Ժաուտիկովյան միջազգային 17-րդ օլիմպիադայում Հայաստանի մասնակիցները վաստակել են այնքան մեդալ, որքան նախորդ 10 տարիներին

2021 թ. հունվարի 8-15-ը Ղազախստանի Ալմաթի քաղաքում տեղի ունեցած Ժաուտիկովյան միջազգային 17-րդ օլիմպիադայում Հայաստանի մասնակիցների գրանցած արդյունքն աննախադեպ էր՝ աշակերտները վաստակել են այնքան ոսկե մեդալ, որքան եղել էր վերջին 10 տարիներին ընհանուր առմամբ: Հիշեցնենք, որ այս օլիմպիադան կազմակերպվում է «Մաթեմատիկա», «Ֆիզիկա» և «Ինֆորմատիկա» առարկաներից, իսկ Հայաստանից ներակայացված 21 մասնակիցներից 17-ն արժանացել են մեդալների՝ 10-ը ոսկե մեդալի, 5-ը՝ արծաթե և 2-ը՝ բրոնզե: 

Ինչպե՞ս մասնակիցները կարողացան համավարակի այս պայմաններում այդքան լավ նախապատրաստվել եւ գրանցել առավելագույն արդյունքներ, քան երբեւէ: Ի՞նչ տեխնիկական խնդիրների են բախվել այս տարի, հատկապես որ դրա պատճառով տասը ոսկե մեդալի փոխարեն կարող էինք ունենալ տասնմեկը: Ինչպե՞ս են առհասարակ ընտրվում Ժաուտիկովյան օլիմպիադային մասնակցող դպրոցները եւ թիմերի ղեկավարները:

Այս հարցերի շուրջ խոսեցինք Երեւանի պետական համալսարանին կից Ա. Շահինյանի անվան ֆիզիկամաթեմատիկական հատուկ դպրոցի տնօրեն Հայկազն Նավասարդյանի հետ: Օլիմպիադայի մասնակիցների մեծ մասը նրա ղեկավարած դպրոցից են։

- Պարո՛ն Նավասարդյան, ինչո՞վ են պայմանավորված այս աննախադեպ արդյունքները:

- Թիմը կազմված էր միջազգային բազմաթիվ մրցույթներին մասնակցած աշակերտներից, ովքեր միշտ ցուցաբերել են լավագույն բարձր արդյունքները: Կարեւոր է նաեւ թիմերի ղեկավարների ամենօրյա քրտնաջան եւ հետեւողական աշխատանքը. ցանկացած իրավիճակում անընդհատ աշխատելը եղել է առաջին նախապայմանը եւ հաջողության գրավականը:

- Օլիմպիադային մասնակցելու համար ինչո՞ւ ընտրվեցին հենց այս երկու դպրոցները, եւ առհասարակ ինչպե՞ս են ընտրվում մասնակցային դպրոցները:

- Ի սկզբանե՝ 2005 թվականից սկսած՝ Ժաուտիկովյան օլիմպիադայի էությունը եղել է այն, որ տարբեր երկրների մասնագիտացված դպրոցների միջեւ անցկացվի միջազգային մրցույթ, այսինքն՝ դրան կարող էին մասնակցել ֆիզմաթ հոսքի դպրոցների սովորողները ինֆորմատիկա, մաթեմատիկա եւ ֆիզիկայի առարկաներից: Այսպես ամեն տարի Ղազախստանը տարբեր երկրների նախարարություններին ուղարկում է հրավեր՝ տեղեկացնելով օլիմպիադայի ժամանակի եւ մասնակցության պայմանների մասին:

Առաջին տարին՝ 2005 թվականին, Հայաստանից միայն ֆիզմաթ դպրոցը մասնակցեց. ընդ որում՝ թիմը պետք է կազմված լիներ 7 հոգուց, սակայն ֆինանսական խնդիրների պատճառով մասնակցեցին 3 հոգի. նույնիսկ այդ երեք աշակերտների մասնակցության ծախսերը Ղազախստանը վերցրեց իր վրա: Մի խոսքով, Ժաուտիկովյան օլիմպիադային մեր դպրոցը, ավանդույթի համաձայն, ամեն տարի մասնակցել է: Սովորաբար մասնակցային մասնագիտացված դպրոցներին Ղազախստանից ավտոմատ ձեւով ուղարկում են հրավերը. այս տարին էլ բացառություն չէր: Ամեն տարվա դեկտեմբերի սկզբին են ուղարկում հրավերը և դպրոցներին տալիս են մոտ 20 օր ժամանակ, որպեսզի թիմը հասցնեն ձեւավորել: Իսկ առհասարակ օլիմպիադային կարող է մասնակցել հոսքային ցանկացած դպրոց. միայն թե պետք է ժամանակին դիմել եւ ստանալ մասնակցության իրավունք: Մի քանի տարի առաջ Քվատն էլ դիմեց, հիմա նա էլ է մասնակցում: Իհարկե, օլիմպիադայի կազմկոմիտեն կարող է իրեն իրավունք վերապահել եւ որոշ սահմանափակումներ դնել, թե որ երկրից քանի թիմ մասնակցի, չնայած այսքան ժամանակ լուրջ սահմանափակում չի եղել: Օլիմպիադային մասնակցող թիմը պետք է բաղկացած լինի 7 հոգուց՝ 3-ը՝ մաթեմատիկ, 2-ը՝ ֆիզիկ, 2-ը՝ ինֆորամատիկ. եթե թիմը լիարժեք չէ, թիմային մրցույթին չի մասնակցում, մասնակցությունը անհատական է:

- Իսկ ինչպե՞ս են ընտրվում  օլիմպիադային մասնակցող աշակերտները եւ թիմերի ղեկավարները:

- Որոշումը՝ ինչպես եւ ով մասնակցի, որոշվում է դպրոցի ներսում, այսինքն՝ յուրաքանչյուր դպրոց ինքն է որոշում այդ կազմը: Մեր դպրոցում խմբակներ են կազմակերպվում, երեխաները տարբեր միջազգային մրցույթների են մասնակցում, եւ այս տարի մենք նախապատվությունը տվել ենք հենց այդ մրցույթներում լավագույն արդյունք ցուցաբերած աշակերտներին: Բայց տարի է եղել նաեւ, որ Ժաուտիկովյան օլիմպիադայի համար առանձին մրցույթ ենք անցկացրել: Թիմերի ղեկավարները եւս ընտրվում են նույն ձեւով: Ըստ կանոնակարգի՝ ամեն թիմ մի ղեկավար պետք է ունենա՝ կա՛մ մաթեմատիկայի, կա՛մ ֆիզիկայի եւ կա՛մ ինֆորմատիկայի մասնագետ: Ղեկավարներին եւս ընտրում է դպրոցը:

Մենք ընտրությունները ծանոթ-բարեկամով չենք կատարում, որովհետեւ դպրոցի, երկրի հեղինակության խնդիր կա: Ղեկավարների ընտրությունը կատարում ենք նրանց միջեւ, ովքեր տարբեր տարիների գնում են միջազգային օլիմպիադաների՝ որպես Հայաստանի թիմերի ղեկավարներ: Այս տարի մեր թիմերի ղեկավարներ նշանակվեցին Գուրգեն Ասատրյանը եւ Արմեն Անդրեասյանը:

- Ինչպե՞ս են  անցկացվել նախապատրաստական պարապմունքները, դժվա՞ր չէր կորոնավիրուսով պայմանավորված սահմանափակումների դեպքում հանդիպումներ կազմակերպելը եւ պարապմունքները անցկացնելը: 

- Երեխաների հետ պարապմունքները անցկացվել են ե՛ւ հեռավար, ե՛ւ առկա եղանակով, ինչպես թույլ են տվել պայմանները: Սակայն բովանդակային խնդիրներ չենք ունեցել:

- Պարո՛ն Նավասարդյան, Ժաուտիկովյան օլիմպիադայի՝ այս տարվա առցանց եղանակով անցկացնելը արդյոք օբյեկտիվության խնդիր չի՞ առաջացնում:

 - Կարելի է ասել՝ ոչ: Օնլայն օլիմպիադաների անցկացումը ամբողջ աշխարհում այսօր դարձել է արդիական: Նույն միջազգային ձևաչափով մենք էլ օլիմպիադաների մարզային եւ հանրապետական փուլեր ենք անցկացրել: Այս տարի մեր դպրոցի 2 թիմերը Ժաուտիկովյան օլիմպիադային մասնակցել են երկու տարբեր դասարաններում. դա պարտադիր պայման է. յուրաքանչյուր թիմ մի ղեկավարի հետ պետք է գտնվի մեկ դասարանում: Դասարաններում տեղադրված են եղել տեսախցիկներն այնպես, որ ոչ մեկը կադրից դուրս չլինի: Այդ ընթացքում ոչ ոք դասարանից դուրս գալ չի կարող: Այս առումով անաչառությունը լրիվ պահպանված է լինում:

- Ո՞ր լեզվով են կազմված լինում առաջադրանքները, ինչպե՞ս է կազմակերպվում առաջադրանքները թարգմանելու գործընթացը:

- Օլմպիադան սկսելուց երկու ժամ առաջ առաջադրանքները ուղարկվում են ռուսերեն ու անգլերեն, թիմի ղեկավարները անհրաժեշտության դեպքում թարգմանում են տեսախցիկների հսկողության տակ եւ հետ ուղարկում: Ընդ որում, այդ ընթացքում թարգմանիչը ոչ մի տեղ գնալու, հեռախոս օգտագործելու հնարավորություն չունի: Արդեն թարգմանված տարբերակները օլիմպիադան անմիջապես սկսվելուց առաջ են ուղարկում: Օլիմպիադան տեւում է չորսուկես ժամ: Աշխատանքի ավարտից հետո երեխաները գրավորները փոխանցում են ղեկավարին, ով սքանավորոմ է անում եւ ուղարկում Ալմաթի:  Դրա համար եւս տրված է հստակ ժամանակ. պետք է հասցնեն ժամանակին սքանավորել եւ ուղարկել: Դրան հաջորդում է բողոքարկման փուլը:

- Սմբատ Գոգյանի ֆեյսբուքյան գրառումից տեղեկացանք, որ տեխնիկական խնդիրներ են եղել. կմանրամասնե՞ք:

- Ինֆորմատիկա առարկայի հետ կապված խնդիրներ չեն առաջացել, քանի որ երեխաները մուտք են գործել համակարգ, որտեղ երեւում է, թե ով ինչ առաջադրանք է կատարում  եւ ինչպես է գնահատվում: Ղեկավարները, ժյուրիի անդամները եւս կարող են տեսնել, թե որ երեխան որ առաջադրանքը լուծեց, քանիսը լուծեց: Այսինքն՝ հենց օլիմպադիան ավարտվեց, արդյունքները հայտնի դարձան, ո՛չ բողոքարկում կար, ո՛չ ստուգում. միավորը միանգամից պարզ է դառնում: 

