Ես պատրաստ եմ զոհվելու հանուն մեր հայրենիքի, հայ ժողովուրդը ծնկած չի եղել և չի լինի. Նիկոլ Փաշինյան (տեսանյութ)

27/09/2020 schedule18:49

Սա, ըստ էության, Ադրբեջանի փորձն է՝ Արցախի հարցը  լուծել ռազմական ճանապարհով և Լեռնային Ղարաբաղը օկուպացնել։ Սա ակնհայտ ագրեսիայի գործողություն է։ Հաշվի առնելով այն հանգամանքը, որ ստեղծված ռազմաքաղաքական իրավիճակում կա նաև Հայաստանի սահմանների վրա հարձակման անմիջական սպառնալիք Հայաստանի Հանրապետության կառավարությունը հայտարարել է ռազմական դրություն և ընդհանուր զորահավաք։ Ազգային ժողովի հատուկ նիստում իր ելույթում ասաց վարչապետ Նիկոլ Փաշինյանը։

Վարչապետի տեղեկացմամբ՝  այս պահի դրությամբ փաստացի իրականացվում է առաջին շարակարգի՝ այսինքն՝ մասնակի զորահավաք։ «Մենք որոշել ենք հենց այդպիսի որոշում ընդունել, որպեսզի իրավիճակին, ըստ անհրաժեշտության, օպերատիվ արձագանքելու հնարավորություն ունենանք»։

Փաշինյանը նշեց՝ Արցախի Պաշտպանության բանակը շփման գծի ողջ երկայնքով՝ հատկապես Արցախի Հանրապետության հյուսիս-արևելքում և հարավ-արևելքում մղում է մարտեր։ «Իրադրությունը լարված է, ես հասկանում եմ, որ մեզ բոլորիս հետաքրքրում է իրավիճակի մանրամասները։ Ցավոք սրտի, մենք ունենք զոհեր, ընդ որում՝ քանի որ ի սկզբանե թիրախավորվել են նաև քաղաքացիական ենթակառուցվածքները, զոհեր ունենք ոչ միայն  զինվորականների, այլև քաղաքացիական անձանց շրջանում։ Հարված է հասցվել նաև Արցախի մայրաքաղաք Ստեփանակերտին, այլ բնակավայրերին և Պաշտպանության բանակը կատարում է իր առջև դրված խնդիրը՝ կանգնեցնելով Ադրբեջանի հարձակումը և ադրբեջանական ագրեսիան»։

Վարչապետի խոսքով՝  ֆիքսված որևէ իրավիճակ չունենք։ «Իրավիճակը գտնվում է զարգացման մեջ, և մեր զինվորականները ասում են, որ իրավիճակի գնահատականը հետևյալն է, որ լարված է, բայց առայժմ ամբողջական գնահատական տալու համար վաղ է»։

Կառավարության ղեկավարն ընդգծեց ՝ տեղի ունեցածի մեջ ռազմավարական առումով անսպասելի որևէ բան չկա։ «Բանակցային գործընթացում Ադրբեջանը երկար տարիներ հետևողականորեն զարգացրել է այս գիծը․ կա՛մ մենք հրաժարվում ենք Արցախի հայության իրավունքներից, ինքնորոշման իրավունքից, կա՛մ ստանում ենք պատերազմ։ Այս կոնտեքստն է, որ այսօր մեզ բերում է այսպիսի կոնֆլիկտի»։

Գործադիրի ղեկավարը  նշեց՝ Հայաստանի Հանրապետությունը, հայ ժողովուրդը, պետք է ամուր և միանշանակ կանգնի Արցախի ժողովրդի իրավունքների և ընդհանրապես հայ ժողովրդի իրավունքների պաշտպանության դիրքերում։ «Չափազանցություն չլինի ասել՝  սա մեր հազարամյա գոյամարտի հերթական և նույնիսկ գուցե ամենակարևոր հանգրվանն է, մենք պետք է տանք մի պարզ հարցի»։

ՀՀ վարչապետը հայտարարեց՝ պատրաստ է զոհվել հանուն  հայրենիքի։ «Այսօր ես չեմ եկել ասելու՝ որպես գերագույն հրամանատար, թե ինչի են պատրաստ մեր զինվորները, մեր գեներալները։ Այսօր ես եկել եմ ասելու, թե ինչի եմ պատրաստ ես։ Ես պատրաստ եմ զոհվելու հանուն մեր հայրենիքի, հայ ժողովուրդը ծնկած չի եղել և չի լինի, հայ ժողովուրդը ամուր ողնաշարով, պարզ մտքով պետք է կանգնի այս հողի վրա։

Փաշինյանը նշեց՝ այսօր  մի ուղերձ ունենք հղելու իրար ու աշխարհին։ «Մենք պետք է նայենք իրար աչքերի մեջ և ասենք․ մենք պատրաստ ենք զոհվելու հանուն  մեր հայրենիքի, մենք մեր հայրենիքի ոչ մի միլիմետր չենք զիջի, մեր իրավունքը ոչ մի միլիմետր չենք զիջի։ Մենք պիտի հաղթենք, որովհետև մենք պարտվելու իրավունք չունենք։ Հայ ժողովուրդը պետք է գոյություն ունենա։ Հայաստանի Հանրապետությունը պետք է գոյություն ունենա հավիտյան, Արցախը պետք է ապրի և Արցախը պետք է լինի ինքնորոշված, անկախ, ինքնուրույն, հզոր, հպարտ ինչպես այսօր է, ինչպես եղել է, և ուրեմն այսօրվա մեր նիստը միասնության, վճռականության և հաղթանակի մասին է։ Պատրաստեք ձեզ հաղթականի, պատրաստեք ձեզ նվիրումի, պատրաստեք ձեզ զոհողության, որովհետև սա վճռական ժամանակ է, և մենք միասնական  ենք քան երբևէ»,- եզրափակելով ելույթը՝ նշեց ՀՀ վարչապետ Նիկոլ Փաշինյանը:

Տպել
525 դիտում

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)

Ադրբեջանը օգտագործում է ֆոսֆոր պարունակող զենք, որը զանգվածային ոչնչացման բնույթ ունի. ՀՀ ՄԻՊ (տեսանյութ)

Էգեյան ծովի թուրք-հունական հատվածում երկրաշարժի հետեւանքով 14 զոհ, 542 տուժած կա 2 կողմում. ամփոփ

Պատերազմը սկսելուց հետո որեւէ պատգամավոր պարգևավճար չի ստացել ու չպիտի էլ ստանա. Վահագն Թեւոսյան

Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

ՀՀ և ԱՀ ՄԻՊ-երը Արցախ այցի համատեղ հրավեր են ուղարկել Հայաստանում հավատարմագրված դիվանագիտական ներկայացուցչություններին

Մեր զինված ուժերն ունեն որոշակի դիրքային առավելություններ. ՊՆ ներկայացուցիչ

Լեգիոներների սահմանափակում. ինչպես են թիմերը լուծում խնդիրը

Կապանի Դավիթ բեկ բնակավայրում այսօր մարտական գործողություններ են եղել. Արծրուն Հովհաննիսյան

ԱՄՆ-ն փաստում է՝ Ադրբեջանը վարանում է համաձայնվել առանց նախապայմանների հրադադարին․ Արմենպրես

Հրետակոծության հետևանքով Արցախի Ակնաղբյուր գյուղում սպանվել է 60-ամյա տղամարդ. 6 խաղաղ բնակիչ վիրավոր են. Արցախի ՄԻՊ

Դավիթ Տոնոյանը եւ Ֆրանսիայի դեսպան Ժոնաթան Լաքոտը քննարկել են ռազմական գործողությունների գոտում տիրող իրավիճակը

Եվրոպական մշակութային կոնվենցիայի մասնակից երկրների համաժողովում կոչ է արվել դատապարտել թուրքադրբեջանական ագրեսիան.ԿԳՄՍՆ

Արսեն Թորոսյանը Գեղարքունիքում ծանոթացել է վիրավոր զինվորների և կորոնավիրուս ունեցող պացիենտների բուժման ընթացքին

Ապարանի ոստիկանները Արցախից բերված փամփուշտներ են հայտնաբերել

«Մեր օգնությունը բանակին այսօր առավել քան երբեւէ պետք է»․ քաղաքացին իր անձնական ավտոմեքենան կնվիրաբերի բանակին

1000 դրամների շեմը վերանայելու հարցով քննարկումներ են սկսվել. «կընտրվի այն մոտեցումը, որը լավագույն լուծումը կլինի»

ԱԻՊԾ տնօրենին շնորհվել է փրկարարական ծառայության գեներալ-մայորի կոչում. համակարգի մի խումբ աշխատակիցներ պարգևատրվել են