Արմեն Թավադյանի պաշտպանը միջնորդեց անթույլատրելի ապացույց ճանաչել նրա տնից առգրավված քարերն ու դրամական միջոցները

Երեւանի ընդհանուր իրավասության դատարանի Կենտրոն եւ Նորք Մարաշ նստավայրում դատավոր Կարեն Ֆարխոյանի նախագահությամբ ավելի քան մեկամսյա դատարանից հետո այսօր կայացավ «5-րդ ալիք»-ի սեփականատեր Արմեն Թավադյանի, Ռոբերտ Քոչարյանի աջակիցներ Սերգեյ Սաժումյանի, Գեւորգ Բաքարյանի եւ Վարուժան Ավետիսյանի գործով դատական նիստը, որի ընթացքում քննարկվեց Թավադյանի պաշտպան Հովհաննես Խուդոյանի միջնորդությունը՝ քրեական գործի որոշ ապացույցներ անթույլատրելի ճանաչելու, գործից հեռացնելու եւ Թավադյանին վերադարձնելու մասին։

Արմեն Թավադյանը մեղադրվում է երկու տարբեր քրեական գործերով, որոնք դատարանի որոշմամբ միացվել եւ քննվում են մեկ վարույթում։ Առաջին գործը վերաբերում է 2019 թվականի մայիսի 13-ին Ռոբերտ Քոչարյանի խափանման միջոցի քննարկմանը զուգահեռ Երեւանի ընդհանուր իրավասության դատարանի Նոր Նորքի նստավայրի բակում քաղաքացիական ակտիվիստ Վարդգես Գասպարիի մասնակցությամբ տեղի ունեցած միջադեպին։ Գասպարին, հիշեցնենք, բողոքի ակցիա էր իրականացնրել դատարանի դիմաց՝ «Ռոբիկ սրիկա, Ռոբիկ մարդասպան» պաստառը ձեռքին, ինչով պայմանավորված նրա եւ Քոչարյանի աջակիցների միջեւ բախում էր եղել։ Դեպքի առթիվ հարուցվել էր քրեական գործ ՀՀ քրեական օրենսգրքի 258 հոդվածի 3-րդ մասի հատկանիշներով՝ մի խումբ անձանց կողմից կատարված խուլիգանության հատկանիշներով։ Նույն հոդվածով մեղադրանք էր առաջադրվել ինչպես Արմեն Թավադյանին, այնպես էլ Քոչարյանի աջակիցներ Սերգեյ Սաժումյանին եւ Գեւորգ Բաքարյանին։ Գասպարին այս գործով ճանաչվել է տուժող:

Երկրորդ գործի շրջանակում Թավադյանին, ինչպես  նաեւ Վարուժան Մկրտչյանին մեղադրանք է առաջադրվել ՀՀ ՔՕ-ի 340-րդ հոդվածի 4-րդ մասի 1-ին կետով՝ կազմակերպված խմբի կողմից Մարտի 1-ի գործով տուժողներից մեկին սուտ ցուցմունք տալու դիմաց կաշառք առաջարկելու համար։ Գործով անցնող անձինք առաջադրված մեղադրանքները չեն ընդունում։

Այսօրվա դատական նիստին դատարան էին ներկայացել դատախազներ Արսեն Մարգարյանը եւ Ցոլակ Մնացականյանը։ Վերջինս նախկինում գործի քննությանը չի մասնակցել, այժմ փոխարինում է գործով մեկ այլ դատախազ Ալիկ Ստեփանյանին։ Դատարանի որոշմամբ Ցոլակ Մնացականյանն այսօր քրեական գործով ներգրավվեց որպես մեղադրող։

Այնուհետեւ ամբաստանյալ Արմեն Թավադյանի պաշտպան Հովհաննես Խուդոյանը դատարանին միջնորդեց անթույլատրելի ճանաչել Թավադյանի բնակարանի խուզարկությամբ հայտնաբերված եւ քրեական գործով որպես իրեղեն ապացույց ճանաչված դրամական միջոցները եւ կիսաթանկարժեք քարերը։ Պաշտպանը հիշեցրեց, որ այդ իրերի առգրավումը Երեւանի ընդհանուր իրավասության դատարանի մեկ այլ դատավորի որոշմամբ ճանաչվել է ոչ իրավաչափ, քանի որ այդպիսի առարկաների առգրավում խուզարկության որոշմամբ թույլատրված չի եղել․ «Դատական այդ ակտը բողոքակվել է եւ Վերաքննիչ դատարանի կողմից չի բեկանվել, ուստի այժմ ստացվում է, որ քրեական գործի քննության ընթացքում վարույթն իրականացնող մարմինը դատարանի թույլատրած ծավալներից դուրս առգրավել է առարկաներ, որոնց կապը քրեական գործի հետ առ այսօր մատնանշված չէ»։

Պաշտպանի խոսքով՝ նույն քննիչի հետ նույնական հանգամանքներում խնդիր է եղել նաեւ գույքի վրա դրված կալանքի հարցով, սակայն այդ խոչընդոտը հեշտ հաղթահարվել է, եւ արգելանքը հանվել է, եւ ըստ պաշտպանի՝ դրանից հետո վարույթն իրականացնող մարմինը հնարամտություն է դրսեւորել՝ փորձելով լրացուցիչ խոչընդոտներ ստեղծել։

Հովհաննես Խուդոյանը նշեց, որ դրամական միջոցների առկայության, դրանց թվի փաստը ոչ ոք կասկածի տակ չի դնում, բայց դրանք չեն կրում իրենց վրա հանցագործության որեւէ հետք, չեն հանդիսանում ապօրինի ճանապարհով ձեռքբերված միջոցներ եւ մեղադրանքի շրջանակում ոչինչ չեն հաստատում։

Պաշտպանական կողմն ամբողջությամբ միացավ միջնորդությանը, իսկ մեղադրող կողմն առարկեց դրա դեմ (տուժող կողմից ոչ ոք նիստին ներկա չէր,- խմբ․)։ Մասնավորապես, մեղադրող դատախազ Արսեն Մարգարյանը կարծիք հայտնեց, որ այդ ապացույցների իրավաչափության վերաբերյալ մեկ այլ դատարանի դիրքորոշումը չի կարող կանխորոշիչ լինել այս դատարանի համար, եւ այդ ապացույցների իրավաչափությունը պետք է քննվի ապացույցների հետազոտման փուլում․ «Դատարանը, գործն ըստ էության քննելով, ապացույցների հետազոտության արդյունքում է կարող եզրահանգել՝ այս կամ այն առարկան ձեռք է բերվել օրենքով սահմանված կարգով, համապատասխանում է իրեղեն ապացույցների ճանաչման օրենսդրական պահանջներին թե ոչ, այսինքն՝ առանց նյութերի հետազոտման այս փուլում դատարանը չպիտի քննարկի միջնորդությունը, առնվազն պիտի հետաձգի այն»։

Անդրադառնալով պաշտպանի այն պնդմանը, որ խուզարկության արդյունքում առգրավվել են առարկաներ, որոնք խուզարկության թույլտվության որոշման մեջ նշված չեն եղել, մեղադրողը կարծիք հայտնեց, որ պրակտիկայում վարույթն իրականացնող ոչ մի մարմին չի կարող սպառիչ թվարկել, թե կոնկրետ ինչ առարկաներ է ցանկանում հայտնաբերել ու վերցնել, միշտ թվարկում են որոշակի առարկաներ եւ քրեական գործի հետ կապ ունեցող այլ իրեր․ «Կարող է որոշակի ողջամիտ սահման լինել, թե ինչ է ակնկալվում առգրավել, բայց սպառիչ ցանկով այնպիսի որոշում, ինչպիսին դատարանն էր գրել, ես չէի հանդիպել»։

Արսեն Մարգարյանի համոզմամբ՝ վարույթն իրականացնող մարմինը, այդ առարկաները իրեղեն ապացույց ճանաչելով, փաստել է, որ դրանք գործի փաստական հանգամանքները պարզելու միջոց են, ինչին ինքը եւս համաձայն է։

Դատախազ Ցոլակ Մնացականյանը միջնորդության վերաբերյալ դիրքորոշում առայժմ չհայտնեց։ Հաշվի առնելով, որ նա ծանոթ չէր քրեական գործի նյութերին՝ դատարանից ողջամիտ ժամկետ խնդրեց ծանոթացման համար եւ միջնորդեց այդ հիմքով այսօրվա նիստը հետաձգել։

Նախագահող դատավոր Կարեն Ֆարխոյանը բավարարեց Ցոլակյանի միջնորդությունը՝ միաժամանակ որոշելով հետաձգել պաշտպանի միջնորդության քննությունը։ Դատավորը պարզաբանեց, որ ապացույցները հետազոտելիս ինքն այսպես թե այնպես անդրադառնալու է դրանցից յուրաքանչյուրի թույլատրելի կամ անթույլատրելի լինելու հարցին։

Հաջորդ դատական նիստը նշանակվեց դեկտեմբերի 24-ին՝ ժամը 14։30-ին։

Տպել
1116 դիտում

Ջաբրայիլում ականապայթյունային վիրավորումներ է ստացել Ադրբեջանի ականազերծման կենտրոնի աշխատակիցը

Եթե վարույթ հարուցվի՝ իմ տեսակետը կարտահայտեմ. Ջհանգիրյանը՝ զինված հեղաշրջման կոչեր հնչեցրած անձանց չկալանավորելու մասին

Ինձ թվում էր, որ իմ այնտեղ գնալը նրանք պետք է աղուհացով դիմավորեին․ Ջհանգիրյանը՝ ԲԴԽ նախագահի հայտարարության մասին

ԱՄՆ պետքարտուղարը վերահաստատում է Բայդենի խոստումը Հայոց ցեղասպանության վերաբերյալ

Ավագ դպրոցներում ստեղծվել են բնագիտական առարկաների գծով լաբորատորիաներ․ ԿԳՄՍՆ

Երբեք մեր դատական համակարգին ու դատավորներին այսպիսի վճարունակ կլիենտներ չեն հասել. ԲԴԽ անդամի թեկնածու

Բ. Սահակյանի նախկին թիկնապահի դին հայտնաբերվել է գլխի հրազենային վնասվածքով, հարուցվել է քրգործ. ԱՀ ՔԿ-ն մանրամասնում է

Հարևանությամբ այնպիսի դղյակներ կան, որ մեր տունը գոմի է նման․ Գագիկ Ջհանգիրյանը ՝ իր ունեցվածքի մասին

Ցավոք, նոր իշխանության եկած ուժը դատական համակարգի զտման ուղղությամբ գործնական քայլեր չի արել. Ջհանգիրյան (տեսանյութ)

Դատարանը մերժեց Քոչարյանի գործով Արթուր Դավթյանին եւ մյուս դատախազներին հայտնված բացարկի միջնորդությունը

Ակնկալում եմ, որ առաջ կմղվեն հայ-ամերիկյան բարեկամական հարաբերությունները. Ա. Սարգսյանը շնորհավորել է Ջո Բայդենին

Աշխատանք փնտրողներին կօգնեն դառնալ առավել մրցունակ. վերսկսում է «Զբաղվածության դպրոց» ծրագրի հայտերի ընդունումը

Գիշերը Ստեփանակերտում հայտնաբերվել է Բակո Սահակյանի անվտանգության ծառայության նախկին աշխատակցի դին

Մշակվել է դպրոցներում էլեկտրոնային ուսուցման կարողությունների զարգացման ծրագիր

Ջհանգիրյանն ու Խաչատուրյանը ԱԺ նիստերի դահլիճում են. հրապարակվեց Ջհանգիրյանի կենսագրությունը