Տեխնիկական խնդիրները եղել են մաթեմատիկա առարկայից միայն մեկ հոգու հետ կապված՝ Ռուբեն Համբարձումյանի: Նրա կատարած առաջադրանքը սքան անելու եւ ուղարկելու խնդրի մեջ է եղել բացթողումը. աշխատանքները սքանավորող ղեկավարի մոտ դանդաղ է գնացել գործընթացը: Սքանը դանդաղ էր աշխատում. դե մեզ չէին ասել, որ հզոր սքաներներ են պետք: Ես դիմել եմ օլիմպիադայի կազմկոմիտեի ղեկավարին, բացատրել բացթողման պատճառները, սակայն միավորը բարձրացնել չի հաջողվել: Այս տարի, անցած տարիների համեմատ, մեծ թվով երեխաներ են մասնակցել՝ 1005, մինչդեռ նախորդ տարիներին մասնակցում էր 400-450 երեխա: Գուցե նաեւ այս առումով օլիմպիադայի արդյունքները ժամանակին ամփոփելու եւ այլ տարբեր խնդիրներ առաջացան նաեւ հենց օլիմպիադան կազմակերպողների մոտ: Մեր բողոքարկման արդյունքում երեք հոգու գնահատականը բարձրացավ չորս միավորով, եւ արծաթի փոխարեն ստացանք  ոսկե մեդալներ:

Հիշեցնենք, որ «Մաթեմատիկա», «Ֆիզիկա» եւ «Ինֆորմատիկա» առարկաներից կազմակերպվող Ժաուտիկովյան օլիմպիադան այս տարի անցկացվել է առցանց, որին Հայաստանից մասնակցել են Ա. Շահինյանի անվան ֆիզիկամաթեմատիկական հատուկ դպրոցի երկու թիմ, իսկ «Քվանտ» վարժարանից՝ մեկ թիմ: Ֆիզմաթ դպրոցի մեկ թիմը նվաճել է 3 ոսկե և 3 արծաթե մեդալներ՝ արժանանալով պատվավոր մրցանակի, իսկ երկրորդ թիմը՝ 2 ոսկե և 2 արծաթե մեդալների:

Մարիամ Գեւորգյան

Տպել
988 դիտում

Պատերազմից ընդամենը 3 ամիս անց քաղաքական ուժերի օրակարգը որևէ աղերս չունի մեր առջև ծառացած մարտահրավերների հետ.Թանդիլյան

Ռուսաստանի Դաշնության խորհուրդը մեկնաբանել է Հայաստանում ստեղծված իրավիճակը

Պետք է ժամանակին սկսել պատվաստումները՝ կենդանիներին վտանգավոր հիվանդություններից ու վարակներից զերծ պահելու համար. ՍԱՏՄ

Ընդդիմադիրները երթով շարժվեցին դեպի Ազգային ժողովի շենք

ՀՀ քննչական կոմիտեն հորդորում է ցուցաբերել զգոնություն և զսպվածություն, չտրվել տարաբնույթ սադրանքների

«Արարատը» հաղթեց «Արարատ-Արմենիային» և գլխավորեց մրցաշարային աղյուսակը

ՀՀ զինված ուժերը լիարժեք իրականացնում են մեր Հայրենիքի սահմանների պաշտպանությունն ու ապահովում անվտանգությունը. ՊՆ

Օնիկ Գասպարյանը չի կարող բանակը հանել ժողովրդի դեմ. ես դա թույլ չեմ տա. Փաշինյան

Հայաստանի և Իսրայելի բարեկամության ծառուղում հուշաքարը պղծած 36-ամյա տղամարդը հայտնաբերվել է

Ուսանողներին «Զեյթուն ուսանողական ավանի» հանրակացարանում բնակվելու հնարավորություն կտրվի՝ կեցության վճարի փոխհատուցմամբ

Հենց հիմա վերադարձեք եւ ապահովեք ՀՀ անվտանգությունը. ՀՀ վարչապետը ելույթի սկզբում կոչով դիմեց բարձրաստիճան սպաներին

«Ուրարտուն» դարձավ Հայաստանի գավաթի խաղարկության քառորդ եզրափակչի վերջին մասնակիցը

Մարտունիում կիրականացվի չպայթած զինամթերքի ոչնչացում

ՀՀ և ՌԴ ԱԳ նախարարները տարածաշրջանային անվտանգության խնդիրներ են քննարկել

ԳՇ նախկին պետ Յուրի Խաչատուրովը մասնակցում է ընդդիմության հանրահավաքին

Բոլորիդ զգաստության, սթափության ու զսպվածության կոչ եմ անում. ՀՀ նախագահ

Գյումրիից մեքենաները շարժվեցին դեպի Հանրապետության հրապարակ. Շիրակի մարզպետը ևս նրանց թվում է

Արթուր Դավթյանը ևս երեք ոսկե մեդալ է նվաճել, օղակների վարժությունում հաղթել է Արթուր Ավետիսյանը

Ազատության հրապարակի մոտով անցնելիս միջադեպ տեղի ունեցավ Փաշինյանի աջակիցների ու ընդդիմադիրների միջեւ. երթն ավարտվեց

Անկախ պատգամավոր Արման Բաբաջանյանը Հանրապետության հրապարակում է

Դատախազությունը հետամուտ է լինելու երկրում իրավակարգի պահպանությանը. հայտարարություն

ՀՀ ոստիկանությունը բոլորին հորդորում է խստագույնս պահպանել հասարակական կարգը, ցուցաբերել զգոնություն և զսպվածություն

Մեր ընդդիմությանը ծափերով ենք ողջունում. Նիկոլ Փաշինյանի գլխավորած երթը շարունակվում է

Մայր Աթոռը անթույլատրելի և կործանարար է համարում իրավիճակի հետագա սրումը

«Ամենատարբեր լուրեր են տարածում, թե ինքնաթիռ ենք պատրաստել, պատրաստվում ենք փախչել. մենք էստեղ ենք». վարչապետ

ԱԺ «Իմ քայլը» խմբակցությունը սատարում է ՀՀ վարչապետին՝ կոչ անելով դուրս գալ հրապարակ. հայտարարություն

ՀՀ վարչապետը նախազգուշացնում է հեղաշրջման փորձի մասին, երբ բանակը պահանջում է իր հրաժարականը

«Հայաստանի ներսում մենք թշնամի չունենք». Նիկոլ Փաշինյանի գլխավորությամբ երթ է սկսվել

ԱԱԾ-ն հորդորում է զերծ մնալ ազգային անվտանգությանը սպառնացող գործողություններ իրագործելուց

Նիկոլ Փաշինյանի կոչից հետո քաղաքացիները հավաքվել են Կառավարության գլխավոր շենքի մոտ

Պաշտոնական Մոսկվան կոչ է անում բոլոր կողմերին հանդարտություն ցուցաբերել. Պեսկով

ԳՇ հայտարարությունն ակնհայտ քաղաքական ենթատեքստ ունի. Անդրանիկ Քոչարյան

Կրեմլը մեկնաբանել է Հայաստանում ստեղծված իրավիճակը

«Հայրենիքի փրկության շարժման» առաջնորդները շտապ հավաք են կազմակերպել Ազատության հրապարակում

Որևէ դեպքում չի կարելի ժողովրդին տանել բախումների, քանզի այն լի է մի շարք տեսանելի ու անտեսանելի վտանգներով. Ցոլակյան

Չի կարելի թույլ տալ լարվածության բերող որևէ զարգացում. Արման Թաթոյան

Պաշտպանության նախարարին հրահանգված է ապահովել զինված ուժերի բնականոն աշխատանքը. վարչապետ

Հարգելի շիրակցիներ, Գյումրու Վարդանանց հրապարակից շարժվում ենք դեպի Հանրապետության հրապարակ. պատգամավոր

ԲԴԽ-ն այսօր կքննի Ջհանգիրյանի լիազորությունները դադարեցնելու հարցով դիմած դատավորին պատասխանատվության ենթարկելու հարցը

Հանրապետության հրապարակում ելույթ կունենամ ժամը 16.00-ին. Նիկոլ Փաշինյան