Մուտքը դիմակով ու սոցիալական հեռավորություն պահելու պահանջով. բուհերում դիմավորեցին առաջին կուրսեցիներին

Տեւական դադարից հետո այսօր առավոտվանից կրկին մարդաշատ են բուհերը, որտեղ մուտքը դիմակներով է ու սոցիալական հեռավորություն պահելու պահանջով: Այս տարի գիտելիքի տոնին կրթական հաստատություններ մուտք գործեցին միայն բուհերի առաջին կուրսեցիները: Մնացածները նրանց կմիանան սեպտեմբերի 15-ից:

Երեւանի պետական համալսարանում միջավայրին անծանոթ նորեկներին բացի իրենց լսարանները ցույց տալուց, դասացուցակը ներկայացնելուց, ծանոթացնում էին նաեւ նոր կանոններին, որոնք համաճարակն է թելադրել, իսկ մինչեւ լսարաններ հասնելը՝ շենքի մուտքի առաջ, անվտանգության աշխատակիցներն էին ջերմաչափում: Նրանցից մեկի խոսքով՝ առավոտվանից մինչեւ ժամը 12:00-ն ընդամենը մեկ հոգու մոտ է բարձր ջերմություն եղել: Սպասել են, նորից ջերմաչափել, արդեն ցածր է եղել:

Արդեն համալսարանական Անի Միկոյանն ուրախ է, որ դասերը նաեւ առկա ձեւով են լինելու, միեւնույն ժամանակ ոգեւորված է, որ համալսարան է գալու: Կարծում է՝ հեռավարը խանգարում է ուսանողներին:

Մի փոքր հեռու՝ Նանե Թադեւոսյանն էլ շտապում էր առաջին դասին, նա նույնպես դրական էր տրամադրված. «Կարծում եմ՝ ամեն ինչ լավ է լինելու, իհարկե, ավելի կողմ եմ առկային, բայց իրավիճակից ելնելով՝ երկու ձեւին էլ պետք է հարմարվենք ու սովորենք»:

Հիշեցնենք, որ բուհերում դասերը լինելու են հիբրիդային եղանակով՝ առկա եւ հեռավար:

Քիմիայի ֆակուլտետի միջանցքում հավաքված ուսանողները նշեցին, որ հեռավարը դժվար կլինի, քանի որ առաջին կուրս են, բայց հասկանում են, որ իրենց անվտանգության համար է իրականացվելու նաեւ հեռավար տարբերակը, իսկ դիմակին կսովորեն:

Արեւելագիտության ֆակուլտետում ներկա գտնվեցինք առաջին դասին, որի ժամանակ ուսանողները հիմնականում ծանոթանում էին միմյանց: Արեւելագիտության ֆակուլտետի դասախոս Տաթեւիկ Հակոբյանի կարծիքով՝ նոր կանոններով դասապրոցեսն իրականացնելը դժվար չի լինելու, մեզ հետ զրույցում նա հույս հայտնեց, որ կկարողանան նոր պայմաններով աշխատել:

«Ուսանողների համար կարծում եմ՝ առկա ուսուցումը, դասախոսների հետ շփումը շատ ավելի արդյունավետ կլինեն»,- ասաց նա:

Մի դասասենյակ այն կողմ էլ արեւելագիտության ֆակուլտետի դեկան Ռուբեն Մելքոնյանի աշխատասենյակն է: Նա «կարելի՞ է ներս մտնել» հարցին պատասխանեց այսօր արդի նախադասությամբ. այո՛, եթե հեռավորությունը պահենք:

Մեզ հետ զրույցում նա նշեց, որ ամեն մասնաշենքում 150 ուսանողից ավելի չպետք է լինի, իրենց մասնաշենքում 4 ֆակուլտետ կա, այդ պատճառով ժամերն այնպես են բաշխել, որ յուրաքանչյուր ֆակուլտետ զբաղեցնի 2 օր: Ընտրել են այնպիսի լսարաններ, որ ապահովվի սոցիալական հեռավորությունը: Այստեղ առկա ձեւով կանցկացվեն այն առարկաների դասերը, որոնք հեռավար շատ դժվար կլինի իրականացնել, օրինակ՝ պարսկերենի ու արաբերենի դասերը: Մինչեւ սեպտեմբերի 15-ը այսպես կաշխատեն, այնուհետեւ՝ ըստ պարետատան ցուցումների, համավարակի ժամանակ կհասկանան՝ ինչպես կազմակերպել հետագա ընթացքը:

