Երևան
16 °C
Գրավոր աշխատանքները՝ թերթիկների վրա, բանավոր պատասխանները՝ առանց գրատախտակի մոտ հասնելու, բացառված դասամիջոցներ, դասեր՝ առանց դասարանից դասարան տեղափոխվելու, պարտադիր դիմակներով և ջերմաչափումներով: Նոր ուսումնական տարին դպրոցներում կմեկնարկի հիմնականում այսպես:
Այլ ցուցումներ ևս կան, որոնց մասին գյումրեցի մայրիկներն ակտիվ քննարկումներ են սկսել ֆեյսբուքյան հարթակում: Նրանց ձայնը, սակայն, դեռ դպրոցներ չի հասել: Տնօրեններից բացի, որևէ բողոք ու դժգոհություն չի լսել նաև Շիրակի մարզպետարանի կրթության վարչության պետ Հրայր Կարապետյանը:
Վերջինս ՀԺ-ի հետ զրույցում մանրամասնեց, թե ներկա պահին վարչությունն ու դպրոցներն ինչով են զբաղված, ինչ կարգավորումներ են արվում, և ինչպիսի լուծումներ են գտնվում յուրաքանչյուր կրթական հաստատության համար:
Մարզում 146 դպրոց է գործում, բոլորում էլ, անշուշտ, ըստ Կարապետյանի, խնդիրներ կլինեն, սակայն ԿԳՄՍՆ ուղեցույցով հիմնականում հնարավոր կլինի առաջնորդվել:
Ծնողները մեծ մասամբ դեմ են դասամիջոցներ չլինելուն, երեխաների դիմակ կրելու ու ջերմաչափման պահանջին: Հրայր Կարապետյանն ասաց՝ եթե կա օրենք, բոլորը պետք է ենթարկվեն:
Դիմակի կրումը խնդիր է նաև Ազատանի դպրոցի համար: Տնօրեն Համլետ Ոսկանյանը մեզ հետ զրույցում տեղեկացրեց՝ կան ծնողներ, որոնք դիմակի պարտադիր կրման պահանջի դեպքում տարրական օղակի երեխաներին դպրոց չեն ուղարկելու:
«Ծնողների և ուսուցիչների մոտ դժգոհություններ կան, մենք էլ չենք պատկերացնում, թե ինչ ձևով պետք է էդ օղակում դա կազմակերպել: Ընդ որում, ծնողներն էլ պնդում են, որ ԱՀԿ-ն հայտարարել է, թե մինչև 12 տարեկանների համար դիմակի կրումը պարտադիր չէ: Հետո կան առողջական խնդիրներ ունեցող երեխաներ, որոնց ծնողներն արդեն ասել են, որ եթե դպրոցը պարտադրեց դիմակ կրել, երեխային չեն ուղարկի դպրոց: Չենք հասկանում նաև մեկ շատ այլ կարևոր խնդիր: Օրինակ՝ մաթեմատիկայի ժամին երեխան առանց տետր բերելու (երեկ ուշ երեկոյան հայտնի դարձավ, որ խոսքը ոչ թե տետրերից ընդհանրապես հրաժարվելու մասին է, այլ գրավոր ստուգողական աշխատանքները պետք է գրվեն առանձին թղթերի վրա-խմբ.), առանց գրատախտակի վրա գրելու, ինչպես է այդ առարկան յուրացնելու, կամ ինչպես է ուսուցիչը դասն անցկացնելու: Քննարկում ենք ուսուցիչների հետ, չենք կարողանում գտնել լուծումը»,- մտահոգվեց Ազատանի դպրոցի տնօրենը:
Թիվը դեռ վերջնական չէ, սակայն գիտեն՝ այս տարի 80 առաջին դասարանցի են ընդունելու: Մոտ 750 աշակերտ կունենա Ազատանի դպրոցը: Եթե մոտավոր պատկերացնում են, թե նրանց ինչ խմբերի են բաժանելու և շաբաթվա որ օրերին են դասերը կազմակերպելու, նույնը չեն կարող ասել դպրոցում գործող նախակրթարանի մասին: Նախարարության ուղեցույցում նախակրթարանի հետ կապված լուծումներ չեն գտել:
Մտահոգության առարկա են համարում նաև տարրական օղակի երեխաների դպրոցի ճաշարանում չսնվելու, փոխարենը դասասենյակում առանց տեղից հեռանալու չոր սննդի ընդունման պահանջի կատարումը:
«Բուֆետի գործունեությունն արգելվում է, չոր սնունդ է թույլատրվում, դա էլ ոնց պետք է դասասենյակում բացեն, օգտագործեն: Մանավանդ որ չենք թողնում՝ դասամիջոց դուրս գան: Սրա հետ կապված էլ լուրջ դժգոհություն կա: 5-6 ժամ դաս ունեն, էդքան ժամ երեխային դիմակը երեսին՝ դասարանում ինչ ձևով ենք պահելու, չգիտենք: Հարցեր ունենք, քննարկում ենք, բայց չգիտենք՝ ում դիմենք»,- ասաց դպրոցի տնօրենը:
Ազատանում նաև մոտավոր հաշվարկ կա: Եթե միայն աշակերտներին ապահովեն դիմակով, ապա մեկ օրում 700-750 դիմակ են գնելու: Ըստ տնօրենի՝ եթե ամենաէժան, անգամ 65 դրամանոց դիմակը գնեն, ապա մինչև 48.000 դրամ պետք է նախատեսեն: Դրան էլ թե գումարեն մանկավարժների դիմակները, ապա դպրոցի մեկ օրվա ծախսը, ախտահանիչ նյութերն ու ալկոգելն էլ հետը, կհասնի մինչև 60.000 դրամի:
«Ասել են՝ սննդի խնայած գումարները պետք է թողնեն դպրոցի բյուջեին, դա կօգտագործենք: Էդ գումարը 1.5 մլն թող լինի, եթե նորմալ գանք դասի, չընդհատվեն դասերը, մեկ ամիս հազիվ հերիքի էդ գումարը: Մենք նաև ծնողներին ասելու ենք, որ սոցիալապես անապահով ընտանիքների երեխաների դիմակները դպրոցն է ապահովելու: Եթե երեխան եկավ առանց դիմակ կամ չունեցավ փոխելու համար նորը, կրկին տալու ենք, այսինքն՝ այս մասով հստակ թիվ ասել հնարավոր չէ, թե օրական ինչքան դիմակ կօգտագործվի: Պետք է դասերը սկսվեն, որ հստակ լինի»,- մանրամասնեց Համլետ Ոսկանյանը:
Ի տարբերություն Ազատանի դպրոցի տնօրենի՝ ֆինանսական որևէ խնդիր չի տեսնում Գյումրու ամենամեծ դպրոցներից մեկի՝ թիվ 7 դպրոցի տնօրեն Գագիկ Կարապետյանը: ՀԺ-ի հետ զրույցում ընդգծեց՝ այնպես չէ, որ խնդիրներ չունեն, սակայն ինքնաբավ են, կկարողանան իրենց հարցերը սեփական ուժերով կարգավորել:
Այս դպրոցը մշտապես ունեցել է առաջին և միջին հերթ: Նույն գրաֆիկով էլ շարունակելու են աշխատանքը դասարանների խմբերի բաժանման տարբերակի կիրառմամբ: Որպես դասասենյակներ կօգտագործեն նաև դպրոցի պահեստային սենյակները: Սեպտեմբերին նախատեսում են 1200 աշակերտ ունենալ:
Թե մեկ օրում ինչքան գումար կծախսի դպրոցը՝ դիմակի ձեռք բերման համար, դեռ հստակ չէ: «Ձեր լրատվամիջոցի լրջությունը հաշվի առնելով՝ էս պահին չեմ ուզում ուղղակի թվեր ասել, որովհետև յուրաքանչյուր պահի ճշգրտումներ ենք անում, թե քանի երեխա է հաճախելու կամ քանի մանկավարժ»,- ասաց Գագիկ Կարապետյանը:
Տնօրենը դեռ որևէ դժգոհություն չի ստացել ծնողներից սահմանված կանոնների պահպանման առումով: Նաև չկան մանկավարժներ, որոնք տեղեկացրած լինեն, թե առողջական խնդրի կամ որևէ ռիսկայնության հետ կապված չեն կարողանալու դպրոց հաճախել: Եթե լինեն էլ, կրկին խնդիր չէ: Կարապետյանն ասում է՝ ուղեցույցը բավական ճկուն է և բոլորի համար նպաստավոր պայմաններ է նախատեսում:
Այս պահին բացասական երանգներ չունի նաև մարզի կրթության վարչության պատասխանատուի ասելիքը: Դպրոցների հետ աշխատում են, որևէ մեկից ռեալ բողոք ու խնդիր չեն ստացել: Միաժամանակ Հրայր Կարապետյանն ընդգծում է՝ գիտեն, որ ընթացքում նաև չնախատեսված բարդություններ են լինելու, սակայն առաջին հորիզոնականում է մնալու Կառավարության կողմից առաջարկվելիք քայլերի իրականացմամբ դասապրոցեսի կազմակերպումը:
«Խնդիրն ավելի հեշտ է կարգավորել գյուղական համայնքներում, քանի որ քիչ թվով աշակերտներ ունեն, բայց գյուղական համայնքներում էլ շենքային պայմանների խնդիրներ կան, դասասենյակների մակերեսների հետ կապված»,- ասաց Կարապետյանը:
Թե քանի մանկավարժ կնախընտրի մնալ տանն ու իրեն ռիսկի չենթարկել, դեռ պարզ չէ: Թիվը հստակեցվում է: Կարապետյանը նաև լսել է, որ նման ցանկություն քչերն ունեն այս պահին: Չնայած դասերը սկսվելու են դպրոցներում, մարզպետարանի համապատասխան բաժինը շարունակում է համակարգչի կարիք ունեցող ընտանիքների մասին տեղեկատվության հավաքագրումը:
Նախորդ ուսումնական տարում, երբ որոշում կայացվեց անցնել հեռավար ուսուցման, Շիրակի մարզում շատ ընտանիքներ լուրջ խնդիրների առաջ կանգնեցին, հատկապես՝ բազմազավակները, որոնք ունեին մեկից ավելի դպրոցահասակ երեխա և ընդամենը մեկ համակարգիչ կամ մեկ հեռախոս:
2020-ի այդ ժամանակահատվածում Շիրակի մարզում 450 համակարգիչ ու տեխնիկական միջոց է բաժանվել նման ընտանիքներին: Հիմա, եթե կրկին լինի անցում հեռավար կրթությանը, ապա ևս 500-ից 600 համակարգիչ ապահովելու խնդիր կծագի:
Նախորդ տարվա բացերի շարքում է նաև մանկավարժների, ծնողների ու աշակերտների համակարգչային գիտելիքների պակասը, ինտերնետ կապի հասանելիությունն ու անմատչելիությունը:
«Խնդիր էր նաև ուսումնական ծրագրերի անհամապատասխանությունը հեռավար կրթական համակարգի հետ կապված, ուսուցիչների ծանրաբեռնվածության անհամաչափությունը: Եղան ուսուցիչներ, որոնք 8-10 ժամ դասապրոցեսի մեջ էին, որպեսզի լինեին հասանելի: Այս պահին ավելի պատրաստ էինք հեռավար կրթությանը, քան անցած ուսումնական տարում էինք, բայց հիմա էլ խնդիրներ կրկին կառաջանան՝ կապված դասացուցակների կազմման, դասապրոցեսի կազմակերպման առումով: Պետք է ամեն ինչ անել՝ դրանք հաղթահարելու համար»,- զրույցը եզրափակեց վարչության պետը:
Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել
Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)
102-րդ ռազմաբազայի ներկայությունը Հայաստանի ինքնիշխանության միակ իրական երաշխիքն է․ ՌԴ ԱԳՆ
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
© 2024 Հայկական ժամանակ