Գինը՝ մատչելի, որակը՝ չզիջող․ COVID-19-ի հայկական արտադրության 6000 թեստ պատրաստ է

COVID-19-ի հայկական արտադրության 6000 լաբորատոր թեստ այժմ պատրաստ, պահեստավորված է։ Գիտությունների ազգային ակադեմիայի Մոլեկուլային կենսաբանության ինստիտուտում սպասում են ՀՀ առողջապահության նախարարության պաշտոնական գրությանը, որից հետո դրանք կտրամադրվեն։

Ինստիտուտի տնօրեն Արսեն Առաքելյանն այսօր առցանց ասուլիսի ժամանակ հայտնեց, որ Հիվանդությունների վերահսկման եւ կանխարգելման ազգային կենտրոնը անցկացրել է թեստերի փորձաքննությունը, և եթե չի սխալվում, ԱՆ-ի գրությունն էլ երեկ առաքվել է։

Օրական կարող են արտադրել 2000 թեստ, սակայն ընթացքում փորձարկել են նաեւ արտադրական ծավալների ընդլայնումը։

«Եթե կարիք լինի, մենք կկարողանանք ավելի մեծ ծավալներով արտադրել»,- նշեց Առաքելյանը։

Հայկական արտադրության թեստերը որակի առումով չեն զիջում ներկրվածներին։

Մեր հարցին ի պատասխան՝ ինստիտուտի տնօրենը նշեց, որ պաշտոնական փորձարկումների արդյունքները կհրապարկվեն համապատասխան գրությունը ստանալուց հետո։ Իրենց նեղ լաբորատոր մի քանի փորձարկումների արդյունքներով ստացել են 98-100% համապատասխանություն ներկրվածներին։

Առաքելյանը նշեց, որ ՀՀ Կառավարությունից ստացել են 250․000 ԱՄՆ դոլարի նյութեր, որպեսզի մատակարարեն 100․000 թեստ։ Ինչ վերաբերում է հայտարարված 500․000 դոլարին, այս պահին օգտագործել են մի մասը, եթե կարիք լինի, նորից կկարողանան ապահովել թեստերով։

Այստեղ արտադրված թեստերի գինն էապես ցածր է այլ երկրների հետ համեմատած։ Մեկի արժեքը 2․5 ԱՄՆ դոլար է, մինչդեռ շուկայի հետազոտությունը ցույց է տվել, որ մեկ թեստի միջին արժեքը 10 դոլար է։

«Իհարկե, կարելի է հաշվի առնել, որ թեստերի մի մասը Հայաստանին նվիրել են, մի մասը՝ տվել ավելի մատչելի գնով, բայց ինձ չի թվում, թե 2․5 դոլարից ավելի մատչելի տարբերակներ կան, եթե դա նվեր չէ»,- ընդգծեց Առաքելյանը։

Արտադրության ընթացքում ինստիտուտը սերտորեն համագործակցել է արտասահմանյան գործընկերների հետ։ Առայժմ արտահանման հարց ընդհանրապես չի քննարկվում․ թեստերը, որ իրենք արտադրում են, պետք է անցնեն բավական երկար սերտիֆիկացիայի եւ գրանցման փուլ։ Հայաստանում այս պահին այդ օրենսդրությունը չի գործում։

Հակամարմինների թեստեր ստեղծելու ներուժ նույնպես ունեն, սակայն, Առաքելյանի խոսքով, այս պահին ավելի վճռորոշ է ՊՇՌ (պոլիմերազային շղթայական ռեակցիա) թեստեր ունենալը։

Տպել
1881 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին