Հասցեն՝ հայրենի գյուղ, տպագրման վայրը՝ Երեւան. պարբերականը շփոթեցրել է ԿԳՄՍՆ հանձաժողովի անդամին

Կինոգետ, «Ոսկե Ծիրան» կինոփառատոնի ղեկավար Կարեն Ավետիսյանը, օրերս անդրադառնալով Արագածոտնի մարզի միակ գրկան մշակութային պարբերականին՝ «Ծիրանավոր», գրել էր, որ այն հրատարակվում է Ներքին Բազմաբերդ գյուղում, տպաքանակն էլ հավասար է տեղի բնակչության թվին:

«Գլուխներդ բարձին դնելուց առաջ իմացեք, որ ամբողջ Արագածոտնի մարզի միակ մշակութային թերթը հրատարակվում է Ներքին Բազմաբերդ գյուղում, որի բնակչությունը հավասար է թերթի տպաքանակին»,- ասված էր Ավետիսյանի ֆեյսբուքյան գրառման մեջ։

Կարեն Ավետիսյանն այն հանձնաժողովի կազմում է, որոնք ձեւավորում են 2021 թվականի «Ոչ պետական մամուլի հրատարակում» ծրագրով դրամաշնորհ ստացող անձանց ցանկը:

«Հայկական ժամանակ»-ը «Ծիրանավոր» պարբերականի գլխավոր խմբագիր Նորայր Գրիգորյանից հետաքրքրվեց, թե իսկապե՞ս թերթն ունի նույնքան տպաքանակ, որքան Ներքին Բազմաբերդի բնակչությունն է, իսկապե՞ս այն հենց խմբագրի հայրենի գյուղում է տպվում:

Նորայր Գրիգորյանը խիստ զարմացավ մեր հարցադրումներից, ապա զայրացավ, երբ պարզվեց, որ հրապարակում անող Կարեն Ավետիսյանն այն հանձնաժողովի կազմում է, որն ընտրելու է «Ոչ պետական մամուլի հրատարակում» ծրագրով դրամաշնորհ ստացողների ցանկը:

«Նա պարզապես անտեղյակ է, եթե նման բան է գրել: Պարբերականի ներքեւի մասում ուղղակի գրված է իմ բնակության հասցեն: Տեղ, ուր ես ծնվել եմ՝ Արագածոտնի մարզ, Թալինի շրջան, գյուղ Ներքին Բազմաբերդ, բայց թերթը տպվում է Երեւանում: Ցավոք սրտի, Ներքին Բազմաբերդում նույնիսկ պատճենման տեղ չկա, տպարան էլ չկա, հրատարակչություն էլ ո՜ւր մնաց…»,- նկատեց Գրիգորյանը:

Անդրադառնալով պարբերականի տպաքանակին՝ նկատեց՝ այն ունի 1500 տպաքանակ: Մինչդեռ Նոր Բազմաբերդի բնակչության թիվը մոտավորապես 3000-ի է հասնում, իսկ, օրինակ, իր հայրենի գյուղում՝ Ներքին Բազմաբերդում, թերթից ստանում են մոտավորապես 10 օրինակ:

«Ծիրանավոր»-ը միակ գրական մշակութային պարբերականն է, որը տարածվում է Արագածոտնի մարզում, սակայն խմբագիրը հայտնեց, որ թերթի ֆինանսավորումը 2018 թվականից ԿԳՄՍ նախարարության հանձնաժողովն առանց որեւէ պատճառի միշտ մերժում է: Գրիգոյանը վերջին անգամ 1 միլիոն դրամի համար էր դիմել, մերժել էին: Այս անգամ 1 միլիոն 200 հազարի համար է դիմել:

Նա նշեց, որ նախորդ տարիներին դրամաշնորհային ծրագրերն ավելի շատ էին, հիմնականում բոլորը ստանում էին առավելագույնը՝ 500 հազար դրամական: Այժմ այդ թիվը մեծացել է, առավելագույնը 1 միլիոն 200 հազարն է, որի համար ինքը դիմել է: «Մինչեւ 2018 թվականը բոլոր մարզային թերթերի համար կային տարբեր դրամաշնորհի ծրագրեր, իսկ 2018 թվականից ակնհայտորեն կրճատվել են դրանք: Այս պահին ԿԳՄՍՆ դրամաշնորհային ծրագերերից են օգտվում միայն գրական մշակութային պարբերակններն ու ազգային փոքրամասնություններին վերաբերող թերթերը»- ասաց Գրիգորյանը:

Նորայր Գրիգոյանը, անդրադառնալով ԿԳՄՍՆ մեկ այլ հանձնաժողովի աշխատանքային գործունեությանը, ասաց, որ վերջին երկու տարում այնպիսի զավեշտալի դեպքերի է ականատես եղել ու ապշել, որ այս անգամ, այն էլ այս զավեշտալի պատմությունից հետո, դժվար թե իր դիմումը հաստատեն: 

«2018-ին «Արվեստը դպրոցում» ծրագրին էի մասնակցում, առաջին փուլն անցա, երկրորդը հարցարզույց էր: Մտա հանձնաժողովի մոտ, տեսնեմ՝ մեկը քնած, մեկը՝ ուշքն ու միտքը եսիմ որտեղ, կես ժամ անկախության տարիների գրականության մասին խոսեցի, իրենք էլ ապշած «լսեցին», դուրս եկա: Հաջորդ օրը, երբ նախարարության կայքէջում այդ փուլը հաղթահարածների ցանկը տեղադրեցին, ապշել էի: Ցանկում տեսա մարդ, որն անգամ հայտ չէր ներկայացրել, ավելին՝ այդ մարդը երկրում չէր: Հոդված գրեցի տեսածիս մասին, հաջորդ օրը ցուցակն անհետացավ, մի քանի օրից այլ ցուցակ դրեցին, այդ մարդուն հանել էին, ինձ՝ նույնպես: Այնտեղ մարդիկ էին, որոնք իրենց համար բարեհաճ էին»,- պատմեց նա:

Խոսելով այդ թերացումների մասին՝ Գրիգորյանը միաժամանակ նկատեց՝ նախկինում հանձնաժողովը փակ էր, ոչ ոք չգիտեր, թե ովքեր են իրենց գործերն ընտրում, քանի հոգի են եւ այլն: Այժմ ձգտում են թափանցիկ աշխատել, սակայն շատ կարեւոր է, որ այդ թափանցիկությունը լինի նաեւ օբյեկտիվ, նաեւ կարեւոր է՝ հանձնաժողովի անդամը մանրմասն ուսումնասիրի ու տիրապետի տվյալ նյութին, ապա որոշում կայացնի:

«Դրամաշնորհ ստացող թերթերի եւ կայքերի ցանկն այս երկու տարում գրեթե անփոփոխ է, ո՛չ նորերն են ավելանում, ո՛չ հներն են մերժվում։ Կան կայքեր, որոնք շուրջ հինգ միլիոն դրամ են ստանում, բայց արածը մեկի ֆբ էջից որեւէ բան թռցնելն ու տեղադրելն է: Այս տարի դրամաշնորհային ընդհանուր գումարը կրճատել են, եւ արտոնյալները խառնվել են իրար, որ հանկարծ իրենց փողը չկրճատեն»,- ասաց նա։

Նկատենք՝ 2021 թվականի «Ոչ պետական մամուլի հրատարակում» ծրագրով դրամաշնորհ ստացող անձանց ցանկը ձեւավորող խորհրդի նախագահն է ՀՀ կրթության, գիտության, մշակույթի եւ սպորտի նախարարի տեղակալ Նարինե Թուխիկյանը:

Կազմում են՝

  • Նունե Սարգսյան՝ «Մեդիա նախաձեռնությունների կենտրոն»-ի տնօրեն, փորձագետ մամուլի հարցերով
  • Գայանե Դանիելյան՝ լրագրող
  • Նունե Հախվերդյան՝ կինոքննադատ, լրագրող
  • Կարեն Ավետիսյան՝ կինոքննադատ, լրագրող
  • Վիգեն Գալստյան՝ արվեստաբան, լուսանկարչության տեսաբան
  • Տիգրան Պասկեւիչյան՝ բանաստեղծ
  • Մարատ Յավրումյան՝ «Յավրուհրատ» էլեկտրոնային գրադարանի հիմնադիր
  • Անետա Երզնկյան՝ կինոքննադատ
  • Աշոտ Ալեքսանյան՝ գրականագետ, թարգմանիչ
  • Արմեն Սարգսյան՝ ՀՀ կրթության, գիտության, մշակույթի եւ սպորտի նախարարության մշակութային ժառանգության և ժողովրդական արհեստների վարչության մշակութային ժառանգության պահպանության և հանրահռչակման բաժնի գլխավոր մասնագետի պաշտոնակատար
  • Տաթևիկ Սուքիասյան՝ ՀՀ կրթության, գիտության, մշակույթի և սպորտի նախարարության մշակութային ժառանգության և ժողովրդական արհեստների վարչության մշակութային ժառանգության պահպանության և հանրահռչակման բաժնի գլխավոր մասնագետի պաշտոնակատար
  • Լալա Բադոյան՝ ՀՀ կրթության, գիտության, մշակույթի եւ սպորտի նախարարության հասարակայնության հետ կապերի վարչության գլխավոր մասնագետ (խորհրդի քարտուղար):
Տպել
573 դիտում

