Իր հրաժարականի մասին կխոսի Տիգրան Պետրոսյանն անձամբ. Սուրեն Պապիկյան

Ճի՞շտ են արդյոք տեղեկությունները, թե ում առաջարկել եք դառնալ Շիրակի մարզպետ, հրաժարվել է: Գյումրիում այսօր իրեն ուղղված հարցին ՏԿԵ նախարար Սուրեն Պապիկյանն ասաց՝ ոչ: Եղել է մեկ առաջարկ, արվել է Հովհաննես Հարությունյանին, նա էլ համաձայնվել է:

Ըստ Պապիկյանի՝ իրականությանը չեն համապատասխանում նաև տեղեկությունները, համաձայն որոնց՝ վարչապետ Նիկոլ Փաշինյանի հրաժարականը պահանջած համայնքապետների հետ ինքն ունեցել է փակ հանդիպում: Բոլոր հանդիպումները եղել են բաց, ասելիքը՝ հրապարակային:

«Ընդ որում, դրանք եղել են մարզպետների նշանակման կապակցությամբ, այլ առիթով համայնքապետների հետ չեմ հանդիպել, այլ կոչ, քան հրապարակայինները, չեմ հնչեցրել: Բնականաբար, յուրաքանչյուր մարմնի, յուրաքանչյուր ինստիտուտի վերապահված են լիազորություններ և իրավասություններ, և, բնականաբար, նրանց գործողությունները պետք է ելնեն այդ իրավասություններից: Իմ խոսքը կառուցված է եղել միայն ՀՀ Սահմանադրության և օրենքների վրա»,- ասաց Պապիկյանը:

Լրագրողի հարցին՝ ընկե՞լ են արդյոք այս համայնքապետները սև ցուցակ, Պապիկյանն ասաց՝ չունեն նման ցուցակ, հանրությունն է որոշողը, թե որ համայնքապետը որ ցուցակում կհայտնվի, և հանրությանն այդ հնարավորությունը կընձեռվի:

«Սա վերաբերում է նաև ԱԺ-ին, բոլորիս: Որոշողը ՀՀ քաղաքացին է: Այդ կարևոր սկզբունքը որևէ մեկը չի կարող խախտել, և թույլ էլ չենք տա, որ խախտի»:

2.5 տարում 3 մարզպետի փոփոխություն Շիրակի մարզում՝ Պապիկյանն ասաց՝ խնդիր չի տեսնում: Փոփոխությունները պայմանավորված են տարբեր հանգամանքներով:

«Մի դեպքում մեր գործընկերը տեղափոխվել է ԱԺ: Հիմա բնական է, փոփոխություն է թիմում, բայց պետք չէ կարծել, որ մարզը տուժելու է: Անձերով ոչինչ չպայմանավորենք, մենք խնդիր ունենք ինստիտուտների ձևավորման, և յուրաքանչյուր մարզպետի խնդիրն է իր հետևից թողնել կայուն համակարգ, կայացած թիմ, որը կկարողանա լուծել մարզի առաջ ծառացած խնդիրները»,- ասաց նախարարը:

Ինչո՞ւ զբաղեցրած պաշտոնից հրաժարվեց Տիգրան Պետրոսյանը՝ Պապիկյանն ասաց՝ չի կարող պատասխանել հարցին, քանի որ Շիրակի նախկին մարզպետ Տիգրան Պետրոսյանը խոստացել է ասուլիս, կթողնեն, որ հենց նա էլ այդ հարցին պատասխանի:

«Բայց կարող եմ ասել, որ նրա հետ բավական ջերմ աշխատանքային հարաբերություններ ենք ունեցել և ունենք, նաև՝ բարեկամական, ընկերական, այլ մեկնաբանություններ չունեմ»:

Ինչ վերաբերում է մարզպետարանների վերակառուցմանը, ապա, ըստ Պապիկյանի, փաթեթը պատրաստ էր դեռևս 2020 թվականի գարնանից, սակայն համավարակի, հետո արդեն պատերազմի պատճառով չիրականացվեց:

«Այդ փոփոխությունը նշանակում է նաև կրճատումներ: Ես ինքս ճիշտ չեմ համարում հիմա գնալ այդ քայլին: Որ գնալու ենք այդ քայլին, միանշանակ է, բայց ժամանակը պիտի պատեհ լինի: Հիմա պատեհ չէ»,- տեղեկացրեց Պապիկյանը:

Պատրաստվո՞ւմ է արդյոք «Իմ քայլը» արտարհերթ ընտրությունների՝ Պապիկյանն ասաց՝ հայտարարել են, որ պատրաստվում են քննարկել այդ օրակարգը: «Եղել են արձագանքողներ, եղել են նաև մերժողներ: Հիմա բաց է օրակարգը: Համենայն դեպս քննարկենք»:

2021 թվականին կշարունակվի հյուսիս-հարավ ճանապարհային միջանցքի շինարարությունը: Նախարարն ասաց՝ տեսակապով հանդիպել է չին գործընկերների հետ, նրանք տեղում են, մնում է՝ եղանակը թույլ տա, որ աշխատանքը սկսեն:

Շիրակի մարզում և Գյումրիում կիսատ մնացած աշխատանքերը շարունակելուն զուգահեռ կմեկնարկեն նորերը: Գյումրու պատմական միջուկի կարևոր փողոցներից մեկն է այս տարի վերականգնվելու: Աշխատանքներ են նախատեսվում Սլաբոտկա թաղամասում: Սա նաև կարևոր ձեռնարկ է զբոսաշրջության տեսանկյունից:

Միայն Գյումրիում 21 փողոցի շինաշխատանք կմեկնարկի:

Այս տարի ավարտին կհասնի նաև Գյումրու վերջին տնակային մանկապարտեզի շինարարությունը: Քաղաքն այլևս նման պայմաններում գործող մանկապարտեզ չի ունենա:

2020-ին Շիրակի մարզում 2.8 մլրդ դրամի սուբվենցիոն ծրագրեր են իրականացվել: Միջհամայնքային և գյուղական ճանապարհներ են նորոգվել: Հանրապետությունում նախորդ տարի 150 կմ ներհամայնքային ճանապարհ է կառուցվել, գյուղամիջյան և քաղաքային ճանապարհի մասին է խոսքը: Դրանց զգալի մասը բաժին են հասել հենց Շիրակի մարզին:

«Նախկինում 80-ից 100 կմ ճանապարհ են կառուցել ամբողջ հանրապետությունում»,- ասաց Պապիկյանը:

Անիին սահմանամերձ՝ Նորշեն (Խարկով) գյուղի ծրագիրը ևս ավարտված է: Հայ-թուրքական սահմանում գտնվող նախկին Խարկով, ներկայիս Նորշեն մտնելու համար շատ շուտով այլեւս անցաթուղթ պետք չի լինի: Ըստ Պապիկյանի՝ պատկան մարմինների համաձայնությունը կա, մնում է ֆինանսական հատկացումը: «Կաշխատենք այդ ուղղությամբ»,- ասաց նախարարը:

Հիշեցնենք՝ այս հարցը դեռ նախորդ տարի էր քննարկվել, եւ ՀՀ վարչապետ Նիկոլ Փաշինյանի, ՏԿԵ նախարարության եւ Շիրակի մարզպետի համատեղ աշխատանքի արդյունքում որոշվել էր հասնել սահմանային ռեժիմի փոփոխության: Սա զբոսաշրջության զարգացման առումով եւս մեկ կարեւոր եւ հզոր քայլ է Շիրակի մարզի համար:

Շիրակի մարզի գերիներին վերաբերող հարցին նախարը նոր պատասխան չուներ, սակայն նախտեսել էր հանդիպում նրանց ծնողների ու հարազատների հետ: «Երեկ որոշակի մանրամասներ ենք ճշտել պատկան մարմինների հետ, որպեսզի կարողանանք մարդկանց ներկայացնել առկա իրավիճակը:

Մի բան հստակ է՝ վերջին տեղեկությունները, որ ամփոփվել են, մեր 62 եղբայրների այնտեղ լինելը հաստատված է նաև Կարմիր խաչով, և դա երաշխավորում է նրանց անվտանգությունը, որ նրանց կյանքին ու առողջությանը որևէ վտանգ չի սպառնում: Հիմա աշխատում ենք նրանց վերադարձնելու ուղղությամբ: Ամեն օր կարող է ինչ-որ բան փոխվել դրական ուղղությամբ»,- վստահեցրեց Սուրեն Պապիկյանը:

Տպել
776 դիտում

«Երեւանտրանս» ՓԲԸ-ն երկու ավտոմեքենա է աճուրդի հանել

Լարսի ռուսական կողմում մոտ 270 բեռնատար է կուտակված

Ռադիկալ ընդդիմությունը սրում է իրավիճակը, ամեն ինչ կարող է լինել. քաղաքագետը արտահերթ ընտրությունը անհրաժեշտ է համարում

Մեգան Մարքլի և արքայազն Հարրիի հարցազրույցը Օփրա Ուինֆրիին

Վարդենյաց լեռնանցքը փակ է, Բերդ-Ճամբարակ ավտոճանապարհը՝ դժվարանցանելի

Արցախի բոլոր շրջաններում ձյուն է տեղում․ լուսանկար՝ Ստեփանակերտից

Դաժան սպանություն Թելավիում

Բաշար ալ-Ասադն ու կինը վարակվել են COVID-19-ով

Ավարտվել է Հռոմի Պապի այցը Իրաք

Արցախի Հանրապետությանը պատճառվել է ավելի քան 194 մլն դրամի վնաս․ հարուցվել է քրեական գործ

Առաջին անգամ Սփյուռքի գլխավոր հանձնակատար Զարեհ Սինանյանն այցելել է Ուրալի հայ համայնքներ

Ինձ նվիրած ոսկե շղթան ձուլել եմ և նվիրել կնոջս. Արամ MP3-ը՝ Մարտի 8-ին կնոջը նվիրած նվերի ու սպասվող անակնկալի մասին

Տղամարդու կառուցած հասարակությունը չափազանց տխուր ու խղճուկ է. արմատական փոփոխությունը կանանց ուսերին է. Աղասի Թադևոսյան

Այս անգամ ձեր տոնը տխրության շունչ ու սխրանքի խորհուրդ ունի․ Վահե Ղազարյանը շնորհավորել է գեղեցկության տոնի առթիվ

Արցախը պահպանում և պահպանելու է դե ֆակտո անկախությունը. Արայիկ Հարությունյան

Այն արդյունքը չէր, որ ցանկանում էի տեսնել, բայց վատ չէ. Լևոն Աղասյան

ՀՀ տարածքում կան փակ ավտոճանապարհներ. «Չայնիի» ոլորաններում և Արագածի տարածաշրջանում բուք է

Չի կարելի սեփական քաղաքական ամբիցիաների համար զոհաբերել սահմանում ապրող մարդկանց հանգստությունը. Տավուշի մարզպետ

Լոռու մարզպետ Արամ Խաչատրյանն այցելել է Հայրենական մեծ պատերազմի մասնակից մի խումբ վետերան կանանց (լուսանկարներ)

Ճանապարհային ոստիկանների «թիրախում» կին վարորդներն էին (տեսանյութ)

Ավիավթարից մահացել է ֆրանսիացի միլիարդատերը

ՀՅԴ-ն մի քանի անդամների արտաքսել է կուսակցության շարքերից

«Նոան» վստահ հաղթանակ տարավ «Լոռիի» նկատմամբ

Հայկական դիվանագիտությունը հպարտ է, որ առաջին կին դեսպանը Դիանա Աբգարն է եղել․ ԱԳՆ շնորհավորական ուղերձը

Ակնհայտ է, որ այս պողոտան չի ազատվելու, մենք չենք նահանջելու. Իշխան Սաղաթելյան

Ֆերդինանդ Կարապետյանը նկատելիորեն բարելավեց իր դիրքերը օլիմպիական վարկանիշային դասակարգման ցուցակում

Նուբարաշենում բռնկված հրդեհը մարվել է (տեսանյութ)

Լևոն Տեր-Պետրոսյան. Արձանագրումներ պահի թելադրանքով

Արդեն ծաղկած ծառերը կցրտահարվե՞ն, ու ինչ սպասել գիժ մարտից. Սուրենյանը մանրամասներ է ներկայացնում

Սիրելի՛ մայրեր, խոսքերը երբեւէ չեն հերիքելու շնորհավորելու ձեզ ձեր որդիների փոխարեն․ ԱԺ նախագահի ուղերձը

Եվրոպայի մի մասը կորոնավիրուսի դեմ սահմանափակումները խստացնում է, մյուս մասը՝ մեղմացնում

Էրդողանի խոսնակը զգուշացրել է ԱՄՆ-ին ճնշում չգործադրել Թուրքիայի վրա S-400-ի պատճառով

Իրանի մեջլիսի հանձնաժողովի նախագահն ու ՀՀ դեսպանը քննարկել են տարածաշրջանում հնարավոր զարգացումները

Հայ կանայք ապացուցեցին, որ իրենք հասարակության ոչ միայն գեղեցիկ կեսն են, այլև՝ ոգեշնչող շարժիչ ուժ. Անահիտ Ավանեսյան

Արցախցի կինը երեք ազատամարտերի ընթացքում էլ պատվորեն կրել է հերոսածին ու հերոսամայր կոչումը. Արցախի ԱԺ

Հրդեհ է բռնկվել Նուբարաշենի 2-րդ փողոցի տներից մեկում և կից տնակում

Ստեփանծմինդա-Լարս ավտոճանապարհը կրկին փակ է. ռուսական կողմում կուտակված է 270 բեռնատար

Օլիվիե Դասոն Հայաստանի և հայ ժողովրդի մեծ բարեկամն էր. նախագահ Սարգսյանը ցավակցել է Դասոյի ընտանիքին

Կամք եւ լավատեսություն եմ մաղթում մեր Հայրենիքի համար այս բարդ օրերին. Հայկ Մարությանի ուղերձը

Ձեր նկատմամբ հավերժ պարտք ունենք, որի մասին պարտավոր ենք հիշել ամեն օր. Տիգրան Ավինյանի ուղերձը