ՌԴ-ում շարունակվում են «Բանակ 2020» զորախաղերը. մասնակցում է նաև Հայաստանը

Ռուսաստանի Դաշնությունում շարունակվում է «Սպառազինության և ռազմական տեխնիկայի» միջազգային համաժողովը, որն անցկացվում է «Բանակ 2020» խորագիրը կրող բանակային խաղերի հետ միաժամանակ: Իր տեսակի մեջ խոշորագույն ընդգրկում ունեցող միջոցառումների ծրագրում 120 երկրների հետ մեկտեղ մասնակցում է նաև Հայաստանը:

Ֆորումի շրջանակներում տարբեր երկրներից ժամանած ռազմական պատվիրակությունների մասնակիցները հնարավորություն ունեն ցուցադրելու սեփական նվաճումները ռազմատեխնիկական տեխնիկայի և մարտական պատրաստվածության ոլորտում: Միջոցառումը նաև լավագույն հնարավորություն է գործընկերային նոր կապեր հաստատելու և եղածները թարմացնելու առումով:

Համաժողովի շրջանակներում ՀՀ պաշտպանության և Ռուսաստանի միավորված ավիաշինարարական ընկերությունների միջև ստորագրվել է ՍՈՒ-25-ի արդիականացման և վերանորոգման պայմանագիր: Պայմանագիրը հաստատում է ավիատեխնիկայի արդիականացման և ավելի վաղ թողարկված ինքնաթիռների ամբողջական կենսական ցիկլի պահպանման Միավորված ավիաշինարարական ընկերության իրավասությունը:

Համաժողովի բացման շրջանակներում տեղի է ունեցել նաև ՀՀ պաշտպանության նախարարի և ՌԴ պաշտպանության նախարար Սերգեյ Շոյգույի հանդիպումը, որի ընթացքում կողմերը քննարկել են տարածաշրջանային անվտանգությանն ու երկկողմ ռազմական համագործակցությանը վերաբերող հարցեր:

«Ռուսաստանը ռազմատեխնիկական գործընկերության ասպարեզում Հայաստանի համար առաջատար և որոշակի ուղղություններով միակ գործընկերն է: Մենք այս միջոցառմանը մեր մասնակցությանը մեծ նշանակություն ենք տալիս, քանի որ տարեց տարի նոր պայմանագրեր ենք ստորագրում Ռուսաստանի հետ և ունենք շատ լավ դինամիկա այդ առումով, դինամիկա, որը չի եղել տարիներ շարունակ: Հայաստանը ձեռք է բերում ժամանակակից և մոդերնիզացված զինամթերք, որը տրամադրում է Ռուսաստանի ռազմաարդյունաբերությունը: Մենք աշխատում ենք համապատասխանել, քանի որ, կարելի է ասել, մեր հակառակորդները նույնն են»,- իր խոսքում ընդգծել է համաժողովում Հայաստանի պատվիրակությունը գլխավորող ՀՀ պաշտպանության նախարար Դավիթ Տոնոյանը:

Այս տարվա «Բանակ 2020»-ի նորություններից մեկն էլ ՌԴ Աստրախան նահանգի «Ալուշուկ» ռազմական զորավարժարանում կազմակերպված ժամանակակից անօդաչու հրթիռային համակարգերի՝ Ս-400, Պանցիր-Ս, Տիիումֆ բացառիկ ցուցադրությունն էր: Զորավարժության ժամանակ ենթադրյալ հակառակորդի թիրախները ոչնչացնելու ռազմական օպերացիայի ժամանակ կիրառվեց Սիրիայում ձեռք բերված փորձը: Լրագրողների հետ զրույցում հակաօդային հրթիռային զորամիավորումների բանակի գեներալ Սերգեյ Բաբկովը հայտնեց, որ գործարկված հրթիռային ռմբարկուները այն սերիայից են, որոնք ի վիճակի են թիրախավորել և կանխարգելել հակառակորդի համապատասխան գործողությունները մինչ վերջիններիս կողմից դրանք գործի դնելը:

Զորավարժությունների շրջանակում ՌԴ մերձմոսկովյան «Ալաբինո» զորավարժարանում տեղի է ունեցել նաև «Կարգապահության պահման մրցույթը, որտեղ հրաձգության փուլում բարեհաջող ելույթ է ունեցել ՀՀ ռազմական ոստիկանության թիմը և փայլուն հանդես են եկել «Դաշտային խոհանոց» մրցույթի հայ մասնակիցները՝ արժանանալով բարձր գնահատականի:

Նաիրա Բաղդասարյան

Մոսկվա

Տպել
358 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