ԱԱԾ-ն ոչ թե Վ. Մանուկյանով, այլ պարտության քարոզ տանող ամբողջ ցանցով պետք է զբաղվի. սա հեղաշրջման կոչ է. Տեր-Աբրահամյան

Էրդողանը զանգահարել է Պուտինին. քննարկել են նաեւ Լեռնային Ղարաբաղում տիրող իրավիճակը

Ղարաբաղում կռվող վարձկանները հիմնականում ռազմական էլիտար ստորաբաժանումների նախկին անդամներ են

Պատերազմի բնույթը փոխվել է, մեր զինված ուժերը վարում են բարդ մարտեր լեռներում, անտառներում, կիրճերում. ՊՆ ներկայացուցիչ

Բաքվի «Նիզամի» կինոկենտրոնը հրաժարվել է ցուցադրել Մել Գիբսոնի ֆիլմերը հայերին աջակցություն հայտնելու պատճառով

Միջազգային վերիֆիկացիոն մեխանիզմների ներդրումն այլընտրանք չունի. ԱԳՆ հայտարարությունը

Զոհրաբ Մնացականյանն ընդունել է Հայաստանում գտնվող Ֆրանսիայի Ազգային Ժողովի պատգամավորների գլխավորած պատվիրակությանը

ԱԺ-ն վավերացրեց «Վարձկանների հավաքագրման, օգտագործման, ֆինանսավորման և ուսուցման դեմ» միջազգային կոնվենցիան

Դու հաղթող ես, հայ ժողովուրդ: Գնա եւ վերցրու քո հաղթանակը, կանգնիր եւ կերտիր քո հաղթանակը. վարչապետի ուղերձը ժողովրդին

Ադրբեջանի հրթիռակոծության հետևանքով ընդհանուր սպանվել է 39 խաղաղ բնակիչ՝ 1 մանկահասակ աղջիկ, 7 կին և 31 տղամարդ. ԱՀ ՄԻՊ

Վիվա-ՄՏՍ-ի աշխատակիցները սկսում են ամենամսյա աջակցության ծրագիր

Ռազմական դրության ընթացքում որոշակի արարքներ կատարելու համար կսահմանվեն ավելի խիստ պատժաչափեր․ ԱԺ-ն ընդունեց նախագիծը

Ովքեր պատրաստ են հենց վաղը միանալ մեզ, խնդրում եմ զանգահարել. Աննա Հակոբյանը՝ իրենց ջոկատին միանալ ցանկացողներին

Վարչապետ Նիկոլ Փաշինյանը ժամը 21:00-ին ուղերձով դիմելու է ժողովրդին

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

Վարչապետն ու կաթողիկոսը քննարկել են ադրբեջանաթուրքական ագրեսիայի հետևանքով ԼՂ-ում ստեղծված իրավիճակը

Ընդամենը 0,5% միջնորդավճար Ռուսաստանից Հայաստան փոխանցումների համար․ IDBank-ը ներկայացնում է նոր՝ IDpay հավելվածը

Աշխարհազորը կգործի ՏԻՄ ղեկավարների տեղակալների հրամանատարությամբ. ԱԺ-ն առաջին ընթերցմամբ ընդունեց նախագիծը

Ննգի գյուղում «Սմերչ» հրթիռակոծությունից երեք կին վիրավորում է ստացել. Արցախի ԱԻՊԾ

20 օր սահմանին․ պատմում է առաջնագծից վերադարձած 20-ամյա աղջիկը