Ադրբեջանի ԱԳՆ-ի հայտարարությունը՝ կապված լրագրողների վիրավորվելու հետ, միջազգային մարդասիրական իրավունքի կոպիտ խախտում է

Ուսումնասիրել եմ Ադրբեջանի ԱԳՆ հայտարարությունը: Ես որպես ՄԻՊ, երբևէ չեմ մեկնաբանել որևէ պետության գերատեսչության հայտարարություն, բայց քանի որ սա վերաբերում է լրագրողներին, և նաև զինված հարձակումների պայմաններում Արցախում աշխատանքին, հարկ եմ համարում անպայման անդրադառնալ:

Այս մասին Հայկական միասնական տեղեկատվական կենտրոնի բիֆինգի ժամանակ հայտարարել է ՀՀ ՄԻՊ Արման Թաթոյանն ու ընդգծել, որ Ադրբեջանի ԱԳՆ հայտարարությունը բացարձակ անընդունելի է միջազգային իրավունքի տեսանկյունից: Կոպիտ խախտվում է միջազգային մարդասիրական իրավունքը, փորձ է պատասխանատվությունը վերափոխել Ադրբեջանի կողմից կատարվող գործողություններից:

«Հայտարարության մեջ, օրինակ նշվում է, թե արտասահմանցի լրագրողներին նպատակաուղղված կերպով վտանգավոր տարածքներ տեղափոխելը ցույց է տալիս, որ Հայաստանի ղեկավարությունն անտեսում է լրագրողների անվտանգության հետ կապված պարտավորությունները, արտասահմանցի լրագրողներին օգտագործում է ապօրինի քարոզչական նպատակների համար:

Նաև կոչ է արվում և խորհուրդ տրվում արտասահմանցի լրագրողներին Ադրբեջանի և ԼՂՀ շրջակա շրջաններ այցի վերաբերյալ առաջին հերթին ստանալ Ադրբեջանի համաձայնությունը:

Նախ կոնֆլիկտային գոտիներում և զինված հարձակումների վայրերում, լրագրողների աշխատանքը բացարձակ լեգիտիմ է: Հատկապես կարևոր է արտասահմանյան լրագրողների անաչառ աշխատանքը:

Լրագրողների աշխատանքը կոնֆլիկտային գոտիներում և զինված հարձակումների պայմաններում, ինչպիսին օրինակ սանձազերծված է հիմա Արցախում, նպատակ ունի ի ցույց տալ օբյեկտիվ իրականությունը, ի ցույց դնել իրավիճակն ու միջազգային հանրության ուշադրությունը հրավիրել կատարվող իրադարձությունների վրա: 

Այս պահին խոսքը գնում է արտասահմանյան անկախ լրագրողների մասին, որոնք վիրավորումներ ստացան այսօր: Նրանք ոչ թե ՀՀ պետական մարմինների, ոչ թե Ֆրանսիայի պետական մարմինների աշխատակիցներ են, այլ՝ անկախ լրագրողներ են:

Լրագրողների անվտանգությունը ոչ թե պետք է ապահովվի նրանց այդ վայրեր չթողնելով, այլ հակառակը, լրագրողների իրավունքները միջազգային մարդասիրական իրավունքի նորմերով արդեն իսկ ապահովված է, որովհետև լրագրողը հավասարեցված է քաղաքացիական անձի կարգավիճակին, և հետևաբար լրագորղի մուտքը կոնկրետ վայր կոնկրետ գոտի, արդեն ավտոմատ հիմք է, որպեսզի ապահովվի լրագրողի անվտանգ աշխատանքն այդ վայրում:

Մենք ուսումնասիրել ենք, և Ադրբեջանի լրատվամիջոցներից տեղյակ եմ նաև, որ Ադրբեջանում միջազգային լրագրողներին թույլ չի տրվում աշխատել: Սա է հենց խախտումը, որ միջազգային լրագրողները հնարավորություն չեն ունենում այցելել այդ վայրեր:

Իսկ, օրինակ, եթե Արցախը թույլատրում է իրականացնել լուսաբանումներ, ակնհայտ չէ, որ մենք ենք առաջին հերթին շահագրգռված, որ իրադրությունը լուսաբանվի միջազգայնորեն:

Դրանից բացի, ուզում եմ հատուկ նշել, որ կանխավարկածը միշտ լրագրողի օգտին է, առավելևս այս պայմաններում, մենք հատուկ ուսումնասիրել ենք, լրագրողները եղել են  հատուկ տարբերանշանով, գրված PRESS, դրանից բացի եղել են ոչ զինվորական, այլ քաղաքացիական մեքենաներով: Ավելին, Մարտունիում զինված հարձակումը տեղի էր ունեցել քաղաքապետարանի շենքի վրա, որտեղ գտնվել են լրագրողներն ու վիրավորվել:

Ցանկացած կասկածելի իրավիճակում կանխավարկածը միշտ լրագրողի օգտին է, և լրագրողն ունի քաղաքացիական պաշտպանության հատուկ երաշխիք:

Ես ունեմ ԵԱՀԿ խոսքի ազատության հարցերով ներկայացուցչի կողմից ինձ ուղղված պաշտոնական նամակ, որտեղ ուղիղ գրված է, որ լրագրողի աշխատանքը Արցախում կրում է լեգիտիմ բնույթ: Ավելին, այն նպատակ ունի ավելացնել մարդու իրավունքի պաշտպանության երաշխիքները:

Ընդ որում լրագրողի աշխատանքը հատկապես կարևոր է կոնֆիլկտային գոտում, քանի որ այդտեղ հատկապես խոցելի են մարդու իրավունքները»,-հայտարարեց Թաթոյանը:

Տպել
560 դիտում

Հոկտեմբերի 26-ին ուժի մեջ կմտնի հումանիտար հրադադարի վերաբերյալ երրորդ պայմանավորվածությունը

Ֆրանսիայի հայերը լայնամասշտաբ բողոքի ակցիա են իրականացրել Փարիզի սրտում (տեսանյութ)

Կարեն Շաքարյանն ու Հունան Հայրումյանը ԱՀ նախագահի կողմից արժանացել են «Արցախի հերոս» բարձրագույն կոչման

Քաջաբար ելեք հայրենիքի պաշտպանության նվիրական պայքարի, կանգնեք սահմանագծում մարտնչող քաջերի կողքին. Կաթողիկոսի ուղերձը

Այս պահի դրությամբ Արցախի ՊԲ կարիքների համար քնապարկերի անհրաժեշտ քանակը լրացված է. ՊԲ

Պարզ չէ, թե որտեղ է ավարտվում Բաքվի պահանջների և ախորժակի սահմանը. վարչապետն ընդունել է Ֆրանսիայի խորհրդարանականներին

Ահաբեկիչները բողոքում են, որ ադրբեջանցիները նրանցից խլում են ոչ միայն անձնագրերը այլ նաև հեռախոսները. Ա. Հովհաննիսյան

Հակառակորդի՝ այսօր խոցված հերթական ԱԹՍ-ն (լուսանկարներ)

Ադրբեջանում մշակութային գործիչները, մտավորականները հրապարակային խրախուսում և տարածում են ատելություն ու բռնության կոչերը

Թշնամական ոչնչացված հերթական զրահատեխնիկան (տեսանյութ)

Վերլուծությունը փաստել է Ադրբեջանի զինվորի կողմից ծանր վիրավոր հայ զինվորին գնդակահարելու կադրերի իսկությունը

ԱՀ նախագահի հետ քննարկվել են թշնամուն անդառնալի կորուստներ հասցնելու մասին անելիքները

Ադրբեջանական տեսանյութի 8 հայ գերիների մասով Հայաստանը դիմել է ՄԻԵԴ

Աջարահայերն աջակցում են Արցախին. խաղաղ ցույց Բաթումիում. (լուսանկարներ)

Մ. Մայիլյանը շնորհակալական նամակ է հղել Ավստրալիայի Նոր Հարավային Ուելս նահանգի պատգամավորին

Պատերազմը հենց մեր հայերն են ավարտելու, ու սա լինելու է վերջինը. արցախցի 4 երեխաների մայր

Ամենայն Հայոց կաթողիկոսը հանդես կգա ուղերձով

Կրակային դիրք, դիտակետեր, շարասյուներ ոչնչացնելու, կրակի տակ վիրավորներին դուրս բերելու համար կպարգևատրվեն զինծառայողներ

Արտակ Բեգլարյանը այցելել է Ստեփանակերտի և Շուշիի մի շարք ապաստարաններ (լուսանկարներ)

Արցախի ՊԲ-ն հրապարակել է ղարաբաղա-ադրբեջանական սահմանի մարտերում զոհված եւս 11 զինծառայողի անուն