«Փորձում ենք ֆակուլտետային ինքնավարության շրջանում կարգավորել դասապրոցեսը, որ երբեմն առարկաները լինեն օնլայն, եթե պետք է, շաբաթը մեկ օր լինի հանդիպում: Ամեն առարկային առանձնահատուկ վերաբերմունք է ցուցաբերվում: 2 առաջնահերթություններ կան. ուսանողների եւ դասախոսների անվտանգությունը եւ ուսանողների նորմալ կրթության իրավունքը»,- նշեց Մելիքյանը՝ հավելելով, որ կանոնները պահպանվում են, ամեն հարկում կան ախտահանման միջոցներ (ալկոգել), ռեկտորատի կողմից ֆակուլտետին տրվել են դիմակներ, որոնք բաժանվել են աշխատակիցներին: Լրացուցիչ դիմակներ կան ամբիոններում եւ դեկանատում, որպեսզի բոլոր ցանկացող ուսանողները վերցնեն:

Հարեւան բուհում՝ Հայաստանի պետական տնտեսագիտական համալսարանում, վաղ առավոտյան՝ ժամը 8:30, արդեն սկսել էին ջերմաչափել ուսանողներին եւ ներս թողնել լսարաններ: Այստեղ դասընթացները 3 հերթով են իրականանալու: Բուհի առաջ գծանշումներն են, որ ուսանողները, հեռավորությունը պահելով, ներս մտնեն, իսկ արդեն բակում կարմիր ու սպիտակ փուչիկները՝ առաջին կուրսեցիներին դիմավորելու համար:

ՀՊՏՀ կառավարման ֆակուլտետի դեկանի տեղակալ Վարդան Վլասյանի կարծիքով՝ եթե առկան համեմատենք հիբրիդային ուսուցման հետ, բնականաբար, դժվարություններ կարող են առաջանալ, սակայն դրանք մարդու համար են, իրենք պատրաստ են հաղթահարել: Իրավիճակի թելադրանքով կհարմարվեն, վիրտուալն այսօր հնարավորություններ ընձեռում է դասերն իրականացնելու, սակայն ինքն ավելի կողմ է առկային:

Նշենք, որ միջանցքներում պատերին ամրացված էին ձեռքերն ախտահանելու միջոցներ, դրված էին փակվող աղբամաններ:

Մեզ հետ զրույցում բուհի կառավարման ֆակուլտետի դեկան Մանուկ Մովսիսյանն ընդգծեց, որ ՀՊՏՀ-ում լսարանային ֆոնդը բավարարում է իրենց առկա դասընթացներն իրականացնել: Ընթացքում դժվարություններ կլինեն, քանի որ ուսանողներին շարունակ պետք է հետեւեն, որ կանոնները պահպանեն, սակայն պատրաստ են: Փորձել են այնպես կազմել դասացուցակը, որ հարմար լինի ուսանողներին եւ դասախոսներին:

Մեզ հետ խոսելիս դեկանի ձեռքին ախտահանում իրականացնելու ծրագիրն էր՝ ժամերով ֆիքսված, թե երբ պետք է անեն: Նրա խոսքով՝ ամեն հերթափոխից հետո ախտահանելու են լսարանները:

Տպել
1148 դիտում

Տոկիո-2020. Ըմբիշ Արսեն Հարությունյանը պարտվեց առաջին գոտեմարտում (տեսանյութ)

Տոկիո-2020. Արթուր Ալեքսանյանի և Սիմոն Մարտիրոսյանի պարգևատրման արարողությունը (տեսանյութ)

Տոկիո-2020. Սիմոն Մարտիրոսյան. Հավանաբար էլ չի ստացվում քաշ գցել

Տոկիո-2020. Սիմոն Մարտիրոսյանը՝ օլիմպիական խաղերի փոխչեմպիոն (տեսանյութ)

Տոկիո-2020. Ծափահարություններ մրցավարներին. Արթուր Ալեքսանյանը՝ օլիմպիական խաղերի փոխչեմպիոն (տեսանյութ)

Տոկիո-2020. Հեռացատկորդ Լևոն Աղասյանն ավարտեց պայքարը (տեսանյութ)

Ճապոնական կարգապահությունն ու Օլիմպիական խաղերը. հայացք Տոկիոյից

Տոկիո-2020. Մրցավարներն ըմբիշ Կարեն Ասլանյանից խայտառակ կերպով խլեցին կիսաեզրափակչի ուղեգիրը (տեսանյութ)

Տոկիո-2020. Հովհաննես Բաչկովը վստահ հաղթանակ տարավ ու դուրս եկավ կիսաեզրափակիչ (տեսանյութ)

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում