Հիմա ի՞նչ անենք, փուչիկներով գործի՞ գնանք. առաջին դասարանցիների փուչիկներն ու ծաղիկներն այսօր դպրոցում չընդունեցին

Ծաղիկներով ու փուչիկներով այսօր կրկին լի էին դպրոցների բակերը. 5-6 տարեկան ճերմակ վերնաշապիկներով մանուկներն արեւից կկոցած աչուկներով շուրջն են զննում՝ ականջի պոչով լսում հարթակից հնչող ելույթները:

Մի քանիսը լաց են լինում, ու սոցիալական հեռավորության իրենց քառակուսում, փոքրիկների ձեռքը բռնած մայրիկներն ակտիվորեն ինչ-որ բաներ են բացատրում, խոստանում, հորդորում:

Դպրոցների բակերը թեպետ մարդաշատ են, բայց ոչ այնքան, որքան՝ սովորաբար. նախ այսօր միայն առաջին դասարանցիներն են եկել, երկրորդ, քանի որ գիտեին, որ թույլատրվում է մեկ երեխային մեկ մեծահասակ ուղեկցի, ուղեկցում է միայն երկու-երեք մեծահասակ:

Ամեն դպրոց սոցիալական հեռավորությունը պահելու խնդիրը մի ձեւով է լուծել. գրեթե ամենուր դպրոցի բակում գծանշումներ են արված, որոշ բակելում էլ՝ ի հավելումն գծանշումների՝ երեխաների հեռավորությունը կարգավորում են նաեւ պարաններով:

Սեպտեմբերմեկյան երկարաշունչ միջոցառման փոխարեն այսօր փոքրիկ ելույթներով ողջունեցին նորեկներին, բարի գալուստ դպրոց ու բարի երթ դեպի կյանք մաղթեցին: Հետո հնչեցին ուրախ երգեր, ու դասարան առ դասարան մանուկները դպրոց մտան:

Իսկ դպրոցների բակերում մնացին մեծերը՝ փուչիկներով ու ծաղիկներով, քանի որ, պարզվեց, այս տարի փոքրիկները կարող էին միայն լուսանկարվել դրանցով, իսկ դպրոց տանել, առավել եւս՝ տալ ուսուցչուհուն, չէին կարող:

«Հիմա ի՞նչ անենք, փուչիկներով  գործի՞ գնանք»,- ծիծաղում էին ծնողները՝ փորձելով ճշտել՝ գոնե թույլատրվո՞ւմ է փուչիկներով դպրոցի ծառերը զարդարել:

Կորոնավիրուսային համավարակով պայմանավորված՝ այս տարի դպրոցներում շատ բան այլ կլինի: Անցյալ շաբաթ առաջին դասարանցիների ծնողների հետ կազմակերպված ժողովներում ուսուցչուհիներն ու բուժքույրերը կրկնել ու մանրամասնել են հակահամավարակային ցուցումները, հորդորել են դրանք սովորեցնել երեխաներին. նրանք դեռ նոր են դարձել վեց տարեկան կամ դեռ չեն էլ դարձել, եւ ստիպված չեն եղել դիմակ դնել: Ծնողներին խնդրել են երեխաներին սովորեցնել հիգիենիկ տուփից ճիշտ հանել, դեմքին ճիշտ դնել եւ ձեռք չտալ դիմակին, տանը մի փոքր դրած մնալ, որ դասարանում շատ անսովոր չլինի:

Ծնողները նշեցին, որ բոլոր ուսուցիչներն էլ ընդգծել են առկա դասերն անելու կարեւորությունը, խնդրել են անել ամեն ինչ, որ երեխաները հնարավորություն ունենան առավելագույնս երկար հաճախել դպրոց, ոչ թե՝ ուսանել հեռավար:

Տարբեր դպրոցների ծնողներ մեզ հետ զրույցում նշեցին, որ ուսուցիչները հայտնել են, որ եթե փոքրիկներն օրումեջ դասի գալով դժվարանան յուրացնել ծրագիրը, ապա իրենք առանց փոխհատուցման պատրաստ են դասավանդել երկու հերթով՝ փաստորեն կատարելով երկու անգամ ավելի աշխատանք: «Հիմքը շատ կարեւոր է, եւ եթե այն ամուր չլինի, հետագայում շատ ավելի դժվար է լինելու թե մեզ համար, թե իրենց: Ամեն ինչ պիտի անենք, որ տառուսուցումն առկա դասընթացով լինի, դրա համար էլ պահենք բոլոր պայմանները»,- ասել են ուսուցիչները:

Դասվարների առաջ դրված խնդիրները բավական շատ են, սակայն նրանք այդ բոլորն էլ լուծելի են համարում. թեպետ երեխայի ձեռքին էլ հպվել չի կարելի, սակայն խիստ անհրաժեշտության դեպքում ուսուցիչը կարող է ալկոգելով շփել ձեռքերը, ցույց տալ երեխային անհաղթահարելի մասնիկը ու նորից շփել ձեռքերը: Առավել դժվար է պահել այն ցուցումը, որ երեխաները միմյանց ոչինչ չպիտի տան. նախկինում ցածր դասարաններում հատուկ խրախուսվում էր միմյանց հետ կիսվելը, գրիչ, տետր, դասագիրք չունեցողին իրենն առաջարկելը, բայց, ըստ մանկավարժների, այդ խնդիրն էլ է հաղթահարելի. կարևորը՝ փոքրիկների համար դասերը շուտ հեռավար չդառնան:

