Մշակույթի բնագավառում նշանակալի նվաճում ունեցող մի շարք երիտասարդների տարկետում կտրվի․ ովքեր են երաշխավորել

20/01/2021 schedule21:56

ՀՀ կառավարությունը պատրաստվում է վաղվա նիստում 2020 թվականի ձմեռային զորակոչից տարկետում տալ մշակույթի եւ արվեստի բնագավառում նշանակալի նվաճումներ ունեցող մի շարք երիտասարդների։

Մասնավորապես նախատեսվում է տարկետում տրամադրել՝ պարող Գոռ Սարգսյանին եւ դաշնակահարաներ՝ Արթուր Գրիգորյանին, Գեւորգ Մատինյանին, Անդրեյ Կուրբետին։

Կառավարությունը ակնկալում է, որ որոշման նախագծի ընդունմամբ մշակույթի եւ արվեստի բնագավառներում նշանակալի նվաճումներ ունեցող քաղաքացիներին հնարավորություն կտրվի կատարելագործելու մասնագիտական հմտությունները, ինչպես նաեւ հանրահռչակելու հայկական կատարողական արվեստը միջազգային հարթակներում։

Նրանց համար երաշխավորագրեր են ներկայացրել մի շարք անվանի գործիչներ։

Գոռ Սարգսյանի համար երաշխավորագրեր են ներկայացրել ՀՀ ժողովրդական արտիստ, «Երեւանի պարարվեստի պետական քոլեջ»-ի գեղարվեստական ղեկավար Հովհաննես Դիվանյանը, ՀՀ ժողովրդական արտիստներ՝ Վ. Գալստյանը, Ն. Մեհրաբյանը, Է. Մնացականյանը, ՀՀ վաստակավոր արտիստ Ա. Մարիկյանը:

Գեւորգ Մատինյանի համար երաշխավորագրեր են ներկայացրել՝ ՀՀ վաստակավոր արտիստ, Կոմիտասի անվան պետական կոնսերվատորիայի պրոֆեսոր, միջազգային մրցույթների դափնեկիր Արմեն Բաբախանյանը, ՀՀ վաստակավոր արտիստ, Երեւանի Կոմիտասի անվան պետական կոնսերվատորիայի պրոֆեսոր Վիլլի Սարգսյանը:

Արթուրի Գրիգորյանի եւ Անդրեյ Կուրբետի համար երաշխավորագրեր են ներկայացրել ՀՀ ժողովրդական արտիստ, պրոֆեսոր Էդուարդ Թադեւոսյանը եւ ՀՀ ժողովրդական արտիստ, կոմպոզիտոր, դիրիժոր Երվանդ Երզնկյանը:

Ստորեւ ներկայացնում ենք նաեւ երիտասարդների նվաճումները։

Գոռ Սարգսյանը սովորում է «Երևանի պարարվեստի պետական քոլեջ» ՊՈԱԿ-ի «Դասական պար» բաժնի 2-րդ կուրսում:

Մրցույթներ և նվաճումներ.

2017թ. Երևանի պարարվեստի պետական քոլեջում կազմակերպված «Դասական մենապարերի» մրցույթին արժանացել է պատվոգրի և 3-րդտեղ մրցանակի.

2018թ. Երևանում անցկացված «Գլոբալ Ֆեսթ» միջազգային մրցույթին «Դասական պար» անվանակարգում գրավել է 3-րդ տեղ և դարձել դափնեկիր.

2018թ. Երևանի պարարվեստի պետական քոլեջում կազմակերպված «Դասական մենապարերի» մրցույթին՝ նվիրված Մարիուս Պետիպայի 200 ամյակին արժանացել է պատվոգրի և 2-րդ մրցանակի.

2018թ. Վրաստանի Հանրապետությունում Վախթանգ Ճաբուկիանիի անվան V միջազգային մրցույթին արժանացել է 3-րդ մրցանակի, ինչպես նաև «Մարիուս Պետիպայի բեմադրության լավագույն կատարող» անվանակարգում ստացել է մրցանակ.

2018թ. Երևանի պարարվեստի քոլեջում կազմակերպված «Դասական մենապարերի» մրցույթին դարձել է դափնեկիր և արժանացել 2-րդ մրցանակի.

2019թ. մասնակցել է Վրաստանի Հանրապետությունում Վախթանգ Ճաբուկիանիի անվան VI միջազգային մրցույթին և «Ժամանակակից պար» անվանացանկում արժանացել է 1-ին մրցանակի.

2019թ. օգոստոսին Չինաստանում մասնակցել է «GIDC» միջազգային պարային մրցույթին՝ «Դասական մենապար» անվանակարգում և «Ժամանակակից պար» անվանակարգում դարձել է դափնեկիր, արժանացել 2-րդ, 4-րդ և 6-րդ մրցանակների:

Արթուր Գրիգորյանը սովորում է Երևանի Կոմիտասի անվան պետական կոնսերվատորիայի «Գործիքային կատարողականություն՝ դաշնամուր» մասնագիտությամբ բակալավրական կրթական ծրագրով առկա ուսուցման անվճար համակարգի 1-ին կուրսում:

Արթուր Գրիգորյանը բազում ելույթներ և մենահամերգներ է ունեցել Հայաստանում և նրա սահմաններից դուրս, այդ թվում նաև ելույթներ ՀՀ Սիմֆոնիկ և ֆիլհարմոնիկ նվագախմբերի հետ և մասնակցել միջազգային փառատոնների և մրցույթների: 2019թ. «ClaviCologne» միջազգային մրցույթ փառատոնի շրջանակներում համերգներով և վարպետության դասերով հանդես է եկել Գերմանիայում: 2017-2018թթ. համերգներով հանդես է եկել Ֆրանսիայում, Շվեյցարիայում, Վիեննայում, Զալցբուրգում:

Արթուր Գրիգորյանը վարպետության դասեր է վերցրել Ա. Ժակունի, Պ. Բագլիերի, Ս. Նավասարդյանի, Ա. Գորլախի, Դ. Ալեքսեևի և Դ. Բաշկիրովի մոտ:

Մրցույթներ և նվաճումներ.

Մասնակցել է Առնո Բաբաջանյանի անվան դաշնակահարների միջազգային մրցույթին, արժանացել է հատուկ մրցանակի, Երևան, 2011թ.

Մասնակցել է «Վերածննունդ» միջազգային մրցույթ-փառատոնին, արժանացել է 1-ին կարգի մրցանակների, 2013-2013թթ.

Մասնակցել է «Ապագայի արտիստներ» միջազգային մրցույթ-փառատոնին և արժանացել է հատուկ մրցանակի, Թուրքիա, 2014թ.

Մասնակցել է Առնո Բաբաջանյանի անվան պատանի և երիտասարդ  դաշնակահարների 3-րդ միջազգային մրցույթին, արժանացել է 2-րդ կարգի մրցանակի, Երևան, 2015թ.

Մասնակցել է Ռիգայում կայացած միջազգային մրցույթին, նվաճել է 2 ոսկե մեդալ «մենանվագ» և «դաշնամուրային դուետ» անվանակարգերում, 2019թ.

Մասնակցել է «Նոր Անուններ» պատանի երաժիշտ-կատարողների 6-րդ  և 9-րդ միջազգային փառատոնում, ստացել է դիպլոմ, Երևան,2016թ., 2019թ.

Մասնակցել է «Sviatoslav Richter» միջազգային դաշնակահարների մրցույթին, արժանացել է 1-ին մրցանակի, Հարավային Կորեա, 2020թ.

Մասնակցել է «Paderewski» միջազգային դաշնակահարների մրցույթին և արժանացել 1-ին մրցանակի, 2020թ.:

Գևորգ Մատինյանը սովորում է Համբուրգի երաժշտության և թատրոնի համալսարանի դաշնամուրային բաժնում, պրոֆ. Հուբերտ Ռուտկովսկու մոտ:

Գևորգ Մատինյանը 2008-2015թթ. սովորել է «Արեգնազան» կրթահամալիրում: 2009-2013թթ.՝ Երևանի Սայաթ-Նովայի անվան երաժշտական դպրոցում, Դիանա Խաչատրյանի դասարանում: 2016-2019թթ.՝ ՀՀ վաստակավոր արտիստ, պրոֆ. Վիլլի Սարգսյանի մոտ: 2016-2019թթ.՝ Պ.Ի. Չայկովսկու անվան ՄՄԵԴ-ում: 2016-2019թթ.՝ սովորել է նաև դոցենտ Արեգ Սարգսյանի մոտ:

Մրցույթներ և նվաճումներ.

2-րդ և հատուկ մրցանակ Ա. Բաբաջանյանի ստեղծագործության լավագույն կատարման համար Ա. Բաբաջանյանի անվան պատանի և երիտասարդ դաշնակահարների 2-րդ միջազգային մրցույթ-փառատոնում, Երևան, 2013թ.

2-րդ մրցանակ և «Junior-Preis» «Klavierpodium» պատանի դաշնակահարների 13-րդ միջազգային մրցույթում, Մյունխեն, 2013թ.

1-ին մրցանակներ «Դաշնամուր» և «Կամերային անսամբլ» կարգերում երաժիշտ-կատարողների «Վերածնունդ» միջազգային մրցույթ-փառատոնում, Գյումրի, 2017թ.

2-րդ մրցանակ Ա. Բանաջանյանի անվան պատանի և երիտասարդ դաշնակահարների 4-րդ միջազգային մրցույթ-փառատոնում, Երևան, 2017թ.

Դիպլոմ և հատուկ մրցանակ «Խոստումնալից պատանի կատարող» Ֆ. Շոպենի անվան պատանի և երիտասարդ դաշնակահարների 12-րդ մրցույթում, Նարվա (Էստոնիա), 2 փուլ, 2018թ.

Մասնակցություն «ClaviCologne» միջազգային մրցույթին և վարպետաց դասեր, Համբուրգ, 2019թ.

ԳրանՊրիև 1-ինմրցանակ «Гдерождаетсяискусство» պատանի և երիտասարդ երաժիշտների կատարողական վարպետության 6-րդ միջազգային մրցույթում, Կրասնոդար, 3 փուլ, 2019թ.

2-րդ մրցանակ «Maria Herrero» դաշնակահարների 10-րդ միջազգային մրցույթում, Գրանադա (Իսպանիա), 2 փուլ, 2020թ.

Թեոդոր Լեշետիցկիի անվան դաշնակահարների 4-րդ միջազգային մրցույթի ֆինալիստ, Համբուրգ, 2 փուլ, 2020թ.

3-րդ մրցանակ 3-րդ Փարիզի միջազգային երաժշտական մրցույթում, Փարիզ (ձայնագրությամբ), 2 փուլ, 2020թ.:

Համերգներ, փառատոններ և կրթաթոշակներ.

Մենագամերգներ Հայաստանում (2012, 2014, 2015, 2016, 2018թթ.), Արցախում (2019թ.), Վրաստանում (2015թ.), Գերմանիայում (2015, 2018թթ.), ԱՄՆ-ում (2016թ.).

Մասնակցություն «Նոր Անուններ» երաժիշտ-կատարողների միջազգային փառատոնում (Երևան 2013, 2015, 2016, 2017թթ.).

Կատարել է Մոցարտի 12-րդ կոնցերտի 3-րդ մասը ՀՀ պետական կամերային նվագախմբի հետ, դիրիժոր՝ Հարություն Արզումանյան, Երևան, 2015թ.

Կատարել է Մոցարտի 1-ին կոնցերտը Գյումրու պետական սիմֆոնիկ նվագախմբի հետ, դիրիժոր՝ Զավեն Սիմոնյան, Գյումրի, 2018թ.

Կատարել է Մոցարտի 21-րդ կոնցերտի 1-ին մասը Կուբանի սոմֆոնիկ նվագախմբի հետ, դիրիժոր՝ Դենիս Իվենսկի, Կրասնոդար, 2019թ.

Կատարել է Բեթհովենի 12-րդ սոնատը 1801 թ «Schiedmayer Hammerflugel»-ի վրա, «Evolution» Պրոյեկտի շրջանակներում, Համբուրգ, 2019թ.

Ստացել է Համբուրգի գիտության նախարարության կրթաթոշակ (BWFG Leistungsstipendium), 2020, 960€.

Մասնակցել է լեհական երաժշտական հրատարակչության «Music from Shopin’s Land» ձայնագրությունների նախագծին.

Ստացել է Հայկական Բարեգործական Ընդհանուր Միության կրթաթոշակ (AGBU Scholarship), 2018թ., 2000$:

Գևորգ Մատինյանը մասնակցել է նաև վարպետաց դասերի Արմեն Բաբախանյանի, Լեոնել Մոռալեսի, Ֆիլիպ Ռասկինի, Անդրեաս Ֆրոհլիխի, Բերնդ Գլեմզերի, Բերնդ Գյոցկեի, Յուրի Բոգդանովի, մաուրո Լո Կոնտեի, Պաոլո Բագլիերիի, Ալեքսեյ Գորլաչի, Ռալֆ Նատկեմերի, Ջուլիանո Մացոկանտերի և Յուլիա Կոչուբանի մոտ:

Անդրեյ Կուրբետը սովորում է Երևանի Կոմիտասի անվան պետական կոնսերվատորիայի «Կատարողական արվեստ» մասնագիտության «Գործիքային կատարողականություն՝ դաշնամուր» մասնագիտությամբ բակալավրական կրթական ծրագրով առկա ուսուցման անվճար համակարգի 1-ին կուրսում:

Անդրեյ Կուրբետը 6 տարեկան հասակից մասնակցել է տասնյակից ավելի միջազգային և հանրապետական մրցույթների և փառատոնների, ներկայացրել է ՀՀ-ը տարբեր երկրներում (Իտալիա, Ֆրանսիա, Ռուսաստան, ԱՄՆ):

Համերգներ.

2011թ. Բախի կոնցերտով հանդես է եկել Հայաստանի պետական կամերային նվագախմբի հետ.

2014թ. մեծ հաջողությամբ ներկայացրել է Հայաստանը Մոսկվայում՝ կրեմլի Հեորգևյան դահլիճում անցկացված փառատոնին, որտեղ ռուսաստանի նախագահական նվագախմբի հետ ներկայացրել է հայդնի կոնցերտը.

2017թ. Ա. Խաչատրյան համերգասրահում փայլուն կերպով ներկայացրել է Լիստի 2-րդ կոնցերտը

Մրցույթներ և նվաճումներ.

Մասնակցել է «Նոր Անուններ» պատանի երաժիշտ-կատարողների 2-րդ  միջազգային փառատոնում, ստացել է դիպլոմ, Երևան, 2012թ.

Մանսկացել է «Мелодика поколений» 2-րդ միջազգային մանկական երաժշտական փառատոնին, ստացել է դիպլոմ, Մոսկվա, 2014թ.

Մանսկացել է Նյու Յորքում Կաուֆման երաժշտական կենտրոնի կազմակերպած միջազգային երիտասարդական դաշնակահարների մրցույթին,ֆինալիստ, 2015թ.

Մանսակցել է «Jina Bachauer» հեղինակավոր միջազգային երիտասարդական դաշնակահարների մրցույթին, ֆինալիստ, Սոլթ Լեյք Սիթի, ԱՄՆ, 2016թ.

Մասնակցել է ԱՊՀ մասնակից երկրների 12-րդ երիտասարդական «Դելփյան խաղեր» միջազգային մրցույթին, «Դաշնամուր» անվանակարգում գրավել է1-ին տեղը՝ ստանալովոսկե մեդալ, Եկատերինբուրգ, 2016թ.

Մանսակցել է Առնո Բաբաջանյանի անվան պատանի և երիտասարդ դաշնակահարների 5-րդ միջազգային մրցույթ-փառատոնին, արժանացել է 1-ին մրցանակի, Երևան, 2019թ.:

Տպել
443 դիտում

ԱՀ նախագահը վերահսկողական ծառայության անձնակազմին է ներկայացրել նորանշանակ ղեկավար Մհեր Աբրահամյանին

Միրզոյանը դիմել է Մատվիենկոյին 2 հայ գերի կանանց վերադարձի կապակցությամբ

ԱԺ-ն փակ նիստում քննարկում է գերիներին առնչվող հայտարարության նախագիծը

Գագիկ Ծառուկյանն այս պահին նախագահ Արմեն Սարգսյանի տանն է (լուսանկար)

Հայաստանից Արցախ մեկնած բժիշկ-փորձագետներն ամփոփել են այցի արդյունքները

Ջոլին 11,5 միլիոն դոլարով վաճառել է Ռուզվելտին նվիրած Չերչիլի նկարը

ԿԳՄՍՆ ներկայացուցիչները մշտադիտարկման այցեր են կատարել Երևանի նախակրթարաններ

«Լուսավոր Հայաստան»-ը պատրաստ է գնալ ԱԺ լուծարմանը. Տարոն Սիմոնյան

Վարչապետն առավոտյան զանգահարել է Էդմոն Մարուքյանին. նրանք կհանդիպեն

Շենգավիթ վարչական շրջանում տեղի է ունեցել պատերազմում նահատակված հայորդիների հետմահու պարգևատրման արարողություն

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Իմ կամքով եմ մասնակցել հանրահավաքին. ՊԵԿ նախագահը՝ փետրվարի 25-ի հանրահավաքին՝ իր և աշխատակիցների մասնակցության մասին

Սարկոզին պատրաստվում է վիճարկել դատարանի որոշումը

Կառավարությունն առաջարկում է ՊԵԿ որոշ աշխատակիցների մարտական զենք տրամադրել. ԱԺ-ն երկրորդ ընթերցմամբ քննարկեց նախագիծը

ԱԺ-ն երկրորդ ընթերցմամբ քննարկեց Դատական օրենսգրքում լրացում կատարելու նախագիծը

Երևանի մետրոպոլիտենը կնշի հիմնադրման 40-ամյակը

ԱԺ-ում քննարկվեց հոկտեմբերի առաջին կիրակին՝ որպես Ազգային փոքրամասնությունների օր նշելու նախագիծը

Մարտի երկրորդ կեսն ավելի տաք է լինելու. ամսվա ընթացքում հնարավոր է բուք, ցրտահարություն. ՀՄԿ

Լարսի ճանապարհը նորից փակ է բեռնատարների համար. ռուսական կողմում կա կուտակված մոտ 430 բեռնատար

14 անգամ դուք հնարավորություն եք ունեցել ադրբեջանական պատվիրակների հետ բանավիճելու. Կոնջորյանը՝ Աբովյանին

ԱՄՆ-ը պայմաններ է ներկայացրել Կիևին 150 մլն դոլար օգնություն տրամադրելու համար

Ալեն Սիմոնյանը չի բացառում, որ այսօր կամ վաղը կհանդիպեն Ծառուկյանի հետ՝ քննարկելու արտահերթ ընտրությունների հարցը

Վենետիկի ջրանցքները ցամաքել են

Սյունիքում 23 համայնքի հողամասերը ապօրինի հանձնվել են վարձակալության. քրգործերով վերականգնվել է 40.8 մլն դրամի վնաս

Վճռաբեկ դատարանի դատավորի ընտրության հարցը ԱԺ-ում հետաձգվեց

Արցախում հաստատվել է կորոնավիրուսով վարակման 5 նոր դեպք

Բացահայտվել է կորած զինծառայողների հարազատներից խաբեությամբ գումար հափշտակելու դեպք. ստացել են 15.000 դոլար (տեսանյութ)

Ներողություն եմ խնդրում, եթե իմ պահվածքում արհամարհական նշաններ եք զգացել. Միրզոյանը՝ Անի Սամսոնյանին

Կա՛մ դուք պետք է ներողություն խնդրեք ԱԺ 1/5-ից, որ արհամարհել եք, կա՛մ պետք է հրաժարական տաք. Մարուքյանը՝ Միրզոյանին

Կորոնավիրուսի թվերը շարունակում են աճել. հաստատվել է 240 դեպք 1 օրում

Արցախում չպայթած ու վտանգավոր զինամթերքների վնասազերծման աշխատանքներ են նախատեսվում բոլոր շրջաններում

Արցախում վերսկսվել են զինծառայողների աճյունների որոնման աշխատանքները. այսօր կփնտրեն 3 ուղղությամբ

Ճգնաժամի հանգուցալուծման տարբերակներ առաջարկվել են, այդ թվում՝ ՀՀ վարչապետի կողմից. Միրզոյանը՝ Ուրիխանյանին

Արա Այվազյանը հեռախոսազրույց է ունեցել ԵՀ հարևանության և ընդլայնման հարցերով հանձնակատար Օլիվեր Վարհեիի հետ

Մահվան ելքով վրաերթ Երևանում. մահացածը «Գալաքսի» ընկերությունների ծրագրերից մեկի ղեկավարն է

Հայ ուխտավորները ռուս խաղաղապահների ուղեկցությամբ այցելել են Ամարասի վանք

Պոլիտեխնիկական համալսարանը դեռ ռեկտոր չունի. շուրջ 10 ժամ տեւած մրցույթում այդպես էլ ոչ ոք չընտրվեց

Գործող նախարարը՝ նախկինում իր բիզնեսի նկատմամբ ճնշումների մասին. ինչ է փոխվել հիմա (տեսանյութ)

Պատերազմում մեկ ոտքից զրկված զինծառայողը հենակներով մասնակցում էր վարչապետի հրավիրած հանրահավաքին, հետո էլ՝ երթին

ՀՀ զինված ուժերը նոր հայտարարություն է տարածել