Պտղունքի հրդեհից տուժած 10 ընտանիքները կտեղափոխվեն գյուղի հին դպրոցի մի հատվածում ապրելու. որտեղ են հիմա նրանք

Արմավիրի մարզի Պտղունք գյուղի երեկվա հրդեհից տուժած 10 ընտանիքները ժամանակավոր տեղավորվել են իրենց բարեկամների եւ ընկերների տանը: Այս մասին «Հայկական ժամանակին» հայտնեց Պտղունքի համայնքապետ Կարապետ Արտենյանը:

«Նույն գյուղից են էլի, մեկը եղբայր ունի, մեկը՝ քույր, մյուսը՝ ընկեր, առանձին ապրող երեխաներ: Ամեն մեկը մի տեղ տեղավորվել է ժամանակավոր»,- ասաց նա: Գյուղապետը նաեւ նկատեց՝ ճիշտ է, առայժմ անտուն մնացածների հարցը լուծված է, բայց երկարաժամկետ չէ: Տուժածների թվում եղել են մի քանի միայնակ ծնողներ, որոնք կարող են իրենց ամուսնացած երեխաների տանն ապրել: Բայց կան նաեւ ընտանիքներ, որոնք 5 եւ ավելի անդամից են բաղկացած եւ ունեն առաջնային լուծման կարիք:

Պտղունքում նոր դպրոց են կառուցում, որը շուտով ավարտին կհասցվի: Ըստ գյուղապետի՝ մտածում են դպրոցի հին շենքից մի հատված հատկացնել տուժած ընտանիքներին:

Հիշեցնենք՝ Պտղունք գյուղի Շիրազի փողոցում հրդեհից այրվել է 10 բնակարան, որից 2-ը՝ մասնակի։ Ընդհանուր տանիքից այրվել է մոտ 1300 քմ հատված։ 

Գյուղապետը հայտնեց, որ վառված տներից ոչ մեկը պիտանի չէ բնակության համար, բայց որոշակի ապրանքներ պահպանվել են: Արտենյանը պատմեց, որ երեկ հրդեհը բռնկվելուն պես միանգամից փրկարարական արագ կանչ են գրանցել, սակայն չի հաջողվել տները փրկել, քանի որ դրանք փայտից էին. «10 րոպեում արդեն բոլորն այստեղ էին՝ փրկարարներով, շտապօգնության մեքենաներով, ճանապարհային ոստիկանության աշխատակիցները ճանապարհներն էին բացում: Շատ օպերատիվ եւ լավ աշխատանք տարան, բայց քանի որ 50-ականներին կառուցված բաղդատից տներ էին, կրակը թափով տարածվում էր, ու հնարավոր չէր ինչ-որ բան անել: Ժամանակին կարողացանք միայն մարդկանց տարհանել, ու, փառք Աստծո, ոչ մի տուժած չկա»:

Արտենյանի խոսքով՝ հրշեջ-փրկարարներին հաջողվել է նաեւ որոշակի գույքի տարհանում իրականացնել. սառնարան, որոշ պիտանի իրեր, սակայն հագուստեղենն ու մնացած օգտագործման պարագաները մնացին տներում, որոնք կրկին հնարավոր է դուրս բերել: «Այսօր առավոտ որոշ մարդիկ մտան իրենց տներ, տեսան, որ անհրաժեշտ պարագաներից՝ երեխաների շորեր եւ այլն, բաներ կան, որ փրկվել են»,- ասաց նա:

Գյուղապետը հայտնեց, որ Արմավիրի մարզպետն այսօր առավոտյան մեծ տոպրակներով սնունդ է ուղարկել ամեն ընտանիքի: Մի քանի օրվա սննդի պաշարը հերթով բաժանել են բոլորին: «Մենք լույս չունեինք, քանի որ համայնքապետարանը մոտիկ էր հրդեհի կենտրոնին: Հիմա արդեն լույս ունենք: Մարդկանց կասեմ, որ այստեղի այգում կարող են իրենց սառնարանները միացնել, հարմարեցնել եւ սնունդը մեջը դնել, չփչանա»,- նկատեց նա:

Արտենյանը նաեւ գրություն է ուղարկելու Արմավիրի մարզպետարան, որպեսզի հանձնաժողով ստեղծվի, ուսումնասիրեն եւ հասկանան՝ ինչքան գումար կպահանջվի բնակչությանն աջակցություն տրամադրելու համար: «Բայց դեռ մի քանի օր պետք է, որ խելքի գանք, այս վիճակն անալիզ անենք: Կներկայացնեմ մարզպետարան, իրենք էլ՝ Կառավարություն, նոր կհասկանանք»:

Ավելի ուշ Արմավիրի մարզպետարանից էլ ՀԺ-ին հայտնեցին, որ դիտարկվում է անտուն մնացածներին ժամանակավոր տրամադրել համայնքի դպրոցի շենքից մեկ հատված: «ՀՀ Արմավիրի մարզպետարանը համայնքի տեղական ինքնակառավարման մարմինների հետ քննարկում է իրավիճակից բխող հետագա գործողությունների հարցը»,- հավելեցին մարզպետարանի լրատվական բաժնից:

ԱԻՆ լրատվականից «Հայական ժամանակին» հայտնեցին, որ այս պահին խնդիրը իրավասու մարմինների տիրույթում է եւ հրդեհի պատճառը կպարզվի Հրդեհային եւ տեխնիկական անվտանգության հետաքննության վարչության ուսումնասիրությունից հետո: Սակայն ավելի վաղ գյուղացիները մասնավոր զրույցում հայտնել էին, թե հոսանքի տատանումից  է կրակը բռնկվել։ Այս գյուղում հոսանքի անջատումներ պարբերաբար են լինում։ Կրակը բռնկվել է գյուղի ամենահին տնից, որը 30- ականների փայտե շինություն է։ 

Տպել
459 դիտում

Ադրբեջանական ագրեսիայի հետեւանքով սեպտեմբերի 28-ից մինչ օրս ՀՀ-ում սպանվել է 11, վիրավորվել՝ 8 անձ․ Ռ․ Վարդանյան

Եթե հանկարծակի կրկնվեց, սաղ խոցելու ենք, ջարդելու ենք. Դավիթ Տոնոյանի մոտ քննարկվել է իրավիճակը ՀՀ հարավային սահմանին

Ադրբեջանում այս պահին կա 17 հայ ռազմագերի․ Ռաֆայել Վարդանյան

Թուրք զինվորականները մեզ սովորեցրել են լեռներում մարտ վարել. ռազմագերի Էմին Բախշալիևի հարցաքննությունը (տեսանյութ)

Արցախից Հայաստան տեղափոխվածները կենսաթոշակի կամ թաղման նպաստի համար կարող են դիմել ՀՀ կառույցներին

Իմ այդ ժեստով ուզում էի խփածս գոլերը նվիրել իմ հայրենակիցներին. Տիգրան Բարսեղյան

Սերժանտը վիրավոր վիճակում, կրակահերթի տակ 50 այլ վիրավոր զինվորի է դուրս բերել, ցուցաբերել օգնություն. մերօրյա հերոսներ

Իսպանիան դիվանագիտական քայլեր ձեռնարկելու՞ է Թուրքիայի և Ադրբեջանի դեմ. սենատի անդամ Գարսիան դիմել է կառավարությանը

Թուրքիայից ժամանած բարձրաստիճան զինվորականները զորամասերում անձամբ են համակարգել մարտական պատրաստության դասընթացները

ՊՆ խոսնակը հրապարակել է հակառակորդի կողմից ՀՀ սահմանի թիրախավորման կադրեր

Ադրբեջանական հարձակումից սկսած մինչ օրս ՔԿ-ում 279 քրեական գործ է հարուցվել տարատեսակ հանցագործությունների դեպքերով

Զոհված Ալբերտ Հովհաննիսյանի հայրն իր անձնական մեքենան է նվիրաբերել բանակին. Արծրուն Հովհաննիսյան

Պիտի կռվենք, ձեր ցավը տանեմ. ուրիշ տարբերակ պարզապես չկա. Արարատ Միրզոյան

Օտարերկրյա քաղաքացիները ձեռք են բերել ՀՀ-ում զորահավաքի, տեխնիկայի, տրանսպորտային շարժի վերաբերյալ տեղեկություններ. ԱԱԾ

ՄԱԿ-ի Գլխավոր ասամբլեայի կոմիտեների, ինչպես նաև ԱԽ հաջորդ նիստերը ժամանակավորապես կլինեն հեռավար

Հրապարակվել են ադրբեջանական ագրեսիան հետ մղելիս զոհված եւս 35 զինծառայողների անուններ

ՀՀ սահմանապահ ուժերը դիմել են կանխարգելիչ գործողությունների՝ հակառակորդին պատճառելով կորուստներ. Շուշան Ստեփանյան

ՀԱԵ աշխարհասփյուռ թեմերի նվիրատվությունները կփոխանցվեն «Հայաստան» հիմնադրամին՝ հանուն Արցախի

Հակառակորդը շարունակել է կրակ վարել ՀՀ հարավային սահմանի ուղղությամբ. կան վիրավորներ. ՊՆ

Անվտանգության նկատառումներից ելնելով, Սոթք-Քարվաճառ ավտոճանապարհը փակ է