Տպել
1268 դիտում

Սյունիքի մարզի ավտոճանապարհներին տեղ-տեղ առկա է մերկասառույց

Ռոբերտ Քոչարյանը կորոնավիրուսի թեստ է հանձնել. դատական նիստը հետաձգվեց

Դեբետի գյուղապետարանում բռնկված հրդեհի հետևանքով ողջ արխիվն այրվել է

Այսօր երեկոյան սպասվում է հոբելյանական համերգ՝ նվիրված Ռուբեն Մաթևոսյանի ծննդյան 80-ամյակին

Սպասվում է առանց տեղումների եղանակ. առաջիկա օրերի եղանակային կանխատեսումը

Քրեական գործի շրջանակներում որոնվում է տեսագրության մեջ պատկերած անձը. ՔԿ (տեսանյութ)

Բուրկինա Ֆասոյում իշխանության զավթումը զինվորականների կողմից հաջողվել է. նախագահին շարունակում են ձերբակալված պահել

Արցախում 2021 թվականին հայտնաբերվել է շուրջ 200 նորահայտ հուշարձան

Սերժ Սարգսյանը և Ռոբերտ Քոչարյանը, որպես ՀՀ նախագահներ, հայտարարել են, որ Թուրքիայի հանդեպ տարածքային պահանջներ չունեն

Որոշ կրթական մրցույթների և միջոցառումների մեկնող հայ երիտասարդները ավիատոմսի ծախսի փոխհատուցում կստանան. ԿԳՄՍ

«Հայաստան» խմբակցությունն այս պահին քննարկման փուլում է՝ առաջադրե՞լ ՀՀ նախագահի թեկնածու, թե՞ ոչ

Պոլսո Հայոց պատրիարքը ապաքինվել է կորոնավիրուսից

Խմբակցությունում դեռևս նախագահի թեկնածուի վերաբերյալ քննարկումներ չկան. ՔՊ պատգամավորներ

Շրջակա միջավայրի նոր փոխնախարարը կհամակարգի 2 վարչությունների, Անտառային կոմիտեի և 7 ՊՈԱԿ-ների աշխատանքը

Հայաստանի առաջատար հարկատու բանկը 2021 թվականի տվյալներով. Ամերիաբանկ

Պեկինի ձմեռային օլիմպիական խաղերի ավանը սկսել է ընդունել առաջին հյուրերին

ՔՊ-ական պատգամավորը մեկնաբանում է 102-րդ ռազմաբազան Գյումրիից հանելու մասին լուրերը

Հայաստանը կարող է հաջողության օրինակ լինել. «Թրանսփարենսի Ինթերնեշնլ»-ը հրապարակել է կոռուպցիայի ինդեքսը՝ ըստ երկրների

Գողություն, ծեծ, անչափահասի հետ սեռական հարաբերություն, յուրացում. 1 օրում բացահայտվել է 89 հանցագործություն

Մեկնարկում է բռնցքամարտի Հայաստանի առաջնությունը

Կորոնավիրուսի թվերը շեշտակի աճում են. մեկ օրում գրանցվել է 1332 նոր դեպք, մահվան դեպքեր ևս կան

Չարենցավանի ճանապարհին վրաերթի ենթարկված 34-ամյա կինը մահացել է

Թուրքիան ամենախոցելի տնտեսություն ունեցող երկրների ցանկում 2-րդն է. Bloomberg Economics

Մի քանի պարզաբանում՝ վիճահարույց հրթիռների մասին. Տոնոյանի փաստաբանական խումբը հանդես է եկել հայտարարությամբ

Լորիս Ճգնավորյանը վերջին 2 տարում 40 գործ է հեղինակել. ԿԳՄՍ նախարարն ընդունել է կոմպոզիտորին

Դադիվանքի հոգևորականները պարգևատրվել են «Երախտագիտություն» մեդալով

ՀՀ ԱԳ նախարար Արարատ Միրզոյանը կմեկնի Լյուքսեմբուրգ

Կապան-Տաթև ավտոճանապարհին 5 բեռնատարներ էին մնացել արգելափակման մեջ

Պենտագոնից հայտնել են, որ ԱՄՆ-ը պատրաստ է Եվրոպա ուղարկել 8500 զինվորական

Հայաստանի 4 մարզերում ձյուն է տեղում. Շիրակի մարզի Լանջիկ գյուղում բուք է

4 մարզերի ու Երևանի մի շարք հասցեներում 2-6 ժամով հոսանքազրկումներ են սպասվում

Սևան-Մարտունի-Գետափ ավտոճանապարհին արգելափակումից դուրս է բերվել 7 ավտոմեքենա

Արձանի մասին խոսք եղավ, բոլորն ակտիվացան. վարչապետը՝ Ծառուկյանի՝ Հիսուս Քրիստոսի արձանը տեղադրելու ցանկության մասին

Դժբախտ պատահար Երևանի Գրիբոյեդովի փողոցում. շինհրապարակում անգիտակից վիճակում հայտնաբերվել է աշխատակիցը

Եթե ՌԴ-ն «ներխուժի» Ուկրաինա, ի՞նչ դիրքորոշում է հայտնելու ՀՀ-ն՝ որպես ՀԱՊԿ նախագահող երկիր․ մեկնաբանում է Փաշինյանը

Նորակոչիկները երդվել են անձնվիրաբար ծառայել հայրենիքին

«Դատալեքս» տեղեկատվական համակարգն այս պահին չի գործում. Բարձրագույն դատական խորհուրդը պարզաբանում է տարածել

5 զավակ, 9 թոռ, 15 ծոռ. վանաձորցի Եվգին տատը ծննդյան 100-ամյակն է տոնել

Հայկ Չոբանյանը նշանակվել է «Առաջատար տեխնոլոգիաների ձեռնարկությունների միության» գործադիր տնօրեն

Անթալիայի դիվանագիտական ֆորումին Հայաստանի մասնակցության հավանականությունը մեծ է․ Փաշինյան