Լեռնավան համայնքի ավագանու 9 անդամից 5-ը հրաժարականի դիմում է ներկայացրել. ավագանին մեկի տարի առաջ էր ընտրվել

«Հայկական Ժամանակ»-ի տեղեկություններով՝ Լոռու մարզում հրաժարականի դիմումներ են ներկայացրել Լեռնավան համայնքի ավագանու 9 անդամներից 5-ը:

Ավագանու անդամ Համլետ Մազմանյանը մեզ հետ զրույցում հաստատեց այս տեղեկությունը՝ նշելով, որ հրաժարականի դիմումը պայմանավորված է համայնքապետի՝ ավագանու կայացրած որոշումները կյանքի չկոչելու հետ: «Խնդիրներ կային, որ ավագանիով չէինք կարողանում բարձրաձայնել, համայնքապետը խոչընդոտում էր մեր որոշումներին, դրանք ի կատար չէին ածվում: Փորձում ենք բոյկոտելով ինչ-որ արդյունքի հասնել, քանի որ ինքը մեր որոշումները չի հարգում, մեր որոշումները չի կատարում, մենք էլ այս ձեւով ենք գնալու առաջ»,- ասաց Համլետ Մազմանյանը՝ հավելելով, որ ապօրինի հողազավթում է եղել համայնքում, ցանկապատվել է, ավագանին հանձնաժողով է կազմել, որոշել, որ այն պետք է ապամոնտաժվի, սակայն համայնքապետը այն չի կատարել. «Սա միայն մեկ օրինակ է, բայց շատ այլ հարցեր կան, որոնց մասին դեռ չեմ ուզում բարձրաձայնել»:

Համլետ Մազմանյանն ասում է՝ հրաժարականի դիմումները համայնքի ղեկավարին ներկայացրել են մոտ ամիս առաջ, սակայն մինչ օրս ավագանու արտահերթ նիստի օր չի նշանակվել: Լեռնավան համայնքի ավագանու՝ հրաժարականի դիմումներ ներկայացրած անդամներից 3-ը դիմումները ներկայացրել են նույն օրը, մյուսները՝ օրեր անց: 

Հրաժարականի դիմում ներկայացրած ավագանու անդամ Էդմոն Գասպարյանը եւս իր հրաժարականը կապեց գյուղապետի հետ աշխատանքում առաջացած կոնֆլիկտների հետ: «Գյուղապետը վատ մարդ չէ, լավ մարդ է, բայց իր հետ, որպես գյուղապետի, չեմ կարողանում աշխատել, մեր աշխատանքը միասին չի հաջողվում»,- ասաց նա:

Հրաժարականի դիմում ներկայացրած ավագանու մյուս անդամ Անուշավան Մովսիսյանն ասաց՝ հրաժարական է տվել, քանի որ պատրաստվում է երկար ժամանակով մեկնել արտագնա աշխատանքի:

Ավագանու մեկ այլ անդամ Եղիշե Հովսեփյանն էլ թեպետ հրաժարականի դիմում դեռ չի ներկայացրել, սակայն առաջիկայում անպայման ներկայացնելու է. «Գյուղապետի հետ չենք կարողանում աշխատել»:

Լեռնավան համայնքի ավագանու անդամների վերջին արտահերթ ընտրությունները տեղի էին ունեցել նախորդ տարվա հունիսի 9-ին: Պատճառը համայնքի ավագանու 7 անդամներից 4-ի հրաժարական էր, որոնք ընտրվել էին 2018թ.-ի մարտի 11-ին:

Լեռնավան համայնքի ղեկավար Վաչագան Վարդանյանը ՀԺ-ի հետ զրույցում նշեց, որ հրաժարականի դիմումներ ներկայացրած ավագանու անդամներից եւ ոչ մեկը դիմումում իր մասին ոչինչ չի գրել: Նրանցից երկուսը հրաժարական ներկայացնելու պատճառ են նշել առողջական խնդիրները: «Երեքշաբթի օրը ավագանու արտահերթ նիստ կգումարենք: Ինչ վերաբերում է իրենց նշած որոշումները կյանքի կոչելուն, թող փաստերով խոսեն… իրենց որոշումներից մեկի մասով գործը հիմա դատարանում է»,- ասաց համայնքի ղեկավարը:

Տպել
1308 դիտում

Ադրբեջանական ագրեսիայի հետեւանքով սեպտեմբերի 28-ից մինչ օրս ՀՀ-ում սպանվել է 11, վիրավորվել՝ 8 անձ․ Ռ․ Վարդանյան

Եթե հանկարծակի կրկնվեց, սաղ խոցելու ենք, ջարդելու ենք. Դավիթ Տոնոյանի մոտ քննարկվել է իրավիճակը ՀՀ հարավային սահմանին

Ադրբեջանում այս պահին կա 17 հայ ռազմագերի․ Ռաֆայել Վարդանյան

Թուրք զինվորականները մեզ սովորեցրել են լեռներում մարտ վարել. ռազմագերի Էմին Բախշալիևի հարցաքննությունը (տեսանյութ)

Արցախից Հայաստան տեղափոխվածները կենսաթոշակի կամ թաղման նպաստի համար կարող են դիմել ՀՀ կառույցներին

Իմ այդ ժեստով ուզում էի խփածս գոլերը նվիրել իմ հայրենակիցներին. Տիգրան Բարսեղյան

Սերժանտը վիրավոր վիճակում, կրակահերթի տակ 50 այլ վիրավոր զինվորի է դուրս բերել, ցուցաբերել օգնություն. մերօրյա հերոսներ

Իսպանիան դիվանագիտական քայլեր ձեռնարկելու՞ է Թուրքիայի և Ադրբեջանի դեմ. սենատի անդամ Գարսիան դիմել է կառավարությանը

Թուրքիայից ժամանած բարձրաստիճան զինվորականները զորամասերում անձամբ են համակարգել մարտական պատրաստության դասընթացները

ՊՆ խոսնակը հրապարակել է հակառակորդի կողմից ՀՀ սահմանի թիրախավորման կադրեր

Ադրբեջանական հարձակումից սկսած մինչ օրս ՔԿ-ում 279 քրեական գործ է հարուցվել տարատեսակ հանցագործությունների դեպքերով

Զոհված Ալբերտ Հովհաննիսյանի հայրն իր անձնական մեքենան է նվիրաբերել բանակին. Արծրուն Հովհաննիսյան

Պիտի կռվենք, ձեր ցավը տանեմ. ուրիշ տարբերակ պարզապես չկա. Արարատ Միրզոյան

Օտարերկրյա քաղաքացիները ձեռք են բերել ՀՀ-ում զորահավաքի, տեխնիկայի, տրանսպորտային շարժի վերաբերյալ տեղեկություններ. ԱԱԾ

ՄԱԿ-ի Գլխավոր ասամբլեայի կոմիտեների, ինչպես նաև ԱԽ հաջորդ նիստերը ժամանակավորապես կլինեն հեռավար

Հրապարակվել են ադրբեջանական ագրեսիան հետ մղելիս զոհված եւս 35 զինծառայողների անուններ

ՀՀ սահմանապահ ուժերը դիմել են կանխարգելիչ գործողությունների՝ հակառակորդին պատճառելով կորուստներ. Շուշան Ստեփանյան

ՀԱԵ աշխարհասփյուռ թեմերի նվիրատվությունները կփոխանցվեն «Հայաստան» հիմնադրամին՝ հանուն Արցախի

Հակառակորդը շարունակել է կրակ վարել ՀՀ հարավային սահմանի ուղղությամբ. կան վիրավորներ. ՊՆ

Անվտանգության նկատառումներից ելնելով, Սոթք-Քարվաճառ ավտոճանապարհը փակ է