ՎՏԲ-Հայաստան Բանկը ֆինանսավորել է «Երևանի շամպայն գինիների գործարան» ԲԲԸ-ին

Պետական սահմանների որոշման գործընթացի ոչ լեգիտիմ լինելու և կոպիտ խախտումների մասին ՄԻՊ-ը դիմել է ԵԱՀԿ-ին, ՄԱԿ-ին, ԵԽ-ին

Խորհրդարանն այսօր ընտրելու է ԲԴԽ նոր անդամների․ մինչ այդ ընդդիմադիրները բողոքի ակցիա են իրականացնում ԱԺ-ի դիմաց

Լուրը, թե պաշտպանության նախարարությունը կրճատել է աշխատակիցների աշխատավարձերը, չի համապատասխանում իրականությանը

Հայաստանի ու Արցախի ղեկավարները ԱԽ խորհրդակցություն են անցկացրել

Google-ը սպառնացել է անջատել ինտերնետի որոնումը Ավստրալիայում

Շուշիի վերաբերյալ Նիկոլ Փաշինյանի խոսքը մանիպուլացվել և խեղաթյուրվել է. տեղեկատվության ստուգման կենտրոն

Երկու շաբաթ զինվորները հսկում էին Կապիտոլը և քնում այնտեղ. հիմա նրանց դուրս վռնդեցին փողոց. BBC

Կորցրած հէկերը ենթակայաններով մոտ 200 մլն դոլարի կարող են հասնել․ փոխնախարար

Հաստատվել է կորոնավիրուսային հիվանդության 183 նոր դեպք. գրանցվել է 9 մահ

19-ամյա երիտասարդի սպանության գործով ձերբակալվել է Օշականի 20-ամյա բնակիչ

Գողություն, սպանություն, ընտանեկան բռնություն. ոստիկանության 1-օրյա ամփոփագիրը

Չպայթած զենք-զինամթերքի վնասազերծման աշխատանքներ են այսօր նախատեսվում ԱՀ Մարտունի քաղաքում

Հրդեհ Դիլիջանում. դեպքի վայր է մեկնել հրշեջների 2 մարտական հաշվարկ

Լարսը շարունակում է փակ մնալ բեռնատարների համար. ռուսական կողմում 820 բեռնատար կա կուտակված

Վրաստանի վարչապետը ՄԻԵԴ-ի դատարանի որոշումը պատմության ամենակարեւոր օրերից է համարում

ՀՀ տարածքում կան փակ եւ դժվարանցանելի ավտոճանապարհներ, մերկասառույց

Հայաստանի տարբեր մարզերում արգելափակումից դուրս է բերվել 15 ավտոմեքենա

Մայրաքաղաքում և մարզերում էլեկտրաէներգիայի մինչեւ 6-ժամյա պլանային անջատումներ են սպասվում

Երկրաշարժ Նախիջևան-Հայաստան սահմանային գոտում. էպիկենտրոնում ուժգնությունը կազմել է 5 բալ

Փետրվարին կուսակցությունների հիմնադրման բում է սպասվում. որոշները փոքր-ինչ տարօրինակ անուններ ու նպատակներ ունեն

Որ մարմիններն են ենթակա լինելու Ներքին գործերի նախարարությանը եւ ինչ կառուցվածքային ստորաբաժանումներ են լինելու․ նախագիծ

Պատերազմի ընթացքում Ադրբեջանի զինվորականների կողմից հայերին խոշտանգելն ու տանջելն ուներ խորքային պատճառ. ՄԻՊ

ՀՀ պետական սահմանի հայ-ադրբեջանական շփման գծի ամբողջ երկայնքով շարունակում է պահպանվել կայուն օպերատիվ իրավիճակ

Ավելի քան 2320 մարդ օգնության խնդրանքով դիմել է Ստեփանակերտում գործող ընդունելության կենտրոն