Գյումրիում 2 փողոցի հիմնանորոգման մեկնարկը տրվեց. հիմնարկեքին մասնակցեց նաև ՏԿԵ նախարար Սուրեն Պապիկյանը

Արտակարգ դրության ժամանակ արտակարգ ողջույն՝ բռունցքը՝ բռունցքին, ժպիտն էլ՝ դիմակով: Աշխատանքային այցով Գյումրիում էր ՀՀ տարածքային կառավարման եւ ենթակառուցվածքների (ՏԿԵ) նախարար Սուրեն Պապիկյանը: Լավ նպատակով: 2 փողոցի հիմնանորոգման հիմնարկեքն արեց Շիրակի մարզպետ Տիգրան Պետրոսյանի, Գյումրու քաղաքապետ Սամվել Բալասանյանի և այլոց մասնակցությամբ:

Մայակովսկիում փոսերն այնքան խորն են, շատ ու դարավոր, որ բնակիչներն անգամ նախարարին ու տեխնիկան սեփական աչքերով տեսնելու պարագայում չեն հավատում, թե մի օր, այն էլ՝ մոտ ապագայում ասֆալտապատ փողոցով են քայլելու: Օզանյան փողոցում ևս հիմնարկեքի արարողություն եղավ այսօր:

Ընդհանուր առմամբ 2020 թվականին Գյումրիում 15 փողոցի հիմնանորոգման աշխատանք է մեկնարկելու: Առաջին փուլն այսօր մեկնարկեց ՎԶԵԲ-ի վարկային ծրագրի ֆինանսական միջոցներով:

Սա նոր ծրագիր չէ, մեկնարկել է 2018 թվականից: 23.8 մլն եվրոյի ծրագիր է, որի իրականացմամբ այս տարի Գյումրին կունենա հիմնանորոգված ևս 22 փողոց և 1 հրապարակ:

Դրան զուգահեռ ներկա պահին, ըստ նախարար Սուրեն Պապիկյանի, աշխատանքներ են տարվում Զբոսաշրջության պետական կոմիտեի հետ, որ Համաշխարհային բանկի ֆինանսական միջոցներով հնարավոր դառնա Կումայրի պատմական միջուկում նոր աշխատանքների իրականացումը: Խոսքը Վարդանանց և Ջիվանու հրապարակների մասին է: Համաշխարհային բանկն աշխատանքների համար հատկացրել է 2.5 միլիարդ դրամ:

«Սա ընդգրկում է մոտ 4 կմ հատված: Նաև նամակ է ուղարկվել Համաշխարհային բանկին՝ ծրագրի շրջանակներում լուծելու Վարդանանց հրապարակի լուսավորության ու որոշ հատվածների նորոգման հարցը: Ասում եմ, որ ոչ մի մտավախություն չպետք է լինի, պատմական միջուկը վերակառուցվելու է այնպես, ինչպես եղել է: Ավելի ենք մեծացնելու և գեղեցկացնելու»,- լրագրողների հետ զրույցում վստահեցրեց քաղաքապետ Սամվել Բալասանյանը:

Այցի ընթացքում նախարարը խոսեց նաև այն փողոցների և կապալառու կազմակերպությունների մասին, որոնք նախորդ տարի ավարտել էին աշխատանքները, սակայն ընդունում-հանձնում չէր եղել վատ որակի և առկա բազմաթիվ թերությունների պատճառով:

Պապիկյանն ասաց՝ դեռ կան բազմաթիվ ընկերություններ, որոնց հետ խնդիրները հարթված չեն, բայց կան նաև կապալառուներ, որոնք շտկել են թերությունները: Հիմնականում սուբվենցիոն ծրագրրերով իրականացված շինաշխատանքեր են եղել դրանք: Խնդիրը, ըստ նախարարի, մի քանի մասնավոր լաբորատորիաների գործունեության հետ ուղիղ կապ ունի:

«Այսինքն՝ մասնավոր լաբորատորիան ստուգում  է ու պատվիրատուին ներկայացնում, որ ամեն ինչ կարգին է, նա էլ պետք է, ըստ էության, հաստատի, և վճարումն իրականացվի: Բայց մենք ունենք նաև պետական լաբորատորիա, որի ստուգումը ցույց է տալիս, որ այդ լաբորատորիայի տված արդյունքը իրականության հետ ոչ մի աղերս չունի: Բնականաբար, մենք կապալառու ընկերությանն առաջարկել ենք շտկել թերությունը: Նման քայլի գնացած կապալառուներ ունենք, և նոր եզրակացության հիման վրա կվճարվեն նրանց աշխատավարձերը, իսկ որոնք հրաժարվում են, գործերը կգնան դատախազություն, կլինի պայմանագրի խզում, իսկ պայմանագրի խզումը նշանակում է, որ այս կապալառու կազմակերպությունները կընկնեն սև ցուցակ»,- ասաց նախարարը:

Շիրակի մարզում այս տարի տարբեր շինարարական ծրագրերի մեջ միակ նորությունը Ալագյազ-Արթիկ ճանապարհահատվածի նորոգումն է լինելու: Դա երկու՝ Շիրակի և Արագածոտնի մարզերի հետաքրքրությունների շրջանակում է: «Մոտ 30 կմ երկարությամբ ճանապարհի մասին է խոսքը, որը մտածում ենք, որ հնարավոր է միջին նորոգմամբ բարեկարգել: Ներկա պահին այդ տարածքում ուսումնասիրություններ են ընթանում: Եթե եզրակացություն լինի, որ միջին նորոգմամբ կարող ենք աշխատաքներն անել, կսկսենք»,- տեղեկացրեց նախարարը:

Հիմա ընթացքի մեջ է Գյումրի-Սպիտակ ճանապարհի վերջնամասի շինարարությունը: Աշխատանքների ավարտից հետո Վանաձորն ու Գյումրին միմյանց կկապվեն բարեկարգ ճանապարհով:

Ընդանուր առմամբ, ըստ Սուրեն Պապիկյանի, ՀՀ ճանապարհային ֆոնդի 80 տոկոսն անբարեկարգ է: Աստիճանաբար են խնդիրները հարթվելու, բայց առաջին հերթին առաջին հորիզոնականում հրատապ լուծումներ պահանջող և կենսական նշանակության ճանապարհների հիմնանորոգումն է:

Տպել
982 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին