Երևան
12 °C
Հրայր Թովմասյանի ընտրությունը բացառում է
Ահա եւ վերջ, Սահմանադրական դատարանի 9 հոգանոց կազմն այլեւս կարելի է համալրված համարել. Ազգային ժողովի «Իմ քայլը» խմբակցությունը գրեթե ամբողջ կազմով այսօր կողմ քվեարկեց բոլոր երեք թեկնածուներին էլ: Ընդ որում ամենաշատ կողմ քվեներ ստացավ ՀՀ նախագահի առաջադրած թեկնածուն՝ Արթուր Վաղարշյանը, ում նույն Ազգային ժողովն արդեն մեկ անգամ մերժել էր:
Այսպիսով, իրավաբան Արթուր Վաղարշյանը այս անգամ ստացավ 86 կողմ եւ 1 դեմ ձայն, ՀՀ վճռաբեկ դատարանի գործող նախագահ, դատավորների ընդհանուր ժողովի կողմից առաջադրված թեկնածու Երվանդ Խունդկարյանը՝ 84 կողմ եւ 2 դեմ ձայն, իսկ Կառավարության կողմից առաջադրված թեկնածու, իրավաբան Էդգար Շաթիրյանը՝ 85 կողմ, 3 դեմ ձայն:
Բոլոր 3 թեկնածուների դեպքում էլ քվեարկությանը մասնակցեց միայն «Իմ քայլը» եւ անկախ պատգամավոր Արման Բաբաջանյանը. «Լուսավոր Հայաստանն» ու «Բարգավաճ Հայաստանը» բոյկոտեցին ընտրությունները, քանի որ ավելի վաղ հայտարարել էին, որ Սահմանադրական փոփոխությունների գործընթացը հակասահմանադրական է եւ չեն ուզում մասնակից լինել դրան:
Հիշեցնենք, որ հունիսին տեղի ունեցած Սահմանադրական փոփոխությունների արդյունքում իրենց պաշտոններին հրաժեշտ տվեցին 12 տարուց ավելի պաշտոնավարած ՍԴ անդամներ Ալվինա Գյուլումյանը, Ֆելիքս Թոխյանը եւ Հրանտ Նազարյանը, ՍԴ նախագահ Հրայր Թովմասյանը դարձավ ՍԴ անդամ:
Նորընտիր 3 դատավորները, սակայն, դեռեւս նոր աշխատավայր չեն գնա, քանի դեռ չեն երդվել Ազգային ժողովում: Ինչպես այսօր ամբիոնից հայտարարեց ԱԺ նախագահ Արարատ Միրզոյանը, երդման արարողությունը կկազմակերպվի այն ժամանակ, երբ թեկնածուներից 2-ը իրենց նախկին աշխատանքից կազատվեն:
Ասել է թե՝ Խունդկարյանի, Վաղարշյանի, Շաթիրյանի դատավոր դառնալուն ընդամենը մեկ քայլ է մնում: Մեկ քայլ, որը կփոխի նրանց կյանքը, իսկ թե կփոխի՞ արդյոք Սահմանադրական դատարանի աշխատանքի որակը, որից դժգոհ լինելով էլ իշխանությունները նախաձեռնեցին Սահմանադրական փոփոխություններ, ցույց կտա ժամանակը:
Սահմանադրական դատարանում նորընտիր դատավորների առաջին ակնառու քայլը կլինի ՍԴ նախագահի ընտրությունը: Ո՞ւմ կընտրի 9 հոգանոց կազմը նախագահ՝ դեռեւս պարզ չէ: Երբ այսօր ընտրվելուց հետո ԱԺ փոխնախագահ Ալեն Սիմոնյանի աշխատասենյակ մտած եւ այնտեղ շուրջ 1 ժամ անցկացրած Վաղարշյանից լրագրողները փորձեցին պարզել, թե որեւէ պարագայում հնարավո՞ր է Հրայր Թովմասյանին ընտրեն ՍԴ նախագահ՝ Վաղարշյանը հրաժարվեց լրագրողների հարցերին պատասխանել եւ հեռացավ:
Փոխարենը ԱԺ փոխնախագահ Ալեն Սիմոնյանն ասաց. «Ես նման հնարավորությունը գրեթե բացառում եմ, դա տրամաբանական չեմ համարում»: Հարցին, թե այդ մասին իր սենյակում զրուցե՞լ է նորընտիր դատավորների հետ՝ Սիմոնյանը բացասական պատասխան տվեց՝ ընդգծելով, որ իր սենյակում խոսել են բացառապես իրավագիտության մասին: Մեր դիտարկմանը, թե այդ դեպքում ինչպե՞ս է բացառում, որ կընտրեն Հրայր Թովմասյանին՝ Սիմոնյանն ասաց. «Բացառում եմ, քանի որ այդ ճգնաժամը ստեղծվել էր նաեւ այն պատճառով, որ Հրայր Թովմասյանը հայտնվել էր ՍԴ դատավորի պաշտոնում»։
ՄԵԿԻՆ ՕԳՆԵՑ ԱՆԿԵՂԾՈՒԹՅՈՒՆԸ, ՄՅՈՒՍԻՆ՝ ԽԱՄԱՃԻԿ ՉԼԻՆԵԼԸ
Այսօր Ազգային ժողովում Սահմանադրական դատարանի դատավորների ընտրության գործընթացին զուգահեռ ԱԺ Իմ քայլը խմբակցության ղեկավար Լիլիթ Մակունցից հետաքրքրվեցինք, թե արդյոք իրենց չի՞ մտահոգում, որ առաջադրված թեկնածուներին կամ նրանցից ոմանց ընտրելու փաստը կարող է ազդել իշխանության վարկանիշի վրա.
«Ես զերծ կմնամ նման հարցերին պատասխանելուց, որովհետեւ հիմա ընթանում է փակ-գաղտնի քվեարկություն, եւ որեւէ կերպ իմ դիրքորոշմամբ չեմ ուզում ազդեցություն ունենա խմբակցության մյուս անդամների վրա եւ նաեւ չեմ ուզում բացահայտել իմ քվեարկությունը»,- պատասխանեց նա։
Ինչպես եւ սպասվում էր՝ ընտրությունների արդյունքների ամփոփումից հետո համացանցում քննադատությունների ալիքը չուշացավ:
Իշխանությունների հասցեին ուղղվեցին տարբեր մեղադրանքներ՝ ընդհուպ մինչեւ հեղափոխության արժեքներին դավաճանություն:
Արձագանքելով այս մեղադրանքներին՝ ԱԺ փոխնախագահ Ալեն Սիմոնյանը լրագրողների հետ զրույցում ասաց. «Գիտեք ինչ, իշխանություններն ասել են, որ չեն ձեւավորելու Սահմանադրական դատարան, որը լինելու է խամաճիկային կամ որը պատկանելու է իշխանությանը, այլ իշխանությունը ձեւավորելու է Սահմանադրական դատարան, որը լինելու է նոր, սկզբունքային: Իսկ այդ մասով կարծում եմ, որ ԱԺ պատգամավորները քննարկումներից հետո իրենց որոշումը կայացրել են եւ չեմ համարում, որ այստեղ մենք որեւէիցե մեկին դավաճանել ենք: Նախ պետք է հասկանանք, թե ովքեր են այդ խոսացողները եւ վստահեցնում եմ ձեզ, որ մենք ում էլ ընտրեինք, լինում են տարբեր շահեր. թե՛ պատգամավորները, թե՛ հրապարակախոսները մշտապես ունենում են իրենց պատկերացումները, իրենց թեկնածուներին: Շատ դժվար է նման ձեւով գնահատականներ տալ այն պարագայում, երբ անձնական շահագրգռվածություն ունեն, իսկ քաղհասարակության մեջ որոշ գործընկերներ ունեն այլ պատկերացում, իշխող խմբակցությունը այլ պատկերացում»:
ՀԺ-ի դիտարկմանը, թե՝ Դուք ասում եք՝ խամաճիկային դատարան մենք չէինք ուզում ունենալ, բայց մամուլում բազմաթիվ քննադատություններ են եղել, օրինակ, Երվանդ Խունդկարյանի հասցեին, որ նա վերադասի հրահանգները խոնարհաբար կատարող է համարվում, ԱԺ փոխնախագահը արձագանքեց.
«Ես դրան համաձայն չեմ, ես գտնում եմ, որ այս ժամանակահատվածում, ընդհակառակը, պարոն Խունդկարյանը եղել է այն մարդկանցից, որ մենք չենք ունեցել գեթ մեկ օրինակ, որ նա խամաճիկի դերում է հանդես գալիս»:
Արդյոք ՍԴ նորընտիր դատավորները վայելո՞ւմ են ժողովրդի վստահությունը. այս հարցին Սիմոնյանը դժվարացավ պատասխանել, բայց ընդգծեց՝ Հայաստանի Հանրապետության այսօրվա իշխանությունը վայելում է ժողովրդի վստահությունը, ցանկանումէ ձեւավորել այդպիսի ՍԴ, քանի որ նախկին ՍԴ դատավորները չեն վայելել ժողովրդի վստահությունը, կապված են եղել նախկին իշխանությունների հետ:
Լրագրողները Սիմոնյանից հետաքրքրվեցին նաեւ, թե ինչպե՞ս եղավ, որ մեկ տարվա ընթացքում փոխեցին իրենց որոշումը ՍԴ դատավորի թեկնածուներից Արթուր Վաղարշյանի մասին:
Հիշեցնենք, որ նախագահի առաջադրած թեկնածուն նախորդ տարվա մայիսի 29-ին ԱԺ-ում տեղի ունեցած ընտրություններում ստացել էր 53 դեմ, 30 կողմ ձայն եւ չէր ընտրվել ՍԴ անդամ:
Ալեն Սիմոնյանն ասաց, որ ՀՀ նախագահի առաջադրած թեկնածու Արթուր Վաղարշյանի երեկվա ելույթում նկատել են անկեղծություն ու ազնվություն, որն ազդել է իրենց որոշման կայացման վրա: «Մարդիկ կարող են քննարկել նախկին եւ ներկա ելույթները եւ կտեսնեն անկեղծությունը, ազնվությունը, անմիջականությունը, որը վստահություն ներշնչեց, իսկ մասնագիտական առումով նույնիսկ անցյալում որեւիցե բան չի եղել»:
Հարցին, անցած տարի այդքան ազնիվ չէ՞ր, Սիմոնյանը պատասխանեց, որ ոչ թե ազնիվ չէր, այլ երեւի ավելի լարված էր, ասելիքը միգուցե տեղ չհասավ: «Հիմա մարդը ելույթ է ունեցել, պատգամավորների դուրը եկել է, որոշում են կայացրել, որ այնուամենայնիվ, այս մարդը վստահություն է ներշնչում եւ կարող է հանդես գալ ՍԴ դատավորի պաշտոնում»,-ասաց Ալեն Սիմոնյանը:
Հիշեցնենք, որ նախօրեին ելույթ ունենալով ԱԺ-ում, Արթուր Վաղարշյանը եւս հիշեց իր նախկին ընտրությունը.
«Նախորդ գործընթացն իր արդյունքներով եւ ներկայիս գործընթացը տարբեր իրավիճակներ են: Անկեղծ ասած՝ նախորդ մրցույթների մի մասին, որոնց չեմ մասնակցել, իմ առաջ խնդիրը երբեմն այսպես էր դրվում, որ իմ մասնակցությամբ խանգարում եմ հեղափոխությանը: Ասացի՝ տղերք, շատ բանի կարող եմ խանգարել, բայց հեղափոխությանը երբեք չեմ ուզում խանգարել: Չեմ հասկանում իրավիճակը՝ մեկ տարում ժողովրդի կյանքում, քաղաքական իրավիճակում եւ պայմաններում ոչինչ չի՞ փոխվել: Գտնում եմ, որ փոխվել է: Եթե որեւէ մեկը գտնում է, որ չի փոխվել, ես ուղղակի զարմացած եմ: Ես մտավորական մարդ եմ, չնեղացա, որ ինձ առաջին անգամ չընտրեցիք, հեռուստատեսությամբ ցուցամոլ չդարձա եւ բոլոլա չսարքեցի՝ հասկանալով, որ իրավական գործընթացը որոշակի միտումներով քաղաքականի է վերածվել»,-նշել էր Վաղարշյանը՝ հավելելով, որ իր նման քաղաքական անցյալ չունեցող մարդիկ ՍԴ-ում քաղաքական հաշտարարի դեր կարող են կատարել՝ առանց սահմանադրությունը խախտելու:
Հավելենք, որ այսօր լրագրողները ԱԺ փոխխոսնակ Ալեն Սիմոնյանից հետաքրքրվեցին նաեւ, թե արդյոք նոր դատավորների ընտրությամբ հանգուցալուծվե՞ց Սահմանադրական դատարանի ճգնաժամը, Սիմոնյանը պատասխանեց, որ դեռ շատ երկար ճանապարհ կա անցնելու: «Բավականին անելիքներ ունենք ոչ միայն ՍԴ-ում, այլ ընդհանուր դատական համակարգում, դա փաստ է, բայց մենք երբ դրա մասին խոսում էինք, նույն այն գործընկերները, որոնք այսօր քննադատում են, պնդում էին, որ ՍԴ-ում ճգնաժամ չկա: Այսօր այլ հարցեր են օրակարգ քաշում՝ ըստ նպատակահարմարության, բայց կարծում եմ՝ մեր քաղաքացիները տեսնում են՝ ով ինչ ժամանակ ինչ է ասում»:
«Հայկական Ժամանակ»-ը Telegram-ումՀՀ վարչապետի տիկին Աննա Հակոբյանը շրջայց է կատարել «Քատարա» մշակութային գյուղակում. լուսանկարներ
Ավտոբուսով վերադարձա կեցավայր. վարչապետ. տեսանյութ
ՌԴ-ում հասկացե՞լ են, որ Բաքուն «օգտագործել է, դեն շպրտել». ՀՀ-ն Մոսկվայի «արցունքներին չի հավատում»
Որոշել էի ավտոբուսով գնալ կեցավայր, չկարողացա թվային հարթակի միջոցով տոմս գնել. վարչապետն ասել է՝ ինչու
Մի քանի տարածաշրջանում բուքը շարունակվում է. Մեղրիում, Թալինում, Աբովյանում ձյուն է
Էստոնիան, Լատվիան, Լիտվան անջատվել են ռուսական էներգահամակարգից. նրանք կմիանան եվրոպական ցանցին
«Քատարա» մշակութային գյուղակում բացվեց հայկական մշակութային անկյունը. Աննա Հակոբյանը տեսանյութ է հրապարակել
Ձյուն ու բուք է. Սյունիքի մարզի ճանապարհները դժվարանցանելի են
Ովքեր են Մերձավանի աղմկահարույց գործով կալանավորվածները. մանրամասներ. լուսանկարներ
Վարչապետի որոշմամբ Ստեփանավանի հրդեհի հետևանքների վերացման օպերատիվ շտաբ է ստեղծվել. ովքեր են կազմում
Ինչ փոփոխություններ է արձանագրել տարադրամի շուկան փետրվարի 8-ին
Դոնի Ռոստովի շրջաններից մեկում արտակարգ դրություն է հայտարարվել
Հյուրընկալվեցինք Դոհայի «Քատարա» մշակութային գյուղակում. Աննա Հակոբյանը տեսանյութ է հրապարակել
«Ժոնգ Թոնգ» և «ՄԱՆ» ավտոբուսներում տեղադրված GPS սարքերը թույլ են տալիս իրական ժամանակում հետևել տեղաշարժին
Գազայի հատվածից ազատված իսրայելցի երեք պատանդ ժամանել է Իսրայել
Արարատ Միրզոյանը ԵԽ նախկին գլխավոր քարտուղար Թյորնբորն Յագլանդին պարգևատրել է Հայաստանի Պատվո շքանշանով
Կնոջ ինքնագնահատականը տղամարդը, հաճախ սկեսուրը զրոյացնում են, երեխաների մորը՝ աստիճանաբար «սպանում». Ծատուրյան
Օդի ջերմաստիճանը կնվազի 5-8 աստիճանով. առանձին վայրերում ուժեղ քամի կլինի
Հորեղբորս՝ Սպարապետ Վազգեն Սարգսյանի մասին ֆիլմ նկարահանելը եղել է երկար տարիների երազանք. Նոնո Սարգսյան
Ինքնաթիռի խոցման պատճառով հարաբերության լարումը չի չեղարկում Սյունիքում Մոսկվա-Բաքու համատեղ շահը. Իոաննիսյան
Ավտոբուսի կողային ապակին դիտավորյալ կոտրած քաղաքացին ձերբակալվել է
Սլովակիան Եվրոպա է. հազարավոր մարդիկ դուրս են եկել ցույցի՝ պահանջելով վարչապետ Ֆիցոյի հրաժարականը
«Ջիգլսի» աղբյուրի հատվածում 700 ավտոմեքենա խցանման մեջ է հայտնվել. արգելափակումից 73 բեռնատար է դուրս բերվել
Ինչ վիճակում են Ստեփանավանի հրդեհի հետևանքով տուժածները. նրանցից 3-ը տեղափոխվել են Երևան
Գազայի հատվածում մարտերի ընթացքում ավերված շենքերի փլատակներում է ավելի քան 12 հազար դի է մնացել
Հայտնաբերվել է 1 դի, 6 քաղաքացի տեղափոխվել է ԲԿ. նոր մանրամասներ և լուսանկարներ Ստեփանավանի հրդեհից
Ստեփանավանի հրդեհից տուժածներն ապահովվել են սննդով, հագուստով. քննարկվում է կացարանների հարցը. լուսանկարներ
ԲԿ-ի դիմաց կայանված «Մազդա 3»-ում հայտնաբերվել է 35-ամյա տղամարդու դի. կրծքավանդակի հատվածում վնասվածքներ կան
ՀՀ-ի շուրջ կայուն անվտանգային մթնոլորտի ապահովումը արտաքին քաղաքականության հիմնական նպատակներից է. Միրզոյան
Շենքերից մեկի բակում ոստիկանները հայտնաբերել են ջարդված «Լադա պրիորա» և արնանման հետքեր. կան ձերբակալվածներ
Ինչպես է ավտոբուսի ապակին կոտրած տղամարդը փախչում պատուհանից. տեսանյութ
Սուրեն Պապիկյանի գլխավորած պատվիրակությունը մեկնել է Հնդկաստան
Մերձավանի կրակոցների դեպքով 3 անձ կալանավորվել է, ևս 3-ի նկատմամբ կիրառվել է տնային կալանք
Կառավարության հանձնարարականը կա՝ հրդեհից տուժածներին արագ աջակցել. նրանք հիմա հյուրանոցում են. Լոռու մարզպետ
Լարսը շարունակում է փակ մնալ
Երթևեկել բացառապես ձմեռային անվադողերով. ինչ իրավիճակ է հանրապետության ճանապարհներին
Իրենք արագ դուրս են եկել, 71-ամյա կինը մնացել է այրվող շենքում. մանրամասներ Ստեփանավանի հրդեհից
Հրդեհ է բռնկվել Ստեփանավանի փայտե տներում. ժամանել է մոտ 40 հրշեջ․ բնակիչները տարհանվել են․ կա անհետ կորած
ՀՀ վարչապետը ԱՄՆ նոր ադմինիստրացիայի օրոք Սպիտակ տուն այցելած առաջին ղեկավարներից է. Կոնջորյան
ՀՀ-ի՝ միջազգային հարաբերություններում վաստակած խոսքի իրավունքը շահեկան չէ որոշ շրջանակների համար. Կոնջորյան
© 2025 Հայկական ժամանակ
Website by MATEMAT