24 ժամով կասեցվեց Գյումրու միկրոյի շուկայի գործունեությունը (լուսանկարներ)

«Ասատրյանների ՍԱԽԱ-Լենա» ՓԲԸ-ն կամ գյումրեցիներին հայտնի միկրոյի շուկան այսօր վաղ լուսաբացին ՍԱՏՄ Շիրակի մարզային կենտրոնի պատասխանատուները կողպել, աշխատանքը կասեցրել, առևտրականներին իրենց գյուղմթերքով հետ են դարձրել:

Որոշումը պարետինն է, կասեցումն էլ՝ 24 ժամ: Սննդի անվտանգության տեսչական մարմնի Շիրակի մարզային կենտրոնի ղեկավար Արտուշ Հովհաննիսյանը լրագրողների հետ զրույցում ասաց՝ համաճարակային կանոնների խախտումներ էին արձանագրվել օրեր առաջ, արձանագրությունն ուղարկվել է պարետատուն, որոշումն էլ ստացվել է այսօր, եկել կասեցրել են աշխատանքը:

Սա արդյոք խնդրի լուծո՞ւմ է, և հնարավո՞ր է, որ բոլոր առևտրականներն ամռան տապին դիմակներ դնեն, անընդհատ ախտահանվեն կամ սոցիալական հեռավորություն պահեն և՛ քաղաքացիներից, և՛ մյուս վաճառականներից:

Հարցը հստակ պատասխան չունեցավ: Ըստ պատասխանատուների՝ որ հասցեի համար լինում է պարետի որոշումը, այդ հասցեում աշխատանքը կասեցվում է, բացատարական աշխատանք է տարվում:

Տարածքը, որի աշխատանքը կասեցվել է, հարակից է Լաչինի միջանցք կոչվող, նույն ծավալն ունեցող շուկային, որի աջ ու ձախ կողմերում միլիմետրերի հեռավորությամբ նաև շարքերով խանութներ ու կրպակներ են գործում, իսկ առևտրականներն այդ հատվածում երկու շարքով են առևտուր կազմակերպում:

Լաչինում մշտապես քայլելու, առաջ շարժվելու խնդիր կա, քանի որ հեշտ չէ արկղերի, մորթված կենդանիների գլուխների, ձկների ջրոտ և գարշահոտ արկղերի, տարբեր տաղավարների, գետնին փռված մթերքների ու ապրանքների վրայով քայլել, ցատկել ու դուրս գալ տարածքից:

Բայց պարզվում է՝ դա ոչ թե շուկա է, այլ վայր, որտեղ մարդիկ փողոցային առևտուր են կազմակերպում: 100-ից ավելի մարդու մասին է խոսքը: Եվ նրանց խնդիրը դուրս է ՍԱՏՄ ՇՄ կենտրոնի տիրույթից:

«Լաչինի հատվածում՝ Շահումյանն ու Պաբեդան, փողոցային առևտրով են զբաղվում և մեր ենթակայության տակ չեն, բոլորը ֆիզիկական անձինք են: Էնտեղ պետք է համայնքը և ոստիկանությունը զբաղվեն»,- ասաց կենտրոնի տնօրենը:

Մի քանի շաբաթ առաջ քաղաքապետարնի պատասխանատուն ոստիկանների ուղեկցությամբ եղել է տարածքում, բայց ոչ թե փողոցային առևտրի դադարեցման պահանջով, որը, ի դեպ, քաղաքապետարանին չի հաջողվում անել տարիներ շարունակ, այլ ընդամենը դիմակ բաժանելու, դիմակ դնելու հորդորով:

Պետք է, սակայն, ընդգծել, որ այդ հատվածոներում առևտրականները հիմնականում դիմակներ չեն դնում ո՛չ ոստիկանների ու պատասխանատուների ներկայությամբ, ո՛չ՝ առանց նրանց:

Տպել
1122 դիտում

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել