսնեին՝ երեկ նախարարությունից նաև զանգել են նախկին տնօրեն Մետաքսյա Բաբայանին և հայտնել, որ նա վերընտրվել է, 15 րոպե անց պարզվել է, որ սխալմունք է տեղի ունեցել:

«Նախարարությունից զանգել են տիկին Բաբայանին, ասել են՝ եկեք ստացեք ձեր հրամանը, նախարարը Ձեզ է ընտրել: Զանգից 15 րոպե հետո զանգահարել են ասել՝ կներեք, սխալմունք է եղել, աշխատակիցը շփոթել է։ Բայց ինչպե՞ս կարելի է շփոթել, Բաբայան ու Առաքելյան ազգանունները նո՞ւյնն են: Ընդ որում, նախարարության աշխատակիցը հարցրել է՝ Բաբայանի հե՞տ եմ խոսում, Բաբայանը պատասխանել է՝ այո»,- ասաց Փայտյանը:

Ուսուցչի պնդմամբ, նոր տնօրենը չի կարող դպրոցում լիարժեք իրականացնել տնօրենի պաշտոնում իր աշխատանքը, քանի որ իր ներկայացրած ծրագրում արդեն կան թերություններ:

«Նոր թեկնածուի ծրագրում գրված է, օրինակ, որ ավագ դպրոցը պետք է համագործակցի մանկապարտեզների հետ, դպրոցի ուսուցիչները տեղեկատվական և հաղորդակցման մեթոդներին չեն տիրապետում և այլն: Երբ որ մանկավարժական խորհրդի ներկայացուցիչը հարց է տվել, թե դա ինչպե՞ս պետք է արվի, պատասխանը եղել է, որ դա գրել եմ ընդհանուր դպրոցների վերաբերյալ: Ես չեմ հասկանում դրա տրամաբանությունը, որովհետև դա հիմնական դպրոցի համար նախատեսված ծրագիր է, իսկ մերը ավագ դպրոց է: Բացի դրանից՝ այն տրամաբանությունը ունի, որ եթե, օրինակ, Գյումրիի դպրոցներից ինչ-որ մեկի անձնակազմը չի տիրապետում հաղորդակցման մեթոդներին, ուրեմն մենք էլ չենք տիրապետում: Մենք այսքան ժամանակ օնլայն դասեր ենք արել, մի օր նախարարությունից չեն եկել ասել՝ ինչ խնդիր ունեք, ոնց եք օնլայն դասերն անցկացնում, հիմա ասում են՝ ՏՏ ոլորտին չեք տիրապետում»,- ասաց Հայկ Փայտյանը:

Ուսուցիչները համոզված են, որ սա քաղաքական պատվեր է: Բանն այն է, որ մեկ տարի առաջ փոխվել էր դպրոցի կառավարման խորհուրդը: Ավագ դպրոցի խորհրդի կազմում նախարարության երեք ներկայացուցիչներին և մարզպետարանի մեկ ներկայացուցչին ուսուցիչները նույնպես վերագրում են բարեկամական կապ նախկին մարզպետի հետ:

«Մենք պնդում ենք, որ այս բոլոր մարդիկ բարեկամական կապ ունեն բարձր պաշտոն զբաղեցնող անձի հետ՝ Ռոմանոս Պետրոսյանի: Մենք մերժում ենք նման գործելակերպը, ընդամենը ուզում ենք արդար պայմաններում մեր աշխատանքը անել և այս գործադուլը շարունակելու ենք մինչ մեր պահանջը հաշվի առնվի»,- հավելեց մեր զրուցակիցը:

Ըստ Հայկ Փայտյանի՝ ԿԳՄՍ նախարարությունում տեղյակ են իրենց գործադուլի մասին, սակայն ոչինչ չեն ասել: Անդրադառնալով խնդրին՝ նախարարության հասարակայնության հետ կապերի և տեղեկատվության վարչության բաժնից մեզ հետ զրույցում նշեցին՝ տնօրենի ընտրությունը եղել է ԿԳՄՍ նախարար Վահրամ Դումանյանի լիազորությունների շրջանակում: Իսկ նախարարի խոսնակի հետ կապ հաստատել մեզ չհաջողվեց:

Հիշեցնենք, որ հունվարի 22-ին Աբովյանի համար 1 ավագ դպրոցի կառավարման խորհուրդն անցկացրել է թափուր պաշտոնի մրցույթ, որին մասնակցող երկու թեկնածուներն էլ հաղթող են ճանաչվել: Այսինքն՝ ձայները բաժանվել են նախկին տնօրեն Մետաքսյա Բաբայանի և նոր թեկնածու Քարմիլե Առաքելյանի միջեւ։ Այս դեպքում, ըստ գործող օրենքի, տնօրենի ընտրությունը պետք է կատարեր ԿԳՄՍ նախարարը։

«Հայկական ժամանակը» կապ հաստատեց նաեւ  Քարմիլե Առաքելյանի հետ։ Նա, սակայն, հրաժարվեց որեւէ մեկնաբանություն տալ։ 

Մերի Խաչատրյան

Տպել
1202 դիտում

Պացիենտներին հարկադրաբար հավաքի տանելու մասին տեսանյութի կապակցությամբ ստուգողական գործողություն կիրականացվի

Ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել է 18 նյութ. ՔԿ

Ավիավթար Ռուսաստանի Կեմերովոյի մարզում

ՀՀ դատախազությունը ընտրությունների օրը հնարավոր հանցավոր գործողություններից զերծ պահելու նպատակով տեսանյութ է հրապարակել

Ոստիկանությունը հրապարակել է ՀՀ ընտրողների ռեգիստրում ընդգրկված ընտրողների ընդհանուր թիվը

Ոչ պաշտոնապես հայտնի է Իրանի նախագահի ընտրություններում հաղթած թեկնածուն

Զինծառայողների աճյունների որոնումներն այսօր շարունակվում է Վարանդայի (Ֆիզուլի) շրջանում

Հաստատվել է կորոնավիրուսի 81 նոր դեպք. փաստացի բուժում է ստանում 2.578 պացիենտ

Գորիսի «Գուսան Աշոտ» մշակույթի կենտրոնի տնօրենը կալանավորվել է. Քննչական կոմիտե

Քվեարկե՛ք արդար ու ազատ, հաշվետու եղեք միա՛յն ձեր խղճին. ՀՀ նախագահ (տեսանյութ)

Ոստիկանության անձնագրային և վիզաների վարչությունը կաշխատի շաբաթ և կիրակի ոչ աշխատանքային օրերին

Չարչյանն ընդունել է ձերբակալման օրը գործընկերների հետ ունեցած զրույցի փաստը. Գոռ Աբրահամյան

ՀՀ տարածքում ավտոճանապարհներն անցանելի են

Այսօր լռության օր է. հունիսի 20-ին Հայաստանում կանցկացվեն արտահերթ խորհրդարանական ընտրություններ

ԱԺ «Իմ քայլը» խմբակցության պատգամավոր Նարեկ Զեյնալյանը դիմել է «Իզմիրլյան» ԲԿ-ի աշխատակիցներին

ՔՊ-ի դրամահավաքի ելույթիցս հետո գրել էին՝ նախկին իշխանությունից բնակարան ստացող արվեստագետը, ծիծաղս եկավ. Վ. Հայրապետյան

Հունիսի 20-ին միասին փակենք անցյալի դռները և կառուցենք Հայաստանը նորովի. Արսեն Թորոսյան (տեսանյութ)

Սադախլո-Բագրատաշեն անցակետի տարածքում՝ Դեբեդ գետի վրա, մեկնարկել են «Բարեկամություն» կամրջի աշխատանքները. «Ալիք մեդիա»

Նուբարաշենի աղբավայրում բռնկված հրդեհը մարվել է

Հորդորում ենք զերծ մնալ հանիրավի դատախազության գործունեությանն արհեստականորեն քաղաքական երանգավորում տալ. դատախազություն

Լին Թրեյսին հանդիպել է Պարեկային ոստիկանության նոր վերապատրաստված ղեկավար անձնակազմի հետ

Արմեն Չարչյանը կասկածվում է ընտրություններին հարկադրելու համար, նա ձերբակալվել է․ ՀՔԾ

Առաջին ատյանի դատարաններում և Դատական դեպարտամենտի կենտրոնական մարմնում սահմանվել է հերթապահություն

Քոչարյանի հանրահավաքին մասնակցելու նպատակով Արցախից մարդիկ բերող վարորդի կյանքը փրկելու համար երկու բժիշկ մեկնել է Գորիս

«Հայաստան» դաշինքի հանրահավաքին Ղարաբաղի և Հայաստանի քաղաքացիները ժամանել են խմբերով․ ունեն իրենց հրահանգիչները․ Civic

Ավարտվեց «Հայաստան» դաշինքի ամփոփիչ հանրահավաքը․ այժմ երթ է անցկացվում

ՊՆ-ն հայտարարում է զինվորական նվագախմբերը, ԶՈՒ երգի և պարի համույթի պարային խումբը համալրելու մասնագիտական լսումներ

Տնտեսության զարգացման համար առաջնային է այն ոլորտը, որը մեզ շատ արագ փող է բերելու. Հովասափյան

Հոգեկան առողջության կենտրոնի պացիենտները հանրահավաքին չեն մասնակցել, կենտրոնի տնօրենը դիմել է ՄԻՊ-ին. Հռիփսիմե Խաչատրյան

Զոհված և անհետ կորած զինծառայողների աճյունների որոնումներն այսօր ավարտվել են ապարդյուն. ԱՀ ՆԳՆ

«Ականատես եղա, թե ինչպես է «թաղային հեղինակություն» կոչվածը մեծաթիվ խմբերով մարդկանց ուղեկցում դեպի հրապարակ». քաղաքագետ

«Իզմիրլյան» ԲԿ-ի տնօրեն Արմեն Չարչյանը ձերբակալվեց

Տավուշի դպրոցներում նոր չափորոշչի փորձարկմանն ընդառաջ կանցկացվեն վերապատրաստումներ. ԿԳՄՍՆ

Արցախից մոտ 100 ավտոբուսով մարդ է բերվել Քոչարյանի հանրահավաքին. civic.am

Ձեզ ոչ ոք չի կարող ստիպել ընտրել այս կամ այն ուժին, առավել ևս, սպառնալ. Ռուբինյանը «Իզմիրլյան» ԲԿ աշխատակիցներին

«Հայաստան» դաշինքով առաջադրված ՇՄ մի քանի համայնքի ղեկավարներ ահաբեկում և սպառնում են բնակիչներին. Նազելի Բաղդասարյան

Եվս 2 անձ է ձերբակալվել ընտրակաշառք առաջարկելու կասկածանքով. ՀՔԾ

Ընտրելիս ժողովուրդը պետք է հաշվի առնի՝ այդ մարդը մաքուր է, թե ոչ. «5165» շարժման համահիմնադիր

«Իզմիրլյան» ԲԿ-ի տնօրեն Արմեն Չարչյանի կողմից աշխատակիցներին սպառնալու դեպքի առթիվ քրեական գործ է հարուցվել. ՀՔԾ

Ընտրակաշառք տալու կասկածանքով ձերբակալվել է դաշինքի պատգամավորության թեկնածու և մեկ անձ.ԿԸՀ միջնորդություն է ներկայացվել