Դպրոցում տվյալներ են պահանջել աշակերտների արյան խմբի եւ քրոնիկ հիվանդությունների մասին. ԿԳՄՍՆ-ից նման պահանջ չի եղել

Երեւանի Արտաշես Շահինյանի անվան Ֆիզիկամաթեմատիկական հատուկ դպրոցի սաների ծնողներից «Հայկական ժամանակ»-ն այսօր ահազանգ է ստացել, որ դպրոցի ադմինիստրացիան պահանջում է ներկայացնել երեխաների առողջական վիճակի մասին տվյալներ՝ արյան խումբը, քրոնիկ հիվանդությունների մասին տեղեկություններ եւ այլն։ «Չենք կարողանում ճշտել՝ ինչու են նման պահանջ ներկայացնում, կամ երեխայի արյան խումբն իրենց ինչին է պետք, ինչպես է օգտագործվելու այդ տվյալը»,- նշում էին ծնողները։

Կրթության, գիտության, մշակույթի եւ սպորտի նախարարության հասարակայնության հետ կապերի եւ տեղեկատվության վարչության պետի տեղակալ Օֆելյա Կամավոսյանը մեզ հաղորդեց, որ ծնողները կամավոր կարող են դիմել դպրոցին (բոլոր դպրոցներին), որ եթե երեխան ունի քրոնիկ հիվանդություններ կամ այլ պատճառներ առկա ուսուցումից խուսափելու համար, նա կարողանա ներառվել հեռավար ուսանողների թվում․ «Արյան խումբն ի՞նչ կապ ունի․ ամենայն հավանականությամբ emis համակարգում առկա «արյան խումբ» տողի հետ է կապված նման պահանջը, բայց դա պարտադիր լրացվող տող չէ։ Գուցե որեւէ ուսուցիչ կամ մի քանի ուսուցիչ են այդպես ներկայացրել, նման պահանջ նախարարության կողմից չկա, եւ դա նոր կորոնավիրուսային հիվանդության կանխարգելման միջոցառումների հետ որեւէ կապ ունենալ չի կարող»,- ասաց Օֆելյա Կամավոսյանը։

Նա նշեց, որ եղել է դեպք, երբ շաքարային դիաբետ ունեցող երեխայի ծնողը դիմել է նախարարություն՝ խնդրելով թույլատրել երեխային գնալ առկա դասերի, ոչ թե ուսանել հեռավար․ «Դե բացատրում ենք, որ կարող է իր կյանքի խնդիրը լինել, բայց․․․»։ Կամավոսյանն ընդգծեց, որ ելնելով բժշկական գաղտնիքի կարեւորությունից՝ ԿԳՄՍՆ-ն թույլատրել է ներկայացված տեղեկանքների մեջ ընդհանրապես չնշել հեռավար ուսուցման համար դիմելու պատճառը, միայն ներկայացնել տեղեկանք, որում նշված լինի, որ երեխային ցուցված է դասերին մասնակցել հեռավար։

Ո՞վ է որոշել, որ երեխաները պիտի տեղեկանքներ ներկայացնեն առողջական վիճակի, քրոնիկ հիվանդությունների մասին, նշեն արյան խումբը․ մեր այս հարցին ի պատասխան Արտաշես Շահինյանի անվան Ֆիզիկամաթեմատիկական հատուկ դպրոցի գործավար Ժենյա Նիկոյանն ասաց․ «Դպրոցների կառավարման տեղեկատվական համակարգում (emis) նշված է, որ երեխաների ու աշխատողների արյան խումբն էլ է պետք անցկացնել»։ «Այդ տողը պարտադիր չէ» դիտարկմանն ի պատասխան՝ նա ասաց․ «Մենք չենք պարտադրել, ասել ենք, ով գիտի իր արյան խումբը, թող գրի։ Այդ ամենն ուղղակի ներառվելու է տեղեկատվական համակարգում»։

Քրոնիկ հիվանդությունների մասին տեղեկանքի պահանջը, ըստ գործավարի, իրենց անհրաժեշտ է աշխատանքը կազմակերպելու համար․ «Դա պետք է, որ տեսնենք, թե ամսի 15-ից ո՛ր երեխաներն են գալու դասի, ովքեր են հեռավար սովորելու»։ Ճշտող հարցին՝ այդ տեղեկանքը պարտադի՞ր է՝ Ժենյա Նիկոյանը պատասխանեց․ «Ոչ, մենք չենք պարտադրում, դա ծնողների կամքով է»։

Հիշեցնենք, որ սեպտեմբերի 14-ից առաջին դասարանցիների համար, 15-ից՝ մյուս բոլոր աշակերտների համար Հայաստանի դպրոցներում մեկնարկում է ուսումնական տարին: Այն կազմակերպվում է հիբրիդային ուսուցմամբ․ առողջական խնդիրներ չունեցող երեխաները ոչ ավելի քան 20 հոգանոց դասարաններով ուսանելու են դպրոցում, խոցելի խմբերում գտնվողները կամ նրանք, ում ընտանիքում կան խոցելի խմբերում գտնվողներ՝ հեռավար։

Տպել
778 դիտում

Տիգրան Ավինյանի մամուլի քարտուղարն ազատվել է պաշտոնից

Արցախի վերահսկողությունից դուրս մնացած համայնքների բնակիչներին հյուրընկալելու համար փոխհատուցում կտրվի

Սյունիքի եւ Գեղարքունիքի մարզերում պատերազմի հետեւանքով անշարժ գույքին հասցված վնասները կփոխհատուցվեն

Պատերազմի ընթացքում զոհված քաղաքացիական անձանց ընտանիքներին եւ վիրավորներին փոխհատուցում կտրվի

Հաստատվել է կորոնավիրուսի 1277 նոր դեպք. գրանցվել է 26 մահ, եւս 11-ն էլ՝ այլ հիվանդության հետեւանքով

Մեկնարկել է ՀՀ Կառավարության հերթական նիստը․ օրակարգում ներառված է 66 հարց

Պաշտոնեական կեղծիքի գործով Ռուբեն Հայրապետյանի նկատմամբ քրհետապնդում չի իրականացվի․ գործն ուղարկվել է դատարան

Սահմանամերձ Այգեձոր գյուղում ժամանակակից բժշկական կենտրոն կկառուցվի. նախագիծը պատրաստ է

Արագածոտնի եւ Շիրակի մարզի մի շարք բնակավայրերում մառախուղ է

ՀՀ ԱԳ նախարար Արա Այվազյանը հեռախոսազրույց է ունեցել Իտալիայի ԱԳ և միջազգային համագործակցության նախարարի հետ

Գիշերը հրդեհ է բռնկվել պոլիէթիլենային տոպրակների հումքի մշակման արտադրամասում

Վթարի պատճառով 24 ժամ ջուր չի լինելու Աջափնյակում

Երևանի և 4 մարզի մի շարք հասցեներում էլեկտրաէներգայի պլանային անջատումներ կլինեն

Աննա Հակոբյանն ու Լենա Նազարյանն այցելել են զոհված կամավորական Վրեժ Պողոսյանի ընտանիքին (լուսանկարներ)

Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Ադրբեջանը խոշտանգում, տանջում, նվաստացնում է հայ ռազմագերիներին. Human Rights Watch-ի զեկույցը

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը