Քննարկվել են հեղինակային իրավունքի ոլորտում առկա խնդիրները եւ դրանք լուծելու ուղիները

22/09/2020 schedule23:23

ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի անդամներ Սոֆիա Հովսեփյանի եւ Արթուր Մանուկյանի նախաձեռնությամբ սեպտեմբերի 22-ին խորհրդարան էին այցելել երգահան, ՀՀ մշակույթի վաստակավոր գործիչ Գուսան Հայկազունը, երգահան,  դրամատուրգ եւ սցենարիստ Քրիստ Մանարյանը, ինչպես նաեւ ՀՀ պետական եւ հասարակական  մի շարք կառույցների ներկայացուցիչներ, որոնք զբաղվում էին հեղինակային եւ հարակից իրավունքների պաշտպանությամբ, կամ աշխատանքի բնույթով պայմանավորված՝ պետք է առնչություն ունենային:

Սոֆիա Հովսեփյանի խոսքով՝  հանդիպման նպատակը հեղինակային իրավունքի ոլորտում առկա խնդիրների վերհանումն ու դրանք լուծելու ուղիների փնտրտուքն է:

ԱԺ լրատվական ծառայությունը հայտնում է, որ հեղինակային իրավունքի ոլորտում բազմաթիվ են խնդիրները. այս հարցում գրեթե միակարծիք էին բոլոր հրավիրյալներն ու օրենսդիրները:

Ինչպես հավաստիացնում էին մասնավորապես երգահանները, մեր երկրում չի պաշտպանվում հեղինակային իրավունքը, թեեւ կա օրենք, որը գործում է 2006 թվականից: Գուսան Հայկազունի խոսքով, թեեւ ինքը տասնամյակների ընթացքում հեղինակել է բազմաթիվ հանրահայտ երգեր, այնուամենայնիվ ստիպված է գոյատեւել 44000 դրամ թոշակով այն դեպքում, երբ կարող էր առավել ապահով եւ արժանապատիվ  կյանք ունենալ, եթե պաշտպանվեին իր հեղինակային իրավունքները:

Ըստ «Հայհեղինակ» հասարակական կազմակերպության  տնօրեն Սուսաննա Ներսիսյանի՝ ոլորտը  կարգավորված է, բարձիթողի վիճակում չէ,  սակայն  օրենքը լիարժեք չի գործում: Նրա խոսքով՝ հատկապես խնդրահարույց  են հանրային զվարճանքի վայրերը՝ ռեստորաններն ու սրճարանները, որոնցում մշտապես կատարվում են հեղինակային ստեղծագործություններ, սակայն դրանց համար ստացվող գումարներից  հեղինակները որեւէ  մաս չեն ստանում:

ՀՀ Էկոնոմիկայի նախարարության Մտավոր սեփականության գործակալության պետի պաշտոնակատար Քրիստինե Համբարյանը տեղեկացրել է, որ ՀՀ էկոնոմիկայի նախարարությունը մոտ երկու տարի է՝ մշակել է  օրինագիծ, որն Ազգային ժողովի կողմից ընդունվելու դեպքում ամբողջությամբ կանոնակարգելու է դաշտը: Քրիստինե Համբարյանի կարծիքով՝ ոլորտում խնդիրներ կան, քանի որ կա նաեւ իրազեկվածության պակաս. մարդիկ շատ հաճախ չգիտեն իրենց իրավունքներն ու պարտականությունները, եւ միշտ չէ, որ գործում են դիտավորությամբ:

Այս համատեքստում քննարկման մասնակիցներից ոմանք առաջարկել են ոչ միայն ավելացնել քաղաքացիների իրազեկվածությունը, այլեւ ոլորտում ներդնել վերահսկողական, ընդհուպ՝ պատժողական մեխանիզմներ, երբ կոտնահարվեն հեղինակային իրավունքները:

Ամփոփելով քննարկումը՝ ՀՀ ԱԺ պատգամավոր Սոֆիա Հովսեփյանն առաջարկել է անցկացնել խորհրդարանական լսումներ, երբ խորհրդարանում առաջին ընթերցմամբ կընդունվի նախագիծը: Նշվել է, որ այն այս պահին փորձաքննության է ենթարկվում  ՀՀ արդարադատության նախարարությունում:

Տպել
949 դիտում

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ

Դիվերսիոն տարբեր խմբեր ներթափանցում են մեր ռազմաճակատային գոտու բնակավայրեր՝ հաճախ ընդամենը նկարվելու համար.Հովհաննիսյան

Զոհերի մասին ընդհանրացված թվեր են տրվել, չէր կարող կոնկրետ թվեր ասվել ՌԴ նախագահի կողմից, դա բացառվում է. Հովհաննիսյան

«Ես էլ հասա մեր արծիվ տղերքին». Վարդան Բադալյանը մեկնել է առաջնագիծ (լուսանկար)

Եթե ինչ-որ նեղ տեղերում տեսնում են Արաքս գետը, դա չի նշանակում լիարժեք վերահսկում են. Արծրուն Հովհաննիսյան

Մեկի 18 տարին է լրացել, շտապում է ընկերների կողքին լինել, մյուսը 20 տարվա վրեժ ունի. խնդրում են իրենց տանել առաջնագիծ

Առողջապահության համակարգը կարող է հայտնվել կոլապսի առջեւ. համաճարակաբան

Հակամարտության գոտում վարձկան ահաբեկիչների ներկայության մասին վկայող նոր տեսագրություն

Մեր կոչը Վրաստանի իշխանություններին է, որոնք չպիտի աջակցեն թուրքին․ վիրահայերի ցույցը Թբիլիսիում

Ռուսաստանը հուսով է՝ ԱՄՆ-ին կհաջողվի ղարաբաղյան հակամարտության հարցում հասնել հաջողության

Արցախի միջազգային ճանաչման ժամը հնչած է. Արամ Ա

«Բոմբ պեն»՝ արցախցի երեխաների համար․ կազմակերպվում են տարբեր դասընթացներ ու այցեր

Կենտրոնական բնակավայրերի ուղղությամբ մարտական գործողությունները շարունակվում են. Արծրուն Հովհաննիսյան

Հրապարակվել են հայրենիքի պաշտպանության համար մղվող պայքարում զոհված եւս 26 զինծառայողի անուններ

Ադրբեջանական դիվերսիոն խմբերի գործողություները միտված են առաջին հերթին խուճապի տարածմանը. Հովհաննիսյան

Շատ կարևոր է, որպեսզի կոնկրետ խաղաղապահ ուժերը կայունացնեն տարածաշրջանը, այլ ոչ թե՝ հակառակը. վարչապետ

Եթե 30 տարի շարունակ ղարաբաղյան բանակցություններն արդյունք չեն տալիս, չի նշանակում, որ կարելի է կրակել. Պուտին

Ցավոք, փաստ է, որ Սումգայիթում, ապա նաեւ Ղարաբաղում հայ ժողովրդի դեմ կոշտ հանցագործություններ են իրականացվել. Պուտին